၁ ပေ 1:13 - ခေတ်သစ်​မြန်မာ သမ္မာကျမ်း

¹³ ထို့ကြောင့် သင်တို့​၏ စိတ်နှလုံး​ကို အသင့်ပြင်​၍ တည်ကြည်​စေကြလော့။ ယေရှု​ခရစ်တော် ပြန်လည်​ကြွလာ​သောအခါ သင်တို့​ခံစားရမည့် ကျေးဇူးတော်​ကို အပြည့်အဝ​မျှော်လင့်ကြလော့။

Common Language Bible

¹³ သို့​ဖြစ်​၍​သင်​တို့​နိုး​ကြား​၍ သမ္မာ​သ​တိ​ရှိ ကြ​လော့။ ယေ​ရှု​ခ​ရစ်​ကြွ​လာ​တော်​မူ​သော အ​ခါ သင်​တို့​ခံ​စား​ရ​မည့်​ကောင်း​ချီး​ကို အ​ဆုံး​တိုင်​အောင်​မျှော်​လင့်​လျက်​နေ​ကြ​လော့။-

Garrad Bible

¹³ သို့ ဖြစ်၍ စိတ် အား ယူ လျက် လုံး လုံး သ တိ ရှိ လျက် ယေ ရှု ခ ရစ် ပေါ် တော် မူ သည့် ကာ လ သင် တို့ ထံ ရောက် လာ မည့် ကျေး ဇူး တော် ကို စောင့် မျှော် လျက် နေ ကြ လော့။

Judson Bible

¹³ သို့​ဖြစ်၍၊ သင်​တို့​စိတ်​နှ​လုံး​ကို ခါး​ပန်း​စည်း၍ သ​မ္မာ​သ​တိ​ရှိ​ကြ​လော့။ ယေ​ရှု​ခ​ရစ် ပေါ်​ထွန်း​တော်​မူ​သော​အ​ခါ၊ သင်​တို့​ဆီ​သို့​ရောက်​လ​တ္တံ့​သော ဆု​ကျေး​ဇူး​ကို အ​ဆုံး​တိုင်​အောင် မျှော်​လ​င့်​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သို့ဖြစ်၍ သင်​တို့​၏​စိတ်နှလုံး​ကို အသင့်​ပြင်ဆင်​ထား​လျက် သမ္မာသတိ​ရှိ​ကြ​လော့။ ယေရှု​ခရစ်တော်​ပေါ်ထွန်း​တော်မူ​သောအခါ သင်​တို့​ထံသို့ သက်ရောက်​လာ​မည့်​ကျေးဇူး​တော်​ကို အပြည့်အဝ​မျှော်လင့်​ကြ​လော့။

၁ ပေ 1:13 ပူးပေါင်းရင်းမြစ်များ

မဿဲ 20:4

ထို့ကြောင့် ထို​သူတို့​အား ‘သင်တို့​သည်လည်း စပျစ်ခြံ​သို့​သွား​၍ အလုပ်လုပ်ကြ။ ထိုက်သင့်ငွေ​ကို ငါ​ပေးမည်’ ဟု ဆို​သဖြင့် ထို​သူတို့​သည် သွားကြ၏။

လုကာ 12:35

ခါးပတ်​ကို ပတ်​လျက် ဆီမီးခွက်​ကိုလည်း အသင့်​ထွန်းညှိထားလော့။

လုကာ 17:30

လူသား​ကြွလာသော​နေ့ရက်​၌​လည်း ထို​ကဲ့သို့​ပင် ဖြစ်​လိမ့်မည်။

လုကာ 17:8

ထိုသို့​မဟုတ်ဘဲ ‘ငါ့​အတွက် အစားအစာများ​ကို ပြင်ဆင်လော့။ သင်​၏​ခါးစည်းဝတ်​ကို​စည်း​၍ ငါ​စားသောက်​နေစဉ်​အတွင်း ငါ့​အား​အစေခံလော့။ ထို့နောက်​မှ သင်​သည် စားသောက်လော့’ ဟူ၍ ပြော​လိမ့်မည်​မဟုတ်လော။

ရော​မ 13:13

နေ့အချိန်​၌ ပြုမူနေထိုင်​သကဲ့သို့ သင့်တင့်​လျောက်ပတ်​စွာ ပြုမူနေထိုင်​ကြရမည်။ အပျော်ကြူးခြင်း၊ သောက်စား​မူးယစ်ခြင်း၊ ကာမဂုဏ်​လိုက်စားခြင်း၊ ကိလေသာ​လွန်ကြူးခြင်း၊ ခိုက်ရန်ဖြစ်ခြင်း​နှင့် မနာလိုခြင်း​တို့ကို ရှောင်ကြဉ်ရမည်။

ရော​မ 8:19

ဘုရားသခင်​၏ သားသမီးများ​မှာ မည်သူတို့​ဖြစ်ကြောင်း ဖော်ပြတော်မူမည့်​နေ့ရက်​ကို ဖန်ဆင်းခံ​လောက​သည် အလွန်​တောင့်တ​မျှော်လင့်​လျက် ရှိ၏။

၁ ကော 1:7

သင်တို့​သည် ဝိညာဉ်​ဆုကျေးဇူး​တိုင်း​ကို ရရှိထား​ပြီး ကျွန်ုပ်တို့​၏​သခင် ယေရှု​ခရစ်တော် ပြန်လည်​ကြွလာမည်​ကို စိတ်အားထက်သန်​စွာ စောင့်မျှော်နေကြ၏။

၁ ကော 13:13

ယခု​တွင် ယုံကြည်ခြင်း၊ မျှော်လင့်ခြင်း၊ ချစ်ခြင်း​မေတ္တာ ဤ​သုံးပါးတို့​သည် တည်​လျက်​ရှိ၏။ ဤ​သုံးပါး​တို့​အနက် ချစ်ခြင်း​မေတ္တာ​သည် အမြတ်ဆုံး​ဖြစ်၏။

ဧ​ဖက် 6:14

သို့ဖြစ်၍ သမ္မာတရား​ဟူသော ခါးစည်း​ကို စည်း​လျက်၊ ဖြောင့်မတ်ခြင်း​ဟူသော ရင်အုပ်ကာ​ချပ်ဝတ်​ကို ဝတ်ဆင်​လျက်၊

ကော​လော​သဲ 3:4

သင်တို့​၏ အသက်​ဖြစ်သော ခရစ်တော် ပြန်ကြွလာ​၍ ထင်ရှား​သောအခါ သင်တို့​သည်လည်း ကိုယ်တော်​နှင့်အတူ ဘုန်းကြီး​၍ ထင်ရှားကြ​လိမ့်မည်။

၂ သက် 1:7

ဆင်းရဲ​ဒုက္ခရောက်​နေသော သင်တို့​နှင့်အတူ ကျွန်ုပ်တို့​ကိုလည်း စိတ်သက်သာရာ​ရစေတော်မူ​လိမ့်မည်။ သခင်​ယေရှု​သည် မီးလျှံ​ကြား​က တန်ခိုးကြီးသော ကောင်းကင်တမန်များ​ခြံရံ​လျက် ကောင်းကင်ဘုံ​မှ ပေါ်ထွက်လာ​သောအခါ

၂ တိ 4:5

သို့သော်လည်း သင်​သည် အရာရာ​၌ သတိရှိလော့။ ဆင်းရဲဒုက္ခ​ကို သည်းခံ​၍ သတင်းကောင်း​ဟောပြောသူ​တစ်ဦး ဆောင်ရွက်ရမည့် အမှု​ကို ပြု​လျက် အမှုတော်​ကို အပြည့်အဝ​ဆောင်ရွက်လော့။

၂ တိ 4:8

ယခု​မှစ၍ ဖြောင့်မတ်ခြင်း​ဆုသရဖူ​သည် ကျွန်ုပ်​အတွက် အသင့်​ရှိနေ၏။ ဖြောင့်မတ်​စွာ တရားစီရင်သူ​ဖြစ်တော်မူသည့် သခင်ဘုရား ပြန်လည်ကြွလာမည့်​နေ့တွင် ထို​ဆုသရဖူ​ကို ကျွန်ုပ်​အား ပေးတော်မူ​လိမ့်မည်။ ကျွန်ုပ်​တစ်ဦးတည်း​သာမက ကိုယ်တော်​၏​ပြန်လည်ကြွလာခြင်း​ကို တောင့်တသူ​အားလုံး​တို့​အားလည်း ပေးတော်မူ​လိမ့်မည်။

ဟေ​ဗြဲ 10:35

ထို့ကြောင့် သခင်ဘုရား​အပေါ် သင်တို့​၏ စိတ်ချယုံကြည်မှု​ကို မစွန့်ပစ်ကြနှင့်။ ၎င်း​သည် သင်တို့​အား ကြီးမားသော​ဆုလာဘ်​ကို ခံစားစေ​လိမ့်မည်။

ဟေ​ဗြဲ 3:6

သို့သော် ခရစ်တော်​သည် သားတော်​တစ်ပါး​အဖြစ် ဘုရားသခင်​၏ အိမ်တော်​ကို အုပ်စိုးရာ​တွင် သစ္စာရှိတော်မူ၏။ ကျွန်ုပ်တို့​၏ စိတ်ချယုံကြည်မှု​နှင့်​ဂုဏ်ယူ​ဝင့်ကြွားစရာ မျှော်လင့်ခြင်း​ကို ခိုင်မြဲစွာ​စွဲကိုင်ထား​လျှင် ကျွန်ုပ်တို့​သည် ကိုယ်တော်​၏​အိမ်တော်​ဖြစ်ကြ၏။

ဟေ​ဗြဲ 6:19

ထို​မျှော်လင့်ချက်​သည် ကျွန်ုပ်တို့​စိတ်ဝိညာဉ်​အတွက် လုံခြုံ​ခိုင်ခံ့သော​ကျောက်ဆူး​တစ်ခု​ကဲ့သို့ ဖြစ်၏။ ၎င်း​သည် ကန့်လန့်ကာ​နောက်ကွယ်​၌​ရှိသော အသန့်ရှင်းဆုံး​ဌာနတော်​ထဲသို့ ကျွန်ုပ်တို့​ကို ခေါ်ဆောင်လေ၏။

ဟေ​ဗြဲ 9:28

ခရစ်တော်​သည် လူ​များစွာတို့​၏ အပြစ်များ​ကို ဖြေလွှတ်​ရန် မိမိ​ကိုယ်ကိုယ် တစ်ကြိမ်တည်း​သာ ပူဇော်တော်မူ၏။ ထို့နောက် အပြစ်များ​ကို ဖယ်ရှား​ရန် မဟုတ်ဘဲ ကိုယ်တော်​ကို စောင့်မျှော်နေ​သူတို့​အား ကယ်တင်​ရန် ဒုတိယ​အကြိမ်​ပေါ်ထွန်းတော်မူ​လိမ့်မည်။

၁ ပေ 1:10

သင်တို့​ခံစားရမည့်​ကျေးဇူးတော်​အကြောင်း​ကို ဟောပြောသော​ပရောဖက်တို့​သည် ဤ​ကယ်တင်ခြင်း​နှင့်​ပတ်သက်​၍ ဂရုတစိုက်​ရှာဖွေ​စူးစမ်းခဲ့ကြ၏။

၁ ပေ 3:15

ခရစ်တော်​ကို သင်တို့​၏ စိတ်နှလုံး​ထဲ၌ သခင်​အဖြစ် ရိုသေ​ကိုင်းရှိုင်းကြလော့။ တစ်စုံတစ်ယောက်​သည် သင်တို့​၏​မျှော်လင့်ခြင်း​နှင့်​ပတ်သက်​၍ မေးမြန်း​လျှင် ထို​သူ​အား ရှင်းလင်း​ဖြေဆို​ရန် အမြဲ​အသင့်​ရှိကြလော့။

၁ ပေ 4:7

အရာ​အားလုံး​၏ နောက်ဆုံးချိန်​သည် နီးကပ်လာ​သောကြောင့် ဆုတောင်း​နိုင်ရန်​အတွက် မိမိတို့​စိတ်​ကို ချုပ်တည်း​လျက် သတိ​ရှိကြလော့။

၁ ပေ 5:12

သစ္စာရှိသော​ညီအစ်ကို​ဟု ကျွန်ုပ်​မှတ်ယူသော သိလွာနု​၏​အကူအညီ​ဖြင့် သင်တို့​ထံ စာ​ကို အကျဉ်းချုံး​၍ ရေးလိုက်၏။ အကြောင်းအရာ​မှာ သင်တို့​အား တိုက်တွန်း​နှိုးဆော်​ရန်​နှင့် ကျွန်ုပ်​ရေးလိုက်သော​အရာတို့​သည် ဘုရားသခင်​၏ စစ်မှန်သော​ကျေးဇူးတော်​ဖြစ်ကြောင်း သက်သေခံ​ရန်​ဖြစ်၏။ ထို​ကျေးဇူးတော်​တွင် ခိုင်မြဲ​စွာ ရပ်တည်ကြလော့။

၁ ပေ 5:8

မိမိတို့​စိတ်​ကို ချုပ်တည်း​လျက် သတိ​နှင့် စောင့်ကြလော့။ သင်တို့​၏ ရန်သူ​ဖြစ်သော မာရ်နတ်​သည် ဟိန်းဟောက်သော​ခြင်္သေ့​ကဲ့သို့ ဝါးမျိုရမည့်​သူ​ကို လှည့်လည်​ရှာဖွေ​လျက်​ရှိ၏။

၁ ယော 3:3

ကိုယ်တော်​အပေါ် ဤ​မျှော်လင့်ချက်​ရှိသောသူ​အပေါင်းတို့​သည် ကိုယ်တော် သန့်ရှင်း​စင်ကြယ်တော်မူသည့်​နည်းတူ မိမိ​ကိုယ်​မိမိ သန့်ရှင်း​စင်ကြယ်စေကြ၏။