1 JOHAN 1:9 - Bawm Common Language Bible Version

⁹ Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

1 JOHAN 1:9 ပူးပေါင်းရင်းမြစ်များ

1 Lal 8:30

Kei leh na mi tla nih hi mun lei hawi hen thla kan cham chun hawng kan ngâi piak. Na umnâk vân in thawk hen hawng kan ngâi le, hawng kan ngaihdam.

1 Lal 8:47

na mi tla thlachamnâk ngâi piak na rawh. Sal ah kalpi hen an umnâk ram ah an sual tla an phuang hen an rim chun an thlachamnâk ngâi piak na rawh LALPA.

NEHEMIAH 1:6

LALPA, hawng ka zauh le, na to-aw Israel mi tla rangah a sûn a zân hen thla ka cham mi hi hawng ka ngâi piak. Kannih Israel mi tla nih kan sualnâk tla ka hawng phuang asi. Hawng ka thlâktu leh kei nih thilsual kan ti rawh asi.

SAM 19:12

Mah diklonâk tla chu âukhawm nih an muh kho lo. Aw Pathian, sual thup lakah mi chu ruang hawng ka suah!

SAM 32:5

Churawhchun, ka sual tla na sinah ka hawng phuang le; ka thilti diklo tla chu pheh lo thlo hen ka phuang. Na sinah thutluang vâwr ding hen ka tum, chun nangnih ka sual zawzawng na ka ngaihdam rawh.

EXODUS 34:7

San sâng tla tiang thutiam kil thlirtu leh sualnâk leh palhnâk ngaihdamtu kasi; sikhawmsele, an tu leh fa tla san thum leh san li thlâk tiang an nu leh an pa sualnâk ruangah ka rêp na ding mi chu an âwl rerêng lai loh,” a ti.

THUFING LASUIBU 28:13

Na damsung ah na sualnâk na pheh chun, dingchangnâk na tawng lai lo. Phuang le, mâk le, Pathian nih na lakah khua a ruat lai.

ISAI 45:21

Lâirêlnâkah hawng ule, nan thunawk hawng put u; a dotu ding mi tla chu thu a deih tawnh na seh. Tuan liau khawm ah thil a hawng tlung ding mi simkantu âu a um? Kei, LALPA a mi tla ruangsuahtu kasi lo ma? Pathian dang a um lo.

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 33:8

Ka lakah sualnâk an ti mi chu ka thiangtir na lai le, an sualnâk leh an helnâk chu ka ngaihdam na lai.

LUNGFÂKNÂK 3:23

Zînglei hâwi hen a thar le, nî suak ding mi theih chia hâwi asi.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

EZEKIEL 37:23

Milem fihnungkâi tla hen anna nawmh lai lo rawh le, sualnâk hen anna râwk lai lo rawh. An hawng ka phiarnâk leh an sualnâk zawzawng lakah mi ka lîttir na lai rawh. Ka thiangtir na lai le, ka mi tla an si lai le, kei, an Pathian kasi lai rawh.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 3:6

an sual tla thutluang vâwr hen Jordan Va ah chun amah sinah baptis an si rawh.

MARK 1:5

Chun, Judai ram mi zawzawng leh Jerusalem mi zawzawng tla an suak le, a sinah an kal le, an sual tla thutluang vâwr hen Jordan Va ah chun a sinah baptis an si rawh.

LUK 22:57

Peter lam nih chun, “Nunau, anih chu ka theih lo!” ti hen a pheh.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

THILTI 19:18

Chun lungtu tam tak an hawng kal le, an thilti tla chu thutluang an vâwr le, anna phuang rawh.

ROM 3:26

Tu liauah a rep zia a zauhtirnâk ding ah asi amah ngelchel chu mirep asi khonâk ding hen leh Jisu lungtu vial mawhtirlotu asi khonâk ding hen.

1 KORIN 1:9

Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

EPHESI 5:26

annih chu tî a ṭâwl hen, thu nih chun a thiangtir hen a thenhlimhtir kho na nâk ding hen;

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,

1 TIMOTHE 1:15

Krist Jisu misual tla ruangsuah ding hen laikulh ah hin a hawng kal ti hi zumh a kâi hen thungâi pawm a tlâk asi, an lakah misual chem kasi hi.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 10:23

A thutiam zawt ding hen Pathian kan lung ruangah kan lungum mi thu chu bir tak hen kan tleih lai.

HEBRAI 11:11

Lungnâk hen Sari khawm nih a tiamhtu chu zumhkâi hen a ruat ruangah a tar nûnah fa pâwi khonâk â ting.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!