1 JOHAN 2:15 - Bawm Common Language Bible Version

¹⁵ Laikulh hi zângfah lah ule, laikulh ah thil um tla khawm hi zângfah lah u. Âuzawng nih laikulh hi a zângfah chun, Pa a zângfahnâk amah lakah a um lo.

1 JOHAN 2:15 ပူးပေါင်းရင်းမြစ်များ

MATHAI 4:8

Chun, Diabol nih chun tlâng sâng tak ah a kalpi nawlh le, laikulh ram zawzawng leh an rokualnâk a zauhtir.

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

LUK 16:13

To-aw âukhawm nih hotu panih rian a kêp kho lo; pakhat hua hen pakhat a duh lai, asi lo leh pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai loh,” a ti.

JOHAN 15:19

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

GALATIA 1:10

Asi chun, tuhin minung ma kan lêm, Pathian? Asi lo leh, minung ma lawmhtir kan tum ne? Minung lawmhtir hen um sele Krist to-aw kasi lai loh.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

1 TIMOTHE 6:10

Tangka duhnâk hi sual kip bul asi le, chu chu mi zeimaw mi nih an ngarh le, lungnâk chu an kaltâk le, anmah leh anmah lawksawngnâk tam tak hen an thinlung an khuai.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 JOHAN 3:17

Âuzawng laikulh sum leh pâi nei hen, a unau samphâng hen muh sele, anih chu ṭangpi lah sele, Pathian zângfahnâk chu amah lakah zeitin a um lai?

1 JOHAN 4:5

Annih chu laikulh ah mi an si ruangah, laikulh mi hâwi hen an hawlh le, laikulh ah mi tla thu an ngâi tâwn asi.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.