၁ ယော 4:10 - ခေတ်သစ်​မြန်မာ သမ္မာကျမ်း

¹⁰ ချစ်ခြင်းမေတ္တာ​ဟူသည်​မှာ ဘုရားသခင်​အပေါ် ထားသော ကျွန်ုပ်တို့​၏ ချစ်ခြင်းမေတ္တာ​ကို မဆိုလို။ ကျွန်ုပ်တို့​၏ အပြစ်​အတွက် အပြစ်ဖြေရာ​ယဇ်​အဖြစ် သားတော်​ကို စေလွှတ်တော်မူ​၍ ကျွန်ုပ်တို့​အပေါ်​ထားသော ဘုရားသခင်​၏ ချစ်ခြင်းမေတ္တာ​ကို ဆိုလို၏။

Common Language Bible

¹⁰ မေတ္တာ​ဟု​ဆို​ရာ​၌​ဘု​ရား​သခင်​အ​တွက်​ငါ တို့​ထား​ရှိ​သည့်​မေတ္တာ​ကို​မ​ဆို​လို။ ငါ​တို့​သည် အ​ပြစ်​များ​မှ​ပြေ​လွတ်​ခွင့်​ရ​ရှိ​၍ ပူ​ဇော်​ဆက် ကပ်​တော်​မူ​သော​သား​တော်​ကို​စေ​လွှတ်​တော် မူ​ခြင်း​အား​ဖြင့် ငါ​တို့​အား​ဘု​ရား​သ​ခင်​ပြ တော်​မူ​သော​မေတ္တာ​တော်​ကို​ဆို​လို​ပေ​သည်။

Garrad Bible

¹⁰ ဘု ရား သ ခင် ကို ငါ တို့ ချစ် ကြ ရာ၌ မ ဟုတ်။ ငါ တို့ ကို ဘု ရား သ ခင် ချစ် လျက် ငါ တို့ အ ပြစ် ပြေ ရာ ပြေ ကြောင်း အ ဖြစ် သား တော် ကို စေ လွှတ် တော် မူ ရာ၌ ထင် ရှား သ တည်း။

Judson Bible

¹⁰ ငါ​တို့​သည် ဘု​ရား​သ​ခင်​ကို​ချစ်​ကြ​သည်​ဟု မ​ဆို။ ဘု​ရား​သ​ခင်​သည် ငါ​တို့​ကို​ချစ်၍ ငါ​တို့၏​အ​ပြစ် ဖြေ​စ​ရာ​အ​ကြောင်း ဖြစ်​စေ​ခြင်း​ငှာ၊ သား​တော်​ကို စေ​လွှတ်​တော်​မူ​သော​အ​ရာ၌ ချစ်​ခြင်း​မေ​တ္တာ​ရှိ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ငါ​တို့​သည် ဘုရားသခင်​ကို​ချစ်​ခဲ့​သည်​မ​ဟုတ်။ ဘုရားသခင်​က​သာ ငါ​တို့​ကို​ချစ်​တော်မူ​၍ ငါ​တို့​၏​အပြစ်​များ​အတွက် အသနားခံ​ခြင်း​ပူဇော်သက္ကာ​အဖြစ် မိမိ​၏​သား​တော်​ကို စေလွှတ်​တော်မူ​၏။ ဤ​အမှုအရာ​၌ ချစ်​ခြင်း​မေတ္တာ​ရှိ​၏။

၁ ယော 4:10 ပူးပေါင်းရင်းမြစ်များ

ရှင်ယောဟန် 13:34

ထို့ကြောင့် ‘သင်တို့​သည် အချင်းချင်း​ချစ်ကြလော့။ ငါ​သည် သင်တို့​ကို ချစ်သည့်​နည်းတူ သင်တို့​သည်လည်း အချင်းချင်း​ချစ်ကြလော့’ ဟူသော ပညတ်​အသစ်​ကို သင်တို့​အား ငါ​ပေး၏။

ရှင်ယောဟန် 15:16

သင်တို့​သည် ငါ့​ကို ရွေးချယ်ခဲ့သည်​မဟုတ်။ ငါ​သည် သင်တို့​ကို ရွေးချယ်၏။ တည်မြဲမည့်​အသီး​ကို သင်တို့​သီး​စေရန် ငါ​ခန့်ထား၏။ သို့ဖြစ်၍ ငါ့​နာမ​ကို အမှီပြု​၍ ခမည်းတော်​ထံ သင်တို့​တောင်း​သမျှ​ကို ခမည်းတော်​မှ ပေးတော်မူ​ရန် ဖြစ်၏။

ရှင်ယောဟန် 3:16

ဘုရားသခင်​သည် လောကီသားတို့​ကို အလွန်​ချစ်​သောကြောင့် မိမိ​၏​တစ်ပါးတည်းသော​သားတော်​ကို စွန့်တော်မူ၏။ ထိုသို့​စွန့်တော်မူခြင်း​မှာ သားတော်​ကို ယုံကြည်သောသူ​တိုင်း မပျက်စီးဘဲ ထာဝရ​အသက်​ကို ရရှိ​စေရန်​ဖြစ်၏။

ရှင်ယောဟန် 6:51

ငါ​သည် ကောင်းကင်​မှ ဆင်းသက်လာသော အသက်မုန့်​ဖြစ်၏။ ဤ​မုန့်​ကို စားသုံးသောသူ​သည် အစဉ်​ထာဝရ အသက်ရှင်​လိမ့်မည်။ ငါ​ပေးမည့် ဤ​မုန့်​သည် လောကီသားတို့ အသက်​ရှင်​ရန် ပေးသော ငါ့​အသား​ပင်​ဖြစ်၏” ဟု မိန့်တော်မူ၏။

ဟေ​ဗြဲ 2:17

ထို့ကြောင့် ကိုယ်တော်​သည် အရာရာတိုင်း​၌ မိမိ​ညီအစ်ကို​မောင်နှမတို့​နှင့် တူရ၏။ ဤ​နည်း​ဖြင့် ကိုယ်တော်သည် လူတို့​၏​အပြစ်များ​ကို ဖြေလွှတ်ပေး​ရန် ဘုရားသခင်​၏​အမှုတော်​တွင် ကရုဏာ​နှင့် သစ္စာ​ရှိသော ယဇ်ပုရောဟိတ်မင်း​ဖြစ်လာရ၏။

၁ ပေ 2:24

ကျွန်ုပ်တို့​သည် အပြစ်​မကျူးလွန်တော့ဘဲ ဖြောင့်မတ်​စွာ ပြုမူနေထိုင်​နိုင်ရန် ကိုယ်တော်​သည် သစ်တိုင်​ပေါ်၌ အသေခံခြင်း​အားဖြင့် ကိုယ်ခန္ဓာတော်​၌ ကျွန်ုပ်တို့​၏​အပြစ်များ​အတွက် ပြစ်ဒဏ်​ခံတော်မူ၏။ ကိုယ်တော်​၏​ဒဏ်ရာဒဏ်ချက်များ​ကြောင့် သင်တို့​သည် အနာ​ပျောက်ကင်းကြ၏။

၁ ပေ 3:18

အဘယ်ကြောင့်ဆိုသော် ခရစ်တော်​သည်လည်း အပြစ်​အတွက် တစ်ကြိမ်တည်း​နှင့်​အပြီး အသေ​ခံတော်မူ​သောကြောင့်​ဖြစ်၏။ သင်တို့​ကို ဘုရားသခင်​ထံ ပို့ဆောင်​ရန် ဖြောင့်မတ်သော​အရှင်​သည် မဖြောင့်မတ်သောသူတို့​ကိုယ်စား အသေခံတော်မူ၏။ ထိုသို့ ခန္ဓာ​အားဖြင့် သေ​သော်လည်း ဝိညာဉ်​အားဖြင့် ပြန်ရှင်တော်မူ၏။

၁ ယော 2:2

ကိုယ်တော်​သည် ကျွန်ုပ်တို့​၏​အပြစ်များ​အတွက်​သာမက လောကီသား​အပေါင်းတို့​၏​အပြစ်များ​အတွက်​လည်း အပြစ်ဖြေရာ​ယဇ်​ဖြစ်တော်မူ၏။

၁ ယော 3:1

ခမည်းတော်​သည် ကျွန်ုပ်တို့​ကို မည်မျှ​ချစ်တော်မူကြောင်း ကြည့်လော့။ ကျွန်ုပ်တို့​သည် “ဘုရားသခင်​၏​သားသမီးများ” ဟု ခေါ်ခံရ၏။ ကျွန်ုပ်တို့​သည် အမှန်ပင် ဘုရားသခင်​၏ သားသမီးများ​ဖြစ်ကြ၏။ လောကီသားတို့​သည် ဘုရားသခင်​ကို မသိ​သောကြောင့် ကျွန်ုပ်တို့​ကိုလည်း မသိကြ။

၁ ယော 4:19

ဘုရားသခင်​သည် ကျွန်ုပ်တို့​ကို ဦးစွာ ချစ်တော်မူ​သောကြောင့် ကျွန်ုပ်တို့​သည် ဘုရားသခင်​ကို ချစ်ကြ၏။

၁ ယော 5:11

ထို​သက်သေခံချက်​မှာ “ဘုရားသခင်​သည် ကျွန်ုပ်တို့​အား ထာဝရ​အသက်​ကို ပေးတော်မူ​ပြီး ထို​အသက်​သည် သားတော်​၌ ရှိသည်” ဟူ၍ ဖြစ်၏။