၂ ကော 8:4 - ခေတ်သစ်​မြန်မာ သမ္မာကျမ်း

⁴ သူတို့​သည် ဂျေရုဆလင်မြို့​ရှိ ယုံကြည်သူတို့​အား ပေးကမ်းသည့်​အမှု​တွင် ပါဝင်ခွင့်​ရ​ရန် ကျွန်ုပ်တို့​အား အနူးအညွတ်​မေတ္တာရပ်ခံကြ၏။

Judson Bible

⁴ သူ​တို့​အ​လှူ​ဒါ​န​ကို ငါ​တို့​သည်​ယူ၍ သူ​တို့​နှင့် ကူ​ညီ​လျက်၊ သန့်​ရှင်း​သူ​တို့​အား လုပ်​ကျွေး​ခြင်း​အ​မှု​ကို ဆောင်​ရွက်​မည်​အ​ကြောင်း၊ သူ​တို့​သည် တိုက်​တွန်း​သွေး​ဆောင်​သော စ​ကား​များ​အား​ဖြင့် ငါ​တို့​ကို တောင်း​ပန်​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သန့်ရှင်း​သူ​တို့​အား ဝေမျှ​ခြင်း​အမှု​၌ ပါဝင်​ရ​သော​ကျေးဇူး​တော်​ကို​ခံစား​ရ​ရန် ငါ​တို့​ကို အနူးအညွတ်​မေတ္တာရပ်ခံ​၍ တောင်းပန်​ကြ​၏။

၂ ကော 8:4 ပူးပေါင်းရင်းမြစ်များ

မဿဲ 10:42

ငါ့​တပည့်​၏ မျက်နှာ​ကို​ထောက်​၍ ဤ​အသေးနုပ်ဆုံးသောသူ​ထဲမှ တစ်ဦး​အား ရေအေး​တစ်ခွက်​ကို တိုက်သော​သူသည် အကျိုးကျေးဇူး​ကို မခံစားဘဲ​မနေရ​ဟု ငါ​အမှန်​ဆို၏” ဟု ညွှန်ကြား​လျက် မိန့်တော်မူ၏။

မဿဲ 12:50

ကောင်းကင်ဘုံ​၌​ရှိတော်မူသော​ငါ့​ခမည်းတော်​၏ အလိုတော်​အတိုင်း ဆောင်ရွက်သော​သူ​သည် ငါ့​ညီ၊ ငါ့​နှမ၊ ငါ့​မိခင် ဖြစ်သည်” ဟု မိန့်တော်မူ၏။

မဿဲ 25:40

ရှင်ဘုရင်​ကလည်း ‘သင်တို့​အား ငါ​အမှန်​ဆို၏။ ငါ​၏ ညီအစ်ကို​မောင်နှမများ​ထဲမှ အသေးနုပ်ဆုံးသော​သူ​အား သင်တို့​ပြုစုကြသမျှ​သည် ငါ့​အား ပြုစုခြင်းပင်​ဖြစ်သည်’ ဟု ပြန်​၍ မိန့်တော်မူ​လိမ့်မည်။

ရှင်မာကု 14:7

ဆင်းရဲသားများ​သည် သင်တို့​နှင့်အတူ အစဉ်အမြဲ​ရှိကြ၏။ ထို့ကြောင့် သင်တို့​စိတ်ဆန္ဒ​ရှိသည့်​အခါတိုင်း သူတို့​ကို ကူညီ​နိုင်၏။ သို့ရာတွင် ငါ​သည် သင်တို့​နှင့်အတူ အစဉ်အမြဲ ရှိနေမည်​မဟုတ်။

တမန်တော်ဝတ္ထု 11:29

တပည့်တော်များ​က မိမိတို့ တတ်နိုင်သည့်​အတိုင်း ယုဒပြည်​တွင်​နေထိုင်သော ယုံကြည်သူများ​အား ထောက်ပံ့ငွေ​ပေးပို့​ရန် ဆုံးဖြတ်ကြ၏။

တမန်တော်ဝတ္ထု 16:15

သူ​နှင့် အိမ်သူ​အိမ်သား​အားလုံးတို့​သည် နှစ်ခြင်းမင်္ဂလာ​ကို ခံယူပြီး​လျှင် လုဒိ​က “ကျွန်မ​သည် သခင်ဘုရား​အား အမှန်ပင်​ယုံကြည်သောသူ​ဖြစ်သည်​ဟု သင်တို့​သတ်မှတ်​ပါက အိမ်​သို့​လာ​၍ တည်းခိုကြပါ” ဟု ကျွန်ုပ်တို့​အား ဖျောင်းဖျလေ၏။

တမန်တော်ဝတ္ထု 24:17

ယခု​နှစ်ပေါင်းများစွာ​ကြာ​ပြီးနောက် အကျွန်ုပ်​သည် မိမိ​လူမျိုး​ထဲမှ ဆင်းရဲနွမ်းပါးသော​သူတို့​အား ပေးကမ်းစွန့်ကြဲ​ရန်​နှင့် ဘုရားသခင်​အား ပူဇော်စရာများ​လှူဒါန်း​ရန် ဂျေရုဆလင်မြို့​သို့ ပြန်လာပါ၏။

ရော​မ 15:31

ယေရှု​ခရစ်တော်​ကို မယုံကြည်သော ယုဒပြည်​၌​ရှိသည့် လူတို့​၏ လက်​မှ ကျွန်ုပ်​လွတ်​ရန်​နှင့် ဂျေရုဆလင်မြို့​၌ ရှိသည့် ယုံကြည်သူများ​သည် ကျွန်ုပ်​ယူဆောင်လာမည့် အလှူ​ကို လက်ခံ​လိုသော​စိတ် ရှိ​စေရန် ဆုတောင်းကြလော့။

၁ ကော 16:1

ဂျေရုဆလင်မြို့​ရှိ ယုံကြည်သူများ​အတွက် အလှူငွေ​ကောက်ခံခြင်း​နှင့်​ပတ်သက်၍ ဂလာတိပြည်​ရှိ အသင်းတော်များ​ကို ကျွန်ုပ်​လမ်းညွှန်ထား​သကဲ့သို့ သင်တို့​သည်လည်း ထို​နည်း​အတိုင်း ပြုကြလော့။

၁ ကော 16:15

ညီအစ်ကို​မောင်နှမတို့… သတေဖနာ​နှင့် သူ​၏ အိမ်သူအိမ်သားတို့​သည် ဂရိပြည်​တွင် ပထမဆုံး ယုံကြည်​သက်ဝင်လာကြသော​သူများ​ဖြစ်ပြီး ယုံကြည်သူများ​ကို အစေခံ​ရန် မိမိတို့ကိုယ်မိမိ ဆက်ကပ်ထားသူများ​ဖြစ်ကြောင်း သင်တို့​သိကြ၏။

၂ ကော 9:1

ဂျေရုဆလင်မြို့​ရှိ ယုံကြည်သူတို့​ကို လှူဒါန်းသော​အမှု​အကြောင်း​နှင့်​ပတ်သက်၍ သင်တို့​ထံ ကျွန်ုပ်​စာရေး​ရန် မလိုအပ်ပေ။

ဂ​လာ​တိ 2:10

သူတို့​၏ တစ်ခုတည်းသော အကြံပြုချက်​မှာ ဆင်းရဲသားတို့​အား ဆက်​၍ သတိရ ကူညီ​ရန် ဖြစ်၏။ ဤ​အရာ​သည် ကျွန်ုပ်​လုပ်ဆောင်​ရန် စိတ်အား​ထက်သန်နေခဲ့သော​အရာ ဖြစ်၏။

ဂ​လာ​တိ 6:10

ထို့ကြောင့် ကျွန်ုပ်တို့​သည် အခွင့်သာ​တိုင်း လူအပေါင်းတို့​အပေါ်၊ အထူး​သဖြင့် ယုံကြည်သူ​မိသားစုတို့​အပေါ် ကောင်းမှု​ပြုကြစို့။

၁ တိ 5:10

သူ​သည် မိမိ​သားသမီးများ​ကို ပြုစု​ပျိုးထောင်ခြင်း၊ ဧည့်ဝတ်​ကို ကျေပွန်​စွာ ပြုခြင်း၊ ယုံကြည်သူများ​၏​ခြေ​ကို ဆေးခြင်း၊ ဆင်းရဲဒုက္ခ​ကြုံတွေ့နေသူများ​ကို ကူညီခြင်း၊ အမျိုးမျိုးသော​ကောင်းမှုများ​ကို အားထုတ်​လုပ်ဆောင်ခြင်း စသည့် ကောင်းမှု​ကုသိုလ်များ​ကြောင့် နာမည်ကောင်းရသူ​ဖြစ်ရမည်။

ဟေ​ဗြဲ 6:10

အဘယ်ကြောင့်ဆိုသော် ဘုရားသခင်​သည် မဖြောင့်မတ်သော​အရှင် မဟုတ်။ ဘုရားသခင်​သည် သင်တို့​ပြုသော​အမှု​ကို​လည်းကောင်း၊ ယုံကြည်သူတို့​ကို ယခင်​က အစေခံ​သကဲ့သို့ ယခု​ဆက်လက် အစေခံရာ​တွင် ထားသော​သင်တို့​၏ ချစ်ခြင်းမေတ္တာ​ကို​လည်းကောင်း အသိအမှတ်​မပြုဘဲ နေတော်မူမည်​မဟုတ်။