1 JOHAN 2:22 - Bawm Common Language Bible Version

²² Jisu chu Mesia asi ti lunglotu nûnlêm chun mi âwkrâwl âu me um? Krist Mêlma chu Pa leh Fapa lung lotu hi asi.

1 JOHAN 2:22 ပူးပေါင်းရင်းမြစ်များ

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 24:5

Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet awt ruangah.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

1 JOHAN 1:6

Mûi lakah um ko hen “Amah hen kanna kawmh” kan ti chun âwkrâwl kan sim asi, thutak khawm chu kan zâwt lo,

1 JOHAN 2:18

Ka fa le tla, tik dawnghnâk chu a nâi rawh, Krist Mêlma a hawng kal lai ti nan theih rawh hâwi khan, tu khawm ah Krist Mêlma tam tak an hawng suak rawh, churuangah chun tik madung chem asi rawh ti kan theih.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 4:3

Sikhawmsele, âuzawng Jisu taksa ah a hawng a chang ti êltu chu Pathian lakah mi Thlarau neitu asi lo, chu chu Krist mêlma thlarau a hawng kal ding nan theih mi asi, tu khawm ah laikulh ah a um chia rawh asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

2 JOHAN 1:7

Perpettu tam tak, Jisu Krist chu laikulh ah hin taksa hen a hawng kal ti lotu tla kha an hawng suak rawh dangâiah, chun, chu tla chu Krist Mêlma leh mi bumtu lian tak an si.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.