1 JOHAN 2:20 - Bawm Common Language Bible Version

²⁰ Sikhawmsele, nannih lam chu Krist nih Thlarau Thenhlimh an tawih na ruangah, nan ektê hen thudik nan theih asi.

1 JOHAN 2:20 ပူးပေါင်းရင်းမြစ်များ

SAM 16:10

Thihnâk thiltikhonâk ah mi na ka hum hen na dâwt mi chu laikulh thihnâk lakah na mâk awtlo ruangah.

SAM 23:5

Ka mêlma tla nih an ka muh khonâk ah puai na ka timhtuah piak le; khual zahkâi hâwi hen na ka lawmh, ka hâi khawm a tlâng rual hen na khattir.

SAM 45:7

Diknâk chu na duh le, sualnâk chu na hua. Churuangah asi, Pathian, na Pathian nih a nan thîm mi chu, Lal dang zawzawng ngâk hen lâwmnâk tam dauh an pêk.

SAM 71:22

Ṭingṭang hen ka nan sawr lai le, ka Pathian, na zumhkâinâk ka sawr lai. Nang Israel Mi Thenhlimh, ka ṭingṭang tum hen na sinah la ka sak lai.

SAM 92:10

Mâng ah mi fung chak tak hâwi hen na ka siam le, lâwptlonâk hen mal na ka sâwm.

THUFING LASUIBU 28:5

Misual tla nih repnâk thu an theih lo, sikhawmsele LALPA sawnhtu tla nih chun fiang tak hen an theih.

ISAI 43:3

Kei chu Israel Pathian thenhlimh, a nan humtu LALPA na Pathian kasi. Aigupta chu a nan suah ding hen ka nâutir lai; Sudan leh Seba khawm ka nâutir lai.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

LEVITICUS 7:35

Hi hi LALPA sinah eiphung ap mi lakah Aron leh a fapa tla chu bâwlpu ah birhtir an sinâk ni thawk hen an vo chu asi.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

MARK 1:24

“Nazaret Jisu, kannih leh nang zei me kanna tlâinâk um? Hawng kan veih ding hen na hawng mi masi? Nang ka nan theih, Pathian Mi Thenhlimh na si,” ti hen a âu sawm rawh.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

LUK 4:34

“A! Nazaret Jisu, kannih leh nang zeime kanna tlâinâk um? Hawng kan veih ding hen na hawng mi masi? Nang ka nan theih asi, Pathian Mi Thenhlimh na si,” ti hen a âu.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 3:14

Mi Thenhlimh leh Rep tak kha nan duh lo le, mi thahtu kha nan sinah pêk nan ngiar dauh.

1 KORIN 2:15

Thlarau lam nih chun thil zeizawng a theihfiang tâwn, amah chu âukhawm nih an theihfiang lo.

HEBRAI 1:9

Diknâk chu na duh le, diklonâk chu na hua. Churuangah Pathian, na Pathian nih chun, Na hâwi tla ngâk hen chawnglawmhnâk rokual dauh a nan pêk,” ti hen a sim.

HEBRAI 8:11

A mê chem thawk hen a lian chem tiang hen an hawng ka theih ver awt rawh ruangah; mah ram ah mi leh mah khua ah mi nih Lalpa chu theih u,” ti hen simh an herh lai lo rawh.

1 JOHAN 2:27

Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.

1 JOHAN 4:13

Amah chu kanmah lakah a um kumza mi leh kannih amah lakah kan um kumza ti, hi lak hin kan theih, a Thlarau hawng kan pêk mi lak hin.

JUD 1:5

Hi bang tla hi a ektê hen theih ver khawm ule, Lalpa nih chun Aigupta ram thawk hen Israel tla chu ruang a suah na le, chu nehnûn ah lunglotu tla chu a veihtir na zia an theihtir nawlh na ding ka duh.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.