1 JOHAN 2:19 - Bawm Common Language Bible Version

¹⁹ Annih chu kan lakah mi murui an si lo ruangah hawng kan kaltâk le, kanmah mi tak si na sele kan sinah an um vima ding asi, sikhawmsele, an ektê hen kanmah mi tak an si lo ti a lang fiang khonâk ding hen hawng kan suaktâk rawh asi.

1 JOHAN 2:19 ပူးပေါင်းရင်းမြစ်များ

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

SAM 37:28

Pathian nih a dik mi chu a lawmh ruangah, a mi zumhkâi tla chu a kaltâk lo. A hum kumza na le, khawmsele misual thlâk tla chu a nar phin lai.

SAM 41:9

Ka hâwikawmh chem, ka zumh chem mi, buh munkhat hawng ka eipitu chu ka leido a hawng si.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

LUK 8:13

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

THILTI 15:24

Kan murui lakah mi âu tla nih mawh an nawktir na hen, nan thinlung ah an lawksawng tir na ti kan theih, an sinah thu zeikhawm kan pêk na lo.

THILTI 20:30

Nan lakah mi ngelchel khawm ṭhiruai le tla nih nan sinah kawptir ding hen thu dang sim hen nan hawng um lai.

ROM 9:6

Sikhawmsele, Pathian thu chu zeikhawm lo hâwi a um asi lo le, Israel mi zawzawng tla khawm Pathian mi thîm an si ver lo.

1 KORIN 11:19

Nan lakah a tak tak tla chu an lang khonâk ding hen nan lakah lungnâk dang a um ding rerêng asi.

DEUTERONOMY 13:13

mi-do-tla-lo zeimaw mi nih a lânah nan sawnh dahlo mi pathian sawnh ding hen an khua lakah mi minung tla mahlo leikângah an kalpi na mi nan theih tâwn lai.

2 TIMOTHE 2:10

Churuangah, Jisu Krist lakah um mi ruangsuahnâk chu, zungzâl a rokualnâk hen an tawng kho bâk nâk ding hen, thîm tla ruang chun zeizawng ka tuar tâwn.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

2 TIMOTHE 3:9

Sikhawmsele, chubang nûnlêm chun an ti lai loh, an ât zia, mi zawzawng sinah a lang awt ruangah, Jani leh Jambre ât zia a lang hâwi khan.

HEBRAI 10:39

Sikhawmsele, kannih lam chu vei ding hen dunglei kîr mi kan silo le, lungnâk nei hen ruangsuak mi kan si dauh.

2 JOHAN 1:7

Perpettu tam tak, Jisu Krist chu laikulh ah hin taksa hen a hawng kal ti lotu tla kha an hawng suak rawh dangâiah, chun, chu tla chu Krist Mêlma leh mi bumtu lian tak an si.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

JUD 1:19

Chu tla chu, taksa mi, Thlarau ah um lo mi, murui dang siamtu tla an si.