၁ ယော 3:12 - ခေတ်သစ်​မြန်မာ သမ္မာကျမ်း

¹² မာရ်နတ်​နှင့် သက်ဆိုင်သူ​ဖြစ်​ပြီး မိမိ​ညီ​ကို သတ်သော ကာဣန​ကဲ့သို့ မဖြစ်စေကြနှင့်။ ကာဣန​သည် အဘယ်ကြောင့် ညီ​ကို သတ်သနည်း။ အကြောင်းမှာ သူ​၏​အကျင့်​သည် ဆိုးညစ်​၍ ညီ​ဖြစ်သူ​၏​အကျင့်​မှာ ဖြောင့်မတ်​သောကြောင့်​ဖြစ်၏။

Common Language Bible

¹² မာရ်​နတ်​၏​ဘက်​သား​ဖြစ်​၍​မိ​မိ​၏​ညီ​အာ​ဗေ​လ ကို​သတ်​သူ​ကာ​ဣ​န​ကဲ့​သို့ ငါ​တို့​မ​ဖြစ်​စေ​ကြ နှင့်။ ကာ​ဣ​န​သည်​မိ​မိ​၏​ညီ​ကို​အ​ဘယ်​ကြောင့် သတ်​သ​နည်း။ သူ​၏​အ​ကျင့်​သည်​ဆိုး​ယုတ်​၍ သူ့ ညီ​၏​အ​ကျင့်​မူ​ကား​ဖြောင့်​မှန်​သော​ကြောင့် ဖြစ်​၏။

Garrad Bible

¹² မာရ် နတ် ဘက် သား ဖြစ်၍ ညီ ကို သတ် သော ကာ ဣ န ကဲ့ သို့ မ ဖြစ် စေ ရ။ အ ဘယ် ကြောင့် သတ် သ နည်း ဟု ဆို သော် ကိုယ့် အ ကျင့် အ ကြံ ဆိုး သွမ်း၍ ညီ၏ အ ကျင့် အ ကြံ ဖြောင့် မှန် သော ကြောင့် တည်း။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹² မာရ်နတ်​နှင့်​စပ်ဆိုင်​သော​သူ​ဖြစ်​ပြီး မိမိ​၏​ညီ​ကို​သတ်​သော​ကာဣန​ကဲ့သို့ မ​ဖြစ်​ကြ​နှင့်။ အဘယ်ကြောင့် ညီ​ကို​သတ်​သနည်း​ဟူမူကား သူ​၏​လုပ်ဆောင်​မှု​သည် ဆိုးညစ်​၍ သူ့​ညီ​၏​လုပ်ဆောင်​မှု​သည် ဖြောင့်မတ်​သောကြောင့်​ဖြစ်​၏။

၁ ယော 3:12 ပူးပေါင်းရင်းမြစ်များ

မဿဲ 13:19

လမ်း​ပေါ်တွင် ကျသော​မျိုးစေ့​မှာ နိုင်ငံတော်​နှင့်​ဆိုင်သော တရားစကား​ကို ကြား​သော်လည်း နားမလည်သော​သူ​ကို ဆိုလို၏။ ထိုအခါ မာရ်နတ်​သည်​လာ​၍ ထို​သူ၏​စိတ်နှလုံး​တွင် ကြဲထားသော​မျိုးစေ့​ကို နုတ်ယူလေ၏။

မဿဲ 13:38

လယ်​မှာမူ ဤ​လောက​ဖြစ်၏။ ကောင်းသော မျိုးစေ့​မှာ ဘုရားသခင်​၏​နိုင်ငံတော်သားများ​ဖြစ်၏။ ပေါင်းပင်များ​မှာ မာရ်နတ်​၏ သားသမီးများ​ဖြစ်၏။

မဿဲ 23:35

သို့ဖြစ်၍ ဖြောင့်မတ်သူ​အာဗေလ​၏​သွေး​မှစ၍ ယဇ်ပလ္လင်​နှင့် ဗိမာန်တော်​ကြား​၌ သင်တို့​သတ်ခဲ့သည့် ဗာရခိ​သား ဇာခရိ​၏​သွေး​တိုင်အောင် ကမ္ဘာပေါ်​၌ ပရောဖက်​ရှိသမျှတို့ ပေးဆပ်ခဲ့ရသော​သွေးကြွေး​ကို သင်တို့​ပြန်ဆပ်ရ​လိမ့်မည်။

မဿဲ 27:23

ပိလတ်မင်း​က တစ်ဖန် “အဘယ်ကြောင့်နည်း။ သူ​သည် မည်သည့်​ပြစ်မူ​ကို ကျူးလွန်ခဲ့သနည်း” ဟု ဆက်​၍ မေးပြန်သော် လူထု​က “လက်ဝါးကပ်တိုင်​တွင် သတ်ပါ” ဟု ပို​၍ အော်ဟစ်ကြ၏။

မဿဲ 5:37

သင်တို့​သည် ဟုတ်သည်​ကို ‘ဟုတ်၏၊’ မဟုတ်သည်​ကို ‘မဟုတ်’ ဟူ၍ ပြောဆိုရမည်။ ထို​စကားတို့​ထက် ပိုသော​စကား​သည် မာရ်နတ်​ထံမှ လာသော​စကား ဖြစ်၏။

ရှင်ယောဟန် 10:32

ယေရှု​က “ခမည်းတော်​၏ ညွှန်ကြားချက်​နှင့်အညီ ကောင်းသော​အမှုများ​ကို ငါ​ပြခဲ့၏။ ထို​အမှုများ​ထဲမှ မည်သည့်​အမှု​ကြောင့် ငါ့​ကို ခဲ​နှင့် ပေါက်သတ်ကြမည်နည်း” ဟု မေးတော်မူ၏။

ရှင်ယောဟန် 8:40

ယခု​မှာမူ သင်တို့​သည် ဘုရားသခင်​ထံတော်​မှ ကြားနာခဲ့ရသည့် သမ္မာတရား​ကို ဟောပြောသော​ငါ့​ကို သတ်​ရန် ရှာကြံကြ၏။ အာဗြဟံ​ကမူ ထိုသို့​မပြုခဲ့ပေ။

ရှင်ယောဟန် 8:41

သင်တို့​သည် သင်တို့​ဖခင်​၏ အကျင့်​အတိုင်း ကျင့်ကြ၏” ဟု မိန့်တော်မူ၏။ ထို​သူတို့​ကလည်း “အကျွန်ုပ်တို့​သည် တရားမဝင်သော​သားသမီးများ မဟုတ်။ ဘုရားသခင်​သည်​သာလျှင် အကျွန်ုပ်တို့​၏ ဖခင်​စစ်​ဖြစ်တော်မူ၏” ဟု ဆိုကြ၏။

တမန်တော်ဝတ္ထု 7:52

သင်တို့​ဘိုးဘေးများ မနှိပ်စက်သော ပရောဖက်​ဟူ၍ ရှိသလော။ သူတို့​သည် ဖြောင့်မတ်သော​အရှင် ကြွလာမည့်​အကြောင်း ကြိုတင်ဟောပြောသော​သူများ​ကို သတ်ဖြတ်ကြ၏။ ယခု သင်တို့​သည် ထို​အရှင်​ကို သစ္စာဖောက်​၍ သတ်ကြပြီ။

၁ သက် 2:14

ညီအစ်ကို​မောင်နှမတို့… ယေရှု​ခရစ်တော်​ကို ယုံကြည်သည့် ယုဒပြည်​၌ ရှိကြသော ဘုရားသခင်​၏​အသင်းတော်များ တွေ့ကြုံ​သကဲ့သို့ သင်တို့​တွေ့ကြုံနေကြ၏။ ဂျူးလူမျိုးများ​လက်​တွင် ထို​အသင်းတော်များ ခံစားခဲ့ရသော ဆင်းရဲဒုက္ခ​မျိုး​ကို သင်တို့​သည်လည်း မိမိတို့​လူမျိုးချင်း​၏​လက်​တွင် ခံစားကြရ၏။

ဟေ​ဗြဲ 11:4

အာဗေလ​သည် ကာဣန​ထက် ပို​၍ မြတ်သော​ယဇ်​ကို ဘုရားသခင်​အား ယုံကြည်ခြင်း​ဖြင့် ပူဇော်၏။ ဘုရားသခင်​သည် အာဗေလ​၏ အလှူ​ကို နှစ်သက်​လက်ခံတော်မူ​ပြီး အာဗေလ​သည် ဖြောင့်မတ်သူ​အဖြစ် သတ်မှတ်တော်မူခြင်း​ခံရ၏။ အာဗေလ​သည် ကွယ်လွန်​သော်လည်း ထို​ယုံကြည်ခြင်း​စံနမူနာ​ဖြင့် ကျွန်ုပ်တို့​အား ဟောပြော​နေဆဲ​ဖြစ်၏။

ဟေ​ဗြဲ 12:24

ပဋိညာဉ်​သစ်​၏ ကြားဝင်​စေ့စပ်သူ ယေရှု​ထံသို့​လည်းကောင်း၊ အာဗေလ​၏ သွေး​ထက် ပို၍ မြတ်သော​အရာ​ကို မိန့်ဆိုသည့် ပက်ဖျန်းထားသော​သွေးတော်​ထံသို့ လည်းကောင်း ရောက်ကြ၏။

၁ ပေ 4:4

ယခု​တွင် သင်တို့​သည် ထို​သူတို့​နှင့်အတူ အထိန်းအကွပ်မဲ့​အပျော်ကြူးခြင်းတို့​၌ မပါဝင်တော့​သောကြောင့် သူတို့​သည် အံ့သြ​လျက် သင်တို့​ကို စော်ကား​ပြောဆိုကြ၏။

၁ ယော 3:8

အပြစ်​ကျူးလွန်​နေသောသူ​သည် မာရ်နတ်​၏​သားသမီး​ဖြစ်၏။ အဘယ်ကြောင့်ဆိုသော် မာရ်နတ်​သည် အစဦး​ကပင် အပြစ်​ကျူးလွန်​သောကြောင့်​ဖြစ်၏။ ဘုရားသခင်​၏​သားတော် ကြွလာရခြင်း​မှာ မာရ်နတ်​၏ လုပ်ဆောင်မှု​ကို ချေဖျက်​ရန် ဖြစ်၏။

ယု​ဒ 1:11

သူတို့​သည် အမင်္ဂလာ​ရှိကြ၏။ သူတို့​သည် ကာဣန​၏​လမ်းစဉ်​သို့ လိုက်ကြပြီ။ ဗာလမ်​သည် အခကြေးငွေ​ကို ရလို​၍ မှားယွင်း​သကဲ့သို့ ဗာလမ်​နည်းတူ အလျင်အမြန်​မှားယွင်းကြပြီ။ ကောရ​ကဲ့သို့ ပုန်ကန်​သဖြင့် ပျက်စီး​ဆုံးရှုံးကြပြီ။

ဗျာ​ဒိတ် 17:6

ထို​အမျိုးသမီး​သည် ယေရှု​အကြောင်း သက်သေခံသော​သန့်ရှင်းသူတို့​၏​သွေး​ကို သောက်​၍ ယစ်မူးနေသည်​ကို ကျွန်ုပ်​မြင်ရ၏။ သူ့​ကို မြင်ရ​သောအခါ ကျွန်ုပ်​သည် အလွန်​အံ့ဩ​လျက်​နေ၏။