၂ ကော 6:6 - ခေတ်သစ်​မြန်မာ သမ္မာကျမ်း

⁶ ဖြူစင်ခြင်း၊ အသိပညာ​ရှိခြင်း၊ စိတ်ရှည်ခြင်း​နှင့် ကျေးဇူးပြုခြင်းတို့​ဖြင့်​လည်းကောင်း၊ သန့်ရှင်းသော​ဝိညာဉ်တော်​ကို နာခံခြင်း၊ စစ်မှန်သော​ချစ်ခြင်းမေတ္တာ​ရှိခြင်း၊

Common Language Bible

⁶ စိတ်​နှ​လုံး​သန့်​ရှင်း​စင်​ကြယ်​ခြင်း၊ ပ​ညာ​သ​တိ ရှိ​ခြင်း၊ သည်း​ခံ​ခြင်း၊ ကြင်​နာ​သ​နား​ခြင်း​တို့ ဖြင့်​လည်း​ကောင်း၊ သန့်​ရှင်း​သော​ဝိ​ညာဉ်​တော် အား​ဖြင့်​လည်း​ကောင်း၊ စစ်​မှန်​သော​မေတ္တာ​အား ဖြင့်​လည်း​ကောင်း၊-

Garrad Bible

⁶ စင် ကြယ် ခြင်း၊ အ သိ ပ ညာ ရှိ ခြင်း၊ စိတ် ရှည် ခြင်း၊ က ရု ဏာ ပြ ခြင်း များ ဖြင့် လည်း ကောင်း၊ သန့် ရှင်း သော ဝိ ညာဉ် တော် အ ယောင် မ ဆောင် သော မေ တ္တာ၊

Judson Bible

⁶ စိတ်​နှ​လုံး​စင်​ကြယ်​ခြင်း၊ ပ​ညာ​ရှိ​ခြင်း၊ စိတ်​ရှည်​ခြင်း၊ ကျေး​ဇူး​ပြု​ခြင်း၊ သန့်​ရှင်း​သော ဝိ​ညာဉ်​တော်​ကို​ခံ​ခြင်း၊ ချစ်​ယောင်​မ​ဆောင် အ​မှန်​ချစ်​ခြင်း၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ဖြူစင်​ခြင်း​၌​ဖြစ်စေ၊ အသိပညာ​၌​ဖြစ်စေ၊ စိတ်ရှည်​ခြင်း​၌​ဖြစ်စေ၊ ကျေးဇူးပြု​ခြင်း​၌​ဖြစ်စေ၊ သန့်ရှင်း​သော​ဝိညာဉ်​တော်​၌​ဖြစ်စေ၊ ဟန်ဆောင်​မှု​ကင်း​သော​မေတ္တာ​၌​ဖြစ်စေ၊

၂ ကော 6:6 ပူးပေါင်းရင်းမြစ်များ

ရော​မ 12:9

သူတစ်ပါး​ကို ချစ်ခင်​ဟန် မဆောင်နှင့်။ စစ်မှန်​စွာ ချစ်လော့။ မကောင်းမှု​ကို မုန်းတီး​၍ ကောင်းမှု​ကို စွဲလမ်းကြလော့။

ရော​မ 15:19

နိမိတ်​လက္ခဏာများ​နှင့် အံ့ဖွယ်​ဖြစ်ရပ်များ​၏ တန်ခိုး​ဖြင့်​လည်းကောင်း၊ ဘုရားသခင်​၏ ဝိညာဉ်တော်​အားဖြင့်​လည်းကောင်း ပြုတော်မူသော​အမှုတို့​မှလွဲ၍ မည်သည့်​အရာ​အတွက်​မျှ ကျွန်ုပ်​ဂုဏ်မယူဝံ့ပါ။ ဤ​နည်း​ဖြင့် ကျွန်ုပ်​သည် ခရစ်တော်​၏ သတင်းကောင်း​ကို ဂျေရုဆလင်မြို့​မှ ဣလုရိတ်ပြည်​အထိ ရောက်ရှိရာ အရပ်​ဒေသတို့​၌ အကုန်အစင်​ဟောပြောခဲ့၏။

၁ ကော 12:8

ဝိညာဉ်တော်​သည် လူတစ်ယောက်​အား ဉာဏ်ပညာ​စကား​ကို ပေးတော်မူ၏။ ထို​ဝိညာဉ်တော်​တစ်ပါးတည်း​ကပင် အခြားသူ​တစ်ယောက်​အား အသိပညာ​စကား​ကို ပေးတော်မူ၏။

၁ ကော 13:4

မေတ္တာ​သည် စိတ်ရှည်တတ်၏။ ကြင်နာတတ်၏။ မေတ္တာ​သည် မနာလို​မဖြစ်တတ်။ မကြွားဝါတတ်။ မာန်မာန​မထားတတ်။

၁ ကော 2:16

အဘယ်ကြောင့်ဆိုသော် ကျမ်းစာ​၌ “မည်သူ​သည် ထာဝရဘုရား​၏ စိတ်တော်​ကို သိ​နိုင်​၍ ကိုယ်တော်​ကို သွန်သင်​နိုင်ပါမည်နည်း” ဟု ဖော်ပြထား​သောကြောင့်​ဖြစ်၏။ ကျွန်ုပ်တို့​မှာမူ ခရစ်တော်​၏ စိတ်​ကို ရရှိထားကြ၏။

၁ ကော 2:4

ကျွန်ုပ်​၏​သတင်းစကား​နှင့် ကျွန်ုပ်​၏ ဟောပြောချက်တို့​မှာ အလွန်​ရိုးစင်း၏။ ကျွန်ုပ်​သည် ဖြားယောင်းသော ပညာ​စကားတို့​ဖြင့် မပြောဆိုဘဲ သန့်ရှင်းသော​ဝိညာဉ်တော်​နှင့် တန်ခိုးတော်​တို့​၏ သက်သေ​အထောက်အထား​အားဖြင့်​သာ ပြောဆို၏။

၂ ကော 1:23

ကောရိန္သုမြို့​သို့ ကျွန်ုပ် ပြန်​မလာရခြင်း​အကြောင်းရင်း​မှာ ကျွန်ုပ်​၏ ပြင်းထန်သော​ဆုံးမခြင်း​မှ သင်တို့​ကို လွတ်စေလို​သောကြောင့်​ဖြစ်ကြောင်း ဘုရားသခင်​ကို တိုင်တည်​၍ ကျွန်ုပ်​ပြော၏။

၂ ကော 11:11

အဘယ်ကြောင့် ကျွန်ုပ်​သည် သင်တို့​အတွက် ဝန်ထုပ်ဝန်ပိုး​မဖြစ်ရ​သနည်း။ သင်တို့​ကို မချစ်​သောကြောင့်လော။ သင်တို့​ကို ကျွန်ုပ်​ချစ်ကြောင်း ဘုရားသခင်​သိတော်မူ၏။

၂ ကော 11:4

အဘယ်ကြောင့်ဆိုသော် တစ်စုံတစ်ယောက်​သည် သင်တို့​ထံ လာ​၍ ကျွန်ုပ်တို့ မဟောပြောခဲ့ဖူးသည့် အခြား​ယေရှု​အကြောင်း​ကို ဟောပြော​သောအခါ​၌ ဖြစ်စေ၊ သင်တို့​လက်ခံရရှိထားသော ဝိညာဉ်တော်​မဟုတ်သည့် အခြား​ဝိညာဉ်​ကို သင်တို့​လက်ခံရရှိသော​အခါ​၌ ဖြစ်စေ၊ သင်တို့​လက်ခံခဲ့သော​သတင်းကောင်း​မဟုတ်သည့် အခြား​သတင်း​ကို သင်တို့​ဟောပြောခံရ​သောအခါ​၌​ဖြစ်စေ သင်တို့​သည် ဝမ်းမြောက်စွာ​ပင် သည်းခံကြ​သောကြောင့်​ဖြစ်၏။

၂ ကော 11:6

ကျွန်ုပ်​သည် အဟောအပြော​ပိုင်း​၌ မကျွမ်းကျင်​သော်လည်း ခရစ်တော်​အကြောင်း​နှင့်ဆိုင်သော​အသိပညာ​ပိုင်း​၌ မချို့တဲ့။ ဤ​အချက်​နှင့်​ပတ်သက်၍ ကျွန်ုပ်တို့​သည် နည်းအမျိုးမျိုး​ဖြင့် သင်တို့​အား ရှင်းလင်း​စွာ ပြောပြထားပြီ​ဖြစ်၏။

၂ ကော 12:15

ထို့ကြောင့် ကျွန်ုပ်​သည် သင်တို့​၏​စိတ်ဝိညာဉ်​အတွက် ကျွန်ုပ်​၌ ရှိသမျှသော​ငွေကြေးဥစ္စာများ​နှင့် စိတ်ရောကိုယ်ပါ ဝမ်းမြောက်စွာ ပေးအပ်မည်။ ကျွန်ုပ်​သည် သင်တို့​အပေါ် ဤမျှ​မေတ္တာထား​လျှင် ကျွန်ုပ်​အပေါ်​ထားသော သင်တို့​၏​မေတ္တာ​သည် လျော့ပါး​သွားမည်လော။

၂ ကော 13:10

ကျွန်ုပ်​ရောက်လာ​သောအခါ ကျွန်ုပ်​အား သခင်ဘုရား ပေးတော်မူသည့်​အခွင့်အာဏာ​ကို ပြင်းထန်​စွာ အသုံးမပြုလို​သောကြောင့် သင်တို့​ထံ မလာမီ ဤ​အကြောင်းအရာများ​ကို ရေးလိုက်၏။ သခင်ဘုရား ပေးတော်မူသည့် ထို​အခွင့်အာဏာ​မှာ သင်တို့အား ဖြိုဖျက်​ရန် မဟုတ်ဘဲ တည်ဆောက်​ရန်​ဖြစ်၏။

၂ ကော 2:10

သင်တို့ ခွင့်လွှတ်သော​သူ​ကို ကျွန်ုပ်​လည်း ခွင့်လွှတ်၏။ ကျွန်ုပ်​သည် တစ်စုံတစ်ယောက်​ကို ခွင့်လွှတ်စရာ​ရှိ​၍ ခွင့်လွှတ်​လျှင် သင်တို့​အကျိုး​အတွက် ခရစ်တော်​၏​ရှေ့တော်​၌ ခွင့်လွှတ်၏။

၂ ကော 2:4

ကျွန်ုပ်​သည် အလွန်​စိတ်ဆင်းရဲခြင်း​နှင့် ပူဆွေးခြင်း​ထဲမှ မျက်ရည်များ​ဖြင့် ထို​စာ​ကို​ရေးခဲ့၏။ သင်တို့​ကို ဝမ်းနည်း​စေလို​သောကြောင့် မဟုတ်ဘဲ သင်တို့​ကို ကျွန်ုပ် မည်မျှ​ချစ်ကြောင်း​ကို သိစေလို​သောကြောင့် ရေးခဲ့ခြင်း​ဖြစ်၏။

၂ ကော 3:3

သင်တို့​သည် ကျွန်ုပ်တို့ ပြုစုသော ခရစ်တော်​ထံမှ​စာ​ဖြစ်ကြောင်း သိသာ​ထင်ရှား၏။ ဤ​စာ​သည် မင်​ဖြင့် ရေးသားထားသော​စာ မဟုတ်၊ အသက်ရှင်တော်မူသော​ဘုရားသခင်​၏ ဝိညာဉ်တော်​အားဖြင့် ရေးသားထားသော​စာ​ဖြစ်၏။ ကျောက်ပြား​ပေါ်တွင် ရေးထွင်းထားသော​စာ​မဟုတ်၊ လူ့​နှလုံးသား​ပေါ်တွင် ရေးထွင်းထားသော​စာ​ဖြစ်၏။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

၂ ကော 7:2

ကျွန်ုပ်တို့​အပေါ်​ထားသော သင်တို့​၏​မေတ္တာ​ကို ကြီးမားစေကြလော့။ ကျွန်ုပ်တို့​သည် မည်သူ့​ကိုမျှ မပြစ်မှားခဲ့။ မည်သူ့​ကိုမျှ မဖျက်ဆီးခဲ့။ မည်သူ့​ကိုမျှ အမြတ်မထုတ်ခဲ့။

ဂ​လာ​တိ 3:2

သင်တို့​ထံမှ ကျွန်ုပ်​သိလိုသော​အရာ တစ်ခု​သာ ရှိ၏။ သင်တို့​သည် ဝိညာဉ်တော်​ကို ခံယူရရှိ​ရာတွင် ပညတ်တရား​ကို လိုက်နာခြင်း​အားဖြင့် ခံယူရရှိသလော။ သို့မဟုတ် ကြားနာရသော သတင်းကောင်း​ကို ယုံကြည်ခြင်း​အားဖြင့် ခံယူရရှိသလော။

ဂ​လာ​တိ 3:5

ထပ်မံ​၍ မေးလိုသည်​မှာ ဘုရားသခင်​သည် သင်တို့​အား ဝိညာဉ်တော်​ကို ပေးတော်မူ​၍ သင်တို့​အလယ်​၌ အံ့ဖွယ်​တန်ခိုးတို့​ကို ပြတော်မူသည်​မှာ ပညတ်တရား​ကို သင်တို့​လိုက်နာ​သောကြောင့်လော။ သို့မဟုတ် ကြားနာရသော သတင်းကောင်း​ကို သင်တို့​ယုံကြည်​သောကြောင့်လော။

ဂ​လာ​တိ 5:22

သို့သော် ဝိညာဉ်တော်​က ဖြစ်စေသော အသီးအပွင့်​မှာ ချစ်ခြင်း၊ ဝမ်းမြောက်ခြင်း၊ ငြိမ်းချမ်းခြင်း၊ စိတ်ရှည်ခြင်း၊ ကျေးဇူးပြုခြင်း၊ ကောင်းမြတ်ခြင်း၊ သစ္စာ​စောင့်သိခြင်း၊

ဧ​ဖက် 3:4

ထို​အကြောင်းအရာ​ကို ဖတ်ရှုခြင်း​အားဖြင့် ခရစ်တော်​၏ လျှို့ဝှက်​နက်နဲသော​အရာ​ကို ကျွန်ုပ် သိကျွမ်း​နားလည်ကြောင်း သင်တို့ သဘောပေါက်နိုင်ကြ၏။

ဧ​ဖက် 4:2

အရာရာ​၌ နှိမ့်ချ​လျက် သိမ်မွေ့​စွာ နေကြလော့။ စိတ်ရှည်​လျက် မေတ္တာ​ဖြင့် တစ်ယောက်​ကို​တစ်ယောက် သည်းခံကြလော့။

ဧ​ဖက် 4:32

သင်တို့​သည် တစ်ဦး​ကို တစ်ဦး ကျေးဇူးပြုကြလော့။ သနားကြင်နာကြလော့။ ဘုရားသခင်​သည် ခရစ်တော်​ကြောင့် သင်တို့​ကို ခွင့်လွှတ်တော်မူ​သကဲ့သို့ သင်တို့​သည်လည်း တစ်ဦး​ကို တစ်ဦး ခွင့်လွှတ်ကြလော့။

ကော​လော​သဲ 1:27

ဤ​လျှို့ဝှက်နက်နဲသော​အရာ​၏ ဘုန်းစည်းစိမ်​သည် လူမျိုးခြားတို့​အတွက် မည်မျှ ကြီးမားကြောင်း ယုံကြည်သူတို့ သိ​စေရန် ဘုရားသခင် အလိုရှိတော်မူ၏။ ဤ​လျှို့ဝှက်နက်နဲသော​အရာ​သည် သင်တို့​ထဲ၌ ကိန်းအောင်းတော်မူသည့်​ခရစ်တော်​ပင် ဖြစ်၏။ ခရစ်တော်​ကြောင့် သင်တို့​သည် ဘုရားသခင်​၏ ဘုန်းအသရေ​ကို ရရှိ​ရန် မျှော်လင့်ရ၏။

ကော​လော​သဲ 2:3

ထို​ခရစ်တော်​ထံ၌ ဉာဏ်ပညာ​နှင့် အသိပညာတို့​သည် ရတနာသိုက်​သဖွယ် ဖုံးကွယ်​လျက် ရှိကြ၏။

ကော​လော​သဲ 3:12

ထို့ကြောင့် သင်တို့သည်​ဘုရားသခင် ရွေးချယ်တော်မူသော​သူများ၊ သီးသန့်​ထားတော်မူသော​သူများ၊ ချစ်တော်မူသော​သူများ​ဖြစ်သည့်​အားလျော်စွာ ကရုဏာ​ထားခြင်း၊ ကျေးဇူးပြုခြင်း၊ နှိမ့်ချခြင်း၊ နူးညံ့သိမ်မွေ့ခြင်း​နှင့် သည်းခံခြင်း​တို့ကို ဝတ်ဆင်ကြလော့။

၁ သက် 2:10

ယုံကြည်သော သင်တို့​နှင့် ဆက်ဆံ​ရာတွင် ကျွန်ုပ်တို့​သည် မည်သို့​သန့်ရှင်း ဖြောင့်မတ်​ပြီး အပြစ်ဆိုဖွယ်​မရှိသူများ​ဖြစ်ကြောင်း​ကို သင်တို့​နှင့် ဘုရားသခင်​သည် ကျွန်ုပ်တို့​၏ သက်သေများ​ဖြစ်၏။

၁ တိ 4:12

သင်​၏​အသက်​ငယ်ရွယ်သည်​ကို မည်သူမျှ မထီမဲ့မြင်​မပြုစေနှင့်။ ပြောဆိုခြင်း၊ ပြုမူခြင်း၊ ချစ်ခြင်း၊ ယုံကြည်ခြင်း၊ စင်ကြယ်ခြင်း​တို့​တွင် ယုံကြည်သူတို့​အတွက် စံနမူနာ​ဖြစ်စေလော့။

၁ တိ 5:2

အသက်ကြီးသော​အမျိုးသမီးများ​ကို မိခင်​ကဲ့သို့​လည်းကောင်း၊ အသက်ငယ်သော​အမျိုးသမီးများ​ကို နှမ​ကဲ့သို့​လည်းကောင်း စင်ကြယ်​စွာ ပြုမူ​ဆက်ဆံလော့။

၂ တိ 3:10

သို့သော် သင်​သည် ကျွန်ုပ်​၏​သွန်သင်ခြင်း၊ ကျင့်ကြံ​နေထိုင်ခြင်း၊ ကြံစည်ခြင်း၊ ယုံကြည်ခြင်း၊ စိတ်ရှည်ခြင်း၊ ချစ်ခြင်း၊ သည်းခံခြင်း​တို့ကို သိ၏။

၂ တိ 4:2

အခွင့်အခါ​သင့်သည်​ဖြစ်စေ၊ မသင့်သည်​ဖြစ်စေ အဆင်သင့်​ဖြစ်​၍ နှုတ်ကပတ်​တရားတော်​ကို ဟောပြောလော့။ အလွန်​စိတ်ရှည်​စွာ သွန်သင်​၍ အပြစ်​ကို ဖော်ပြခြင်း၊ ဆုံးမခြင်း၊ အားပေး​တိုက်တွန်းခြင်း​တို့ကို ပြုလော့။

တိ​တု 2:7

အရာရာ​၌ ကောင်းမှု​ကို ပြု​၍ သင်​ကိုယ်တိုင်​စံနမူနာ​ဖြစ်စေလော့။ သွန်သင်​ရာတွင် ရိုးသား​ပွင့်လင်းခြင်း၊ တည်ကြည်ခြင်း၊

ယာ​ကုပ် 3:17

ကောင်းကင်ဘုံ​မှ ဆင်းသက်လာသော ဉာဏ်ပညာ​သည် ပထမ​ဦးစွာ စင်ကြယ်၏။ ငြိမ်းချမ်းမှု​ကို မြတ်နိုး၏။ ထောက်ထား​ညှာတာတတ်၏။ သဟဇာတ​ဖြစ်တတ်၏။ ကရုဏာတရား​နှင့် ကောင်းကျိုးတို့​ဖြင့် ပြည့်စုံ၏။ မျက်နှာ​မလိုက်တတ်။ ဟန်ဆောင်မှု​ကင်း၏။

၁ ပေ 1:12

သူတို့​စူးစမ်းသော​အရာများ​သည် သူတို့​ကိုယ်တိုင်​အတွက်​မဟုတ်ဘဲ သင်တို့​အတွက်​ဖြစ်ကြောင်း သူတို့​အား ဘုရားသခင်​ဖော်ပြတော်မူ၏။ သင်တို့​အား သတင်းကောင်း​ကို ဟောပြောသော​သူတို့​သည် ကောင်းကင်ဘုံ​မှ စေလွှတ်တော်မူခြင်း​ခံရသည့် သန့်ရှင်းသော​ဝိညာဉ်တော်​၏​တန်ခိုး​ဖြင့် ဤ​အရာများ​ကို ပြောကြ၏။ ကောင်းကင်တမန်များ​ပင်လျှင် ဤ​အရာများ​ကို သိရှိ​နားလည်​လိုကြ၏။

၁ ပေ 1:22

သင်တို့​သည် သမ္မာတရား​ကို နာခံခြင်း​ဖြင့် မိမိ​ကိုယ်​မိမိ သန့်ရှင်း​စင်ကြယ်စေပြီ​ဖြစ်​၍ သင်တို့​၏​ညီအစ်ကို​မောင်နှမများ​ကို စိတ်ရင်း​အမှန်​ဖြင့် ချစ်နိုင်ကြ၏။ ဖြူစင်သော​စိတ်နှလုံး​ဖြင့် အချင်းချင်း​အကြွင်းမဲ့​ချစ်ကြလော့။

၁ ယော 3:18

သားသမီးတို့… ကျွန်ုပ်တို့​သည် အပြော​နှင့်သာ မချစ်ဘဲ လက်တွေ့၊ အမှန်​ချစ်ကြပါစို့။