1 JOHAN 2:1 - Bawm Common Language Bible Version

¹ Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 2:1 ပူးပေါင်းရင်းမြစ်များ

SAM 4:4

Ṭih ruangah thir hen sualnâk bângtâk, thûk tak hen hi hi dawn, na ihkhun ah dâisip hen na it liauah,

EZEKIEL 3:21

Mi ṭha chu sual lo ding hen na simh hen na thu a ngâi hen thilsual a ti lo chun, a nungnâk zuah hen a um lai le, nang nungnâk khawm zuah asi lai,” a ti.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 10:15

chun, dawrâ tla rangah chun ka nungnâk ka pêk.

JOHAN 13:33

Nau le tla, sâwtlotê nan sinah ka um rih. Nannih nih nan hawng ka hâwl lai; chun, Juda tla sinah, ‘Ka kalnâk ding ah nan hawng kal kho lai lo,’ ti hen ka sim hâwi khan tu ah chu hâwitê hen nan sinah, ka sim hi.

JOHAN 14:16

Chun, Pa ka deih lai le, anih nih chun ṭangpitu dang a nan pêk na lai, zungzâl hen nan sinah um ding hen;

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 21:5

Chun, Jisu nih an sinah, “Nau le tla, ngâ nan tawng ma?” a ti. Annih nih chun a sinah, “Kan tawng lo,” an ti le, an sâng.

JOHAN 5:14

A nehnûn ah chun Jisu nih anih chu Pathian Biakin ah a muh le, a sinah, “Ngâi rawh, na dam rawh hi, thil sual nawlh lah rawh, chu lo chun thil ṭhalo khun na tlûnah a hawng um sual lai,” a ti.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 8:11

Chun, anih nih chun, “Lalpa, âukhawm nih an hawng ka mawhtir lo,” a ti. Chun, Jisu nih a sinah, “Kei khawm nih ka nan mawhtir lo; kal le, tu thawk hen sual lah rawh,” a ti.]

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

ROM 5:10

Mêlma kan si liau men ah a Fapa thihnâk ruangah Pathian hen rem rawh mi kan si chun rem hen kan um rawh nûnah hin a nungnâk ruangah ruangsuah hen kan um ngelchel lai.

ROM 6:15

Zeitin asi lai ne? Dân lâirêl hen um kan si lo le, zângfahnâk lâirêl hen um kan si dauh ruangah kan sual ding ma si lai?

ROM 8:34

âunih annih rangah mawhtir kho na lai? Jisu Krist chu thihnâk thawk hen a thawk le, Pathian vawrhlei ah to hen, Pathian sinah hawng kan sim piaktu asi lo mazei?

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 4:19

Ka fa duhtak le tla! Krist chu nanmah lakah siam rangtling hen a um lânlo chun fa ring nganfâk hâwi hen kan lungkham nawlh na.

EPHESI 2:18

Krist zârah Thlarau munkhat ah Pa sinah, Juda leh Phundang nih lût khonâk kan nei vevê asi.

EPHESI 4:26

Thinrun khawm ule, sual lam chu sual lah u; nan thinthawknâk chu nî nih tlâkpi lah seh.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

1 TIMOTHE 3:14

Sâwtlotê ah na sinah hawng kal ding lungum hen hi bang thu hi na sinah ka rîn asi.

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JEM 3:9

chu hen chun kan Lalpa leh Pa chu kan sawr tâwn, chu ber hen chun Pathian hâwi hen siam mi minung tla chu hawlhsiat kan barh tâwn,

1 PETER 2:22

Anih nih chun thilsual rerêng a ti lo, a kâ thawk hen âwkrâwl thusim khawm âukhawm nih an theih dah loh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 3:18

Fa le tla, thu cho hen a zângfah lah ule, kâ cho hen khawm a zângfah lah u, thilti leh thungâi tak hen si dauh seh.

1 JOHAN 3:5

Amah chu sual tla veih ding hen a hawng lang rawh ti nan theih, amah lakah chun sual zeikhawm a um lo.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:17

Diklonâk zawzawng hi sual asi. Sikhawnsele, thihnâk khawp rê a tling lo mi sual khawm a um.

1 JOHAN 5:21

Ka fa le tla, pathian diklo tla lakah a dang hen a thlei u.

3 JOHAN 1:4

Ka fa tla thutak ah an um ti ka theih nûn lêm ah lawmhnâk fâk zeikhawm ka nei lo.