1 JOHAN 1:2 - Bawm Common Language Bible Version

² Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 1:2 ပူးပေါင်းရင်းမြစ်များ

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 1:4

Amah lakah chun nungnâk a um; chu nungnâk chu minung tla chêunâk asi.

JOHAN 10:28

an sinah zungzâl nungnâk ka pêk tâwn; an vei rîlmâl lai lo le; âukhawm nih ka thiltikhonâk ah mi an hawng ka suh lai loh.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 15:27

Nannih khawm nih nan theihtir bâk lai, a tîr thawk hen ka sinah nan um ruangah.

JOHAN 16:28

Kei Pa sin thawk a hawng suak hen, laikulh ah hawng kal kasi; laikulh kaltâk hen, Pa sinah kal nawlh ding kasi,” a ti.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 19:35

(A muhtu nih chun a theihtir rawh, a theihtirnâk a dik asi; a sim dik ti a theih, nannih khawm nih nan lung khonâk ding hen.)

JOHAN 21:14

Chu chu Jisu mithi lakah mi a thawknawlh nûnah, a ṭhiruai tla sinah â langh veithumnâk asi.

JOHAN 3:13

Vân ah âukhawm an kâi dahlo, Minung Fapa vân thawk hen hawng ṭum mi cho lo hi chu.

JOHAN 7:29

Kei lam nih chun anih chu ka theih; a sin thawk hen hawng kasi, amah nih hawng ka fial asi,” a ti.

JOHAN 8:38

Kei nih ka Pa sinah thil ka muh mi chu ka sim tâwn; nannih khawm nih nan pa sinah thil nan theih mi chu nan ti tâwn,” a ti.

THILTI 10:41

Sikhawmsele mi zawzawng sinah asi lo, Pathian nih theihtu ah a ruatkan mi tla sinah cho asi; kanmah tla mithi lakah thawk hen a thawhnawlh nûnah a sinah ei leh bâr mi tla sinah hin.

THILTI 2:32

Jisu chu Pathian nih a thawh nawlh asi, chu chu a theihtu kan ektê hen kan si ver asi.

THILTI 3:15

Chun, Nungnâk Siamtu chu nan thah asi. Sikhawmsele, Pathian nih anih chu mithi lakah mi a thawh nawlh-- chu chu a theihtu tla kan si.

THILTI 5:32

Chubang thu chu a theihtu tla kan si. Thlarau Thenhlimh, Pathian nih a thu zûltu tla sinah a pêk mi kha a theihtu asi bâk,” an ti.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

GALATIA 4:4

sikhawmsele, a tik a hawng tling rawh chun, fa sinâk kan tawng khonâk ding hen Dân tangah um tla chu tlanh ding hen Pathian nih a Fapa, nunau ring mi, Dân tangah hawng suak hen a fial rawh.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

2 TIMOTHE 1:10

Sikhawmsele ruang hawng kan suahtu Jisu Krist a hawng kalnâk nih tu ah a langhtir rawh. Krist nih chun thihnâk thiltikhonâk chu veih hen, Thâwngthâng Ṭha hen nungnâk thi kho lo mi chu a langhtir rawh.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

1 PETER 5:1

Chun, nan lakah kawhmi upa tla chu, kei, kawhmi upa si bâk mi, Krist tuarnâk tla theihpitu, rokualnâk a hawng lang ding mi ting bâktu ding mi nih hin ka nan fawrh na.

1 JOHAN 1:1

Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.

1 JOHAN 3:5

Amah chu sual tla veih ding hen a hawng lang rawh ti nan theih, amah lakah chun sual zeikhawm a um lo.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

1 JOHAN 4:14

Chun, Pa nih a Fapa chu laikulh ruangsuahtu ding hen a hawng fial asi ti kan muh le, midang tla khawm kan theihtir na asi.

1 JOHAN 4:2

Hi lakah hin Pathian Thlarau chu nan theih lai: âuzawng Jisu Krist chu taksa ah a hawng a chang asi titu chu Pathian lakah mi Thlarau neitu asi.

1 JOHAN 5:11

Theihtirnâk chu hi hi asi, Pathian nih zungzâl nungnâk hawng kan pêk le, chu nungnâk chu a Fapa ah kan nei asi.

1 JOHAN 5:13

Zungzâl nungnâk nan nei ti nan theih khonâk ding hen, nannih Pathian Fapa min lungtu tla sinah hi bang thu hi ka rîn asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.