1 JOHAN 1:1 - Bawm Common Language Bible Version

¹ Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

1 JOHAN 1:1 ပူးပေါင်းရင်းမြစ်များ

ISAI 41:4

Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

LUK 1:2

a tîr thawk hen muhtu tla leh thu rianṭuantu tla nih kanmah hawng kan simh hâwi khan an rîn asi.

LUK 24:39

Ka kut leh ka kezaphah tla hi zauh u, keimah tak kha kasi hi! Hawng ka tham ule, zauh u; nan hawng ka muh hâwi hen thlarau nih taksa leh ruh a nei lo,” a ti.

JOHAN 19:35

(A muhtu nih chun a theihtir rawh, a theihtirnâk a dik asi; a sim dik ti a theih, nannih khawm nih nan lung khonâk ding hen.)

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

JOHAN 5:26

Pa nih amah lakah nungnâk a nei hâwi hen, Fapa khawm amah lakah nungnâk a neitir;

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

THILTI 1:3

Chu mifial tla sinah chun hamhnâk chu a tuar nûnah theihtirnâk tam tak leh nung hen â zauhtir le, ni sâwmli tiang an sinah â langh le, Pathian Ram thu a sim tâwn.

THILTI 4:20

Kannih lam chu thil kan muh mi leh kan theih mi tla hi simlo hen kan um kho lo,” an ti.

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

1 JOHAN 4:14

Chun, Pa nih a Fapa chu laikulh ruangsuahtu ding hen a hawng fial asi ti kan muh le, midang tla khawm kan theihtir na asi.

1 JOHAN 5:7

Theihpitu chu pathum an um,

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 19:13

Puan thisen hen â chulh mi â aih le, a min ah chun, “Pathian thu” an ti.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.