၂ ကော 13:3 - ခေတ်သစ်​မြန်မာ သမ္မာကျမ်း

³ ခရစ်တော်​သည် ကျွန်ုပ်​အားဖြင့် မိန့်တော်မူသည်​ဟူသော သက်သေ​ကို သင်တို့​တောင်းဆိုသည့်​အတိုင်း ကျွန်ုပ်​ပြမည်။ ကိုယ်တော်​သည် သင်တို့​ကို အပြစ်ပေး​ရာ​၌​ဖြစ်စေ၊ ကူညီမစ​ရာ​၌​ဖြစ်စေ အားနည်းတော်မမူပါ။ တန်ခိုးတော်​သည် သင်တို့​အလယ်​၌ အားကြီးတော်မူ၏။

Common Language Bible

³ ခ​ရစ်​တော်​သည်​ငါ့​အား​ဖြင့်​မိန့်​တော်​မူ​ကြောင်း သက်​သေ​ကို​သင်​တို့​တောင်း​ဆို​ကြ​သည့်​အ​တိုင်း ငါ​လာ​သော​အ​ခါ​ရ​စေ​မည်။ ခ​ရစ်​တော်​သည်​သင် တို့​နှင့်​ဆက်​ဆံ​သော​အ​ခါ​စွမ်း​အား​နည်း​တော် မ​မူ​ဘဲ မိ​မိ​၏​တန်​ခိုး​တော်​ကို​သင်​တို့​အား ထင်​ရှား​စွာ​ပြ​တော်​မူ​၏။-

Judson Bible

³ သင်​တို့​တွင် အား​နည်း​တော်​မ​မူ၊ အား​ကြီး​တော်​မူ​သော ခ​ရစ်​တော်​သည် ငါ၌​ဗျာ​ဒိတ်​ပြ​တော်​မူ​ခြင်း သက်​သေ​ကို သင်​တို့​သည် ရှာ​သော​ကြောင့်၊ ငါ​ရောက်​လာ​သော​အ​ခါ မ​သ​နား​ရ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³ အဘယ်ကြောင့်​ဆိုသော် ခရစ်တော်​သည် ငါ့​အားဖြင့်​မြွက်ဆို​နေ​သည်​ဟူသော​သက်သေ​သာဓက​ကို သင်​တို့​တွေ့မြင်​လို​ကြ​သောကြောင့်​ဖြစ်​၏။ ကိုယ်တော်​သည် သင်​တို့​တွင်​အားနည်း​တော်​မ​မူ။ သင်​တို့​အထဲ၌ တန်ခိုး​နှင့်​ပြည့်စုံ​တော်မူ​၏။

၂ ကော 13:3 ပူးပေါင်းရင်းမြစ်များ

မဿဲ 10:20

သို့ဖြစ်၍ ထိုသို့ ပြောဆိုနေမည့်သူ​မှာ သင်တို့​မဟုတ်ဘဲ သင်တို့​အဖ​၏​ဝိညာဉ်တော်​သည် သင်တို့​အားဖြင့် ပြောဆိုနေမည်​ဖြစ်၏။

လုကာ 21:15

အဘယ်ကြောင့်ဆိုသော် သင်တို့​၏​ရန်သူ​အပေါင်းတို့​က သင်တို့​ကို ဆန့်ကျင်​ငြင်းဆို​၍ မရ​နိုင်အောင် ပြောဆိုရမည့်​စကား​နှင့် ဉာဏ်ပညာ​ကို သင်တို့​အား ငါ​ပေးမည်​ဖြစ်သောကြောင့်​ပင်။

၁ ကော 7:40

မည်သို့ပင်​ဖြစ်စေ ကျွန်ုပ်​၏ ထင်မြင်ချက်​အရ သူ​သည် နောက်ထပ်​အိမ်ထောင်​မပြုဘဲ​နေလျှင် ပို၍ ကောင်း၏။ ဤသို့ ကျွန်ုပ်​ပြောဆို​ရာတွင် ဘုရားသခင်​၏ ဝိညာဉ်တော်​အားဖြင့် သင်တို့​ကို အကြံပေး​ပြောဆိုခြင်း​ဖြစ်ကြောင်း ကျွန်ုပ်​မှတ်ယူပါ၏။

၂ ကော 10:1

သင်တို့​နှင့် လူချင်းတွေ့​သောအခါ မဝံ့မရဲ​ဖြစ်၍ အဝေး​တွင် ရှိ​သောအခါ ရဲဝံ့ပြတ်သားသည်​ဟု သင်တို့​မှတ်ယူသော ကျွန်ုပ်​ပေါလု​သည် ခရစ်တော်​၏ နှိမ့်ချမှု​နှင့် နူးညံ့သိမ်မွေ့မှု​တို့​ဖြင့် သင်တို့​ကို တိုက်တွန်း​နှိုးဆော်ပါ၏။

၂ ကော 10:4

တိုက်ပွဲ​တွင် ကျွန်ုပ်တို့ အသုံးပြုသည့်​လက်နက်များ​သည် လောကီသားများ​အသုံးပြုသည့် လက်နက်များ​မဟုတ်။ ခံတပ်များ​ကို ဖြိုဖျက်နိုင်သည့် ဘုရားသခင်​၏ တန်ခိုးတော်​ပါသော လက်နက်များ​ဖြစ်၏။

၂ ကော 12:12

ကျွန်ုပ်​တမန်တော်​ဖြစ်ကြောင်း​ကို သင်တို့​နှင့်အတူ​ရှိစဉ် လက္ခဏာများ​နှင့်တကွ သက်သေပြခဲ့၏။ ကျွန်ုပ်​သည် နိမိတ်​လက္ခဏာများ၊ အံ့ဖွယ်​ဖြစ်ရပ်များ​နှင့် အံ့ဖွယ်တန်ခိုးများ​ဖြင့် သင်တို့​အား စိတ်ရှည်​စွာ ပြခဲ့၏။

၂ ကော 2:10

သင်တို့ ခွင့်လွှတ်သော​သူ​ကို ကျွန်ုပ်​လည်း ခွင့်လွှတ်၏။ ကျွန်ုပ်​သည် တစ်စုံတစ်ယောက်​ကို ခွင့်လွှတ်စရာ​ရှိ​၍ ခွင့်လွှတ်​လျှင် သင်တို့​အကျိုး​အတွက် ခရစ်တော်​၏​ရှေ့တော်​၌ ခွင့်လွှတ်၏။

၂ ကော 2:6

သင်တို့​အများစု​ပေးသော​ပြစ်ဒဏ်​သည် ထို​သူ​၏ အပြစ်​အတွက် လုံလောက်ပြီ။

၂ ကော 9:8

ဘုရားသခင်​သည် သင်တို့​အတွက် ကျေးဇူးတော်​တိုင်း​ကို ကြွယ်ဝ​စွာ ပေးသနား​ရန် တတ်နိုင်တော်မူ၏။ ဤ​သည်​မှာ လိုအပ်သော​အရာများ​ကို အစဉ်​ရရှိခြင်း​အားဖြင့် သင်တို့​သည် ကောင်းမှု​တိုင်း​တွင် ကူညီမစ​နိုင်ရန်​ဖြစ်၏။