၁ ယော 3:7 - ခေတ်သစ်​မြန်မာ သမ္မာကျမ်း

⁷ သားသမီးတို့… မည်သူ​မျှ သင်တို့​ကို လမ်းမလွဲစေနှင့်။ ဖြောင့်မတ်​စွာ ပြုမူသောသူ​သည် ကိုယ်တော်​ဖြောင့်မတ်တော်မူ​သကဲ့သို့ ဖြောင့်မတ်၏။

Common Language Bible

⁷ သား​သ​မီး​တို့၊ အ​ဘယ်​သူ​မျှ​သင်​တို့​အား မှောက်​မှား​လမ်း​လွဲ​အောင်​မ​ပြု​စေ​နှင့်။ ခ​ရစ်​တော် သည်​ဖြောင့်​မတ်​တော်​မူ​သ​ကဲ့​သို့ အ​မှန်​တ​ရား​ကို ကျင့်​သုံး​သူ​သည်​လည်း​ဖြောင့်​မတ်​သူ​ဖြစ်​၏။-

Garrad Bible

⁷ သူ ငယ် တို့၊ မည် သူ မျှ သင် တို့ ကို မ လှည့် ဖြား စေ နှင့်။ ဖြောင့် မတ် စွာ ပြု ကျင့် သူ သည် ကိုယ် တော် ဖြောင့် မတ် တော် မူ သည့် နည်း တူ ဖြောင့် မတ် ၏။

Judson Bible

⁷ ချစ်​သား​တို့၊ သင်​တို့​ကို အ​ဘယ်​သူ​မျှ မ​လှည့်​ဖြား​စေ​နှင့်။ အ​ကြင်​သူ​သည် ဖြောင့်​မတ်​ခြင်း​တ​ရား​ကို ကျင့်၏။ ကိုယ်​တော် ဖြောင့်​မတ်​တော်​မူ​သည်​နည်း​တူ၊ ထို​သူ​သည် ဖြောင့်​မတ်​ခြင်း​ရှိ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သားသမီး​တို့၊ သင်​တို့​ကို မည်သူမျှ မ​လှည့်ဖြား​စေ​နှင့်။ ကိုယ်တော်​သည် ဖြောင့်မတ်​တော်မူ​သည့်​နည်းတူ ဖြောင့်မတ်​ခြင်း​တရား​ကို​ကျင့်သုံး​သော​သူ​သည် ဖြောင့်မတ်​၏။

၁ ယော 3:7 ပူးပေါင်းရင်းမြစ်များ

မဿဲ 5:20

သင်တို့​၏ ဖြောင့်မတ်ခြင်း​သည် ကျမ်းတတ်ဆရာများ​နှင့် ဖာရိရှဲတို့​၏ ဖြောင့်မတ်ခြင်း​ထက် မသာ​လျှင် သင်တို့​သည် ကောင်းကင်​နိုင်ငံတော်​ထဲသို့ မည်သည့်အခါမျှ ဝင်ရောက်နိုင်​လိမ့်မည်​မဟုတ်​ဟု ငါ​သတိပေး၏။

တမန်တော်ဝတ္ထု 10:35

မည်သည့်​လူမျိုး​မဆို ဘုရားသခင်​အား ကြောက်ရွံ့​၍ မှန်ကန်​စွာ လုပ်ဆောင်သော​သူ​ဖြစ်​လျှင် ဘုရားသခင်​လက်ခံတော်မူ၏။

ရော​မ 2:13

အဘယ်ကြောင့်ဆိုသော် ပညတ်တရား​ကို ကြားနာ​ရုံမျှ​ကြားနာသောသူ​သည် ဘုရားသခင်​ရှေ့တော်​၌ မဖြောင့်မတ်ဘဲ ပညတ်တရား​ကို လိုက်နာ​ကျင့်သုံးသောသူ​သာလျှင် ဖြောင့်မတ်​သောကြောင့်​ဖြစ်၏။

၁ ကော 6:9

မတရားပြုသော​သူတို့​သည် ဘုရားသခင်​၏​နိုင်ငံတော်​ကို အမွေ​မခံရကြောင်း သင်တို့​မသိကြသလော။ ယူဆမှု​မလွဲကြနှင့်။ တရား​နှင့်​မညီသော မေထုန်​ကို ပြုသူများ၊ ရုပ်တု​ကိုးကွယ်သူများ၊ အိမ်ထောင်ရေး​ဖောက်ပြန်သူများ၊ ယောက်ျားချင်း​ဆက်ဆံသူများ၊

ဧ​ဖက် 5:6

အချည်းနှီးသော စကားများ​ဖြင့် မည်သူမျှ သင်တို့​ကို မလှည့်ဖြားစေနှင့်။ ထိုသို့သော အပြစ်များ​ကြောင့် မနာခံသော​သူတို့​အပေါ် ဘုရားသခင်​၏ အမျက်တော် ကျရောက်၏။

ဧ​ဖက် 5:9

အလင်း​၏​အသီးအပွင့်​သည် အမျိုးမျိုးသော ကောင်းမြတ်ခြင်း၊ ဖြောင့်မတ်ခြင်း၊ မှန်ကန်ခြင်း​တို့ ဖြစ်ကြ၏။

ဖိ​လိပ္ပိ 1:11

ထို့ပြင် သင်တို့​သည် ယေရှု​ခရစ်တော်​ကြောင့် ရရှိ​သည့် ဖြောင့်မတ်ခြင်း​၏ အသီးအပွင့်​နှင့် ပြည့်​လျက် လူတို့​သည် ဘုရားသခင်​၏ ဘုန်းတော်​ကို ထင်ရှား​စေရန်​နှင့် ဘုရားသခင်​ကို ချီးမွမ်းကြ​ရန် ကျွန်ုပ်​ဆုတောင်း၏။

ဟေ​ဗြဲ 1:8

သို့သော် သားတော်​နှင့် ပတ်သက်၍ “အို ဘုရားသခင်… ကိုယ်တော်​၏​ရာဇပလ္လင်​သည် ထာဝရ​တည်တံ့၏။ ကိုယ်တော်​၏​နိုင်ငံတော်​သည် တရားမျှတမှု​ဖြင့် အုပ်စိုးသော​နိုင်ငံ ဖြစ်ပါ၏။

ဟေ​ဗြဲ 7:2

အာဗြဟံ​သည်လည်း ထို​မင်းကြီး​အား ရရှိသော​ပစ္စည်းများ​မှ ဆယ်ပုံတစ်ပုံ​ကို ပေးလှူ၏။ မေလခိဇေဒက်​ဟူသော အမည်​၏ အဓိပ္ပာယ်​မှာ “ဖြောင့်မတ်ခြင်း​၏​ဘုရင်” ဖြစ်ပြီး နောက်ပိုင်း​တွင် သူ့​ကို ရှာလင်​ဘုရင်​ဟု ခေါ်တွင်​ကာ “ငြိမ်းချမ်းရေး​ဘုရင်” ဟု အဓိပ္ပာယ်​ရ၏။

ယာ​ကုပ် 1:22

ထို​တရားတော်​ကို လိုက်နာကျင့်သုံးသော​သူ​ဖြစ်ကြလော့။ မိမိ​ကိုယ်ကိုယ် လှည့်စား​၍ ကြားနာ​ရုံမျှသာ ကြားနားသောသူ မဖြစ်စေကြနှင့်။

ယာ​ကုပ် 2:19

ဘုရားသခင်​တစ်ဆူတည်း​ရှိသည်​ဟု သင်​ယုံကြည်၏။ ကောင်းပေ၏။ နတ်ဆိုးများ​ပင် ယုံကြည်​၍ ကြောက်ရွံ့​ထိတ်လန့်ကြ၏။

၁ ပေ 2:24

ကျွန်ုပ်တို့​သည် အပြစ်​မကျူးလွန်တော့ဘဲ ဖြောင့်မတ်​စွာ ပြုမူနေထိုင်​နိုင်ရန် ကိုယ်တော်​သည် သစ်တိုင်​ပေါ်၌ အသေခံခြင်း​အားဖြင့် ကိုယ်ခန္ဓာတော်​၌ ကျွန်ုပ်တို့​၏​အပြစ်များ​အတွက် ပြစ်ဒဏ်​ခံတော်မူ၏။ ကိုယ်တော်​၏​ဒဏ်ရာဒဏ်ချက်များ​ကြောင့် သင်တို့​သည် အနာ​ပျောက်ကင်းကြ၏။

၁ ယော 2:1

ကျွန်ုပ်​၏​သား​သမီးတို့… သင်တို့ အပြစ်​မကျူးလွန်​စေရန် ဤ​အကြောင်းအရာများ​ကို ကျွန်ုပ်​ရေးလိုက်၏။ သို့သော် တစ်စုံတစ်ယောက်​အပြစ်ကျူးလွန်​လျှင် ခမည်းတော်​ထံတွင် ကျွန်ုပ်တို့​အတွက် ကူညီမစမည့်သူ​ဖြစ်သည့် ဖြောင့်မတ်သော​အရှင် ယေရှု​ခရစ်တော်​ရှိ၏။

၁ ယော 2:26

သင်တို့​အား လမ်းလွဲ​စေရန် ကြိုးစားနေသော​သူများ​အကြောင်း​ကို သင်တို့​ထံ ကျွန်ုပ်​ရေးလိုက်၏။

၁ ယော 2:29

ကိုယ်တော်​သည် ဖြောင့်မတ်တော်မူကြောင်း​ကို သင်တို့​သိ​လျှင် ဖြောင့်မတ်​စွာ ပြုမူသော​သူတို့​သည် ကိုယ်တော်​ထံမှ ပေါက်ဖွားလာသော​သူ ဖြစ်သည်​ကို သင်တို့​သိကြ၏။

၁ ယော 3:18

သားသမီးတို့… ကျွန်ုပ်တို့​သည် အပြော​နှင့်သာ မချစ်ဘဲ လက်တွေ့၊ အမှန်​ချစ်ကြပါစို့။

၁ ယော 3:3

ကိုယ်တော်​အပေါ် ဤ​မျှော်လင့်ချက်​ရှိသောသူ​အပေါင်းတို့​သည် ကိုယ်တော် သန့်ရှင်း​စင်ကြယ်တော်မူသည့်​နည်းတူ မိမိ​ကိုယ်​မိမိ သန့်ရှင်း​စင်ကြယ်စေကြ၏။

၁ ယော 4:17

ကျွန်ုပ်တို့​သည် ဤ​လောက​တွင် ကိုယ်တော်​ကဲ့သို့ ဖြစ်ကြ​၍ ချစ်ခြင်းမေတ္တာတော်​သည် ကျွန်ုပ်တို့​၌ ပြည့်စုံနေ​သောကြောင့် တရားစီရင်တော်မူရာ​နေ့​၌ စိတ်ချယုံကြည်မှု ရှိကြ​လိမ့်မည်။