1 JOHAN 2:13 - Bawm Common Language Bible Version

¹³ Pa le tla, amah chu a tîr thawk hen a um kumza ti nan theih ruangah nan sinah ka hawng rîn asi. Rualnâu tla, Misual chu nan neh rawh ruangah nan sinah ka hawng rîn asi.

1 JOHAN 2:13 ပူးပေါင်းရင်းမြစ်များ

SAM 148:12

nungâk leh tlangvâl tla, tar tla leh ngâksia tla khawm nih LALPA chu sawr u.

SAM 90:2

Laikulh leh tlâng tla na siam lân khawm ah nang chu zungzâl Pathian leh um kumza mi Pathian na si.

SAM 91:14

Pathian nih chun, “Hawng ka dâwttu chu ka hum lai le, LALPA kasi ti hawng ka theihtu tla chu ka vêng na lai.

THUFING LASUIBU 20:29

Seino liau chaknâk chu zumh a kâi le, kum upa mi sampâr khawm zah a kâi.

JOEL 2:28

“Chu nûn chun mikip sinah ka thlarau ka tawih na lai le, nan fapa leh nan fanu nih ka thuchah an phuang lai; nan tarpa tla nih mang an manh lai le, nan tlangvâl tla nih langhnâk an muh lai.

ZEKARIA 9:17

Chu ram chu â dawh hen a ṭha awt chiam e! Seino tla chu an fâng leh an uain tla chenh hen chak tak hen an ṭhang lai.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 13:19

Âuzawng nih Ram thu chu nâ nih a theih hen, a ngaihtawnh dân a theih lêm lo chun Setan chu a hawng kal le, a thinlung ah vawrh chia chu a suh ving tâwn. Chu minung chu lam vâu ah vawrh mi chu asi.

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MATHAI 5:37

Nan thusim chu asi mi chu si seh,’ ‘Silo mi chu silo ko seh,’ chu ngâk hen a lei mi chu Setan lakah suak asi.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 14:7

Kei hawng ka theih mi si ule, ka Pa khawm nan theih rawh ding mi; tu thawk hen amah nan theih le, amah nan muh rawh,” a ti.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

1 TIMOTHE 5:1

Upa tla chu fâi lah le, pa hâwi hen lêm dauh na, tlangvâl tla chu unau hâwi hen,

TITA 2:6

Chu hâwi ber hen, tlangvâl tla chu sûm kho mi siding hen fawrh rawh.

1 JOHAN 1:1

Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 2:12

Fa le tla, Krist min hen nan sual tla ngaihdam asi rawh ruangah nan sinah ka hawng rîn asi.

1 JOHAN 2:14

Fa tla, Pa chu nan theih ruangah nan sinah ka rîn asi. Pa tla, amah chu a tîr thawk hen a um kumza ti nan theih ruangah nan sinah ka hawng rîn asi. Tlangvâl tla, nan chak le, Pathian thu nanmah lakah a um kumza le, Misual chu nan neh rawh ruangah nan sinah ka hawng rîn asi.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.