၂ တိ 2:9 - ခေတ်သစ်​မြန်မာ သမ္မာကျမ်း

⁹ ဤ​သတင်းကောင်း​ကြောင့် ကျွန်ုပ်​သည် ရာဇဝတ်သား​တစ်ယောက်​ကဲ့သို့​ပင် အကျဉ်းချ​ခံ​၍ ဆင်းရဲဒုက္ခ​ခံခဲ့ရ​သော်လည်း ဘုရားသခင်​၏​နှုတ်ကပတ်တော်​ကိုမူ အကျဉ်းချ​၍ မရ။

Common Language Bible

⁹ ငါ​သည်​ထို​သ​တင်း​ကောင်း​အ​တွက်​ကြောင့် ရာ​ဇ​ဝတ်​ကောင်​ကဲ့​သို့​ဒုက္ခ​ရောက်​လျက်​ရှိ​၏။ သံ​ကြိုး​များ​နှင့်​ပင်​အ​ချည်​အ​နှောင်​ခံ​ရ​၏။ သို့​သော်​ဘု​ရား​သ​ခင်​၏​နှုတ်​က​ပတ်​တော် မူ​ကား​ချုပ်​နှောင်​မှု​နှင့်​ကင်း​လွတ်​၏။-

Garrad Bible

⁹ ထို ဟော ချက် အ တွက် ငါ သည် လူ ဆိုး ကဲ့ သို့ အ ချုပ် အ နှောင် တိုင် အောင် ဒု က္ခ ခံ ရ၏။ ဘု ရား သ ခင့် တ ရား တော် မူ ကား အ ချုပ် အောက် ၌ ရှိ နေ သည် မ ဟုတ်။

Judson Bible

⁹ ထို​တ​ရား​ကြောင့် ငါ​သည်​လူ​ဆိုး​ကဲ့​သို့ ချည်​နှောင်​ခြင်း​တိုင်​အောင် ဆင်း​ရဲ​ဒု​က္ခ​ကို​ခံ​ရ၏။ သို့​သော်​လည်း၊ ဘု​ရား​သ​ခင်၏​နှုတ်​က​ပတ်​တ​ရား​တော်​သည် ချည်​နှောင်​ခြင်း​နှင့် ကင်း​လွတ်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ငါ​သည် ဤ​ကောင်းမြတ်​သော​သတင်း​အတွက် ရာဇဝတ်သား​ပမာ ချည်နှောင်​ခြင်း​ခံရ​သည့်​တိုင်အောင် ဆင်းရဲ​ဒုက္ခ​ကို​ခံရ​၏။ သို့သော် ဘုရားသခင်​၏​နှုတ်ကပတ်တော်​သည် ချည်နှောင်​ခြင်း​ခံရ​သည်​မ​ဟုတ်။

၂ တိ 2:9 ပူးပေါင်းရင်းမြစ်များ

လုကာ 23:32

လူတို့​သည် အခြားသော ရာဇဝတ်သား​နှစ်ဦး​ကိုလည်း ကိုယ်တော်​နှင့်အတူ သေဒဏ်ပေး​ရန် ခေါ်ဆောင်သွားကြ၏။

တမန်တော်ဝတ္ထု 21:33

ထိုအခါ တပ်မှူးကြီး​သည် အနားသို့​လာ​ကာ ပေါလု​ကို​ဖမ်းဆီး​၍ သံကြိုး​နှစ်ချောင်း​ဖြင့်​ချည်နှောင်ထား​ရန် အမိန့်ပေး၏။ ထို့နောက် သူ​က ပေါလု​မည်သူ​ဖြစ်ကြောင်း​နှင့် မည်သည့်​အမှု​ပြုခဲ့ကြောင်း​ကို လူထု​ပရိသတ်တို့​အား စတင်​မေးမြန်းလေ၏။

တမန်တော်ဝတ္ထု 28:31

ပေါလု​သည် ဘုရားသခင်​၏​နိုင်ငံတော်​အကြောင်း​နှင့် သခင်​ယေရှု​ခရစ်တော်​အကြောင်း​ကို အတားအဆီး​မရှိဘဲ ရဲရင့်​စွာ​ဟောပြော​သွန်သင်​လျက် နေလေ၏။ ရှင်လုကာ​ရေးသားထားသော တမန်တော်ဝတ္ထု ပြီးပါပြီ။

တမန်တော်ဝတ္ထု 9:16

သူ​သည် ငါ့​အမည်​နာမ​ကြောင့် မည်မျှ​ဒုက္ခ​ခံရမည်​ကို ငါ​ကိုယ်တိုင် သူ့​အား​ပြမည်” ဟု မိန့်တော်မူ၏။

ဧ​ဖက် 3:1

ဤ​အကြောင်း​ကြောင့် လူမျိုးခြား သင်တို့​အတွက် ယေရှု​ခရစ်တော်​၏ အကျဉ်းသား ဖြစ်သော ကျွန်ုပ်​ပေါလု​သည် ဘုရားသခင်​ထံ ဆုတောင်း၏။

ဖိ​လိပ္ပိ 1:17

မနာလိုစိတ်၊ ရန်လိုစိတ်တို့​ဖြင့် ဟောပြောသော​သူတို့​ကမူ ကျွန်ုပ် အကျဉ်းချ​ခံရ​စဉ် ကျွန်ုပ်​အပေါ် ဆင်းရဲဒုက္ခ​တိုးပွား​စေရန် ရည်ရွယ်​လျက် ရိုးသားမှု​မရှိဘဲ တစ်ကိုယ်ကောင်းဆန်သော​စိတ်​ဖြင့် ခရစ်တော်​အကြောင်း​ကို ဟောပြောကြ၏။

ဖိ​လိပ္ပိ 1:7

သင်တို့​အားလုံး​သည် ကျွန်ုပ်​၏ နှလုံးသား​ထဲ၌ ရှိသောသူများ ဖြစ်​သောကြောင့် သင်တို့​နှင့် ပတ်သက်၍ အထက်ပါ​အတိုင်း ကျွန်ုပ်​သဘောထား​လျှင် သင့်လျော်ပေ၏။ အဘယ်ကြောင့်ဆိုသော် သင်တို့​အားလုံး​သည် ကျွန်ုပ် အကျဉ်းချ​ခံရချိန်​၌​ဖြစ်စေ၊ သတင်းကောင်း​အတွက် ချေပ​ပြောဆို​၍ မှန်ကန်ကြောင်း အတည်ပြု​ချိန်​၌ ဖြစ်စေ ကျွန်ုပ်​နှင့်အတူ ဘုရားသခင်​၏ ကျေးဇူးတော်​ကို မျှဝေခံစားကြ​သောကြောင့် ဖြစ်၏။

ကော​လော​သဲ 4:18

ကျွန်ုပ်​ပေါလု​ကိုယ်တိုင် ဤ​နှုတ်ဆက်စကား​ကို ကျွန်ုပ်​လက်​နှင့် ရေးလိုက်ပါ၏။ ကျွန်ုပ် အကျဉ်းချ​ခံရခြင်း​ကို သတိရ​ဆုတောင်းပေးကြလော့။ ခရစ်တော်​၏ ကျေးဇူးတော်​ကို သင်တို့​ခံစားရပါစေသော။ ကောလောသဲ​ဩဝါဒစာ ပြီးပါပြီ။

ကော​လော​သဲ 4:3

ကျွန်ုပ်တို့​အတွက်​လည်း ဆုတောင်းပေးကြလော့။ သို့မှသာ ခရစ်တော်​၏ လျှို့ဝှက်နက်နဲသော တရားတော်​ကို ကျွန်ုပ်တို့​ဟောပြော​နိုင်ရန် ဘုရားသခင်​သည် အခွင့်အလမ်း ပေးတော်မူ​လိမ့်မည်။ ထို​တရားတော်​ကို ဟော​သောကြောင့် ယခု ကျွန်ုပ်​အကျဉ်းချခံရ၏။

၁ သက် 1:8

အဘယ်ကြောင့်ဆိုသော် သခင်ဘုရား​၏ သတင်းကောင်း​သည် သင်တို့​ထံမှ မာကေဒေါနိပြည်၊ အခါယပြည်​သို့ ပျံ့သွားသည်​သာမက ဘုရားသခင်​ကို သင်တို့​ယုံကြည်သည့်​အကြောင်း​သည်လည်း နေရာတိုင်း​သို့ ပျံ့နှံ့သွား​သောကြောင့် ဖြစ်၏။ ထို့ကြောင့် သင်တို့​ယုံကြည်သည့်​အကြောင်း​နှင့် ပတ်သက်၍ မည်သည့်​အရာမျှ ကျွန်ုပ်တို့​ပြောစရာ​မရှိ။

၂ သက် 3:1

ညီအစ်ကို​မောင်နှမတို့… နိဂုံးချုပ်​အနေဖြင့် ကျွန်ုပ်​မှာကြားလို၏။ သခင်ဘုရား​၏ နှုတ်ကပတ်​တရားတော်​သည် အရပ်ရပ်​သို့ လျင်မြန်​စွာ ပြန့်ပွား​၍ သင်တို့​သည် ထို​နှုတ်ကပတ်​တရားတော်​ကို ရိုသေ​လက်ခံ​သကဲ့သို့ အခြားသူတို့​လည်း ရိုသေ​လက်ခံ​ရန် ဆုတောင်းပေးကြလော့။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၂ တိ 1:16

ဩနေသိဖော်​၏​မိသားစု​အပေါ် သခင်ဘုရား​၏ ကရုဏာတော်​သက်ရောက်ပါစေသော။ အဘယ်ကြောင့်ဆိုသော် သူ​သည် ကျွန်ုပ်​အကျဉ်းချ​ခံရသည်​ကိုပင် မရှက်မကြောက်​ဘဲ အမြဲ အားပေးနှစ်သိမ့်​သောကြောင့် ဖြစ်၏။

၂ တိ 1:8

ထို့ကြောင့် ကျွန်ုပ်တို့​၏ သခင်ဘုရား​အကြောင်း သက်သေခံ​ရန် မရှက်နှင့်။ သခင်ဘုရား​အတွက်ကြောင့် အကျဉ်းချ​ခံနေရသော ကျွန်ုပ်​အတွက်​လည်း မရှက်နှင့်။ ဘုရားသခင်​၏ တန်ခိုးတော်​ဖြင့် သတင်းကောင်း​အတွက် ကျွန်ုပ်​နှင့်အတူ ဒုက္ခခံလော့။

၂ တိ 2:3

ယေရှု​ခရစ်တော်​၏ စစ်သားကောင်း​တစ်ဦး​အဖြစ် ဆင်းရဲဒုက္ခ​ကို ကျွန်ုပ်​နှင့်အတူ သည်းခံလော့။

၂ တိ 4:17

သို့သော်လည်း ကျွန်ုပ်​သည် လူမျိုးခြားတို့​အား သတင်းကောင်း​ကို ပြည့်စုံ​စွာ ဟောပြော​ရန်အတွက် သခင်ဘုရား​သည် ကျွန်ုပ်​ဘက်မှ ရပ်တည်​၍ ခွန်အားပေးတော်မူခဲ့၏။ ဤသို့ဖြင့် ကိုယ်တော်​သည် ကျွန်ုပ်​ကို ခြင်္သေ့​ခံတွင်း​မှ ကယ်နှုတ်တော်မူ၏။

၁ ပေ 2:12

ဘုရားသခင်​ကို မကိုးကွယ်သော​သူများ​အလယ်တွင် ကောင်းမွန်စွာ​ပြုမူနေထိုင်ကြလော့။ သို့ပြုလျှင် ထို​သူတို့​သည် သင်တို့​ကို မကောင်းမှု​ပြုသူများ​ဟု အသရေဖျက်ကြ​သော်လည်း သင်တို့​၏ ကောင်းသော​အကျင့်​ကို ထောက်​၍ ဘုရားသခင် ကြည့်ရှု​စီရင်တော်မူသော​နေ့​၌ ကိုယ်တော်​၏​ဘုန်းတော်​ကို ချီးမွမ်းကြ​လိမ့်မည်။

၁ ပေ 2:14

ရှင်ဘုရင်​ခန့်ထားသည့် ဘုရင်ခံတို့​ကို​ဖြစ်စေ နာခံကြလော့။ ထို​ဘုရင်ခံတို့​သည် ဒုစရိုက်သားများ​ကို အပြစ်ပေး​ရန်​နှင့် ကောင်းမှု​ပြုသူများ​ကို ချီးမွမ်း​ရန် ခန့်ထားခြင်း​ခံရသူများ​ဖြစ်၏။

၁ ပေ 3:16

သို့သော် နူးညံ့သိမ်မွေ့သော​စိတ်​နှင့် တလေးတစား​ဖြေဆိုကြလော့။ သင်တို့​ကို ကဲ့ရဲ့​ရှုတ်ချကြသော​သူတို့​သည် ခရစ်တော်​နှင့် တပေါင်းတစည်းတည်း​ဖြစ်သော​သင်တို့​၏ ကောင်းမွန်​စွာ ပြုမူနေထိုင်ပုံ​ကို မြင်​၍ အရှက်ရကြ​စေရန် လိပ်ပြာသန့်​စွာ ပြုမူနေထိုင်ကြလော့။

၁ ပေ 4:15

သင်တို့ ဆင်းရဲဒုက္ခ​ခံရ​လျှင်ပင် မည်သူ​မျှ လူသတ်မှု၊ ခိုးမှု၊ ဒုစရိုက်မှု၊ သူတစ်ပါး​အမှု​၌ စွက်ဖက်မှုတို့​ကြောင့် ဆင်းရဲဒုက္ခ​ခံရခြင်း မဖြစ်စေနှင့်။