၂ တိ 3:16 - ခေတ်သစ်​မြန်မာ သမ္မာကျမ်း

¹⁶ ထို​ကျမ်းစာ​အားလုံး​သည် ဘုရားသခင်​မှုတ်သွင်းတော်မူပြီး သွန်သင်ခြင်း၊ ဆုံးမခြင်း၊ ပြုပြင်ခြင်း၊ ဖြောင့်မတ်လာ​စေရန် ဆုံးမပဲ့ပြင်ခြင်း​တို့​အတွက် အသုံးဝင်၏။

Common Language Bible

¹⁶ ကျမ်း​စာ​တော်​မှန်​သ​မျှ​ကို​ဘု​ရား​သ​ခင်​၏ လမ်း​ညွှန်​မှု​ဖြင့်​ရေး​သား​ပြု​စု​ထား​သ​ဖြင့် ထို ကျမ်း​စာ​တော်​သည်​သမ္မာ​တ​ရား​တော်​ကို​သွန် သင်​ခြင်း၊ ဆုံး​မ​သြ​ဝါ​ဒ​ပေး​ခြင်း၊ အ​မှား များ​ကို​ပြု​ပြင်​ခြင်း၊ လျောက်​ပတ်​စွာ​သက်​ရှင် နေ​ထိုင်​တတ်​ရန်​လမ်း​ညွှန်​ခြင်း​တို့​ကို​ပြု သော​အား​ဖြင့်၊-

Garrad Bible

^16-17 ဘု ရား သ ခင့် ဗျာ ဒိတ် တော် ကျမ်း ဂန် ရှိ သ မျှ သည် ဘု ရား သ ခင့် လူ ယုံ တော် စုံ လင်၍ ကောင်း မှု အ မျိုး မျိုး အ ဖို့ အ သင့် ရှိ စေ အံ့ သော ငှါ သင် ကြား ခြင်း၊ အ ပြစ် ဖော် ပြ ခြင်း၊ ပဲ့ ပြင် ခြင်း၊ ဖြောင့် မတ် အောင် ဆုံး မ ခြင်း များ၌ အ ကျိုး ရှိ၏။

Judson Bible

¹⁶ ထို​ကျမ်း​စာ​ရှိ​သ​မျှ​သည် ဘု​ရား​သ​ခင် မှုတ်​သွင်း​တော်​မူ​သော အား​ဖြင့်​ဖြစ်၍၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ကျမ်းစာ​ထဲ၌​ရေး​ထား​သမျှ​တို့​သည် ဘုရားသခင်​မှုတ်သွင်း​တော်မူ​သော​အားဖြင့်​ဖြစ်၍ ဩဝါဒ​ပေး​ခြင်း​အတွက်​လည်းကောင်း၊ အပြစ်​ကို​ဖော်ပြ​ခြင်း​အတွက်​လည်းကောင်း၊ အမှား​ကို​ပြုပြင်​ခြင်း​အတွက်​လည်းကောင်း၊ ဖြောင့်မတ်​ခြင်း​၌ ဆုံးမ​ပဲ့ပြင်​ခြင်း​အတွက်​လည်းကောင်း အကျိုးကျေးဇူး​ရှိ​၏။

၂ တိ 3:16 ပူးပေါင်းရင်းမြစ်များ

မဿဲ 13:52

ထိုအခါ ယေရှု​က “ကောင်းကင်​နိုင်ငံတော်​တွင် တပည့်​ဖြစ်လာသော ကျမ်းတတ်ဆရာ​သည် မိမိ​၏ ဘဏ္ဍာတိုက်​ထဲမှ ဥစ္စာသစ်​နှင့် ဥစ္စာဟောင်းတို့​ကို ထုတ်ယူလာသော အိမ်ရှင်​နှင့်​တူ၏” ဟု မိန့်တော်မူ၏။

မဿဲ 21:42

ထိုအခါ ယေရှု​က “ကျမ်းစာ​၌ ‘တိုက်ဆောက်သော​သူတို့ ပယ်ထားသည့်​ကျောက်​သည် အရေးပါသော​ထောင့်ချုပ်ကျောက် ဖြစ်လာရ၏။ ဤ​အမှု​သည် ထာဝရဘုရား ပြုတော်မူသော​အမှု​ဖြစ်၏။ ငါတို့​မျက်စိ​ရှေ့​၌လည်း အံ့ဖွယ်​ဖြစ်၏’ ဟု ရေးထားသည်​ကို သင်တို့ မဖတ်ဖူးကြသလော။

မဿဲ 22:43

ယေရှု​က “ထိုသို့​ဖြစ်လျှင် ဒါဝိဒ်မင်း​သည် ဝိညာဉ်တော်​၏​လှုံ့ဆော်မှု​ဖြင့် ခရစ်တော်​ကို အဘယ်ကြောင့် သခင်​ဟု ခေါ်သနည်း။ ဒါဝိဒ်မင်း​က

မဿဲ 26:54

သို့ရာတွင် ငါ​သည် ဤသို့​ပြု​လျှင် ကျမ်းစာ​၌ ဖော်ပြထားသည်​မှာ မည်သို့​ဖြစ်လာနိုင်မည်နည်း” ဟု မိန့်တော်မူ၏။

မဿဲ 26:56

သို့သော် ဤ​အရာများ​ဖြစ်ပျက်ရခြင်း​မှာ ကျမ်းစာ​တွင် ဖော်ပြထားသည့် ပရောဖက်တို့​၏​ဟောပြောချက်​အတိုင်း ဖြစ်လာ​စေရန်​ပင် ဖြစ်သည်” ဟု မိန့်တော်မူ၏။ ထိုအခါ တပည့်တော်​ရှိသမျှတို့​သည် ယေရှု​ကို စွန့်ခွာ​၍ ထွက်ပြေးကြ၏။

ရှင်မာကု 12:24

ယေရှု​က “သင်တို့​သည် ကျမ်းစာတော်​ကို​လည်းကောင်း၊ ဘုရားသခင်​၏​တန်ခိုးတော်​ကို​လည်းကောင်း မသိ​သောကြောင့် အယူလွဲနေကြ၏။

ရှင်မာကု 12:36

ဒါဝိဒ်မင်း​ကိုယ်တိုင် သန့်ရှင်းသော​ဝိညာဉ်တော်​၏​လှုံ့ဆော်မှု​အားဖြင့် ပြောသော​စကား​မှာ ‘ထာဝရဘုရား​သည် ကျွန်ုပ်​၏ သခင်​ကို “ငါ​၏ လက်ယာဘက်​၌ ထိုင်လော့။ ငါ့​သည် သင်​၏​ရန်သူတို့​ကို သင်​၏​ခြေဖဝါး​အောက်​၌ ချထား​လိမ့်မည်” ဟူ၍ မိန့်တော်မူ၏’ ဟု ဆိုခဲ့၏။

ရှင်ယောဟန် 10:35

ကျမ်းစာတော်​ကို မပယ်ဖျက်နိုင်ကြောင်း​ကို သင်တို့​သိကြ၏။ ထို့ကြောင့် ဘုရားသခင်​က မိမိ​၏ နှုတ်ကပတ်တော်​ကို လက်ခံရရှိသောသူတို့​ကို ဘုရားများ​ဟု ခေါ်ဆိုတော်မူ​လျှင်

ရှင်ယောဟန် 3:20

အကျင့်ဆိုးတို့​ကို ကျင့်သောသူတို့​သည် အလင်း​ကို မုန်းကြ၏။ မိမိတို့​၏ အကျင့်ဆိုးများ ပေါ်လာမည်​ကို စိုး​သောကြောင့် အလင်း​သို့ မချဉ်းကပ်ကြ။

တမန်တော်ဝတ္ထု 1:16

“ညီအစ်ကို​မောင်နှမတို့… ယေရှု​ကို ဖမ်းဆီးသော​သူတို့​အား ဦးဆောင်လာသည့် ယုဒ​အကြောင်း​နှင့်​ပတ်သက်​၍ သန့်ရှင်းသော​ဝိညာဉ်တော်​က ဒါဝိဒ်မင်းကြီး​၏​နှုတ်​အားဖြင့် ကြိုတင်​ဟောပြောသော ကျမ်းချက်​သည် ဖြစ်လာ​ရမည်။

တမန်တော်ဝတ္ထု 18:25

သခင်ဘုရား​၏​တရားလမ်း​ကို သင်ယူလေ့လာ​ပြီး ဟောပြောရာ​၌ စိတ်အားထက်သန်​၍ ယေရှု​၏​အကြောင်းအရာများ​ကို တိကျ​မှန်ကန်​စွာ သွန်သင်​လျက်​နေ၏။ သို့သော် သူ​သည် ယောဟန်​၏​နှစ်ခြင်းမင်္ဂလာ​အကြောင်း​ကိုသာ သိ၏။

တမန်တော်ဝတ္ထု 20:20

ဤသို့ဖြင့် လူထု​ပရိသတ်​ရှေ့​တွင်​ဖြစ်စေ၊ တစ်အိမ်ဝင်​တစ်အိမ်ထွက်​ဖြစ်စေ၊ သွန်သင်ရာ​တွင် ကျွန်ုပ်​သည် သင်တို့​အတွက် အကျိုး​ရှိသော​အရာ​ကို ဟောပြော​ရန် မတွန့်ဆုတ်။

တမန်တော်ဝတ္ထု 20:27

အဘယ်ကြောင့်ဆိုသော် ဘုရားသခင်​၏​အကြံစည်တော်​ရှိသမျှ​ကို သင်တို့​အား ဟောပြောရာ​၌ ကျွန်ုပ်​သည် မတွန့်ဆုတ်ခဲ့​သောကြောင့်​ဖြစ်၏။

တမန်တော်ဝတ္ထု 28:25

ထို့ကြောင့် သူတို့​သည် အချင်းချင်း​သဘောထား​ကွဲလွဲကြ၏။ ထို့နောက် ထို​သူတို့​ထွက်သွားကြမည်​ပြု​စဉ် ပေါလု​က “ပရောဖက်​ဟေရှာယ​အားဖြင့် သန့်ရှင်းသော​ဝိညာဉ်တော်​က သင်တို့​ဘိုးဘေးတို့​အား မှန်ကန်​စွာ​မိန့်တော်မူသည်​မှာ

ရော​မ 15:4

ထိုသို့ ကျမ်းစာ​၌ ယခင်က ရေးသားခဲ့သော​အရာများ​သည် ကျွန်ုပ်တို့​ကို သွန်သင်​ရန် ရေးသားထားခြင်း​ဖြစ်ပြီး ထို​ကျမ်းစာ​မှ ရရှိသော သည်းခံခြင်း​နှင့် နှစ်သိမ့်ခြင်း​အားဖြင့် ကျွန်ုပ်တို့​တွင် မျှော်လင့်ချက်​ရှိစေရန် ဖြစ်၏။

ရော​မ 2:20

ပညာမဲ့သူတို့​ကို ပဲ့ပြင်​၍ ကလေးငယ်တို့​ကို သွန်သင်နိုင်သည်​ဟု သင်​ထင်၏။ အဘယ်ကြောင့်ဆိုသော် ဘုရားသခင်​၏​ပညတ်တရား​က သင့်​အား စုံလင်သော အသိပညာ​နှင့် သမ္မာတရား​ကို ရရှိစေသည်​ဟု သင်​ထင်မှတ်​သောကြောင့်​ဖြစ်၏။

ရော​မ 3:2

စင်စစ် အဘက်ဘက်​၌ အကျိုး​များစွာ​ရှိ၏။ ဦးစွာ ဂျူးလူမျိုးတို့​သည် ဘုရားသခင်​၏​ဗျာဒိတ်တော်​ကို ခံယူ​ရရှိကြ၏။

ရော​မ 4:23

ထိုသို့ ဖြောင့်မတ်သူ​အဖြစ် သတ်မှတ်တော်မူကြောင်း ကျမ်းစာ​၌ ရေးသားထားသည်​မှာ အာဗြဟံ​တစ်ဦးတည်း​အကျိုး​အတွက်​သာ မဟုတ်။

၁ ကော 12:7

အများ​ကောင်းကျိုး​ဖြစ်​စေရန် ဝိညာဉ်​ဆုကျေးဇူး​ကို ကျွန်ုပ်တို့ တစ်ဦးစီ​တိုင်း​အား ပေးတော်မူ၏။

ဂ​လာ​တိ 3:8

ကျမ်းစာ​၌ ဘုရားသခင်​သည် လူမျိုးခြားတို့​အား သူတို့​၏ ယုံကြည်ခြင်း​အားဖြင့် ဖြောင့်မတ်သည်​ဟု သတ်မှတ်တော်မူမည်​ဖြစ်ကြောင်း ကြိုတင်​သိမြင်တော်မူသည်​ကို ဖော်ပြထား၏။ ထို့ကြောင့် အာဗြဟံ​အား “လူမျိုးအပေါင်းတို့​သည် သင့်​ထံမှ​တစ်ဆင့် ကောင်းချီး​မင်္ဂလာ ခံစားရ​လိမ့်မည်” ဟူသော သတင်းကောင်း​ကို ကျမ်းစာ​၌ ကြိုတင်​ဟောပြောတော်မူ၏။

၂ တိ 2:25

ဆန့်ကျင်သူတို့​ကို နူးညံ့သိမ်မွေ့​စွာ ဆုံးမသွန်သင်​ရမည်။ ဘုရားသခင်​သည် သူတို့​အား သမ္မာတရား​ကို သိစေ​၍ နောင်တ​ရနိုင်သော​အခွင့်​ကို ပေးကောင်း​ပေးတော်မူ​လိမ့်မည်။

၂ တိ 4:2

အခွင့်အခါ​သင့်သည်​ဖြစ်စေ၊ မသင့်သည်​ဖြစ်စေ အဆင်သင့်​ဖြစ်​၍ နှုတ်ကပတ်​တရားတော်​ကို ဟောပြောလော့။ အလွန်​စိတ်ရှည်​စွာ သွန်သင်​၍ အပြစ်​ကို ဖော်ပြခြင်း၊ ဆုံးမခြင်း၊ အားပေး​တိုက်တွန်းခြင်း​တို့ကို ပြုလော့။

ဟေ​ဗြဲ 11:1

ယုံကြည်ခြင်း​ဆိုသည်​မှာ မျှော်လင့်သော​အရာများ​ကို ရမည်​ဟု စိတ်ချ​ပြီး မမြင်သေးသော​အရာများ​ကို အမှန်တကယ် ရှိသည်​ဟု သိမှတ်ခြင်း​ပင် ဖြစ်၏။

ဟေ​ဗြဲ 3:7

ထို့ကြောင့် သန့်ရှင်းသော​ဝိညာဉ်တော်​မိန့်တော်မူသည်​မှာ “ယနေ့ သင်တို့​သည် ကိုယ်တော်​၏​အသံ​ကို ကြား​လျှင်

ဟေ​ဗြဲ 4:12

ဘုရားသခင်​၏ နှုတ်ကပတ်တော်​သည် အသက်ရှင်​၍ ထိရောက်​ကာ သန်လျက်​တကာတို့​ထက် ထက်၏။ ထို​နှုတ်ကပတ်တော်​သည် အသက်​နှင့် စိတ်ဝိညာဉ်​ကိုလည်းကောင်း၊ အရိုးအဆစ်​နှင့် ခြင်ဆီ​ကို​လည်းကောင်း ထိုးဖောက်​ကာ ပိုင်းခြား​နိုင်ပြီး လူတို့​၏ စိတ်​အတွင်းမှ တွေးတော​ကြံစည်မှုတို့​ကို သိမြင်​နိုင်၏။