၁ ပေ 4:2 - ခေတ်သစ်​မြန်မာ သမ္မာကျမ်း

² ဤသည်​မှာ လောက​တွင် အသက်ရှင်​နေထိုင်ရမည့်​ကျန်ရှိသော​အချိန်​၌ လူ့​တပ်မက်မှု​အတိုင်း မဟုတ်ဘဲ ဘုရားသခင်​၏ အလိုတော်​အတိုင်း အသက်ရှင်​နေထိုင်သွား​နိုင်ရန်​ဖြစ်၏။

Common Language Bible

² သို့​ဖြစ်​၍​ဤ​လော​က​တွင်​သင်​တို့​အ​သက် ရှင်​ရန်​ကြွင်း​ကျန်​သေး​သည့်​အ​ချိန်​ကာ​လ​၌ လူ​တို့​တပ်​မက်​ခြင်း​စိတ်​ဆွဲ​ဆောင်​ရာ​သို့ မ​လိုက်​ဘဲ​ဘု​ရား​သ​ခင်​၏​အ​လို​တော် ကို​လိုက်​၍​အ​သက်​ရှင်​ရ​ကြ​မည်။-

Judson Bible

² နောက်​တစ်​ဖန် သူ​တို့၏ တပ်​မက်​ခြင်း​တ​ရား​ကို မ​ကျင့်၊ ဘု​ရား​သ​ခင်၏ အ​လို​တော်​အ​တိုင်း​ကျင့်​လျက်၊ ကိုယ်​ခ​န္ဓာ​အ​သက်​အ​ပိုင်း​အ​ခြား ကျန်​ရစ်​သော​ကာ​လ​ကို လွန်​စေ​တတ်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ဤသည်ကား ကိုယ်ကာယ​၌​အသက်ရှင်​ရ​မည့် ကျန်​ရှိ​သေး​သော​အချိန်​ကာလ​ကို လူ​တို့​၏​တပ်မက်​ခြင်း​အားဖြင့် မ​ဟုတ်​တော့​ဘဲ ဘုရားသခင်​၏​အလို​တော်​အားဖြင့် အသက်ရှင်​နိုင်​ရန်​ဖြစ်​၏။

၁ ပေ 4:2 ပူးပေါင်းရင်းမြစ်များ

မဿဲ 12:50

ကောင်းကင်ဘုံ​၌​ရှိတော်မူသော​ငါ့​ခမည်းတော်​၏ အလိုတော်​အတိုင်း ဆောင်ရွက်သော​သူ​သည် ငါ့​ညီ၊ ငါ့​နှမ၊ ငါ့​မိခင် ဖြစ်သည်” ဟု မိန့်တော်မူ၏။

မဿဲ 20:4

ထို့ကြောင့် ထို​သူတို့​အား ‘သင်တို့​သည်လည်း စပျစ်ခြံ​သို့​သွား​၍ အလုပ်လုပ်ကြ။ ထိုက်သင့်ငွေ​ကို ငါ​ပေးမည်’ ဟု ဆို​သဖြင့် ထို​သူတို့​သည် သွားကြ၏။

မဿဲ 21:31

ထို​သား​နှစ်ဦးတို့​တွင် မည်သူ​သည် ဖခင်​စကား​ကို နားထောင်သနည်း” ဟု မေးတော်မူ၏။ တပည့်တော်တို့​က “သားကြီး ဖြစ်ပါသည်” ဟု ဖြေကြ၏။ ယေရှု​က သူတို့​အား “ငါ​အမှန်​ဆိုရ​လျှင် အကျင့်ပျက်သော​အခွန်ကောက်သူများ​နှင့် ပြည့်တန်ဆာများ​သည် ဘုရားသခင်​၏ နိုင်ငံတော်​သို့ သင်တို့​ထက်​အလျင် ဝင်ကြ​လိမ့်မည်။

မဿဲ 7:21

ငါ့​ကို ‘သခင်… သခင်…’ ဟု ခေါ်သော​သူတိုင်း ကောင်းကင်​နိုင်ငံတော်​သို့ ဝင်ကြရမည်​မဟုတ်။ ကောင်းကင်ဘုံ​၌​ရှိတော်မူသော ငါ့​ခမည်းတော်​၏​အလိုတော်​ကို လိုက်နာသောသူ​သာ ဝင်ရ​လိမ့်မည်။

ရှင်မာကု 3:35

ဘုရားသခင်​၏ အလိုတော်​အတိုင်း ဆောင်ရွက်သော​သူ​သည် ငါ့​ညီ၊ ငါ့​နှမ၊ ငါ့​မိခင် ဖြစ်သည်” ဟု မိန့်တော်မူ၏။

ရှင်မာကု 7:21

အဘယ်ကြောင့်ဆိုသော် မကောင်းသော​ကြံစည်ခြင်း၊ တရား​နှင့်​မညီသော မေထုန်​ကို​ပြုခြင်း၊ ခိုးခြင်း၊ လူသတ်ခြင်း၊

ရှင်ယောဟန် 1:13

ထို​သူတို့​သည် လူ့​သဘာဝ​အရ မွေးဖွားလာသူများ မဟုတ်။ သွေးသားဆန္ဒ​အရ မွေးဖွားလာသူများ မဟုတ်။ လူ့​အလိုဆန္ဒ​အရ မွေးဖွားလာသူများ မဟုတ်။ ဘုရားသခင်​က မွေးဖွားစေတော်မူသော​သူများ​ဖြစ်ကြ၏။

ရှင်ယောဟန် 7:17

ဘုရားသခင်​၏​အလိုတော်​အတိုင်း လိုက်နာ​လိုသောသူ​ဖြစ်လျှင် ဤ​သွန်သင်ချက်​သည် ဘုရားသခင်​၏​သွန်သင်ချက်​ဖြစ်သလော၊ ငါ့​ကိုယ်ပိုင်​သွန်သင်ချက်​ဖြစ်သလော​ဟူသည်​ကို ပိုင်းခြားသိမြင်​လိမ့်မည်။

ရော​မ 12:2

ဤ​လောက​၏ အမူအကျင့်​နှင့် ဓလေ့တို့​ကို အတု​မယူကြနှင့်။ သင်တို့​၏ စိတ်နှလုံး​ကို ပြောင်းလဲစေခြင်း​အားဖြင့် စိတ်သစ်​လူသစ် ဖြစ်ကြလော့။ သို့ပြုလျှင် ဘုရားသခင်​အလိုရှိတော်မူသည့် ကောင်းမြတ်သော​အရာ၊ နှစ်သက်ဖွယ်သော​အရာ၊ ပြည့်စုံသော​အရာတို့​သည် မည်သည့်​အရာ​ဖြစ်သည်​ကို သင်တို့​ပိုင်းခြား​သိမြင်ကြ​လိမ့်မည်။

ရော​မ 14:7

ကျွန်ုပ်တို့​တွင် ကိုယ့်​အတွက် အသက်​ရှင်သောသူ​မရှိ။ ကိုယ့်​အတွက် သေသောသူ​လည်း မရှိ။

ရော​မ 6:11

ထို​နည်းတူ သင်တို့​သည်လည်း အပြစ်တရား​နှင့် အဆက်ပြတ်​၍ ယေရှု​ခရစ်တော်​နှင့် တပေါင်းတစည်းတည်း​ဖြစ်လျက် ဘုရားသခင်​အတွက် အသက်ရှင်သည်​ဟု မိမိကိုယ်ကိုယ် မှတ်ယူကြလော့။

ရော​မ 6:2

ထိုသို့​မနေရ။ အပြစ်တရား​နှင့် အဆက်ပြတ်ပြီးသော ကျွန်ုပ်တို့​သည် ထို​အပြစ်​ထဲ၌ မည်သို့​အသက်​ဆက်ရှင်​ရဦးမည်နည်း။

ရော​မ 7:4

ထို့ကြောင့် ညီအစ်ကို​မောင်နှမတို့… သင်တို့​သည် ခရစ်တော်​နှင့်အတူ သေ​သဖြင့် ပညတ်တရား​အောက်၌ အသက်ရှင်ရသော​ဘဝ​ကိုလည်း အဆုံးသတ်ပြီ​ဖြစ်၏။ ယခု သင်တို့​သည် ဘုရားသခင်​အတွက် ကောင်းသော​အကျင့်​ကို ကျင့်​နိုင်ရန် သေခြင်း​မှ​ရှင်ပြန်ထမြောက်တော်မူသော အရှင်​နှင့် တပေါင်းတစည်းတည်း​ဖြစ်ကြ၏။

၂ ကော 5:15

ထိုသို့ လူအပေါင်းတို့​အတွက် ကိုယ်တော်​အသေခံတော်မူခြင်း​မှာ အသက်ရှင်သောသူတို့​သည် မိမိတို့​ကိုယ်ကျိုး​အတွက် အသက်​မရှင်ဘဲ မိမိတို့​အတွက် အသေခံ​၍ တစ်ဖန်​ရှင်ပြန်ထမြောက်တော်မူသော​အရှင်​အတွက် အသက်ရှင်​ရန် ဖြစ်၏။

ဧ​ဖက် 2:3

ကျွန်ုပ်တို့​အားလုံး​သည်လည်း တစ်ချိန်​က ထို​သူတို့​ကဲ့သို့​ပင် လူ့​ဗီဇစိတ်​၏ တပ်မက်မှု​အတိုင်း လုပ်ဆောင်​၍ စိတ်​နှင့် ခန္ဓာတို့​၏ အလို​အတိုင်း ပြုမူနေထိုင်ခဲ့ကြ၏။ သို့ဖြစ်၍ ကျွန်ုပ်တို့​သည် သဘာဝ​အားဖြင့် အခြားသူတို့​ကဲ့သို့ပင် ဘုရားသခင်​၏ အမျက်တော်​ကို ခံထိုက်သူများ​ဖြစ်ကြ၏။

ဧ​ဖက် 4:17

ထို့ကြောင့် ဘုရားသခင်​ကို မသိသော​လူမျိုးခြားများ​ကဲ့သို့ မနေထိုင်ကြ​ရန် သခင်ဘုရား​၏ အခွင့်အာဏာ​ဖြင့် သင်တို့​ကို ကျွန်ုပ် သတိပေး​လို၏။ ထို​သူတို့​၏ တွေးခေါ်ကြံဆမှု​သည် အကျိုး​မရှိပေ။

ဧ​ဖက် 5:17

ထို့ကြောင့် ဆင်ခြင်ဉာဏ်မဲ့ မနေဘဲ သခင်ဘုရား​၏ အလိုတော်​က မည်သည့်အရာ ဖြစ်သည်​ကို ပိုင်းခြား နားလည်ကြလော့။

ဧ​ဖက် 6:6

မျက်နှာသာ​ရ​ရန်​အတွက် သူတို့​ရှေ့​၌သာ နာခံသည် မဟုတ်ဘဲ ခရစ်တော်​၏ ကျွန်များ​ကဲ့သို့ ဘုရားသခင်​၏ အလိုတော်​အတိုင်း စိတ်ရောကိုယ်ပါ နာခံကြလော့။

ကော​လော​သဲ 1:9

ထို့ကြောင့် သင်တို့​အကြောင်း​ကို ကြားသည့်​နေ့​မှစ၍ ကျွန်ုပ်တို့​သည် သင်တို့​အတွက် အစဉ်မပြတ် ဆုတောင်းပေးနေ၏။ သင်တို့​သည် ဝိညာဉ်ရေးရာ​အသိပညာ​နှင့် နားလည်နိုင်စွမ်း​အပေါင်းတို့​ဖြင့် ဘုရားသခင်​၏ အလိုတော်​ကို အပြည့်အဝ​သိနိုင်​ရန် ဘုရားသခင်​ထံ ကျွန်ုပ်တို့​ဆုတောင်းပေးကြ၏။

ကော​လော​သဲ 3:3

အဘယ်ကြောင့်ဆိုသော် သင်တို့​သည် သေ​၍ သင်တို့​အသက်​သည် ခရစ်တော်​နှင့်အတူ ဘုရားသခင်​ထံ၌ ဝှက်ထား​သောကြောင့် ဖြစ်၏။

ကော​လော​သဲ 4:12

ယေရှု​ခရစ်တော်​၏ အစေအပါး​ဖြစ်၍ သင်တို့​ထဲက တစ်ဦး​ဖြစ်သည့် ဧပဖြ​သည်လည်း သင်တို့​ကို နှုတ်ဆက်လိုက်ပါ၏။ သင်တို့​သည် ရင့်ကျက်သောသူများ​အဖြစ် ရပ်တည်​ပြီး ဘုရားသခင်​၏ အလိုတော်​အားလုံး​ကို လိုက်နာကြောင်း စိတ်ချမှု​အပြည့် ရှိ​နိုင်ရန် သူသည်​သင်တို့​အတွက် အစဉ် စိတ်အားထက်သန်​စွာ ဆုတောင်းပေးနေ၏။

၁ သက် 5:18

မည်သည့်​အခြေအနေ​၌ပင် ဖြစ်စေ ဘုရားသခင်​ကို ကျေးဇူးတင်ကြလော့။ ယေရှု​ခရစ်တော်​နှင့် တပေါင်းတစည်းတည်း​ဖြစ်သော သင်တို့​သည် ဤသို့​ပြုရန် ဘုရားသခင်​အလိုတော်​ရှိ၏။

ဟေ​ဗြဲ 13:21

မိမိ​နှစ်သက်တော်မူသော အရာ​ကို ယေရှု​ခရစ်တော်​အားဖြင့် ကျွန်ုပ်တို့​တွင် ပြုတော်မူပါစေသော။ ကိုယ်တော်​၏ အလိုတော်​ကို သင်တို့​ဆောင်ရွက်​နိုင်ရန် ကောင်းမှု​အမျိုးမျိုးတို့​ဖြင့် သင်တို့​ကို ပြီးပြည့်စုံ​စေတော်မူပါ​စေသော။ ထို​သခင် ယေရှု​သည် အစဉ်​ထာဝရ ဘုန်းကြီးတော်မူပါစေသော။ အာမင်။

ယာ​ကုပ် 1:18

ကိုယ်တော်​သည် မိမိ​အလိုတော်​နှင့်အညီ သမ္မာတရား​စကား​အားဖြင့် ကျွန်ုပ်တို့​ကို ဖြစ်ပွားစေတော်မူ၏။ ဤ​အရာ​မှာ ဖန်ဆင်းတော်မူ​သမျှသော​အရာတို့​တွင် ကျွန်ုပ်တို့​အား အဦးဆုံးသော​အသီး​ကဲ့သို့ ဖြစ်​စေရန် ဖြစ်၏။

၁ ပေ 1:14

သင်တို့​သည် ဘုရားသခင်​ကို နာခံသော​သားသမီးများ​ဖြစ်​သောကြောင့် သင်တို့​မသိ​နားမလည်ခဲ့​စဉ်​အချိန်​က လိုက်ခဲ့သော တပ်မက်မှု​နောက်သို့ မလိုက်ကြနှင့်။

၁ ပေ 2:1

ထို့ကြောင့် အမျိုးမျိုးသော မလိုမုန်းထား​ဖြစ်ခြင်း​မှစ၍ ရှိသမျှသော​လှည့်စားခြင်း၊ သူတော်ကောင်း​ယောင်ဆောင်ခြင်း၊ မနာလိုခြင်း၊ အသရေဖျက်ခြင်း​အားလုံးတို့​ကို ဖယ်ရှားကြလော့။

၁ ယော 2:17

လောက​နှင့် ထို​လောကီ​တပ်မက်ခြင်းများ​သည် ကွယ်ပျောက်သွား​လိမ့်မည်။ သို့သော် ဘုရားသခင်​၏ အလိုတော်​အတိုင်း ဆောင်ရွက်သောသူ​မှာမူ ထာဝရ​ရှင်သန်​လိမ့်မည်။