၁ ယော 5:9 - ခေတ်သစ်​မြန်မာ သမ္မာကျမ်း

⁹ ကျွန်ုပ်တို့​သည် လူ​၏​သက်သေ​ကို လက်ခံကြ၏။ ဘုရားသခင်​၏ သက်သေ​မှာမူ ပို​၍ ခိုင်လုံ၏။ အဘယ်ကြောင့်ဆိုသော် ဤ​သက်သေခံချက်​သည် ဘုရားသခင်​၏ သက်သေခံတော်မူချက်​ဖြစ်​၍ မိမိ​သားတော်​နှင့်​ပတ်သက်သော သက်သေခံတော်မူချက်​ဖြစ်၏။

Common Language Bible

⁹ ငါ​တို့​သည်​လူ​တို့​၏​သက်​သေ​ခံ​ချက်​ကို လက်​ခံ​တတ်​ကြ​၏။ ဘု​ရား​သ​ခင်​၏​သက်​သေ ခံ​တော်​မူ​ချက်​မှာ လူ​တို့​၏​သက်​သေ​ခံ​ချက် ထက်​ပို​၍​ပင်​ခိုင်​လုံ​၏။ ကိုယ်​တော်​သည်​သား တော်​၏​အ​ကြောင်း​သက်​သေ​ခံ​တော်​မူ​ပြီ။-

Garrad Bible

⁹ လူ့ သက် သေ ကို ငါ တို့ နာ ယူ ကြ လျှင် ဘု ရား သ ခင့် သက် သေ တော် သည် သာ၍ ခိုင် မာ၏။ အ သို့ ဆို သော် ဘု ရား သ ခင် ခံ တော် မူ သော သက် သေ သည် သား တော် နှင့် စပ်၍ တည်း။

Judson Bible

⁹ လူ၏​သက်​သေ​ကို ယုံ​ရ​လျှင်၊ ဘု​ရား​သ​ခင်၏ သက်​သေ​တော်​ကို သာ၍ ယုံ​ဖွယ်​ရာ​အ​ကြောင်း​ရှိ၏။ ယ​ခု​ဆို​ခဲ့​ပြီး​သော သက်​သေ​ကား၊ ဘု​ရား​သ​ခင်​သည် မိ​မိ​သား​တော်၏​အ​ကြောင်း​ကို သက်​သေ​ခံ​တော်​မူ​ချက် ဖြစ်​သ​တည်း။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ငါ​တို့​သည် လူ​၏​သက်သေခံ​ချက်​ကို လက်ခံ​ကြ​သည်​ဆို​လျှင် ဘုရားသခင်​၏​သက်သေခံ​တော်မူ​ချက်​သည် ပို၍​ကြီးမြတ်​၏။ အဘယ်ကြောင့်​ဆိုသော် ဘုရားသခင်​၏​သက်သေခံ​တော်မူ​ချက်​သည် မိမိ​၏​သား​တော်​နှင့်​ပတ်သက်​၍​ပေး​ထား​သော​သက်သေခံ​တော်မူ​ချက်​ဖြစ်​၏။

၁ ယော 5:9 ပူးပေါင်းရင်းမြစ်များ

မဿဲ 17:5

ထိုသို့ လျှောက်​နေစဉ် တောက်ပသော​မိုးတိမ်​သည် သူတို့​အပေါ်သို့ လွှမ်းမိုး​၍ မိုးတိမ်​ထဲက “ဤ​သူ​သည် ငါ​နှစ်သက်မြတ်နိုးသည့် ငါ​၏ ချစ်သား​ဖြစ်၏။ သူ​၏​စကား​ကို နားထောင်ကြလော့” ဟူသော အသံတော်​ထွက်ပေါ်လာ၏။

ရှင်ယောဟန် 10:38

ငါ​လုပ်ဆောင်​ပါက ငါ့​ကို မယုံ​သော်လည်း ငါ​လုပ်ဆောင်ခဲ့သော​အမှုတော်တို့​ကို ယုံလော့။ ထိုသို့ ယုံကြည်​လျှင် ခမည်းတော်​သည် ငါ​၌ တည်တော်မူသည်​ကို​လည်းကောင်း၊ ငါ​သည် ခမည်းတော်​၌ တည်သည်​ကို​လည်းကောင်း သင်တို့​သိကြ​လိမ့်မည်” ဟု မိန့်တော်မူ၏။

ရှင်ယောဟန် 5:39

သင်တို့​သည် ကျမ်းစာ​က ထာဝရ​အသက်​ပေးသည်​ဟု ထင်မှတ်​၍ ကျမ်းစာ​ကို လေ့လာတတ်ကြ၏။ ထို​ကျမ်းစာ​ကပင် ငါ့​အကြောင်း သက်သေခံ၏။

တမန်တော်ဝတ္ထု 17:31

အဘယ်ကြောင့်ဆိုသော် ဘုရားသခင်​သည် မိမိ​ခန့်အပ်သော အရှင်​အားဖြင့် လောက​ကို မှန်ကန်​စွာ တရားစီရင်​ရန် နေ့​တစ်နေ့​ကို သတ်မှတ်ထား​တော်မူ​သောကြောင့်​ဖြစ်၏။ ထို​အရှင်​ကိုလည်း သေရာ​မှ ထမြောက်စေတော်မူခြင်း​ဖြင့် ထိုသို့​ဖြစ်မည့်​အကြောင်း​ကို ကျွန်ုပ်တို့​အား သက်သေပြတော်မူပြီ” ဟု ဟောပြောလေ၏။

တမန်တော်ဝတ္ထု 5:32

ကျွန်ုပ်တို့​သည် ထို​အကြောင်းအရာများ​၏​အသိ​သက်သေများ​ဖြစ်ကြ၏။ ထို​အရှင်​ကို နာခံသော​သူတို့​အား ဘုရားသခင်​ပေးတော်မူသော သန့်ရှင်းသော​ဝိညာဉ်တော်​သည်လည်း သက်သေ​ဖြစ်တော်မူ၏” ဟူ၍ ပြန်ဖြေကြ၏။

ဟေ​ဗြဲ 2:4

တစ်ချိန်တည်း​မှာပင် ဘုရားသခင်​ကလည်း နိမိတ်​လက္ခဏာများ၊ အံ့ဖွယ်​ဖြစ်ရပ်များ၊ အမျိုးမျိုးသော အံ့ဖွယ်တန်ခိုးများ၊ မိမိ​အလိုတော်​အတိုင်း သန့်ရှင်းသော​ဝိညာဉ်တော်​၏ ဆုကျေးဇူးများ​ကို ဝေမျှတော်မူခြင်း စသည်တို့​ဖြင့် သူတို့​နှင့်​အတူ သက်သေခံတော်မူ၏။

ဟေ​ဗြဲ 6:18

ဘုရားသခင်​သည် မည်သည့်​အခါမျှ မုသား​မပြော​သောကြောင့် မပြောင်းလဲသော​အရာ​နှစ်ခု​ဖြစ်သည့် ကတိပြုခြင်း​နှင့် သစ္စာဆိုခြင်းတို့​ကို ပြုတော်မူ၏။ ထို့ကြောင့် ဘုရားသခင်​ထံ ခိုလှုံရာ​ရှာသော ကျွန်ုပ်တို့​သည် ဘုရားသခင်​ပေးသနားတော်မူသော မျှော်လင့်ချက်​ကို စွဲမြဲစွာ​ခံယူထား​နိုင်ရန် အထူး​ယုံကြည်​စိတ်ချကြ၏။

၁ ယော 5:10

ဘုရားသခင်​၏​သားတော်​ကို ယုံကြည်သောသူ​တိုင်း​သည် ဤ​သက်သေခံချက် မှန်ကန်ကြောင်း​ကို လက်ခံ၏။ ဘုရားသခင်​ကို မယုံကြည်သောသူ​မှာမူ ဘုရားသခင်​အား “လိမ်လည်သော​အရှင်” ဟု စွပ်စွဲရာ​ရောက်၏။ အဘယ်ကြောင့်ဆိုသော် ဘုရားသခင်​သည် မိမိ​သားတော်​အကြောင်း သက်သေခံတော်မူသည်​ကို ထို​သူ​သည် မယုံကြည်​သောကြောင့်​ဖြစ်၏။

၁ ယော 5:8

၎င်းတို့​မှာ ဝိညာဉ်တော်၊ ရေ​နှင့် သွေး​တို့​ဖြစ်ကြ၏။ ထို​သုံးပါး​တို့​သည် တညီတညွတ်တည်း​သက်သေခံကြ၏။