1 JOHAN 1:6 - Bawm Common Language Bible Version

⁶ Mûi lakah um ko hen “Amah hen kanna kawmh” kan ti chun âwkrâwl kan sim asi, thutak khawm chu kan zâwt lo,

1 JOHAN 1:6 ပူးပေါင်းရင်းမြစ်များ

SAM 82:5

“Titi hen nan a! Titi nan mâwl! Nanna râwk dep rawh, laikulh lakah diknâk rêng a lang lo.

SAM 94:20

Lâirêlnâk diklo lakah na kawpkaih lo, dân diklo siamtu hen khawm.

THUFING LASUIBU 2:13

sual mûi ah um mi hen repnâk umdân kaltâktu tla,

MATHAI 7:22

Chu ni ah chun mi cherkhet nih, ‘Lalpa, Lalpa! Na min hen thu tla kan sim hen, na min hen khuri tla kan nar le, na min hen thilchê tam tak kan ti tâwn lo mazei?’ an ti teh lai.

JOHAN 11:10

Sikhawmsele, mi zân ah a kal chun â suih tâwn, amah lakah chêu a umlo ruangah,” a ti le, a sâng.

JOHAN 12:35

Chun, Jisu nih an sinah, “Chêu hi sâwtlotê nan lakah a um rih. Chêu nan nei kar hin kal u, mûi nih an tanh na lonâk ding hen; âuzawng mûi ah a kal mi nih chun, a kalnâk suankhân a theih lo.

JOHAN 12:46

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

1 TIMOTHE 4:2

Chubang mi âwkrâwl tla chu anmah sia leh ṭha theihnâk ngelchel hen thîr lîn hen belh mi hâwi an si le,

JEM 2:14

Ka unau tla, mi nih, “Lungnâk ka nei,” ti khawmsele, thilti a nei ṭung lo chun zei a ṭhavak lai? Chu hâwi lungnâk nih chun amah chu ruang a suah kho lai ma?

JEM 2:16

chun, nan lakah âunih mawh, an sinah, “Lungngam tak hen kal ule, lum tak hen leh khim tak hen um u,” ti ule, nungnâk rangah thil herh nan pêk ṭung lo chun zei me a ṭhavak lai?

JEM 2:18

Sikhawinsele, mi âunih mawh, “Nangnih lungnâk na nei le, kei nih thilti ka nei asi, na lungnâk chu na thilti tello hen, hawng ka zauhtir rawh, chun kei nih ka thilti hen ka lungnâk chu ka nan zauhtir lai.

1 JOHAN 1:10

“Thilsual kan ti lo” kan ti chun, Pathian chu âwkrâwl ah kan siam le, a thu khawm kanmah lakah a um lo asi.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?