၁ ယော 5:11 - ခေတ်သစ်​မြန်မာ သမ္မာကျမ်း

¹¹ ထို​သက်သေခံချက်​မှာ “ဘုရားသခင်​သည် ကျွန်ုပ်တို့​အား ထာဝရ​အသက်​ကို ပေးတော်မူ​ပြီး ထို​အသက်​သည် သားတော်​၌ ရှိသည်” ဟူ၍ ဖြစ်၏။

Common Language Bible

¹¹ ဘု​ရား​သ​ခင်​သည်​ငါ​တို့​အား ထာ​ဝ​ရ​အ​သက် ကို​ပေး​သ​နား​တော်​မူ​ကြောင်း၊ ထို​အ​သက်​ကို သား​တော်​အား​ဖြင့်​ရ​ရှိ​ကြောင်း​ဘု​ရား​သ​ခင် သက်​သေ​ခံ​တော်​မူ​၏။-

Garrad Bible

¹¹ ဆို ခဲ့ သော သက် သေ တော် မှာ ဘု ရား သ ခင် သည် ငါ တို့ အား ထာ ဝ ရ အ သက် ကို သ နား တော် မူ လျက် သား တော်၌ ထို အ သက် တည် ရှိ ကြောင်း တည်း။

Judson Bible

¹¹ သက်​သေ​ခံ​တော်​မူ​ချက် ဟူ​မူ​ကား၊ ဘု​ရား​သ​ခင်​သည် ငါ​တို့​အား ထာ​ဝ​ရ​အ​သက်​ကို ပေး​တော်​မူ၍၊ ထို​အ​သက်​သည်​လည်း သား​တော်၌​ပါ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို​သက်သေခံ​ချက်​မှာ ဘုရားသခင်​သည် ငါ​တို့​အား ထာဝရ​အသက်​ကို​ပေး​တော်မူ​ပြီး ထို​အသက်​သည် ဘုရားသခင်​၏​သား​တော်​၌​ရှိ​၏​ဟူ၍ ဖြစ်​၏။

၁ ယော 5:11 ပူးပေါင်းရင်းမြစ်များ

မဿဲ 25:46

ထို့ကြောင့် ထို​သူများ​သည် ထာဝရ​အပြစ်ဒဏ်ခံရသော​နေရာ​သို့ သွားကြ​လိမ့်မည်။ သို့ရာတွင် ဖြောင့်မတ်သော​သူတို့​မှာမူ ထာဝရ​အသက်ရှင်ရာ နေရာ​သို့ သွားကြ​လိမ့်မည်” ဟု မိန့်တော်မူ၏။

ရှင်ယောဟန် 1:19

ဂျူး​ခေါင်းဆောင်တို့​သည် ယဇ်ပုရောဟိတ်များ​နှင့် လေဝိမျိုးနွယ်များ​ကို ဂျေရုဆလင်မြို့​မှ ယောဟန်​ထံသို့ စေလွှတ်​၍ “သင်​သည် မည်သူနည်း” ဟု မေးမြန်းစေ၏။ ထိုအခါ ယောဟန်​က ဤသို့ သက်သေခံ၏။

ရှင်ယောဟန် 1:4

ထို​နှုတ်ကပတ်တော်​သည် ရှိသမျှသော​ဖန်ဆင်းခံတို့​အား အသက်​ကို ပေးတော်မူ၏။ ထို​အသက်​သည် လူအပေါင်းတို့​အတွက် အလင်း​ဖြစ်၏။

ရှင်ယောဟန် 10:28

သူတို့​အား ထာဝရ​အသက်​ကို ငါ​ပေး​သဖြင့် သူတို့​သည် သေခြင်း​နှင့်​ကင်းလွတ်ကြ​လိမ့်မည်။ မည်သူ​မျှ သူတို့​ကို ငါ့​လက်​မှ လုယူသွားနိုင်မည်​မဟုတ်။

ရှင်ယောဟန် 12:50

ခမည်းတော်​၏ အမိန့်တော်​သည် ထာဝရ​အသက်​ရစေသည်​ကို ငါ​သိ၏။ ထို့ကြောင့် ခမည်းတော်​ဟောပြောစေလိုသည့်​အတိုင်း ငါ​ဟောပြော၏” ဟု ကြွေးကြော်တော်မူ၏။

ရှင်ယောဟန် 14:6

ယေရှု​က “ငါ​သည် လမ်းခရီး​ဖြစ်၏။ သမ္မာတရား​လည်း ဖြစ်၏။ အသက်​လည်း ဖြစ်၏။ ငါ့​ကို အမှီ​မပြု​လျှင် မည်သူ​မျှ ခမည်းတော်​ထံသို့ မရောက်ရ။

ရှင်ယောဟန် 19:35

သင်တို့​သည်လည်း ယုံကြည်​စေရန် ဤ​အကြောင်းအရာ​ကို မြင်သောသူ​သည် သက်သေခံ၏။ သူ​၏ သက်သေခံချက်​မှာ မှန်ကန်​ပြီး သူ​သည်လည်း မိမိ​ပြောသော​စကား မှန်ကန်ကြောင်း​ကို သိ၏။

ရှင်ယောဟန် 3:36

သားတော်​ကို ယုံကြည်သော​သူ​သည် ထာဝရ​အသက်​ကို ရ၏။ သားတော်​၏​စကား​ကို နားမထောင်သော​သူ​မှာမူ ထာဝရ​အသက်​ကို မရဘဲ ဘုရားသခင်​၏ အမျက်တော်​သည်​သာ ထို​သူ​အပေါ်​၌ တည်နေမည်​ဖြစ်၏” ဟု ဟောလေ၏။

ရှင်ယောဟန် 4:36

ရိတ်သိမ်းသူ​သည် လုပ်အားခ​ကို ရ၏။ သူ​သည် ထာဝရ​အသက်​အတွက် သီးနှံတို့​ကို ရိတ်သိမ်း၏။ ထို့ကြောင့် စိုက်ပျိုးသူ​နှင့် ရိတ်သိမ်းသူ​တို့​သည် အတူတကွ ဝမ်းမြောက်ကြ​လိမ့်မည်။

ရှင်ယောဟန် 4:4

ထို​လမ်းခရီး​တွင် ရှမာရိပြည်​ကို ဖြတ်​၍ ကြွရ၏။

ရှင်ယောဟန် 5:21

ခမည်းတော်​သည် သေလွန်သော​သူတို့​ကို ပြန်ရှင်စေတော်မူ​သကဲ့သို့ သားတော်​သည်လည်း မိမိ​အလိုရှိသော​သူတို့​ကို ရှင်စေ၏။

ရှင်ယောဟန် 5:26

အဘယ်ကြောင့်ဆိုသော် ခမည်းတော်​သည် မိမိ​၌ အသက်ပေးပိုင်သော​တန်ခိုး​ရှိတော်မူသည့်​အတိုင်း ထို​အသက်ပေးပိုင်သော​တန်ခိုး​ကို သားတော်​အားလည်း ပေးတော်မူ​သောကြောင့်​ဖြစ်၏။

ရှင်ယောဟန် 6:40

သို့ဖြစ်၍ သားတော်​ကို မြင်​၍ ယုံကြည်သောသူ​အပေါင်းတို့​သည် ထာဝရ​အသက်​ကို ရ​စေရန် ငါ့​ခမည်းတော်​အလိုရှိ၏။ ငါ​သည်လည်း ထို​သူတို့​ကို နောက်ဆုံးသော​နေ့​၌ သေရာ​မှ ထမြောက်စေမည်” ဟု မိန့်တော်မူ၏။

ရှင်ယောဟန် 6:47

သင်တို့​အား ငါ​အမှန်​ဆို၏။ ငါ့​ကို ယုံကြည်သောသူ​သည် ထာဝရ​အသက်​ကို​ရ၏။

ရှင်ယောဟန် 6:68

ရှိမုန်​ပေတရု​က “သခင်… အကျွန်ုပ်တို့​သည် မည်သူ့​ထံသို့ သွားရပါမည်နည်း။ ထာဝရ​အသက်​ကို ပေးသော​စကား​သည် သခင့်​ထံ၌​သာ​ရှိ၏။

ရော​မ 5:21

ဤသို့ဖြင့် အပြစ်တရား​သည် သေခြင်းတရား​အားဖြင့် အုပ်စိုးခဲ့​သကဲ့သို့ ကျွန်ုပ်တို့​၏​သခင် ယေရှု​ခရစ်တော်​အားဖြင့် ထာဝရ​အသက်​ကို ရရှိ​စေရန် ဘုရားသခင်​၏ ကျေးဇူးတော်​သည်လည်း ဖြောင့်မတ်ခြင်းတရား​အားဖြင့် အုပ်စိုးတော်မူ၏။

ရော​မ 6:23

အပြစ်​၏​အဖိုးအခ​သည် သေခြင်း​ဖြစ်၏။ ဘုရားသခင် အခမဲ့​ပေးတော်မူသော​ဆုကျေးဇူး​မှာ ကျွန်ုပ်တို့​၏​သခင် ယေရှု​ခရစ်တော်​အားဖြင့် ရရှိသော​ထာဝရ​အသက်​ဖြစ်၏။

၁ တိ 1:16

သို့သော်လည်း ယေရှု​ခရစ်တော်​သည် အဆိုးဆုံး​ဖြစ်သူ ကျွန်ုပ်​အပေါ် သူ​၏ အဆုံးမဲ့​သည်းခံခြင်း​ကို ဖော်ပြ​ရန် ရည်ရွယ်​သောကြောင့် ကျွန်ုပ်​အပေါ် ကရုဏာ​ထားတော်မူ၏။ ဤသို့ ပြုတော်မူခြင်း​သည် ကိုယ်တော်​ကို ယုံကြည်​၍ ထာဝရ​အသက်​ကို ရရှိကြမည့်သူများ​အတွက် ကျွန်ုပ်​ကို စံနမူနာ​အဖြစ် ထားရန်​ဖြစ်၏။

တိ​တု 1:2

ထာဝရ​အသက်​ရ​ရန်လည်း သူတို့​မျှော်လင့်​နိုင်ကြမည်။ လိမ်လည်ခြင်း​နှင့် ကင်းစင်တော်မူသည့် ဘုရားသခင်​သည် ဤ​ထာဝရ​အသက်​ကို ပေး​ရန် ရှေးယခင်​မတိုင်မီ​ကပင် ကတိပြုတော်မူခဲ့၏။

၁ ယော 2:25

ဤသည်​မှာ ကျွန်ုပ်တို့​အား ခရစ်တော်​ကတိပြုတော်မူသည့် ထာဝရ​အသက်​ဖြစ်၏။

၁ ယော 4:10

ချစ်ခြင်းမေတ္တာ​ဟူသည်​မှာ ဘုရားသခင်​အပေါ် ထားသော ကျွန်ုပ်တို့​၏ ချစ်ခြင်းမေတ္တာ​ကို မဆိုလို။ ကျွန်ုပ်တို့​၏ အပြစ်​အတွက် အပြစ်ဖြေရာ​ယဇ်​အဖြစ် သားတော်​ကို စေလွှတ်တော်မူ​၍ ကျွန်ုပ်တို့​အပေါ်​ထားသော ဘုရားသခင်​၏ ချစ်ခြင်းမေတ္တာ​ကို ဆိုလို၏။

၁ ယော 4:9

ကျွန်ုပ်တို့​သည် သားတော်​အားဖြင့် အသက်ရှင်ကြ​စေရန် ဘုရားသခင်​သည် မိမိ​၏​တစ်ပါးတည်းသော​သားတော်​ကို ဤ​လောက​သို့ စေလွှတ်တော်မူ၏။ ဤ​နည်း​ဖြင့် ဘုရားသခင်​သည် မိမိ​၏​ချစ်ခြင်းမေတ္တာ​ကို ကျွန်ုပ်တို့​အား ဖော်ပြတော်မူ၏။

၁ ယော 5:10

ဘုရားသခင်​၏​သားတော်​ကို ယုံကြည်သောသူ​တိုင်း​သည် ဤ​သက်သေခံချက် မှန်ကန်ကြောင်း​ကို လက်ခံ၏။ ဘုရားသခင်​ကို မယုံကြည်သောသူ​မှာမူ ဘုရားသခင်​အား “လိမ်လည်သော​အရှင်” ဟု စွပ်စွဲရာ​ရောက်၏။ အဘယ်ကြောင့်ဆိုသော် ဘုရားသခင်​သည် မိမိ​သားတော်​အကြောင်း သက်သေခံတော်မူသည်​ကို ထို​သူ​သည် မယုံကြည်​သောကြောင့်​ဖြစ်၏။

၁ ယော 5:20

ဘုရားသခင်​၏​သားတော်​သည် ကြွလာ​၍ စစ်မှန်သော​ဘုရားသခင်​ကို သိ​နိုင်သည့်​ဉာဏ်​ကို ကျွန်ုပ်တို့​အား ပေးတော်မူကြောင်း​ကိုလည်း ကျွန်ုပ်တို့​သိကြ၏။ ထို့ကြောင့် ကျွန်ုပ်တို့​သည် စစ်မှန်သော​ဘုရားသခင်​နှင့်​လည်းကောင်း၊ သားတော်​ယေရှု​ခရစ်တော်​နှင့်​လည်းကောင်း တပေါင်းတစည်းတည်း​ဖြစ်ကြ၏။ ထို​အရှင်​သည် စစ်မှန်သော​ဘုရားသခင်​ဖြစ်တော်မူ​ပြီး ထာဝရ​အသက်​လည်း ဖြစ်တော်မူ၏။

၁ ယော 5:7

သက်သေ​သုံးပါး​ရှိ၏။

၃ ယော 1:12

ဒေမေတရိ​၏ ကောင်းကြောင်း​ကို လူတိုင်း​သာမက သမ္မာတရား​ကိုယ်တိုင်​က သက်သေခံ၏။ ကျွန်ုပ်တို့​သည်လည်း သက်သေခံကြ၏။ ကျွန်ုပ်တို့​၏ သက်သေခံချက် မှန်ကန်ကြောင်း သင်​သိ၏။

ယု​ဒ 1:21

ဘုရားသခင်​၏ ချစ်ခြင်းမေတ္တာ​ကို ဆက်လက်​ခံစား​၍ ထာဝရ​အသက်​ကို ရရှိစေမည့် ကျွန်ုပ်တို့​သခင်​ယေရှု​ခရစ်တော်​၏ ကရုဏာတော်​ကို စောင့်မျှော်ကြလော့။

ဗျာ​ဒိတ် 1:2

ယောဟန်​သည် မိမိ​မြင်သမျှ​အရာတို့​ကို သက်သေခံ၏။ ထို​အရာတို့​မှာ ဘုရားသခင်​၏ နှုတ်ကပတ်တော်​နှင့် ယေရှု​ခရစ်တော်​၏ သက်သေခံတော်မူချက်​တို့​ဖြစ်၏။

ဗျာ​ဒိတ် 22:1

ထိုအခါ ကောင်းကင်တမန်​သည် ကျောက်သလင်း​ကဲ့သို့ ကြည်လင်သည့် အသက်ရေ​စီးသော​မြစ်​ကို ကျွန်ုပ်​အား ပြ၏။ ထို​မြစ်​သည် ဘုရားသခင်​နှင့် သိုးသငယ်တော်​၏ ရာဇပလ္လင်​မှ စီးထွက်​၍