1 JOHAN 2:16 - Bawm Common Language Bible Version

¹⁶ Laikulh ah thil a um mi zawzawng, taksa duhnâk tla, mit duhnâk tla, dam kar rokualnâk tla hi Pa thawk hen suak asi lo, laikulh thawk hen suak asi dauh.

1 JOHAN 2:16 ပူးပေါင်းရင်းမြစ်များ

GENESIS 3:6

Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

GENESIS 6:2

tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na.

JOB LASUIBU 31:1

Thinlung ah duhnâk nei hen nungâk zauh lo ding hen thutiamnâk bir tak ka siam.

SAM 73:6

Zûmnâk chu chikchîn hâwi hen anna awih, rawknâk chu nipuan hâwi hen anna aih;

SAM 78:18

Buh an duh mi hauh hen Pathian an nik.

SAM 78:30

An duh mi chu tâwk tilo hen an duh nget rih, an ei nget rih.

THUFING LASUIBU 27:20

Minung duhnâk chu thihnâk laikulh hâwi asi. Tamtak rangah duh tâwk a um lo.

THUFING LASUIBU 6:25

Anna dawhnâk nih na lung an thawktir lah seh; an mit meng dân nih rân an tângtir lah seh.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

NUMBER 11:34

Chu mun min ah chun “Kibrot-hatava’’ (chipchiartu tla thlân) ti hen an sak, sâ duh ruangah chipchiar mi tla an vûi na ruangah.

NUMBER 11:4

Israel tla lakah ramdang mi tla khawm an kal bâk. Meh ei ding an duh chiam le, Israel mi tla men an vûirâm rawh:

MATHAI 4:8

Chun, Diabol nih chun tlâng sâng tak ah a kalpi nawlh le, laikulh ram zawzawng leh an rokualnâk a zauhtir.

MATHAI 5:28

Kei lam nih chun, âuzawng nunau duhnâk nei hen zauhtu vial chu a thinlung ah ṭângdang a pawmtâk ving rawh ti ka nan simh na.

LUK 4:5

Chun, a kâipi le, zeikarlo ah laikulh ram zawzawng a zauhtir.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

1 KORIN 10:6

Chun, chubang chu kan rangah zauhtirnâk asi, thilsual an duh hâwi khan kan duh bâk lonâk ding hen.

GALATIA 5:17

“Taksa nih hin Thlarau lei donâk a duh tâwn, Thlarau khawm nih taksa lei donâk a duh tâwn; thilti nan tum mi tla chu nan ti kho lonâk ding hen chubang tla chu â kalh asi.

GALATIA 5:24

Chun, Krist Jisu mi le nih chun taksa chu a sual dawnnâk leh a duhnâk tla hen an khenhbêk rawh.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

TITA 2:12

Lungumnâk lawmhkâi kan Pathian rokual tak Ruangsuahtu Jisu Krist rokualnâk langhnâk chu ngâk hen, Pathian sunhsak lonâk leh laikulh duhnâk tla bângtâk hen, tuliau laikulh ah a sûm hen leh rep tak hen leh Pathian sunhsak hen kan um ding asi ti hawng kan sîntir.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 3:15

Chu hâwi mi finghnâk chu vân lei thawk hen a suak mi asi lo le, laikulh leh taksa leh khurî thawk hen mi asi dauh.

JEM 4:16

Sikhawmsele, tuah nanna zûm hen nanna khâwng, chubang khâwngnâk zawzawng chu sual asi.

JOSUA 7:21

“Thil kan tleih mi Babulon kawrfual dawh tak pakhat, tangkasa kilogram nih ding, ngûn a rih lei kilogramme khing ka muh. Thungâi ka duh le ka lâk. Ka puanin kiangah ka phûm le, a tanglei ah mi tangkasa hen nan tawng lai,” a ti.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

2 PETER 2:10

Chubang tla chu, an taksa duhnâk nâwmtâm lei zûltu tla leh Pathian thuneihnâk zauhnawmhtu tla an si. Hi sîntirtu telê tla hi an râlṭha hen anna zûm le, tlûnlei mi rokualnâk khawm zahnâk an nei lo le, an do lehlam asi.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.