1 JOHAN 2:23 - Bawm Common Language Bible Version

²³ Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 2:23 ပူးပေါင်းရင်းမြစ်များ

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 10:30

Kei leh Pa chu pumkhat kan si,” ti hen a sâng.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

1 JOHAN 2:22

Jisu chu Mesia asi ti lunglotu nûnlêm chun mi âwkrâwl âu me um? Krist Mêlma chu Pa leh Fapa lung lotu hi asi.

1 JOHAN 4:15

Âuzawng, “Jisu chu Pathian Fapa asi” titu chu amah lakah Pathian a um kumza le, anih khawm chu Pathian lakah a um kumza asi.

1 JOHAN 4:2

Hi lakah hin Pathian Thlarau chu nan theih lai: âuzawng Jisu Krist chu taksa ah a hawng a chang asi titu chu Pathian lakah mi Thlarau neitu asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.