၁ သက် 3:3 - ခေတ်သစ်​မြန်မာ သမ္မာကျမ်း

³ ထို့ပြင် ဤ​ဆင်းရဲ​ဒုက္ခများ​ကြောင့် သင်တို့​တစ်ဦး​တစ်ယောက်​မျှ ယိမ်းယိုင်​မသွား​စေရန် ဖြစ်၏။ ထို​ဆင်းရဲ​ဒုက္ခများ တွေ့ကြုံရခြင်း​သည် ဘုရားသခင်​၏ အလိုတော်​အရ​ဖြစ်ကြောင်း သင်တို့​သိကြ၏။

Judson Bible

³ ငါ​တို့​ခံ​ရ​သော ဆင်း​ရဲ​ခြင်း​ကြောင့် အ​ဘယ်​သူ​မျှ မ​ရွေ့​လျော့​မည်​အ​ကြောင်း၊ သင်​တို့​ကို​မြဲ​မြံ​စေ၍၊ ယုံ​ကြည်​ခြင်း​အ​ရာ၌ သင်​တို့​ကို တိုက်​တွန်း​နှိုး​ဆော်​စေ​ခြင်း​ငှာ သူ့​ကို ငါ​လွှတ်​လိုက်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³ ဤ​ဆင်းရဲ​ဒုက္ခ​များ​ကြောင့် မည်သူမျှ ယိမ်းယိုင်​ခြင်း​မ​ရှိ​စေရန်​ဖြစ်​၏။ အကြောင်းမူကား ဤ​သို့​ဆင်းရဲ​ဒုက္ခ​ကို​ခံရ​စေရန် ငါ​တို့​ကို​ခန့်ထား​တော်မူ​ကြောင်း သင်​တို့​ကိုယ်တိုင်​သိ​ကြ​၏။

၁ သက် 3:3 ပူးပေါင်းရင်းမြစ်များ

တမန်တော်ဝတ္ထု 14:22

သူတို့​က “ကျွန်ုပ်တို့​သည် ဆင်းရဲဒုက္ခ​များစွာ​ခံရခြင်း​အားဖြင့် ဘုရားသခင်​၏​နိုင်ငံတော်​သို့ ဝင်ရောက်ကြရမည်” ဟု ဆို​လျက် ထို​မြို့များ​ရှိ တပည့်တော်တို့​၏ စိတ်​ကို ကြံ့ခိုင်​စေကြ၏။ ယုံကြည်ခြင်း​တွင်လည်း ဆက်လက်​ရပ်တည်​ရန် ခွန်အားပေးကြ၏။

ရော​မ 5:3

ထိုမျှ​မက ဆင်းရဲ​ဒုက္ခများ​နှင့် ကြုံတွေ့ရ​လျှင်လည်း ကျွန်ုပ်တို့​သည် ဂုဏ်ယူ​ဝမ်းမြောက်ကြ၏။ အဘယ်ကြောင့်ဆိုသော် ထို​ဆင်းရဲဒုက္ခများ​သည် ကျွန်ုပ်တို့​အား သည်းခံခြင်း​ကို​လည်းကောင်း၊

တမန်တော်ဝတ္ထု 9:16

သူ​သည် ငါ့​အမည်​နာမ​ကြောင့် မည်မျှ​ဒုက္ခ​ခံရမည်​ကို ငါ​ကိုယ်တိုင် သူ့​အား​ပြမည်” ဟု မိန့်တော်မူ၏။

ရှင်ယောဟန် 16:33

ငါ့​ကြောင့် သင်တို့​ငြိမ်းချမ်းခြင်း​ရှိ​စေရန် ဤ​အကြောင်းအရာများ​ကို ငါ​ပြောပြီ။ ဤ​ကမ္ဘာလောက​၌ သင်တို့​သည် ဆင်းရဲဒုက္ခ​နှင့် ကြုံတွေ့ကြရ​လိမ့်မည်။ သို့သော် အားမငယ်ကြနှင့်။ ငါ​သည် ဤ​လောက​ကို အောင်ပြီ” ဟု မိန့်တော်မူ၏။

၁ ကော 15:58

ထို့ကြောင့် ချစ်သော ညီအစ်ကို​မောင်နှမတို့… မြဲမြံ​စွာ ရပ်တည်​၍ မရွေ့လျား​မပြောင်းလဲကြနှင့်။ ဘုရားသခင်​အတွက် သင်တို့ လုပ်ဆောင်​သမျှ​သည် အချည်းနှီး​မဖြစ်ကြောင်း သင်တို့​သိကြသည့်​အတိုင်း ဘုရားသခင်​အတွက် အစဉ်အမြဲ စိတ်အားထက်သန်​စွာ လုပ်ဆောင်ကြလော့။

တမန်တော်ဝတ္ထု 21:13

သို့ရာတွင် ပေါလု​က “သင်တို့​သည် ငိုကြွေး​လျက် ကျွန်ုပ်​စိတ်နှလုံး​ကို ပူဆွေးဝမ်းနည်း​စေ​ရန် အဘယ်ကြောင့် ပြုကြသနည်း။ ကျွန်ုပ်​သည် ဂျေရုဆလင်မြို့​၌ ထောင်ကျခံ​ရန်​မျှ​သာမက သခင်​ယေရှု​၏​အမည်​နာမ​အတွက် အသေခံ​ရန်ပင် အသင့်​ရှိပါ၏” ဟု ပြန်ပြောလေ၏။

၁ သက် 5:9

ဘုရားသခင်​သည် ကျွန်ုပ်တို့​ကို အမျက်တော်​ခံရ​စေရန် သတ်မှတ်ထားတော်မူသည်​မဟုတ်။ ကျွန်ုပ်တို့​၏​သခင် ယေရှု​ခရစ်တော် လုပ်ဆောင်သော​အမှု​ဖြင့် ကယ်တင်ခံရ​စေရန် သတ်မှတ်ထားတော်မူ၏။

၁ ကော 4:9

ဘုရားသခင်​သည် တမန်တော်​ဖြစ်သော ကျွန်ုပ်တို့​အား လူသတ်ကွင်း​၌ အသေခံ​ရန်အတွက် ပြစ်ဒဏ်​ချခံရထားသော​သူတို့​ကဲ့သို့ နောက်ဆုံး​တွင် ထား​၍ ထုတ်ပြတော်မူပြီ​ဟု ကျွန်ုပ်​ထင်မြင်မိပါ၏။ အဘယ်ကြောင့်ဆိုသော် ကျွန်ုပ်တို့​သည် ကောင်းကင်တမန်တို့​ရှေ့​၌​ဖြစ်စေ၊ လူတို့​ရှေ့​၌ ဖြစ်စေ တစ်လောကလုံး​အတွက် ရှုစားစရာ​မြင်ကွင်း ဖြစ်လာ​သောကြောင့်​ဖြစ်၏။

၁ ပေ 2:21

ထိုသို့ ဒုက္ခ​ဆင်းရဲ​ခံရ​လျှင်ပင် ကောင်းမှု​ပြုရန် သင်တို့​ကို ဘုရားသခင်​ရွေးကောက်တော်မူ၏။ ခရစ်တော်​သည်လည်း သင်တို့​ကိုယ်စား ဆင်းရဲဒုက္ခ​ခံ​၍ မိမိ​ခြေရာတော်​ကို သင်တို့​လိုက်​နိုင်ရန် စံနမူနာ​ထားခဲ့တော်မူ၏။

ကော​လော​သဲ 1:23

သို့ရာတွင် သင်တို့​သည် သတင်းကောင်း​ကို ကြားနာ​စဉ်က ရရှိသော မျှော်လင့်ခြင်း​မှ မရွေ့လျားဘဲ ကြံ့ကြံ့ခိုင် ရပ်တည်​လျက် ဆက်​၍ ယုံကြည်ရမည်။ ထို​သတင်းကောင်း​ကို မိုးကောင်းကင်​အောက်​၌ ရှိသော သတ္တဝါ​အားလုံး​ကို ဟောပြောနေသည်​ဖြစ်၍ ကျွန်ုပ်​ပေါလု​သည် ထို​သတင်းကောင်း​ကို ဟောပြောသော အမှုဆောင်​ဖြစ်လာ၏။

ဧ​ဖက် 3:13

သို့ဖြစ်၍ သင်တို့​အတွက် ကျွန်ုပ် ခံရသော ဆင်းရဲ​ဒုက္ခ​ကြောင့် စိတ်ပျက်​အားလျော့ခြင်း မရှိကြ​ရန် ကျွန်ုပ် တောင်းပန်​လို၏။ ထို​အရာများ​အတွက် သင်တို့ ဂုဏ်ယူ​သင့်၏။

တမန်တော်ဝတ္ထု 2:25

ထို​သူ​အကြောင်း​ကို ဒါဝိဒ်မင်း​က ‘ငါ​သည် ထာဝရဘုရား​ကို အစဉ်​ဖူးမြင်ပါ၏။ ကိုယ်တော်​သည် ငါ့​အနား​၌ ရှိတော်မူ​သောကြောင့် ငါ​သည် တုန်လှုပ်ခြင်း​မရှိ။

ရှင်ယောဟန် 16:2

လူတို့​သည် သင်တို့​ကို ဂျူး​ဝတ်ပြုဆောင်များ​မှ ထုတ်ပယ်ကြ​လိမ့်မည်။ သင်တို့​ကို သတ်သောသူများ​က ထိုသို့​သတ်ခြင်း​သည် ဘုရားသခင်​၏​အမှုတော်​ကို ဆောင်ရွက်ခြင်း​ဖြစ်သည်​ဟု ခံယူသည့်​အချိန်ကာလ ရောက်လာ​လိမ့်မည်။

လုကာ 21:12

သို့သော် ဤ​အရာများ​မဖြစ်ပွား​မီ လူတို့​သည် သင်တို့​ကို ဖမ်းဆီး​၍ ညှဉ်းပန်းနှိပ်စက်ကြ​လိမ့်မည်။ သင်တို့​ကို ဂျူးဝတ်ပြုဆောင်များ​သို့ တရားစီရင်​ရန် အပ်ကြ​လိမ့်မည်။ ထောင်များ​တွင်လည်း အကျဉ်းချထားကြ​လိမ့်မည်။ ငါ​၏​နောက်လိုက်များ​ဖြစ်သောကြောင့် သင်တို့​ကို ရှင်ဘုရင်များ​နှင့် အစိုးရအာဏာပိုင်များ​ရှေ့သို့ ခေါ်ဆောင်သွားကြ​လိမ့်မည်။

၂ တိ 1:8

ထို့ကြောင့် ကျွန်ုပ်တို့​၏ သခင်ဘုရား​အကြောင်း သက်သေခံ​ရန် မရှက်နှင့်။ သခင်ဘုရား​အတွက်ကြောင့် အကျဉ်းချ​ခံနေရသော ကျွန်ုပ်​အတွက်​လည်း မရှက်နှင့်။ ဘုရားသခင်​၏ တန်ခိုးတော်​ဖြင့် သတင်းကောင်း​အတွက် ကျွန်ုပ်​နှင့်အတူ ဒုက္ခခံလော့။

၂ သက် 1:4

ထို့ကြောင့် သင်တို့​သည် ညှဉ်းပန်းနှိပ်စက်ခြင်း​နှင့် ဆင်းရဲဒုက္ခ​အားလုံး​ကြားက​ပင် သည်းခံ​၍ ယုံကြည်​သဖြင့် ဘုရားသခင်​၏ အသင်းတော်များ​အလယ်​၌ သင်တို့​အကြောင်း ကျွန်ုပ်တို့​ကိုယ်တိုင် ဂုဏ်ယူ​ဝင့်ကြွားကြ၏။

ဗျာ​ဒိတ် 2:13

သင်​သည် စာတန်​အုပ်စိုးသည့်​နေရာ​၌ နေကြောင်း​ကို ငါ​သိ၏။ သို့သော် သင်​သည် ငါ​၏​နာမ​ကို စွဲကိုင်​နေလျက်​ရှိသေး၏။ ငါ​၏​သစ္စာရှိသော​သက်သေခံ အန္တိပ​သည် ဤ​စာတန်​အုပ်စိုး​သည့်​နေရာ​၌ အသတ်ခံရ​ချိန်​၌ပင် သင်​သည် ငါ့​အပေါ် ထားရှိသော သင်​၏​ယုံကြည်ခြင်း​ကို မစွန့်ပယ်ခဲ့ပေ။

ဗျာ​ဒိတ် 2:10

သင်​ခံစားရမည့်​ဆင်းရဲဒုက္ခ​ကို မကြောက်နှင့်။ ကြည့်ရှုလော့။ မာရ်နတ်​သည် သင့်​ကို စမ်းသပ်​ရန် သင်တို့​ထဲမှ တချို့​ကို ထောင်ချ​လိမ့်မည်။ သင်​သည်​ဆယ်ရက်​တိုင် ဆင်းရဲဒုက္ခ ခံရ​လိမ့်မည်။ သေသည်​တိုင်အောင် သစ္စာ​ရှိလော့။ ထိုသို့​ပြု​လျှင် အသက်​ဆုသရဖူ​ကို သင့်​အား ငါ​ပေးမည်။

ဖိ​လိပ္ပိ 1:28

သင်တို့​ကို ဆန့်ကျင်သော​သူများ​ကြောင့် မကြောက်ရွံ့ကြနှင့်။ ဤသို့​မကြောက်ရွံခြင်း​သည် သူတို့​အတွက် ပျက်စီးမည့်​လက္ခဏာ​ဖြစ်​ပြီး သင်တို့​အတွက်​မူ ဘုရားသခင်​ကိုယ်တိုင် ကယ်တင်မည့်​လက္ခဏာ​ဖြစ်၏။

တမန်တော်ဝတ္ထု 21:11

ကျွန်ုပ်တို့​ထံ လာရောက်​လည်ပတ်၏။ ထို​သူ​သည် ပေါလု​၏​ခါးပတ်​ကို​ယူ​၍ မိမိ​လက်​နှင့် ခြေ​ကို တုပ်နှောင်ပြီး​မှ “သန့်ရှင်းသော​ဝိညာဉ်တော်​က ‘ဂျူးတို့​သည် ဤ​ခါးပတ်​ပိုင်ရှင်​ကို ဂျေရုဆလင်မြို့​၌ ဤကဲ့သို့​ချုပ်နှောင်​၍ လူမျိုးခြားတို့​၏​လက်​သို့ အပ်နှံကြ​လိမ့်မည်’ ဟု မိန့်တော်မူသည်” ဟူ၍ ပြောလေ၏။