၂ တိ 2:8 - ခေတ်သစ်​မြန်မာ သမ္မာကျမ်း

⁸ ကျွန်ုပ်​ဟောပြောသည့် သတင်းကောင်း​အတိုင်း ဒါဝိဒ်မင်း​၏​မျိုးနွယ်​မှ ဆင်းသက်လာပြီး သေခြင်း​မှ​ထမြောက်တော်မူသော​ယေရှု​ခရစ်တော်​ကို သတိရလော့။

Common Language Bible

⁸ ငါ​ဟော​ပြော​သော​သ​တင်း​ကောင်း​အ​ရ​ဒါ​ဝိဒ် မင်း​မှ​ဆင်း​သက်​တော်​မူ​၍​သေ​ခြင်း​မှ​ရှင် ပြန်​ထ​မြောက်​တော်​မူ​သော​ယေ​ရှု​ခ​ရစ်​ကို သ​တိ​ရ​လော့။-

Garrad Bible

⁸ ငါ ဟော ချက် နှင့် အ ညီ ဒါ ဝိဒ် မင်း မျိုး ဖြစ် သော သူ သေ တို့ အ ထဲ မှ ရှင် ပြန် ထ မြောက် ပြီး ယေ ရှု ခ ရစ် ကို သ တိ ရ လော့။

Judson Bible

⁸ ဒါ​ဝိဒ်​အ​မျိုး​ဖြစ်​သော ယေ​ရှု​ခ​ရစ်​သည်၊ ငါ​ဟော​သော ဝံ​ဂေ​လိ​တ​ရား​အ​တိုင်း၊ သေ​ခြင်း​မှ ထ​မြောက်​တော်​မူ​သည်​ဟု အောက်​မေ့​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ငါ​ဟောပြော​သည့် ကောင်းမြတ်​သော​သတင်း​အရ ဒါဝိဒ်​၏​အမျိုးအနွယ်​မှ​ပေါ်ထွန်း​လျက် သေ​သော​သူ​တို့​ထဲမှ ထမြောက်​တော်မူ​သော ယေရှု​ခရစ်တော်​ကို သတိရ​လော့။

၂ တိ 2:8 ပူးပေါင်းရင်းမြစ်များ

မဿဲ 1:1

အာဗြဟံ​နှင့် ဒါဝိဒ်မင်း​တို့​ထံမှ ဆင်းသက်တော်မူသော ယေရှု​ခရစ်တော်​၏​ဆွေစဉ်မျိုးဆက်​စာရင်း​မှာ အောက်ပါအတိုင်း​ဖြစ်၏။

လုကာ 24:46

ယေရှု​က “ကျမ်းစာတော်​တွင် ဤသို့ ရေးသားထား၏။ ခရစ်တော်​သည် အသေခံ​၍ သုံးရက်မြောက်​နေ့​တွင် သေခြင်း​မှ ရှင်ပြန်​ထမြောက်တော်မူမည်။

တမန်တော်ဝတ္ထု 13:23

ဘုရားသခင်​သည် ကတိပြုတော်မူသည့်​အတိုင်း ဒါဝိဒ်မင်း​၏​မျိုးဆက်​မှ အစ္စရေးလူမျိုး​အတွက် ယေရှု​ဟူသော​ကယ်တင်ရှင်​တစ်ပါး​ကို ပို့ဆောင်ပေးတော်မူ၏။

တမန်တော်ဝတ္ထု 2:24

သို့သော်လည်း ဘုရားသခင်​သည် ထို​အရှင်​ကို သေခြင်းမှ​ရှင်ပြန်​ထမြောက်စေတော်မူ​၍ သေခြင်းနှင့်​ဆိုင်သော​ဝေဒနာ​မှ ကင်းလွတ်စေတော်မူ၏။ အဘယ်ကြောင့်ဆိုသော် သေခြင်းတန်ခိုး​သည် ထို​အရှင်​ကို အစဉ်​ချုပ်နှောင်ထား​ရန် မဖြစ်နိုင်​သောကြောင့်​ပင်။

တမန်တော်ဝတ္ထု 2:30

သူ​သည် ပရောဖက်​တစ်ပါး​ဖြစ်​၍ ဘုရားသခင်​သည် သူ​၏​မျိုးဆက်များ​ထဲ​မှ တစ်ဦး​ကို သူ​၏​ရာဇပလ္လင်​ပေါ်​တွင် ထိုင်စေ​လိမ့်မည်​ဟု သစ္စာ​နှင့် ကျိန်ဆိုတော်မူသည်​ကို သိခဲ့ပြီး​ဖြစ်၏။

ရော​မ 16:25

ကျွန်ုပ်​ဟောသော သတင်းကောင်း​၌​ဆိုထားသည့်​အတိုင်း သင်တို့​အား ခိုင်ခံ့မြဲမြံ​စေနိုင်တော်မူသော ဘုရားသခင်​သည်သာ ဘုန်းကြီးတော်မူ၏။ ယေရှု​ခရစ်တော်​အကြောင်း​ဖြစ်သော ဤ​သတင်းကောင်း​က ကာလ​ကြာမြင့်စွာ ကွယ်ဝှက်ထားသည့် ကိုယ်တော်​၏ လျှို့ဝှက်​နက်နဲသော​အကြံအစည်တော်​ကို လူမျိုးခြား​ဖြစ်သော သင်တို့​အား ဖော်ပြပေး၏။

ရော​မ 2:16

ကျွန်ုပ်​ဟောပြောသော သတင်းကောင်း​အရ လူအပေါင်းတို့​၏ လျှို့ဝှက်သော​အကြံအစည်တို့​ကို ယေရှု​ခရစ်တော်​အားဖြင့် ဘုရားသခင်​စီရင်တော်မူသော​နေ့​၌ အထက်​တွင် ဖော်ပြသည့်​အတိုင်း ဖြစ်ပျက်​လိမ့်မည်။

၁ ကော 15:1

ညီအစ်ကို​မောင်နှမတို့… ယခင်က ကျွန်ုပ်​ဟောပြောခဲ့သော သတင်းကောင်း​ကို သင်တို့​အား ပြန်​၍ သတိရ​စေလို၏။ သင်တို့​သည် ထို​သတင်းကောင်း​ကို ခံယူခဲ့​ပြီး ထို​အပေါ်​၌ မှီခို​အားထားခဲ့ကြ၏။

၁ ကော 15:4

သင်္ဂြိုဟ်ခြင်း​ကို ခံတော်မူ​ပြီးနောက် ကျမ်းစာ​၌ ဖော်ပြထားသည့်​အတိုင်း သုံးရက်မြောက်သော​နေ့​၌ သေခြင်း​မှ ရှင်ပြန်​ထမြောက်တော်မူခဲ့သည့်​အကြောင်း၊

၂ သက် 2:14

ထိုသို့ ကယ်တင်ခံရ​ရန် ဘုရားသခင်​သည် ကျွန်ုပ်တို့​ဟောပြောသော သတင်းကောင်း​ဖြင့် သင်တို့​ကို ခေါ်တော်မူ၏။ ဤသို့​ခေါ်ခြင်း​သည် ကျွန်ုပ်တို့ သခင်​ယေရှု​ခရစ်တော်​၏ ဘုန်းအသရေ​ကို သင်တို့​ခံစားရရှိ​နိုင်ရန် ဖြစ်၏။

၁ တိ 1:11

ထို​မှန်ကန်သော​အယူဝါဒ​သည် မင်္ဂလာ​ရှိတော်မူသော ဘုရားသခင်​၏ ဘုန်းကြီးသော သတင်းကောင်း​နှင့် ညီ၏။ ထို​သတင်းကောင်း​ကို ဟောပြော​ရန် ဘုရားသခင်​သည် ကျွန်ုပ်​ကို တာဝန်ပေးတော်မူ၏။

၁ တိ 2:7

ထို့ကြောင့် လူမျိုးခြားတို့​ကို ယုံကြည်ခြင်း​နှင့် သမ္မာတရား​အကြောင်း သင်ကြား​ရန် ကျွန်ုပ်​သည် တရားဟောဆရာ​အဖြစ်​လည်းကောင်း၊ တမန်တော်​အဖြစ်​လည်းကောင်း ခန့်အပ်ခံရ၏။ ထိုသို့ ဆိုသော် ကျွန်ုပ်​သည် မလိမ်ညာဘဲ အမှန်​အတိုင်း​သာ ပြောဆိုခြင်း​ဖြစ်၏။

၂ တိ 1:8

ထို့ကြောင့် ကျွန်ုပ်တို့​၏ သခင်ဘုရား​အကြောင်း သက်သေခံ​ရန် မရှက်နှင့်။ သခင်ဘုရား​အတွက်ကြောင့် အကျဉ်းချ​ခံနေရသော ကျွန်ုပ်​အတွက်​လည်း မရှက်နှင့်။ ဘုရားသခင်​၏ တန်ခိုးတော်​ဖြင့် သတင်းကောင်း​အတွက် ကျွန်ုပ်​နှင့်အတူ ဒုက္ခခံလော့။

၂ တိ 2:7

ကျွန်ုပ်​ပြောသည့်​အရာ​ကို ဆင်ခြင်လော့။ သခင်ဘုရား​သည် သင့်​အား အရာ​အားလုံး​နားလည်နိုင်သော​ဉာဏ်​ကို ပေးသနားတော်မူ​လိမ့်မည်။

ဗျာ​ဒိတ် 5:5

အကြီးအကဲ​တစ်ဦး​က “မငိုကြွေးနှင့်။ ယုဒ​အနွယ်​၏​ခြင်္သေ့၊ ဒါဝိဒ်​၏​အမြစ်​ဖြစ်သော အရှင်​သည် အောင်နိုင်ပြီ။ ထို​အရှင်​သည် တံဆိပ်​ခုနစ်ခု​ကို ခွာ​၍ စာလိပ်​ကို​ဖွင့်နိုင်သည်” ဟု ကျွန်ုပ်​အား ပြော၏။