၁ ပေ 2:23 - ခေတ်သစ်​မြန်မာ သမ္မာကျမ်း

²³ ပုတ်ခတ်​ပြောဆို​ခံရ​သောအခါ ပြန်​၍​မတုံ့ပြန်။ ဆင်းရဲဒုက္ခ​ကို​ခံရ​သောအခါ လက်စားချေမည်​ဟု ခြိမ်းခြောက်တော်​မမူဘဲ ဖြောင့်မတ်​စွာ စီရင်တော်မူသော ဘုရားသခင်​ထံ မိမိ​အမှု​ကို အပ်နှံတော်မူ၏။

Common Language Bible

²³ မိ​မိ​အား​ပုတ်​ခတ်​ပြော​ဆို​သော​အ​ခါ​တုံ့​ပြန် ပုတ်​ခတ်​ပြော​ဆို​မှု​ပြု​တော်​မ​မူ။ ဝေ​ဒ​နာ​ခံ တော်​မူ​ရ​သော​အ​ခါ​ခြိမ်း​ခြောက်​တော်​မ​မူ​ဘဲ ဖြောင့်​မှန်​စွာ​တ​ရား​စီ​ရင်​တော်​မူ​သော​ဘု​ရား သ​ခင်​၏​လက်​တော်​သို့​မိ​မိ​၏​အ​မှု​ကို​အပ် တော်​မူ​၏။-

Garrad Bible

²³ ကဲ့ ရဲ့ ခံ ရ သည့် ကာ လ တုံ့ ပြန် ၍ ကဲ့ ရဲ့ ခြင်း ဒု က္ခ ခံ ရ သည့် ကာ လ ကြိမ်း မောင်း ခြင်း မ ပြု ဘဲ ဖြောင့် မတ် စွာ စီ ရင် ဆုံး ဖြတ် တော် မူ သော အ ရှင့် ထံ ကိုယ် ကို အပ် နှင်း တော် မူ ၏။

Judson Bible

²³ အ​သေ​ခံ​ရ​သော​အ​ခါ ခြိမ်း​ခြောက်​ခြင်း​ကို မ​ပြု။ တ​ရား​သ​ဖြင့် စီ​ရင်​တော်​မူ​သော​သူ၌ ကိုယ်​ကို​ကိုယ် အပ်​နှံ​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ပုတ်ခတ်​ပြောဆို​ခြင်း​ခံရ​သောအခါ ပြန်​၍​မ​တုံ့ပြန်၊ ဒုက္ခ​ဝေဒနာ​ခံစား​ရ​သောအခါ​၌​လည်း ခြိမ်းခြောက်​ခြင်း​ကို​မ​ပြု​ဘဲ ဖြောင့်မတ်​စွာ​တရား​စီရင်​တော်မူ​သော​အရှင်​ထံသို့ မိမိ​ကိုယ်​ကို​အပ်နှံ​တော်မူ​၏။

၁ ပေ 2:23 ပူးပေါင်းရင်းမြစ်များ

လုကာ 23:41

ငါတို့​သည် အမှန်​ပင် ကိုယ့်​ပြစ်မှုများ​အတိုင်း ထိုက်သင့်သည့်​ပြစ်ဒဏ်​ကို တရား​စွာ​ခံရကြ၏။ သို့သော် ဤ​သူ​သည် မည်သည့်​ပြစ်မှု​ကို​မျှ မကျူးလွန်ပါ” ဟု ပြောဆို​ဆုံးမ၏။

လုကာ 23:46

ထို့နောက် ယေရှု​သည် ကျယ်လောင်သော​အသံ​ဖြင့် “အို အဖ… အကျွန်ုပ်​၏​စိတ်ဝိညာဉ်​ကို အဖ​၏​လက်တော်​သို့ အပ်ပါ၏” ဟု ဆို​လျက် အသက်​ချုပ်တော်မူ၏။

လုကာ 23:9

သို့ဖြစ်၍ ဟေရုဒ်​သည် ကိုယ်တော်​ကို မေးခွန်း​များစွာ မေးလေ၏။ သို့သော် ကိုယ်တော်​သည် တစ်ခွန်း​မျှ ဖြေတော်မမူပေ။

တမန်တော်ဝတ္ထု 17:31

အဘယ်ကြောင့်ဆိုသော် ဘုရားသခင်​သည် မိမိ​ခန့်အပ်သော အရှင်​အားဖြင့် လောက​ကို မှန်ကန်​စွာ တရားစီရင်​ရန် နေ့​တစ်နေ့​ကို သတ်မှတ်ထား​တော်မူ​သောကြောင့်​ဖြစ်၏။ ထို​အရှင်​ကိုလည်း သေရာ​မှ ထမြောက်စေတော်မူခြင်း​ဖြင့် ထိုသို့​ဖြစ်မည့်​အကြောင်း​ကို ကျွန်ုပ်တို့​အား သက်သေပြတော်မူပြီ” ဟု ဟောပြောလေ၏။

တမန်တော်ဝတ္ထု 4:29

အို ထာဝရဘုရား… ယခု​တွင် သူတို့​၏​ခြိမ်းခြောက်ခြင်း​ကို မှတ်တော်မူပါ။ ကိုယ်တော်​၏​နှုတ်ကပတ်တော်​ကို ရဲစွမ်းသတ္တိ​နှင့် ဟောပြော​ရန် ကိုယ်တော်​၏​အစေအပါးတို့​အား အခွင့်​ပေးတော်မူပါ။

တမန်တော်ဝတ္ထု 7:59

ထို​သူတို့​သည် ကျောက်ခဲ​ဖြင့် ပေါက်နေကြ​စဉ် သတေဖန်​က “သခင်​ယေရှု… အကျွန်ုပ်​၏​ဝိညာဉ်​ကို လက်ခံတော်မူပါ” ဟု ဆုတောင်းလေ၏။

တမန်တော်ဝတ္ထု 9:1

သို့ရာတွင် ရှောလု​သည် သခင်ဘုရား​၏​တပည့်တော်များ​ကို ခြိမ်းခြောက်​၍ သတ်ဖြတ်​ရန် စိတ်ပြင်းပြနေသေး၏။ သူ​သည် ယဇ်ပုရောဟိတ်မင်း​ထံ သွား​၍

ရော​မ 2:5

ထိုသို့ သင်​သည် ခေါင်းမာ​၍ နောင်တရသော​စိတ်​မရှိ။ ထို့ကြောင့် ဘုရားသခင်​၏ ဖြောင့်မတ်သော တရားစီရင်ခြင်း ထင်ရှားလာမည့်​အချိန်​ဖြစ်သည့် အမျက်တော်​နေ့​တွင် ပို၍​ကြီးလေးသော​ပြစ်ဒဏ်​ကို သင်​ခံရ​လိမ့်မည်။

ဧ​ဖက် 6:9

သခင်​ဖြစ်သူတို့… သင်တို့​သည်လည်း ကျွန်များ​ကို ထို​နည်းတူ ကောင်းမွန်​စွာ ဆက်ဆံကြလော့။ သူတို့​ကို မခြိမ်းခြောက်ကြနှင့်။ သင်တို့​နှင့် သင်တို့​ကျွန်များ​၏ သခင်​သည် ကောင်းကင်ဘုံ​တွင် ရှိတော်မူကြောင်း​နှင့် ထို​သခင်​သည် မျက်နှာ​မလိုက်တတ်ကြောင်း​ကို သိမှတ်ကြလော့။

၂ သက် 1:5

ဤ​အရာ​သည် ဘုရားသခင်​၏ တရားစီရင်တော်မူခြင်း​က တရားမျှတကြောင်း ပေါ်လွင်သည့် အထောက်အထား​ဖြစ်ပြီး ထိုသို့ ဘုရားသခင်​၏ နိုင်ငံတော်​အတွက် ဆင်းရဲ​ဒုက္ခ​ခံရ​သောကြောင့် ထို​နိုင်ငံတော်​နှင့် ထိုက်တန်သည်​ဟု သတ်မှတ်ခံရ​ရန် ရည်ရွယ်၏။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၂ တိ 4:8

ယခု​မှစ၍ ဖြောင့်မတ်ခြင်း​ဆုသရဖူ​သည် ကျွန်ုပ်​အတွက် အသင့်​ရှိနေ၏။ ဖြောင့်မတ်​စွာ တရားစီရင်သူ​ဖြစ်တော်မူသည့် သခင်ဘုရား ပြန်လည်ကြွလာမည့်​နေ့တွင် ထို​ဆုသရဖူ​ကို ကျွန်ုပ်​အား ပေးတော်မူ​လိမ့်မည်။ ကျွန်ုပ်​တစ်ဦးတည်း​သာမက ကိုယ်တော်​၏​ပြန်လည်ကြွလာခြင်း​ကို တောင့်တသူ​အားလုံး​တို့​အားလည်း ပေးတော်မူ​လိမ့်မည်။

ဟေ​ဗြဲ 12:3

အပြစ်သားများ​၏ ဆန့်ကျင်​ပုန်ကန်မှု​ကို ခံတော်မူသော​ကိုယ်တော်​၏​အကြောင်း​ကို ဆင်ခြင်လော့။ သို့ပြုလျှင် သင်တို့​သည် စိတ်မပျက် အားမလျော့ဘဲ ရှိ​လိမ့်မည်။

၁ ပေ 3:9

အဆိုး​ကို အဆိုး​ဖြင့်​လည်းကောင်း၊ ကဲ့ရဲ့ခြင်း​ကို ကဲ့ရဲ့ခြင်း​ဖြင့်​လည်းကောင်း မတုံ့ပြန်ကြနှင့်။ ကောင်းချီး​ကို​သာ ပေးကြလော့။ သင်တို့​သည် ဤသို့​ပြု​ရန် ရွေးကောက်တော်မူခြင်း​ခံရ၏။ သို့ပြုလျှင် သင်တို့​သည် ကောင်းချီး​မင်္ဂလာ​ကို ခံစားရ​လိမ့်မည်။

၁ ပေ 4:19

ထို့ကြောင့် ဘုရားသခင်​၏ အလိုတော်​အရ ဆင်းရဲဒုက္ခ​ခံရသော​သူတို့​သည် မိမိတို့​၏ စိတ်ဝိညာဉ်​ကို သစ္စာရှိသော​ဖန်ဆင်းရှင်​ထံ အပ်နှံ​ပြီး ကောင်းမှု​ကို ဆက်​၍​ပြုသင့်၏။

ဗျာ​ဒိတ် 19:11

ထိုအခါ ကောင်းကင်ဘုံ​သည် ပွင့်​လျက်​ရှိသည်​ကို ကျွန်ုပ်​မြင်၏။ ထို​နေရာ​၌ မြင်းဖြူ​တစ်ကောင်​ရှိ၏။ ထို​မြင်းဖြူ​ကို စီးတော်မူသောသူ​သည် သစ္စာရှိသူ​နှင့် ဖြောင့်မှန်သူ​ဟု အမည်​ရ၏။ သူ​သည် ဖြောင့်မှန်​စွာ တရားစီရင်​၍ ဖြောင့်မှန်​စွာ စစ်တိုက်တော်မူ၏။