1 JOHAN 1:10 - Bawm Common Language Bible Version

¹⁰ “Thilsual kan ti lo” kan ti chun, Pathian chu âwkrâwl ah kan siam le, a thu khawm kanmah lakah a um lo asi.

1 JOHAN 1:10 ပူးပေါင်းရင်းမြစ်များ

JOB LASUIBU 15:14

Âu me a thenhlimh tak mi um? Pathian lakah mi dik âu an um kho mazei?

JOB LASUIBU 24:25

Chu hâwi asi mi lakah, silo ti khotu âu a um? Ka thu hi a diklo ti âunih sim kho?

SAM 130:3

Kan sualnâk tla na singsiah thlir chun, mawh hen kan um mi zeitin suak kho asi lai?

JEREMIA 2:35

‘Thilsual ka nei lo; ka lakah LALPA a thinthawk lai lo rawh,’ na ti. Sikhawmsele Kei, LALPA nih na sual mi na pheh ruangah ka nan rêp awt.

JOHAN 3:33

A thu theihtirnâk pawm mi nih ‘Pathian chu a dik asi,’ ti a singsiah.

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:14

Fa tla, Pa chu nan theih ruangah nan sinah ka rîn asi. Pa tla, amah chu a tîr thawk hen a um kumza ti nan theih ruangah nan sinah ka hawng rîn asi. Tlangvâl tla, nan chak le, Pathian thu nanmah lakah a um kumza le, Misual chu nan neh rawh ruangah nan sinah ka hawng rîn asi.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

2 JOHAN 1:2

thudik theihtu zawzawng, thudik ruangah kan sinah an um mi leh zungzâl tiang hen kan sinah an um ding mi tla khawm nih a nan dâwt na asi.