၁ ပေ 3:11 - ခေတ်သစ်​မြန်မာ သမ္မာကျမ်း

¹¹ မကောင်းမှု​ကို စွန့်​၍ ကောင်းမှု​ကို ပြု​ရမည်။ သူတစ်ပါး​နှင့် ငြိမ်းချမ်း​စွာ နေထိုင်​ရန် တောင့်တ​၍ ငြိမ်းချမ်းခြင်း​အတွက် ကြိုးစားအားထုတ်​ရမည်။

Common Language Bible

¹¹ သူ​သည်​ဒု​စ​ရိုက်​ကို​ရှောင်​ရှား​လျက် သု​စ​ရိုက်​ကို​ပြု​ရ​မည်။ ငြိမ်း​ချမ်း​မှု​အ​တွက်​အ​စွမ်း​ကုန်​ကြိုး​ပမ်း ရ​မည်။

Garrad Bible

¹¹ ဒု စ ရိုက် ကို ရှောင် ကြဉ်၍ သု စ ရိုက် ကို ယှဉ် လျက် ငြိမ် သက် ခြင်း ကို ရှာ ဖွေ လိုက် လံ စေ။

Judson Bible

¹¹ ဒု​စ​ရိုက်​ကို​လွှဲ​ရှောင်၍ သု​စ​ရိုက်​ကို​ပြု​စေ။ သူ​တစ်​ပါး​နှင့် အ​သင့်​အ​တင့်​နေ​ခြင်း​ကို​ရှာ၍ မီ​အောင်​လိုက်​စေ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ မကောင်း​သော​အမှု​ကို​ရှောင်ရှား​လျက် ကောင်း​သော​အမှု​ကို​ပြု​စေ။ ငြိမ်သက်​ခြင်း​ကို​ရှာ​၍ ၎င်း​ကို​ရရှိ​ရန်​ကြိုးစား​စေ။

၁ ပေ 3:11 ပူးပေါင်းရင်းမြစ်များ

မဿဲ 5:45

ထိုသို့ ပြု​လျှင် သင်တို့​သည် ကောင်းကင်ဘုံ​၌​ရှိတော်မူသော သင်တို့​အဖ​၏​သားသမီးများ ဖြစ်ကြ​လိမ့်မည်။ အဘယ်ကြောင့်ဆိုသော် ဘုရားသခင်​သည် ကောင်းသော​သူ​နှင့် မကောင်းသော​သူ အပေါ်​တွင် နေ​ကို ထွက်ပေါ်စေတော်မူ​သောကြောင့်​ဖြစ်၏။ ဖြောင့်မတ်သောသူ​နှင့် မဖြောင့်မတ်သောသူ အပေါ်​၌ မိုး​ကို ရွာစေတော်မူ၏။

မဿဲ 5:9

ခိုက်ရန်ဖြစ်ခြင်း​ကို ပြေငြိမ်းစေသော​သူတို့​သည် မင်္ဂလာ​ရှိကြ၏။ အဘယ်ကြောင့်ဆိုသော် ထို​သူတို့​သည် ဘုရားသခင်​၏ သားသမီးများ​ဟု ခေါ်ခံကြရမည်​ဖြစ်​သောကြောင့်ပင်။

မဿဲ 6:13

ဖြားယောင်း​သွေးဆောင်ရာ​သို့ မကျရောက်စေဘဲ မာရ်နတ်​၏ လက်​မှ အကျွန်ုပ်တို့​ကို ကယ်တင်တော်မူပါ။ တန်ခိုးတော်​နှင့် ဘုန်းတော်​သည် ကမ္ဘာအဆက်ဆက်​ကိုယ်တော်​၌ ရှိပါ၏။ အာမင်။

ရှင်မာကု 14:7

ဆင်းရဲသားများ​သည် သင်တို့​နှင့်အတူ အစဉ်အမြဲ​ရှိကြ၏။ ထို့ကြောင့် သင်တို့​စိတ်ဆန္ဒ​ရှိသည့်​အခါတိုင်း သူတို့​ကို ကူညီ​နိုင်၏။ သို့ရာတွင် ငါ​သည် သင်တို့​နှင့်အတူ အစဉ်အမြဲ ရှိနေမည်​မဟုတ်။

လုကာ 1:79

ထို​အလင်း​သည် အမှောင်ထု​နှင့် သေခြင်းတရား​၏ အရိပ်​အောက်​တွင် နေထိုင်သော​သူများ​အပေါ် ထွန်းလင်း​၍ အကျွန်ုပ်တို့​၏​ခြေ​ကို ငြိမ်းချမ်းခြင်း​လမ်းထဲ​သို့ လမ်းညွှန်တော်မူ​လိမ့်မည်” ဟူ၍ ဖြစ်၏။

လုကာ 6:35

သို့သော် သင်တို့​သည် ရန်သူများ​ကို ချစ်လော့။ သူတို့​အား​ကောင်းကျိုးပြုလော့။ တစ်စုံတစ်ရာ​ကို ပြန်လည်​ရရှိမည်​ဟု မမျှော်လင့်ဘဲ ချေးငှားလော့။ ထိုသို့​ပြု​လျှင် ကောင်းကင်ဘုံ​မှ ရရှိမည့် သင်တို့​၏​ဆုလာဘ်​သည် ကြီးမား​၍ သင်တို့​သည်လည်း အမြင့်မြတ်ဆုံးသော ဘုရားသခင်​၏​သားသမီးများ ဖြစ်ကြ​လိမ့်မည်။ အဘယ်ကြောင့်ဆိုသော် ဘုရားသခင်​သည် ကျေးဇူးကန်းသော​သူများ​နှင့် ဆိုးသွမ်းသော​သူများ​ကို သနားကြင်နာတော်မူ​သောကြောင့်​ဖြစ်၏။

လုကာ 6:9

ထို့နောက် ယေရှု​က ကျမ်းတတ်ဆရာများ​နှင့် ဖာရိရှဲတို့​အား “သင်တို့​အား ငါ​မေးမည်။ ဥပုသ်နေ့​တွင် ကောင်းမှု​ကို ပြု​သင့်သလော။ သို့မဟုတ် မကောင်းမှု​ကို ပြု​သင့်သလော။ လူ့​အသက်​ကို ကယ်​သင့်သလော သို့မဟုတ် သတ်​သင့်သလော” ဟု မိန့်တော်မူ၏။

ရှင်ယောဟန် 17:15

ထို​သူတို့​ကို ဤ​လောက​မှ နုတ်ယူတော်မူ​ရန် အကျွန်ုပ်​တောင်းလျှောက်​သည် မဟုတ်ပါ။ သို့ရာတွင် သူတို့​ကို မာရ်နတ်​၏ လက်​မှ လွတ်ကင်း​ရန်​ကိုသာ အကျွန်ုပ်​တောင်းလျှောက်ပါ၏။

ရော​မ 12:18

တတ်နိုင်သမျှ လူတိုင်း​နှင့် သင့်မြတ်​စွာ နေကြလော့။

ရော​မ 14:17

အဘယ်ကြောင့်ဆိုသော် ဘုရားသခင်​၏​နိုင်ငံတော်​တွင် စားသောက်ခြင်း​သည် အရေးမကြီးပေ။ သန့်ရှင်းသော​ဝိညာဉ်တော်​အားဖြင့် ရရှိသော ဖြောင့်မတ်ခြင်း၊ ငြိမ်းချမ်းခြင်း၊ ဝမ်းမြောက်ခြင်းတို့​သာ အရေးကြီး၏။

ရော​မ 14:19

သို့ဖြစ်၍ အသင်းတော်​၌ ငြိမ်းချမ်း​စွာ နေ​စေရန်​နှင့် အပြန်အလှန်​ဆောက်တည်ဖွယ်​ဖြစ်​စေရန် ကြိုးပမ်းကြပါစို့။

ရော​မ 5:1

သို့ဖြစ်၍ ကျွန်ုပ်တို့​သည် ယုံကြည်​၍ ဘုရားသခင်​ရှေ့တော်​၌ ဖြောင့်မတ်သည်​ဟု သတ်မှတ်ခံရ​သောကြောင့် ကျွန်ုပ်တို့​၏​သခင် ယေရှု​ခရစ်တော်​လုပ်ဆောင်​ပေးခဲ့သော​အမှု​အားဖြင့် ဘုရားသခင်​နှင့် ငြိမ်းချမ်းမှု​ကို ရရှိကြပြီ။

ရော​မ 7:19

ကောင်းသော​အပြုအမူ​ကို ပြုလို​သော်လည်း ကျွန်ုပ်​မပြုမိ။ မပြုလိုသည့် မကောင်းသော​အပြုအမူ​ကိုမူ ကျွန်ုပ်​ပြုမိ၏။

ရော​မ 7:21

ထို့ကြောင့် ကောင်းသော​အပြုအမူ​ကို ပြုလိုသော ကျွန်ုပ်​၌ မကောင်းသော​အပြုအမူ ရှိနေသည်​ဟူသော သဘောတရား​ကို ကျွန်ုပ်​တွေ့ရ၏။

ရော​မ 8:6

လူ့​ဗီဇစိတ်​နှင့်​ဆိုင်သော အရာတို့​ကို စွဲလမ်းသောသူ​သည် အသက်​ဆုံးရ​လိမ့်မည်။ ဝိညာဉ်တော်​နှင့်ဆိုင်သော အရာတို့​ကို စွဲလမ်းသောသူ​သည် အသက်ရှင်​၍ ငြိမ်းချမ်းမှု​ကို ရ​လိမ့်မည်။

ဂ​လာ​တိ 5:22

သို့သော် ဝိညာဉ်တော်​က ဖြစ်စေသော အသီးအပွင့်​မှာ ချစ်ခြင်း၊ ဝမ်းမြောက်ခြင်း၊ ငြိမ်းချမ်းခြင်း၊ စိတ်ရှည်ခြင်း၊ ကျေးဇူးပြုခြင်း၊ ကောင်းမြတ်ခြင်း၊ သစ္စာ​စောင့်သိခြင်း၊

ဂ​လာ​တိ 6:10

ထို့ကြောင့် ကျွန်ုပ်တို့​သည် အခွင့်သာ​တိုင်း လူအပေါင်းတို့​အပေါ်၊ အထူး​သဖြင့် ယုံကြည်သူ​မိသားစုတို့​အပေါ် ကောင်းမှု​ပြုကြစို့။

ကော​လော​သဲ 3:15

သင်တို့​သည် ကိုယ်ခန္ဓာ​တစ်ခုတည်း​၏ အစိတ်အပိုင်းများ ဖြစ်​၍ ငြိမ်းချမ်း​စွာ နေထိုင်​ရန် ရွေးချယ်ခြင်း​ခံကြရ၏။ ထို့ကြောင့် ခရစ်တော် ပေးသနားတော်မူသော ငြိမ်းချမ်းခြင်း​သည် သင်တို့​၏ နှလုံးသား​၌ စိုးမိုးပါစေသော။ ဘုရားသခင်​ကိုလည်း ကျေးဇူးတင်ကြလော့။

၁ တိ 6:18

ထို​သူတို့​ကို ကောင်းမှုပြု​ရန်၊ ကောင်းသော​အကျင့်များ​ကြွယ်ဝ​ရန်၊ မျှဝေလိုစိတ်​ရှိ​၍ ရက်ရော​စွာ ပေး​ရန် ညွှန်ကြားလော့။

ဟေ​ဗြဲ 12:14

လူတိုင်း​နှင့် သဟဇာတ​ဖြစ်ရန်၊ သန့်ရှင်းသော​ဘဝ​နှင့်​နေထိုင်​ရန် အစွမ်းကုန်​ကြိုးစားလော့။ မသန့်ရှင်းသော​သူတို့​သည် ထာဝရဘုရား​ကို ဖူးမြင်​ရမည်​မဟုတ်။

ဟေ​ဗြဲ 13:16

ကောင်းမှုပြု​ရန်​နှင့် သူတစ်ပါး​ကို ကူညီ​ရန် မမေ့လျော့နှင့်။ အဘယ်ကြောင့်ဆိုသော် ထိုသို့သော​ယဇ်ပူဇော်ခြင်း​ကို ဘုရားသခင်​နှစ်သက်တော်မူ​သောကြောင့် ဖြစ်၏။

ယာ​ကုပ် 4:17

ထို့ကြောင့် ကောင်းမှု​ကို လုပ်ဆောင်​သင့်ကြောင်း သိလျက်​နှင့် မလုပ်ဆောင်ဘဲ နေ​လျှင် အပြစ်​ရှိ၏။

၁ ပေ 3:12

အဘယ်ကြောင့်ဆိုသော် ထာဝရဘုရား​၏​မျက်စိတော်​သည် ဖြောင့်မတ်သော​သူတို့​ကို ကြည့်ရှုတော်မူ​၍ နားတော်​သည်​လည်း ထို​သူတို့​၏​ဆုတောင်းသံ​ကို နားဆင်တော်မူ​သောကြောင့်​ဖြစ်၏။ သို့သော်​ထာဝရဘုရား​သည် မကောင်းမှု​ပြုသောသူတို့​ကို ဆန့်ကျင်တော်မူ၏” ဟု ဖော်ပြထား၏။

၃ ယော 1:11

ချစ်ခင်ရသောသူ… မကောင်းမှု​ကို အတု​မယူဘဲ ကောင်းမှု​ကိုသာ အတုယူလော့။ ကောင်းမှု​ကို ပြုသောသူ​သည် ဘုရားသခင်​၏​သားသမီး ဖြစ်၏။ မကောင်းမှု​ကို ပြုသောသူ​သည် ဘုရားသခင်​ကို မမြင်ဖူး။