၁ သက် 4:8 - ခေတ်သစ်​မြန်မာ သမ္မာကျမ်း

⁸ ထို့ကြောင့် ဤ​ညွှန်ကြားချက်များ​ကို ငြင်းပယ်သော သူတို့​သည် လူ​ကို ငြင်းပယ်သည်​မဟုတ်ဘဲ သင်တို့​အတွက် သန့်ရှင်းသော​ဝိညာဉ်တော်​ကို ပေးတော်မူသော ဘုရားသခင်​ကို ငြင်းပယ်၏။

Common Language Bible

⁸ သို့​ဖြစ်​၍​ဤ​သွန်​သင်​ချက်​ကို​မ​လိုက်​လျှောက်​သူ မည်​သည်​ကား​လူ​ကို​ပစ်​ပယ်​သူ​မ​ဟုတ်။ မိ​မိ​၏ သန့်​ရှင်း​သော​ဝိ​ညာဉ်​တော်​ကို သင်​တို့​အား​ပေး တော်​မူ​သော​ဘု​ရား​သ​ခင်​ကို​ပစ်​ပယ်​သူ​ဖြစ် သ​တည်း။

Garrad Bible

⁸ ထို့ ကြောင့် ငြင်း ပယ် သူ သည် လူ ကို မ ဟုတ်။ သန့် ရှင်း သော ဝိ ညာဉ် တော် ကို သင် တို့ အား သ နား တော် မူ သော ဘု ရား သ ခင် ကို ငြင်း ပယ် ရာ ရောက် ၏။

Judson Bible

⁸ ထို​ကြောင့်၊ ငါ​တို့​ကို​ငြင်း​ပယ်​သော​သူ​သည် လူ​ကို​သာ ငြင်း​ပယ်​သည်​မ​ဟုတ်၊ ကိုယ်​တော်၏ သန့်​ရှင်း​သော ဝိ​ညာဉ်​တော်​ကို ငါ​တို့​အား ပေး​တော်​မူ​သော ဘု​ရား​သ​ခင်​ကို ငြင်း​ပယ်၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ထို့ကြောင့် ဤ​ညွှန်ကြား​ချက်​ကို ငြင်းပယ်​သော​သူ​သည် လူ​ကို​မ​ဟုတ်​ဘဲ သင်​တို့​အား မိမိ​၏​သန့်ရှင်း​သော​ဝိညာဉ်​တော်​ကို​ပေး​တော်မူ​သော​ဘုရားသခင်​ကို ငြင်းပယ်​၏။

၁ သက် 4:8 ပူးပေါင်းရင်းမြစ်များ

လုကာ 10:16

ထို့နောက် တပည့်တော်တို့​အား “သင်တို့​၏​စကား​ကို နားထောင်သော​သူ​သည် ငါ့​စကား​ကို နားထောင်၏။ သင်တို့​ကို ငြင်းပယ်သော​သူ​သည် ငါ့​ကို ငြင်းပယ်၏။ ငါ့​ကို ငြင်းပယ်သော​သူ​သည် ငါ့​ကို​စေလွှတ်တော်မူသော​အရှင်​ကို ငြင်းပယ်ပြီ” ဟု မိန့်တော်မူ၏။

ရှင်ယောဟန် 12:48

ငါ​နှင့် ငါ့​စကား​ကို ငြင်းပယ်သော​သူတို့​သည် ငါ​ဟောပြောသော တရားစကားများ​အတိုင်း တရားစီရင်ရာ​နေ့​တွင် အပြစ်စီရင်ခြင်း ခံကြရမည်။

တမန်တော်ဝတ္ထု 13:41

‘အို မထီမဲ့မြင်ပြုသော​သူတို့… ကြည့်ရှု​အံ့ဩ​၍ ပျက်စီးရာ​သို့​ရောက်ကြလော့။ အဘယ်ကြောင့်ဆိုသော် သင်တို့​ခေတ်ကာလ​တွင် ငါ​သည် အမှု​တစ်ခု​ပြုမည်​ဖြစ်​သောကြောင့်​ပင်။ တစ်စုံတစ်ယောက်​က ထို​အမှု​ကို သင်တို့​အား ပြောပြ​လျှင်​လည်း လုံးဝ​ယုံကြည်ကြမည်​မဟုတ်’ ဟူ၍ ဖြစ်သည်” ဟု ဟောပြောလေ၏။

ရော​မ 5:5

ဤ​မျှော်လင့်ခြင်း​သည် ကျွန်ုပ်တို့​ကို စိတ်ပျက်စေမည်​မဟုတ်ပေ။ အဘယ်ကြောင့်ဆိုသော် ဘုရားသခင်​သည် ကျွန်ုပ်တို့​အား ပေးသနားတော်မူသော သန့်ရှင်းသော​ဝိညာဉ်တော်​အားဖြင့် ကျွန်ုပ်တို့​၏ စိတ်နှလုံး​ကို မိမိ​၏​မေတ္တာတော်​နှင့် ပြည့်စေတော်မူ​သောကြောင့်​ဖြစ်၏။

၁ ကော 2:10

သို့သော် ဘုရားသခင်​သည် ဤ​အရာများ​ကို ဝိညာဉ်တော်​အားဖြင့် ကျွန်ုပ်တို့​အား ဖော်ပြတော်မူ၏။ ဝိညာဉ်တော်​သည် အရာ​အားလုံး​ကို ဆန်းစစ်​၍ ဘုရားသခင်​၏ နက်နဲသော​လျှို့ဝှက်ချက်များ​ကိုပင် ကျွန်ုပ်တို့​အား ဖော်ပြပေးတော်မူ၏။

၁ ကော 7:40

မည်သို့ပင်​ဖြစ်စေ ကျွန်ုပ်​၏ ထင်မြင်ချက်​အရ သူ​သည် နောက်ထပ်​အိမ်ထောင်​မပြုဘဲ​နေလျှင် ပို၍ ကောင်း၏။ ဤသို့ ကျွန်ုပ်​ပြောဆို​ရာတွင် ဘုရားသခင်​၏ ဝိညာဉ်တော်​အားဖြင့် သင်တို့​ကို အကြံပေး​ပြောဆိုခြင်း​ဖြစ်ကြောင်း ကျွန်ုပ်​မှတ်ယူပါ၏။

၂ ကော 1:22

ထို​ဘုရားသခင်​သည် ကျွန်ုပ်တို့​ကို မိမိ​ပိုင်သော လူများ​အဖြစ် တံဆိပ်​ခတ်နှိပ်တော်မူ​၍ ဖြစ်လာမည့်​အရာများ​အတွက် အာမခံချက်​ပေး​လျက် ကျွန်ုပ်တို့​၏ စိတ်နှလုံး​ထဲ၌ ဝိညာဉ်တော်​ကို စရန်​အဖြစ် သွင်းပေးတော်မူ၏။

ဂ​လာ​တိ 4:6

ကျွန်ုပ်တို့​သည် ဘုရားသခင်​၏ သားများ​ဖြစ်ကြ​သောကြောင့် ဘုရားသခင်​သည် သားတော်​၏ ဝိညာဉ်တော်​ကို ကျွန်ုပ်တို့​၏ စိတ်နှလုံး​ထဲသို့ စေလွှတ်တော်မူ​၍ ထို​ဝိညာဉ်တော်​ကြောင့် ကျွန်ုပ်တို့​က “အဗ္ဗ၊ အဖ” ဟု ကြွေးကြော်ကြ၏။

၁ ပေ 1:12

သူတို့​စူးစမ်းသော​အရာများ​သည် သူတို့​ကိုယ်တိုင်​အတွက်​မဟုတ်ဘဲ သင်တို့​အတွက်​ဖြစ်ကြောင်း သူတို့​အား ဘုရားသခင်​ဖော်ပြတော်မူ၏။ သင်တို့​အား သတင်းကောင်း​ကို ဟောပြောသော​သူတို့​သည် ကောင်းကင်ဘုံ​မှ စေလွှတ်တော်မူခြင်း​ခံရသည့် သန့်ရှင်းသော​ဝိညာဉ်တော်​၏​တန်ခိုး​ဖြင့် ဤ​အရာများ​ကို ပြောကြ၏။ ကောင်းကင်တမန်များ​ပင်လျှင် ဤ​အရာများ​ကို သိရှိ​နားလည်​လိုကြ၏။

၂ ပေ 1:21

အဘယ်ကြောင့်ဆိုသော် ပရောဖက်ပြု​ဟောပြောချက်​သည် မည်သည့်​အခါ​မျှ လူ့​အလို​အရ ဖြစ်ပေါ်လာသည်​မဟုတ်ဘဲ သန့်ရှင်းသော​ဝိညာဉ်တော်​၏ နှိုးဆော်ခြင်း​ကို ခံရသော​သူတို့​သည် ဘုရားသခင်​ထံမှ လာသော​စကား​ကို ဟောပြော​သောကြောင့်​ဖြစ်၏။

၁ ယော 3:24

ဘုရားသခင်​၏​ပညတ်တော်တို့​ကို လိုက်နာသောသူတို့​သည် ကိုယ်တော်​နှင့် တပေါင်းတစည်းတည်း​ဖြစ်၍ ကိုယ်တော်​သည်လည်း သူတို့​နှင့် တပေါင်းတစည်းတည်း​ဖြစ်တော်မူ၏။ ဘုရားသခင်​သည် ကျွန်ုပ်တို့​နှင့် တပေါင်းတစည်းတည်း​ဖြစ်တော်မူကြောင်း​ကို ကျွန်ုပ်တို့​အတွက် ပေးတော်မူသော​ဝိညာဉ်တော်​အားဖြင့် ကျွန်ုပ်တို့​သိကြ၏။

ယု​ဒ 1:8

ထိုနည်းတူ ဘုရားသခင်​ထံမှ အိပ်မက်​ရသည်​ဟု မိမိကိုယ်ကိုယ်​မှတ်ယူသူများ​သည် မိမိတို့​၏ ကိုယ်ခန္ဓာ​ကို ညစ်ညမ်းစေ​၍ အာဏာတော်​ကို ဖီဆန်​လျက် ဘုန်းတန်ခိုး​ကြီးသူတို့​ကို စော်ကား​ပြောဆိုကြ၏။