၂ တိ 3:3 - ခေတ်သစ်​မြန်မာ သမ္မာကျမ်း

³ သနားကြင်နာ​စိတ်​မရှိသူ၊ မသင့်မြတ်လိုသူ၊ အတင်းအဖျင်း​ပြောသူ၊ စိတ်အလို​လိုက်သူ၊ ရက်စက်​ကြမ်းကြုတ်သူ၊ ကောင်းမှု​ကို မုန်းသူ၊

Common Language Bible

³ အ​ကြင်​နာ​ကင်း​မဲ့​သူ၊ ရက်​စက်​ကြမ်း​ကြုတ်​သူ၊ သူ​တစ်​ပါး​အ​သ​ရေ​ကို​ဖျက်​သူ၊ အ​ကြမ်း​ဖက် သူ၊ ကြမ်း​တမ်း​သူ၊ ကောင်း​မြတ်​သည့်​အ​ရာ​ကို မုန်း​သူ၊-

Garrad Bible

³ သင်္ဂ ဟ ကင်း သူ၊ ရန် ညိုး ဖွဲ့ သူ၊ ကုန်း ချော သူ၊ ကိုယ် ကို မ ချုပ် တည်း သူ၊ ကြမ်း ကြုတ် သူ၊ အ ကောင်း ကို မ နှစ် သက် သူ၊

Judson Bible

³ ပ​က​တိ ကြင်​နာ​စုံ​မက်​ခြင်း​နှင့် ကင်း​သော​သူ၊ ရန်​ငြိုး​ဖွဲ့​သော​သူ၊ ချော​စား​တတ်​သော​သူ၊ ကိုယ်​ဣ​န္ဒြေ​ကို မ​ချုပ်​တည်း​နိုင်​သော​သူ၊ ပြင်း​ထန်​သူ၊ သူ​တော်​ကောင်း​ကို မုန်း​သော​သူ၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

³ ကြင်နာစိတ်​ကင်းမဲ့​သော​သူ၊ ရန်ငြိုး​ဖွဲ့​သော​သူ၊ ကုန်းချော​တတ်​သော​သူ၊ မိမိ​စိတ်​ကို​မချုပ်တည်း​နိုင်​သော​သူ၊ ကြမ်းကြုတ်​သော​သူ၊ ကောင်း​သော​အမှု​ကို​မုန်း​သော​သူ၊

၂ တိ 3:3 ပူးပေါင်းရင်းမြစ်များ

မဿဲ 10:21

ညီအစ်ကို​ချင်း တစ်ဦး​ကို​တစ်ဦး သေ​စေရန် သစ္စာဖောက်​လိမ့်မည်။ ဖခင်​သည်လည်း မိမိ​သားသမီး​ကို သေ​စေရန် သစ္စာဖောက်​လိမ့်မည်။ သားသမီးတို့​သည်လည်း မိဘ​ကို ပုန်ကန်​၍ သေစေကြ​လိမ့်မည်။

မဿဲ 4:1

ထို့နောက် မာရ်နတ်​၏ ဖြားယောင်း​သွေးဆောင်ခြင်း​ကို ခံတော်မူ​စေရန် ဝိညာဉ်တော်​သည် ယေရှု​ကို တောကန္တာရ​သို့ ပို့ဆောင်တော်မူ၏။

လုကာ 10:16

ထို့နောက် တပည့်တော်တို့​အား “သင်တို့​၏​စကား​ကို နားထောင်သော​သူ​သည် ငါ့​စကား​ကို နားထောင်၏။ သင်တို့​ကို ငြင်းပယ်သော​သူ​သည် ငါ့​ကို ငြင်းပယ်၏။ ငါ့​ကို ငြင်းပယ်သော​သူ​သည် ငါ့​ကို​စေလွှတ်တော်မူသော​အရှင်​ကို ငြင်းပယ်ပြီ” ဟု မိန့်တော်မူ၏။

လုကာ 16:14

ငွေ​မက်သော ဖာရိရှဲတို့​သည် ထို​စကား​ကို ကြား​သောအခါ ယေရှု​ကို ပြက်ရယ်ပြုကြ၏။

ရှင်ယောဟန် 6:70

ထိုအခါ ယေရှု​က “သင်တို့ ဆယ့်နှစ်ဦး​ကို ငါ​ရွေးချယ်ခဲ့ပြီ။ သို့ရာတွင် သင်တို့​အနက် တစ်ဦး​သည် မာရ်နတ်​ဖြစ်၏” ဟု မိန့်တော်မူ၏။

ရော​မ 1:29

သူတို့​၏​ဘဝ​သည် ဆိုးယုတ်ခြင်း၊ ညစ်ညမ်းခြင်း၊ လောဘကြီးခြင်း၊ မုန်းတီးခြင်း၊ မနာလိုခြင်း၊ သတ်ဖြတ်ခြင်း၊ ခိုက်ရန်ဖြစ်ခြင်း၊ လှည့်ဖြားခြင်း၊ အငြိုးထားခြင်း​နှင့် အတင်းအဖျင်းပြောခြင်း စသည့် အပြစ်​အမျိုးမျိုးတို့​ဖြင့် ပြည့်​လျက်​ရှိ၏။

ရော​မ 1:31

သူတို့​သည် အသိတရား​မရှိကြ၊ ကတိ​မတည်ကြ၊ သနားကြင်နာ​စိတ် မရှိကြ၊ ကရုဏာ​စိတ်​လည်း​မရှိကြ။

၁ ကော 7:5

လင်မယား​ဝတ်​ကို မရှောင်ကြနှင့်။ သို့သော် ဆုတောင်းချိန်​တွင် အပြည့်အဝ​ဆုတောင်း​နိုင်ရန် နှစ်ဦး​သဘောတူညီချက်​ဖြင့် သတ်မှတ်ထားသော အချိန်​အတိုင်းအတာ​အတွင်း ရှောင်ကြဉ်နိုင်၏။ လင်မယား​ဝတ်​ကို ရှောင်​လျှင် စာတန်​သည် သင်တို့​၏ မထိန်းချုပ်နိုင်ခြင်း​အပေါ် အခွင့်ကောင်း​ယူ​၍ သင်တို့​ကို သွေးဆောင်မည်​ကို စိုးရ​သောကြောင့် အချိန်စေ့​လျှင် လင်မယား​ဝတ်​ကို ပြန်​၍ ပြုကြလော့။

၁ ကော 7:9

သို့သော် သူတို့​သည် မိမိ​ကိုယ်ကိုယ် မထိန်းချုပ်​နိုင်လျှင် အိမ်ထောင်ပြု​သင့်၏။ တဏှာမီး​တောက်လောင်နေခြင်း​ထက် အိမ်ထောင်ပြုလိုက်ခြင်း​က ပို၍ ကောင်း၏။

၁ သက် 4:8

ထို့ကြောင့် ဤ​ညွှန်ကြားချက်များ​ကို ငြင်းပယ်သော သူတို့​သည် လူ​ကို ငြင်းပယ်သည်​မဟုတ်ဘဲ သင်တို့​အတွက် သန့်ရှင်းသော​ဝိညာဉ်တော်​ကို ပေးတော်မူသော ဘုရားသခင်​ကို ငြင်းပယ်၏။

၁ တိ 3:11

ထိုနည်းတူ သူတို့​၏ ဇနီးတို့​သည်လည်း ကိုယ်ကျင့်တရား​ကောင်းသူများ​ဖြစ်ရမည်။ အတင်းအဖျင်း​မပြောသူ၊ ကိုယ်ကျင့်တရား​စောင့်ထိန်းသူ၊ အရာရာ​၌ ယုံကြည်​စိတ်ချရသူ ဖြစ်ရမည်။

တိ​တု 1:8

သူ​သည် ဧည့်ဝတ်ကျေသူ၊ ကောင်းမှု​ကို မြတ်နိုးသူ၊ မိမိကိုယ်ကိုယ် ချုပ်တည်းသူ၊ ဖြောင့်မတ်သူ၊ သန့်ရှင်းသူ၊ ဣန္ဒြေစောင့်သူ ဖြစ်ရမည်။

တိ​တု 2:3

ထိုနည်းတူ အသက်ကြီးသော​အမျိုးသမီးတို့​အား ဘုရားတရား​ကြည်ညို​၍ အတင်းအဖျင်း​မပြောသူ၊ သေရည်သေရက်​သောက်ကြူးသူ မဖြစ်ဘဲ ကောင်းသော​အရာများ​ကို သင်ပေးတတ်သူ ဖြစ်​ရန် အကြံပေးလော့။

ယာ​ကုပ် 2:6

သို့သော် သင်တို့​သည် ဆင်းရဲသောသူတို့​ကို ရှုတ်ချကြ၏။ သင်တို့​ကို ဖိနှိပ်​ချုပ်ချယ်​၍ တရားရုံး​သို့ ဆွဲခေါ်သွားသော​သူတို့​သည် ချမ်းသာသော​သူများ မဟုတ်လော။

၂ ပေ 2:14

သူတို့​၌ ဖောက်ပြန်​လိုစိတ်​နှင့် ပြည့်နှက်နေသော​မျက်စိ​ရှိ​၍ အပြစ်​မကျူးလွန်ဘဲ မနေနိုင်ကြ။ ယုံကြည်ခြင်း​၌ တည်ငြိမ်​ရင့်ကျက်မှု​မရှိသေးသော​သူတို့​ကို ဆွဲဆောင်​တတ်ကြ၏။ သူတို့​သည် လောဘ​လွန်ကြူး​ရာတွင် ကျင်လည်​၍ ဘုရားသခင်​၏​ကျိန်စာသင့်သူများ ဖြစ်ကြ၏။

၂ ပေ 2:19

သူတို့​သည် ထို​သူတို့​ကို လွတ်လပ်ခွင့်​ရမည်​ဟု ကတိပေး​သော်လည်း သူတို့​ကိုယ်တိုင် ပျက်စီးခြင်း​၏​ကျေးကျွန်များ ဖြစ်ကြ၏။ အကြောင်းမှာ လူ​သည် မိမိ​ကို အနိုင်ယူ​စိုးမိုးသော​အရာ​ဟူသမျှ​၏ ကျွန်​ဖြစ်ရ​သောကြောင့်​ဖြစ်၏။

၂ ပေ 3:3

ဦးစွာ သင်တို့​အား သတိပေး​လိုသည်​မှာ နောက်ဆုံးသော​နေ့ရက်များ​၌ မထီမဲ့မြင်​ပြုသူတို့​သည် ပေါ်ပေါက်လာ​၍ မိမိတို့​၏​တပ်မက်မှုများ​အတိုင်း ပြုမူကြ​လိမ့်မည်။

ယု​ဒ 1:16

ထို​သူတို့​သည် ညည်းညူတတ်သူ၊ အပြစ်တင်တတ်သူ၊ မိမိတို့​၏ တပ်မက်မှု​အတိုင်း ပြုမူတတ်သူ၊ ချဲ့ကား​ကြွားဝါ​ပြောတတ်သူ၊ ကိုယ်ကျိုး​အတွက် သူတစ်ပါး​ကို မြှောက်ပင့်တတ်သူတို့​ဖြစ်ကြ၏။

ယု​ဒ 1:18

သူတို့​က “နောက်ဆုံးသော​ကာလ​၌ မိမိတို့​၏​ဘုရားတရားမဲ့သော တပ်မက်မှုများ​အတိုင်း ပြုမူသည့် မထီမဲ့မြင်​ပြုသူများ ရှိကြ​လိမ့်မည်” ဟု သင်တို့​အား ပြောခဲ့ကြ၏။

ဗျာ​ဒိတ် 13:15

ထို​သားရဲ​သည် ထို​ရုပ်တု​အား အသက်​သွင်းသည့် အခွင့်အာဏာ​ကို ရရှိ၏။ ဤ​သည်​မှာ ထို​ရုပ်တု​အား စကားပြော​စေရန်​နှင့် ထို​ရုပ်တု​ကို မကိုးကွယ်သော​သူတို့​အား သတ်​ရန်​ဖြစ်၏။

ဗျာ​ဒိတ် 13:17

ထို​သားရဲ​၏ အမည်၊ သို့မဟုတ် သူ​၏ အမည်​ကို ကိုယ်စားပြုသော​ကိန်းဂဏန်း​ဖြစ်သည့် ထို​အမှတ်တံဆိပ် မရှိ​လျှင် မည်သူ​မျှ အရောင်းအဝယ် ပြုခွင့်​မရ။

ဗျာ​ဒိတ် 16:6

ထို​သူတို့​သည် သန့်ရှင်းသူတို့​နှင့် ပရောဖက်တို့​၏ သွေး​ကို သွန်းခဲ့ကြ​သဖြင့် ထို​သူတို့​နှင့် ထိုက်တန်သည့်​အတိုင်း ကိုယ်တော်​သည် ထို​သွေး​ကို သူတို့​အား တိုက်တော်မူ၏” ဟု​ပြောသည်​ကို ကျွန်ုပ်​ကြားရ၏။

ဗျာ​ဒိတ် 17:6

ထို​အမျိုးသမီး​သည် ယေရှု​အကြောင်း သက်သေခံသော​သန့်ရှင်းသူတို့​၏​သွေး​ကို သောက်​၍ ယစ်မူးနေသည်​ကို ကျွန်ုပ်​မြင်ရ၏။ သူ့​ကို မြင်ရ​သောအခါ ကျွန်ုပ်​သည် အလွန်​အံ့ဩ​လျက်​နေ၏။