၂ တိ 4:7 - ခေတ်သစ်​မြန်မာ သမ္မာကျမ်း

⁷ တိုက်ပွဲကောင်း​ကို ကျွန်ုပ်​တိုက်ခဲ့ပြီ။ တာ​အဆုံး​တိုင်အောင် ပြေးခဲ့ပြီ။ ယုံကြည်ခြင်း​တရား​ကို စောင့်ထိန်းခဲ့ပြီ။

Common Language Bible

⁷ ငါ​သည်​ပြေး​ပွဲ​တွင်​အ​စွမ်း​ကုန်​ကြိုး​စား​ခဲ့​ပြီ။ တာ​အ​ဆုံး​တိုင်​အောင်​ပြေး​ခဲ့​ပြီ။ ယုံ​ကြည်​ခြင်း တ​ရား​ကို​စောင့်​ထိန်း​ခဲ့​ပြီ။-

Garrad Bible

⁷ ပြေး ပွဲ မြတ်၌ ငါ့ လုံ့ လ ထုတ် ပြီ။ တာ အ ဆုံး တိုင် ရောက် ပြီ။ ယုံ ကြည် ခြင်း တ ရား ကို စောင့် ထိန်း ခဲ့ ပြီ။

Judson Bible

⁷ ကောင်း​စွာ​သော တိုက်​လှန်​ခြင်း​ကို ငါ​ပြု​ပြီ။ ပြေး​ရ​သော​လမ်း​ကို အ​ဆုံး​တိုင်​အောင်​ပြေး​ပြီ။ ယုံ​ကြည် ခြင်း​တ​ရား​ကို စောင့်​ရှောက်​ပြီ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ငါ​သည် ကောင်း​သော​တိုက်ပွဲ​ကို တိုက်​ခဲ့​ပြီ။ ပြေး​ရ​မည့်​တာ​ကို အဆုံး​တိုင်အောင်​ပြေး​ခဲ့​ပြီ။ ယုံကြည်​ခြင်း​ကို စောင့်ထိန်း​ခဲ့​ပြီ။

၂ တိ 4:7 ပူးပေါင်းရင်းမြစ်များ

လုကာ 11:28

ယေရှု​ကလည်း “ဘုရားသခင်​၏​နှုတ်ကပတ်​တရားတော်​ကို ကြား​၍ လိုက်နာသောသူ​သည် ပို၍ မင်္ဂလာ​ရှိ၏” ဟု မိန့်တော်မူ၏။

လုကာ 8:15

ကောင်းသော​မြေ​၌ ကျသည့်​မျိုးစေ့​မှာ တရားစကား​ကို ကြား​သောအခါ စစ်မှန်​ကောင်းမွန်သော​စိတ်နှလုံး​နှင့် စွဲမြဲစွာ​ခံယူ​၍ တည်ကြည်​စွာ အသီး​သီးသော​သူ​ကို ဆိုလို၏။

ရှင်ယောဟန် 17:6

ဤ​လောက​ထဲမှ ရွေးကောက်​၍ အကျွန်ုပ်​ထံ ပေးအပ်တော်မူသော​သူတို့​အား ကိုယ်တော်​အကြောင်း​ကို အကျွန်ုပ်​ဖော်ပြခဲ့ပါပြီ။ ကိုယ်တော်​သည် ထို​သူတို့​ကို ပိုင်တော်မူ​၍ အကျွန်ုပ်​အား ပေးအပ်တော်မူပြီ။ သူတို့​သည်လည်း ကိုယ်တော်​၏ နှုတ်ကပတ်​တရားတော်​ကို လိုက်နာကြပါပြီ။

ရှင်ယောဟန် 4:34

ယေရှု​က “ငါ့​ကို စေလွှတ်တော်မူသော​ဘုရားသခင်​၏ အလိုတော်​ကို လိုက်နာ​၍ ထို​အရှင်​၏ အမှုတော်​ကို ပြီးဆုံးသည်​အထိ ဆောင်ရွက်ခြင်း​သည် ငါ့​စားစရာ​ဖြစ်၏။

တမန်တော်ဝတ္ထု 13:25

မိမိ​လုပ်ငန်း ပြီးမြောက်ချိန်​နီး​သောအခါ ယောဟန်​က ‘သင်တို့​သည် ငါ့​အား​မည်သူ​ဖြစ်သည်​ဟု ထင်မြင်ကြသနည်း။ ငါ​သည် ထို​အရှင်​မဟုတ်ပါ။ ထို​အရှင်​သည် ငါ့​နောက်​တွင် ကြွလာ​လိမ့်မည်။ ငါ​သည် ထို​အရှင်​၏​ခြေတော်​မှ ဖိနပ်ကြိုး​ကို ဖြေပေး​ရန်​ပင် မထိုက်တန်ပါ’ ဟု ဆိုလေ၏။

တမန်တော်ဝတ္ထု 20:24

သို့ရာတွင် ဘုရားသခင်​၏​ကျေးဇူးတော်​နှင့်​ဆိုင်သည့် သတင်းကောင်း​ကို သက်သေခံ​ရန်​အတွက် သခင်​ယေရှု​ထံမှ လက်ခံရရှိ​သည့် အလုပ်​တာဝန်​နှင့် အမှုတော်​ကို ပြီးစီးနိုင်မည်​ဆိုလျှင် ကျွန်ုပ်​သည် မိမိ​အသက်​ကိုပင် မနှမြောပါ။

ဂ​လာ​တိ 2:2

ဤသို့​သွားသည်​မှာ ဘုရားသခင်​၏ ဗျာဒိတ်တော်​အရ သွားခြင်း​ဖြစ်၏။ ထို​မြို့​၌ ရှိစဉ် ခေါင်းဆောင်​ဖြစ်သူများ​နှင့် သီးသန့်​တွေ့ဆုံ​စည်းဝေး​ကာ လူမျိုးခြားတို့​အား ဟောပြောခဲ့သော​သတင်းကောင်း​နှင့် ပတ်သက်၍ သူတို့​ထံ တင်ပြခဲ့၏။ ဤသို့ တင်ပြရခြင်း​မှာ ကျွန်ုပ်​ကြိုးစားအားထုတ်​ခဲ့ရသော​အရာ​နှင့် ကြိုးစားအားထုတ်​နေသော​အရာတို့​ကို အချည်းနှီး မဖြစ်စေလို​သောကြောင့် ဖြစ်၏။

၁ တိ 1:18

ကျွန်ုပ်​၏​သား တိမောသေ… ယခင်က သင့်​ကို ရည်စူး​၍ ပရောဖက်တို့​ဟောပြောခဲ့သော အရာများ​ကို အခြေခံ​၍ သင့်​ကို ကျွန်ုပ်​ညွှန်ကြားလိုက်၏။ ထို​ဟောပြောချက်များ​ကို လိုက်နာခြင်း​ဖြင့် တိုက်ပွဲ​ကို ကောင်းစွာ တိုက်ခိုက်​နိုင်ရန် ဖြစ်၏။

၁ တိ 6:12

ယုံကြည်ခြင်း​ဆိုင်ရာ တိုက်ပွဲကောင်း​ကို တိုက်​၍ ထာဝရ​အသက်​ကို အရ​ယူလော့။ ထာဝရ​အသက် ရ​ရန် ဘုရားသခင်​သည် သင့်​ကို ခေါ်တော်မူပြီး သင်​သည်လည်း ခရစ်တော်​ကို ယုံကြည်ကြောင်း သက်သေ​များစွာ​ရှေ့တွင် ကောင်းစွာ ဝန်ခံခဲ့၏။

၁ တိ 6:20

တိမောသေ… သင့်​ထံ အပ်နှင်းထားသည့်​အရာ​ကို စောင့်ရှောက်လော့။ ဘုရားတရား​မဲ့သည့် အကျိုး​မရှိသော​စကားများ​နှင့် အသိပညာ​ဟု လွဲမှား​စွာ ခေါ်ဝေါ်သည့် ဆန့်ကျင်ဘက်​အယူအဆများ​ကို ရှောင်ကြဉ်လော့။

၂ တိ 1:14

သင့်​ထံ၌ အပ်ထားသော​သတင်းကောင်း​တရား​ကို ကျွန်ုပ်တို့​ထဲ၌ ကိန်းဝပ်တော်မူသည့်​သန့်ရှင်းသော​ဝိညာဉ်တော်​အားဖြင့် ကာကွယ်​စောင့်ရှောက်လော့။

၂ တိ 3:10

သို့သော် သင်​သည် ကျွန်ုပ်​၏​သွန်သင်ခြင်း၊ ကျင့်ကြံ​နေထိုင်ခြင်း၊ ကြံစည်ခြင်း၊ ယုံကြည်ခြင်း၊ စိတ်ရှည်ခြင်း၊ ချစ်ခြင်း၊ သည်းခံခြင်း​တို့ကို သိ၏။

ဗျာ​ဒိတ် 3:10

သင်​သည် ငါ​သွန်သင်သည့်​အတိုင်း သည်းခံ​လျက်​နေခဲ့၏။ ထို့ကြောင့် ကမ္ဘာလောက​၌ နေထိုင်ကြသောသူတို့​ကို စစ်ဆေး​ရန်အတွက် ကမ္ဘာတစ်ဝန်းလုံး​အပေါ် ကျရောက်မည့်​စုံစမ်း​နှောင့်ယှက်ခြင်း​ကာလ​မှ သင်တို့​ကို ငါ​ကယ်တင်မည်။

ဗျာ​ဒိတ် 3:8

သင်​၏​လုပ်ဆောင်မှု​ကို ငါ​သိ၏။ သင်​သည် အားနည်း​သော်လည်း ငါ​၏​သွန်သင်ချက်​ကို လိုက်နာ​၍ ငါ​၏​တပည့်တော်​ဖြစ်ကြောင်း​ကို မငြင်းပယ်ခဲ့။ ထို့ကြောင့် သင့်​ရှေ့​မှာ တံခါး​ကို ငါ​ဖွင့်ထားပြီ။ ထို​တံခါး​ကို မည်သူ​မျှ​မပိတ်နိုင်။

ဗျာ​ဒိတ် 6:11

ထို့နောက် သူတို့​တစ်ဦးစီ​အား ဝတ်ရုံဖြူများ​ကို ပေးတော်မူ၏။ သူတို့​နည်းတူ အသတ်ခံရမည့် သူတို့​၏​အစေခံချင်း၊ သူတို့​၏​ညီအစ်ကို​မောင်နှမ​ချင်း အရေအတွက်​ပြည့်သည်​အထိ အနည်းငယ်​စောင့်ကြ​ရန် သူတို့​အား မိန့်တော်မူ၏။