၂ တိ 1:8 - ခေတ်သစ်​မြန်မာ သမ္မာကျမ်း

⁸ ထို့ကြောင့် ကျွန်ုပ်တို့​၏ သခင်ဘုရား​အကြောင်း သက်သေခံ​ရန် မရှက်နှင့်။ သခင်ဘုရား​အတွက်ကြောင့် အကျဉ်းချ​ခံနေရသော ကျွန်ုပ်​အတွက်​လည်း မရှက်နှင့်။ ဘုရားသခင်​၏ တန်ခိုးတော်​ဖြင့် သတင်းကောင်း​အတွက် ကျွန်ုပ်​နှင့်အတူ ဒုက္ခခံလော့။

Common Language Bible

⁸ သို့​ဖြစ်​၍​ငါ​တို့​သ​ခင်​ဘု​ရား​၏​အ​ကြောင်း တော်​ကို​သက်​သေ​ခံ​ရန်​မ​ရှက်​နှင့်။ ခ​ရစ်​တော် အ​တွက်​အ​ကျဉ်း​သား​ဖြစ်​သူ​ငါ​၏​အ​တွက် လည်း​မ​ရှက်​နှင့်။ ဘု​ရား​သ​ခင်​ထံ​မှ​ခွန်​အား ကို​ရ​ရှိ​သည်​အ​တိုင်း​သ​တင်း​ကောင်း​အ​တွက် ငါ​နှင့်​အ​တူ​ဒုက္ခ​ခံ​လော့။-

Garrad Bible

⁸ ထို ကြောင့် ငါ တို့ အ ရှင် သက် သေ ခံ တော် မူ ချက် နှင့် စပ်၍ သော်လည်း ကောင်း၊ ကိုယ် တော်၏ အ ကျဉ်း သား ဖြစ် သူ ငါ နှင့် စပ်၍ သော် လည်း ကောင်း မ ရှက် ဘဲ ဘု ရား သ ခင့် တန် ခိုး တော် အား ဖြင့် သ တင်း တော် မြတ် အ တွက် ငါ နှင့် အ တူ ဒု က္ခ ခံ လော့။

Judson Bible

⁸ ထို​ကြောင့်၊ ငါ​တို့​သ​ခင်​ဘု​ရား၏ သက်​သေ​ကို​လည်း​ကောင်း၊ ထို​သ​ခင်​ကြောင့် အ​ကျဉ်း​ခံ​ရ​သော​သူ​ဖြစ်​သော ငါ​ကို​လည်း​ကောင်း ရှက်​ကြောက်​ခြင်း​မ​ရှိ​နှင့်။ ဘု​ရား​သ​ခင်​ပေး​တော်​မူ​သော တန်​ခိုး​ကို​ရ​သည်​အ​တိုင်း ဧ​ဝံ​ဂေ​လိ​တ​ရား​နှင့် ဆက်​ဆံ၍ ဆင်း​ရဲ​ဒု​က္ခ​ကို​ခံ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ထို့ကြောင့် ငါ​တို့​၏​သခင်​ဘုရား​အကြောင်း သက်သေခံ​သည်​ကို​လည်းကောင်း၊ ငါ​သည် ကိုယ်တော်​အတွက် အကျဉ်းသား​ဖြစ်​သည်​ကို​လည်းကောင်း ရှက်ကြောက်​ခြင်း​မ​ရှိ​ဘဲ ဘုရားသခင်​၏​တန်ခိုး​တော်​အားဖြင့် ကောင်းမြတ်​သော​သတင်း​အတွက် ငါ​နှင့်အတူ​ဆင်းရဲ​ဒုက္ခ​ကို​ခံ​လော့။

၂ တိ 1:8 ပူးပေါင်းရင်းမြစ်များ

ရှင်မာကု 8:38

ဘုရားသခင်​ကို မယုံကြည်​၍ အပြစ်​ကျူးလွန်သော ဤ​ခေတ်ကာလ​တွင် တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် သန့်ရှင်းသော​ကောင်းကင်တမန်များ​ခြံရံ​လျက် ခမည်းတော်​၏​ဘုန်းအသရေ​ကို​ဆောင်​ကာ ကြွလာ​သောအခါ ထို​သူ​အတွက် ရှက်တော်မူမည်” ဟု မိန့်တော်မူ၏။

လုကာ 9:26

တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် မိမိ​ဘုန်းအသရေ၊ ခမည်းတော်​၏​ဘုန်းအသရေ၊ သန့်ရှင်းသော​ကောင်းကင်တမန်များ​၏​ဘုန်းအသရေ​နှင့် ကြွလာ​သောအခါ ထို​သူ​အတွက် ရှက်တော်မူမည်။

ရှင်ယောဟန် 15:27

သင်တို့​သည်လည်း ငါ​အမှုတော်​လုပ်ငန်း စတင်​စဉ်​ကပင် ငါ​နှင့်အတူ ရှိနေခဲ့​သောကြောင့် ငါ့​အကြောင်း​ကို သက်သေခံကြ​ရမည်။

ရှင်ယောဟန် 19:35

သင်တို့​သည်လည်း ယုံကြည်​စေရန် ဤ​အကြောင်းအရာ​ကို မြင်သောသူ​သည် သက်သေခံ၏။ သူ​၏ သက်သေခံချက်​မှာ မှန်ကန်​ပြီး သူ​သည်လည်း မိမိ​ပြောသော​စကား မှန်ကန်ကြောင်း​ကို သိ၏။

တမန်တော်ဝတ္ထု 5:41

တမန်တော်တို့​သည် ယေရှု​၏​အမည်​နာမ​ကြောင့် အရှက်ခွဲခြင်း​ကို​ခံထိုက်သူများ​အဖြစ် ဘုရားသခင်​မှတ်ယူတော်မူ​သောကြောင့် ဝမ်းမြောက်​လျက် တရားလွှတ်တော်​မှ ထွက်သွားကြ၏။

ရော​မ 1:16

ကျွန်ုပ်​သည် ခရစ်တော်​၏ သတင်းကောင်း​အတွက် မရှက်ကြောက်။ အဘယ်ကြောင့်ဆိုသော် ထို​သတင်းကောင်း​သည် ယုံကြည်သောသူများ​ဖြစ်သည့် ဦးစွာ ဂျူး​လူမျိုးများ၊ ထို့နောက် လူမျိုးခြားများ​ကို ကယ်တင်သော ဘုရားသခင်​၏ တန်ခိုးတော်​ဖြစ်​သောကြောင့်​ပင်။

ရော​မ 16:25

ကျွန်ုပ်​ဟောသော သတင်းကောင်း​၌​ဆိုထားသည့်​အတိုင်း သင်တို့​အား ခိုင်ခံ့မြဲမြံ​စေနိုင်တော်မူသော ဘုရားသခင်​သည်သာ ဘုန်းကြီးတော်မူ၏။ ယေရှု​ခရစ်တော်​အကြောင်း​ဖြစ်သော ဤ​သတင်းကောင်း​က ကာလ​ကြာမြင့်စွာ ကွယ်ဝှက်ထားသည့် ကိုယ်တော်​၏ လျှို့ဝှက်​နက်နဲသော​အကြံအစည်တော်​ကို လူမျိုးခြား​ဖြစ်သော သင်တို့​အား ဖော်ပြပေး၏။

ရော​မ 8:36

ကျမ်းစာ​၌ “ကျွန်ုပ်တို့​သည် အရှင့်​အတွက် တစ်နေ့လုံး​သေဘေး​နှင့် ရင်ဆိုင်ကြရ၏။ သူတစ်ပါးတို့​သည် အကျွန်ုပ်တို့​ကို သတ်​ရန် လျာထားသည့် သိုးများ​ကဲ့သို့ သတ်မှတ်ကြ၏” ဟု ဖော်ပြထား၏။

ရော​မ 9:33

ကျမ်းစာ​၌ “ငါ​သည် ဆူးငြောင့်ခလုတ်​ဖြစ်သော ကျောက်တုံး​ကို ဇိအုန်မြို့​တွင် ချထား၏။ ထို​ကျောက်​သည် လူတို့​ကို လဲကျစေ​လိမ့်မည်။ သို့သော် ထို​အရှင်​ကို ယုံကြည်သောသူ​သည် အရှက်ရ​လိမ့်မည် မဟုတ်” ဟု ဖော်ပြထား၏။

၁ ကော 1:6

ထိုသို့ဖြင့် သင်တို့​အား ကျွန်ုပ်​ဟောပြောခဲ့သည့် ခရစ်တော်​နှင့်​ပတ်သက်သော အကြောင်းအရာများ မှန်ကန်ကြောင်း​ကို ဘုရားသခင်​သည် အတည်ပြု​ပေးတော်မူ၏။

၂ ကော 6:7

သမ္မာတရား​ကို ဟောပြောခြင်း၊ ဘုရားသခင်​၏ တန်ခိုးတော်​ကို ပြခြင်းတို့​ဖြင့်​လည်းကောင်း၊ လက်ဝဲ လက်ယာ​၌ ကိုင်ဆောင်ထားသော ဖြောင့်မတ်ခြင်း​လက်နက်များ​အားဖြင့်​လည်းကောင်း၊

ဧ​ဖက် 3:1

ဤ​အကြောင်း​ကြောင့် လူမျိုးခြား သင်တို့​အတွက် ယေရှု​ခရစ်တော်​၏ အကျဉ်းသား ဖြစ်သော ကျွန်ုပ်​ပေါလု​သည် ဘုရားသခင်​ထံ ဆုတောင်း၏။

ဧ​ဖက် 3:13

သို့ဖြစ်၍ သင်တို့​အတွက် ကျွန်ုပ် ခံရသော ဆင်းရဲ​ဒုက္ခ​ကြောင့် စိတ်ပျက်​အားလျော့ခြင်း မရှိကြ​ရန် ကျွန်ုပ် တောင်းပန်​လို၏။ ထို​အရာများ​အတွက် သင်တို့ ဂုဏ်ယူ​သင့်၏။

ဧ​ဖက် 4:1

သခင်ဘုရား​၏ အမှုတော်​ကို ထမ်းရွက်​သောကြောင့် အကျဉ်းချခံရသော ကျွန်ုပ်​သည် သင်တို့​ကို တိုက်တွန်း​နှိုးဆော်လိုသည်​မှာ ရွေးချယ်တော်မူခြင်း​ခံရသည်​နှင့်အညီ ထို​ရွေးချယ်တော်မူခြင်း​နှင့် သင့်လျော်​စွာ ပြုမူနေထိုင်ကြ​ရန် ဖြစ်၏။

ဧ​ဖက် 4:17

ထို့ကြောင့် ဘုရားသခင်​ကို မသိသော​လူမျိုးခြားများ​ကဲ့သို့ မနေထိုင်ကြ​ရန် သခင်ဘုရား​၏ အခွင့်အာဏာ​ဖြင့် သင်တို့​ကို ကျွန်ုပ် သတိပေး​လို၏။ ထို​သူတို့​၏ တွေးခေါ်ကြံဆမှု​သည် အကျိုး​မရှိပေ။

ဖိ​လိပ္ပိ 1:7

သင်တို့​အားလုံး​သည် ကျွန်ုပ်​၏ နှလုံးသား​ထဲ၌ ရှိသောသူများ ဖြစ်​သောကြောင့် သင်တို့​နှင့် ပတ်သက်၍ အထက်ပါ​အတိုင်း ကျွန်ုပ်​သဘောထား​လျှင် သင့်လျော်ပေ၏။ အဘယ်ကြောင့်ဆိုသော် သင်တို့​အားလုံး​သည် ကျွန်ုပ် အကျဉ်းချ​ခံရချိန်​၌​ဖြစ်စေ၊ သတင်းကောင်း​အတွက် ချေပ​ပြောဆို​၍ မှန်ကန်ကြောင်း အတည်ပြု​ချိန်​၌ ဖြစ်စေ ကျွန်ုပ်​နှင့်အတူ ဘုရားသခင်​၏ ကျေးဇူးတော်​ကို မျှဝေခံစားကြ​သောကြောင့် ဖြစ်၏။

ဖိ​လိပ္ပိ 3:10

ကျွန်ုပ်​သည် ခရစ်တော်​ကို သိကျွမ်းခြင်း၊ ခရစ်တော်​၏ ရှင်ပြန်ထမြောက်တော်မူခြင်း​တန်ခိုး​ကို ရရှိ​ခံစားခြင်း၊ ကိုယ်တော်​ကဲ့သို့ အသေခံ​၍ ကိုယ်တော်​၏ ဆင်းရဲဒုက္ခ​ကို မျှဝေ​ခံစားခြင်းတို့​ကိုသာ အလိုရှိ၏။

ဖိ​လိပ္ပိ 4:13

ကျွန်ုပ်​ကို ခွန်အား​ပေးတော်မူသော ခရစ်တော်​အားဖြင့် ထို​အခြေအနေ​အားလုံး​ကို ကျွန်ုပ်​ရင်ဆိုင်​နိုင်၏။

ကော​လော​သဲ 1:11

ထို့ပြင် သင်တို့​သည် ကိုယ်တော်​၏ ဘုန်းတန်ခိုးတော်​နှင့်အညီ တန်ခိုးတော်​အပေါင်းတို့​ဖြင့် ခွန်အား​ဖြည့်ခံရ​သဖြင့် ဝမ်းမြောက်သော​စိတ်​ဖြင့် အလွန်​စိတ်ရှည်​စွာ အရာရာ​ကို သည်းခံနိုင်​ရန် ကျွန်ုပ်တို့​ဆုတောင်းပေးကြ၏။

ကော​လော​သဲ 1:24

ယခု​အခါ ကျွန်ုပ်​သည် သင်တို့​အတွက် ဆင်းရဲဒုက္ခ​ခံရသည်​ကို ဝမ်းမြောက်​၍ ခရစ်တော်​ကိုယ်စား ဆင်းရဲဒုက္ခ​ခံ​ကာ ကြွင်းကျန်​နေသေးသော ဆင်းရဲဒုက္ခ​ကို ကိုယ်တော်​၏ ကိုယ်ခန္ဓာ​ဖြစ်သော အသင်းတော်​အတွက် ကျွန်ုပ်​၏ ခန္ဓာ​သွေးသား​ဖြင့် ဖြည့်ဆည်းနေ၏။

၁ သက် 3:4

အဘယ်ကြောင့်ဆိုသော် ကျွန်ုပ်တို့​သည် သင်တို့​နှင့်​အတူ ရှိ​စဉ်​ကပင် ဆင်းရဲဒုက္ခ​ခံရမည်​ဟု သင်တို့​ကို ကြိုတင်​ပြောဆိုခဲ့​သောကြောင့် ဖြစ်၏။ ပြောဆိုခဲ့သည့်​အတိုင်း ဖြစ်လာသည်​ကိုလည်း သင်တို့​သိကြ၏။

၁ တိ 2:6

ယေရှု​ခရစ်တော်​သည် လူသား​အားလုံး​ကို ရွေးနုတ်​ရန် အသက်​ပေးတော်မူခဲ့ပြီး ဘုရားသခင်​သည် ထို​အကြောင်း​ကို အချိန်တန်​သောအခါ ဖော်ပြခဲ့ပြီ ဖြစ်၏။

၂ တိ 1:10

ထို​ကျေးဇူးတော်​သည် ကျွန်ုပ်တို့​၏ ကယ်တင်ရှင် ယေရှု​ခရစ်တော်​ကြွလာတော်မူခြင်း​ဖြင့် ယခု​ထင်ရှားပြီ။ ခရစ်တော်​သည် သေခြင်း​ကို ဖျက်ဆီးပြီး မပျက်စီး​မယိုယွင်းသော​အသက်ရှင်ခြင်း​အကြောင်း​ကို သတင်းကောင်း​ဖြင့် ပေါ်လွင်​ထင်ရှားစေတော်မူ၏။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၂ တိ 1:16

ဩနေသိဖော်​၏​မိသားစု​အပေါ် သခင်ဘုရား​၏ ကရုဏာတော်​သက်ရောက်ပါစေသော။ အဘယ်ကြောင့်ဆိုသော် သူ​သည် ကျွန်ုပ်​အကျဉ်းချ​ခံရသည်​ကိုပင် မရှက်မကြောက်​ဘဲ အမြဲ အားပေးနှစ်သိမ့်​သောကြောင့် ဖြစ်၏။

၂ တိ 2:3

ယေရှု​ခရစ်တော်​၏ စစ်သားကောင်း​တစ်ဦး​အဖြစ် ဆင်းရဲဒုက္ခ​ကို ကျွန်ုပ်​နှင့်အတူ သည်းခံလော့။

၂ တိ 2:8

ကျွန်ုပ်​ဟောပြောသည့် သတင်းကောင်း​အတိုင်း ဒါဝိဒ်မင်း​၏​မျိုးနွယ်​မှ ဆင်းသက်လာပြီး သေခြင်း​မှ​ထမြောက်တော်မူသော​ယေရှု​ခရစ်တော်​ကို သတိရလော့။

၂ တိ 2:9

ဤ​သတင်းကောင်း​ကြောင့် ကျွန်ုပ်​သည် ရာဇဝတ်သား​တစ်ယောက်​ကဲ့သို့​ပင် အကျဉ်းချ​ခံ​၍ ဆင်းရဲဒုက္ခ​ခံခဲ့ရ​သော်လည်း ဘုရားသခင်​၏​နှုတ်ကပတ်တော်​ကိုမူ အကျဉ်းချ​၍ မရ။

၂ တိ 4:17

သို့သော်လည်း ကျွန်ုပ်​သည် လူမျိုးခြားတို့​အား သတင်းကောင်း​ကို ပြည့်စုံ​စွာ ဟောပြော​ရန်အတွက် သခင်ဘုရား​သည် ကျွန်ုပ်​ဘက်မှ ရပ်တည်​၍ ခွန်အားပေးတော်မူခဲ့၏။ ဤသို့ဖြင့် ကိုယ်တော်​သည် ကျွန်ုပ်​ကို ခြင်္သေ့​ခံတွင်း​မှ ကယ်နှုတ်တော်မူ၏။

၂ တိ 4:5

သို့သော်လည်း သင်​သည် အရာရာ​၌ သတိရှိလော့။ ဆင်းရဲဒုက္ခ​ကို သည်းခံ​၍ သတင်းကောင်း​ဟောပြောသူ​တစ်ဦး ဆောင်ရွက်ရမည့် အမှု​ကို ပြု​လျက် အမှုတော်​ကို အပြည့်အဝ​ဆောင်ရွက်လော့။

၁ ပေ 1:5

သင်တို့​သည် ဘုရားသခင်​ကို ယုံကြည်​သောကြောင့် နောက်ဆုံးသော​ကာလ​၌ ပေါ်လွင်ထင်ရှား​ရန် အသင့်​ရှိသော ကယ်တင်ခြင်း​ကို ရရှိခံစား​နိုင်မည့်​အချိန်​တိုင်အောင် ဘုရားသခင်​သည် မိမိ​၏​တန်ခိုးတော်​ဖြင့် သင်တို့​ကို ကာကွယ်​စောင့်ရှောက်တော်မူ၏။

၁ ယော 4:14

ခမည်းတော်​သည် သားတော်​ကို ဤ​လောက​၏​ကယ်တင်ရှင်​ဖြစ်​ရန် စေလွှတ်တော်မူခဲ့သည်​ကို ကျွန်ုပ်တို့​မြင်​၍ သက်သေခံကြ၏။

ယု​ဒ 1:24

သင်တို့​အား အပြစ်နွံ​ထဲသို့ လဲကျခြင်း​မှ ကင်းဝေးစေနိုင်ပြီး အပြစ်​ကင်းစင်​လျက် ရွှင်လန်း​ဝမ်းမြောက်သော​စိတ်​နှင့် မိမိ​ဘုန်းအသရေတော်​ရှေ့သို့ ဝင်ရောက်စေနိုင်သည့်

ဗျာ​ဒိတ် 1:2

ယောဟန်​သည် မိမိ​မြင်သမျှ​အရာတို့​ကို သက်သေခံ၏။ ထို​အရာတို့​မှာ ဘုရားသခင်​၏ နှုတ်ကပတ်တော်​နှင့် ယေရှု​ခရစ်တော်​၏ သက်သေခံတော်မူချက်​တို့​ဖြစ်၏။

ဗျာ​ဒိတ် 1:9

သင်တို့​၏​ညီအစ်ကို​ဖြစ်သော ကျွန်ုပ်​ယောဟန်​သည် သင်တို့​နည်းတူ ယေရှု​၏​နောက်လိုက်​ဖြစ်သည်​နှင့်အညီ ဆင်းရဲဒုက္ခ​ကို​လည်းကောင်း၊ ဘုရားသခင်​၏​နိုင်ငံတော်သား​ဖြစ်ခွင့်​ကို​လည်းကောင်း၊ စိတ်ရှည်​သည်းခံရခြင်း​ကို​လည်းကောင်း မျှဝေခံစားသည့် သင်တို့​၏​လုပ်ဖော်ကိုင်ဖက်​ဖြစ်၏။ ကျွန်ုပ်​သည် ဘုရားသခင်​၏ နှုတ်ကပတ်တော်​ကို ဟောပြောပြီး သခင်​ယေရှု​အကြောင်း​ကို သက်သေခံ​သောကြောင့် ပတ်မုကျွန်း​သို့ ရောက်နေ၏။

ဗျာ​ဒိတ် 12:11

ညီအစ်ကို​မောင်နှမတို့​သည် ထို​သူ​ကို သိုးသငယ်​၏ အသွေးတော်​ဖြင့်​လည်းကောင်း၊ မိမိတို့​သက်သေခံ​ဟောပြောသော​နှုတ်ကပတ်တော်​ဖြင့်​လည်းကောင်း အောင်နိုင်ခဲ့ကြ၏။ သူတို့​သည် အသေ​ခံရမည်​ဆိုလျှင်​ပင် မိမိတို့​၏​အသက်​ကို မနှမြောကြ။

ဗျာ​ဒိတ် 19:10

ထိုအခါ ကျွန်ုပ်​သည် ထို​ကောင်းကင်တမန်​ကို ရှိခိုး​ရန် သူ​၏​ခြေရင်း​၌ ဝပ်တွား၏။ သို့သော် သူ​က “ထိုသို့​မပြုနှင့်။ ငါ​သည် သင်​မှစ၍ ယေရှု​အကြောင်း သက်သေခံချက်​ကို သစ္စာရှိစွာ ထိန်းသိမ်းသော သင့်​ညီအစ်ကို​မောင်နှမများ​၏ အစေခံချင်း​လည်း ဖြစ်၏။ ဘုရားသခင်​ကိုသာ ရှိခိုးလော့။ ပရောဖက်ပြုချက်​၏​အနှစ်သာရ​သည် ယေရှု​အကြောင်း သက်သေခံချက်​ပင် ဖြစ်၏” ဟု ဆို၏။