1 JOHAN 2:25 - Bawm Common Language Bible Version

²⁵ Amah Jisu Krist nih pêk ding hen hawng kan tiamh mi chu zungzâl nungnâk asi.

1 JOHAN 2:25 ပူးပေါင်းရင်းမြစ်များ

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

LUK 18:30

tu dam kar lîlâ ah hin chu ngâk a tam dauh tawng lo ding âukhawm an um lo, tik hawng tlung ding mi lakah zungzâl nungnâk hen,” a ti.

JOHAN 10:28

an sinah zungzâl nungnâk ka pêk tâwn; an vei rîlmâl lai lo le; âukhawm nih ka thiltikhonâk ah mi an hawng ka suh lai loh.

JOHAN 12:50

A thupêk chu zungzâl nungnâk asi ti ka theih. Churuangah chun thu ka sim mi hi Pa nih hawng ka simh hâwi vima hen ka sim asi,” a ti.

JOHAN 3:15

Âukhawm amah lungtu nih chun amah ruangah zungzâl nungnâk an nei khonâk ding hen.

JOHAN 5:39

Pathian lasui thu nan rêl tâwn, a sung ah zungzâl nungnâk um hen nan ruat ruangah; chubang chu ka thâwngthâng theihtirtu asi.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:54

Âuzawng ka taksa ei hen, ka thisen dintu nih chun zungzâl nungnâk a nei rawh. Chun, ni dawnghnâk ah annih chu ka thawh na lai.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

GALATIA 6:8

Mah taksa leiah tuhtu nih chun taksa mi siatnâk a ât lai; Thlarau lei tuhtu lam nih chun Thlarau a mi zungzâl ah mi nungnâk a ât awt asi.

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

1 TIMOTHE 6:12

Lungnâk zuamnâk ṭha chu ti le, zungzâl nungnâk chu tleih rawh; chu chu ting ding hen kawh na si; theihtu tam tak tla mitmuh ah ṭanhnâk ṭha chu na ṭanh rawh kha.

1 TIMOTHE 6:19

Nungnâk, nungnâk tatak chu an kil khonâk ding hen tik hawng tlung ding mi rangah chun lungphûm ṭha tak an rangah khawng ding hen fawrh na.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

TITA 3:7

Chuvachun, a zângfahnâk ah mawhtir lo si hen, zungzâl hen nungnâk lungumnâk hâwi vima hen rotingtu ding ah siam hen kan um kho lai.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.