1 JOHAN 2:27 - Bawm Common Language Bible Version

²⁷ Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.

1 JOHAN 2:27 ပူးပေါင်းရင်းမြစ်များ

THUFING LASUIBU 28:5

Misual tla nih repnâk thu an theih lo, sikhawmsele LALPA sawnhtu tla nih chun fiang tak hen an theih.

LEVITICUS 7:35

Hi hi LALPA sinah eiphung ap mi lakah Aron leh a fapa tla chu bâwlpu ah birhtir an sinâk ni thawk hen an vo chu asi.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

JOHAN 14:16

Chun, Pa ka deih lai le, anih nih chun ṭangpitu dang a nan pêk na lai, zungzâl hen nan sinah um ding hen;

JOHAN 14:17

chu chu Thlarau, Pathian thutak phuangtu asi; laikulh nih anih chu an nei kho lo, amah an muh lo hen an theih lo ruangah; nannih nih anih chu nan theih, nan sinah a um kumza ruangah; chun nanmah lakah a um awt asi.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 6:45

Khuavâng tla lasuibu ah, “Pathian sîntir hen an um ver lai,” ti rîn asi. Mi kip Pa thu theih hen sîn mi vial chu ka sinah an hawng kal tâwn.

1 KORIN 2:12

Chun, a thawt hen Pathian nih thu hawng kan pêk mi tla chu kan theih khonâk ding hen, kannih lam nih chun laikulh thlarau si lo hen, Thlarau, Pathian sinah mi chu kan tawng dauh asi.

1 KORIN 2:13

Minung finghnâk thu leikâng ah sîntirnâk sim lo hen, Thlarau sîntirnâk thu a sim dauh hen, Thlarau lei thu tla chu thlarau lei mi tla sinah simhfiang hen, chubang thu hawng kan pêk mi tla khawm chu kan sim tâwn.

2 KORIN 1:21

Chun, Krist ah nanmah tla hen hawng kan birhtirtu lakah kannih a dangtê hen hawng kan ruitu chu Pathian asi.

EPHESI 4:21

A aw-hâu ngâi hen amah lakah sîntir hen um nan si rawh chun Jisu lakah thutak um mi hâwi hi;

KOLOSA 2:6

Churuangah, Krist Jisu, Lalpa chu nan lawmh hâwi khan, amah lakah ram thlâk leh dirh hen sangh dadauh a um hen, an sîntir na hâwi khan nan lungnâk ah chun bir tak a um hen, lâwmthusim nei tam hen amah lakah chun um u.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

1 THESALONIKA 4:9

Khawmsele, unau tla, dâwt leikâng thu chu rîn piak nan herh lo, a dâwt tawnh ding hen nanmah ngelchel Pathian sîntir hen nan um ruangah.

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

2 JOHAN 1:2

thudik theihtu zawzawng, thudik ruangah kan sinah an um mi leh zungzâl tiang hen kan sinah an um ding mi tla khawm nih a nan dâwt na asi.