၁ ပေ 1:1 - ခေတ်သစ်​မြန်မာ သမ္မာကျမ်း

¹ ကျွန်ုပ်​သည် ယေရှု​ခရစ်တော်​၏ တမန်တော်​ပေတရု​ဖြစ်၏။ ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာရှပြည်၊ ဗိသုနိပြည်​တို့​တွင် ကွဲလွင့်​ပျံ့နှံ့​လျက် ဧည့်သည်များ​အဖြစ် နေထိုင်ကြသည့် ဘုရားသခင်​ရွေးချယ်တော်မူသော လူများ​ထံသို့ ကျွန်ုပ်​စာရေးလိုက်၏။

Common Language Bible

^1-2 သ​ခင်​ယေ​ရှု​ခ​ရစ်​၏​တ​မန်​တော်​ပေ​တ​ရု​ထံ မှ​ပုန္တု​ပြည်၊ ဂ​လာ​တိ​ပြည်၊ ကပ္ပ​ဒေါ​ကိ​ပြည်၊ အာ​ရှိ​ပြည်​နှင့်​ဗိ​သု​နိ​ပြည်​တို့​တွင်​ဧည့်​သည် အာ​ဂန္တု​အ​ဖြစ်​နှင့်​ပျံ့​နှံ့​နေ​ထိုင်​လျက်​ရှိ​ကြ သော​ဘု​ရား​သ​ခင်​ရွေး​ချယ်​တော်​မူ​သည့် လူ​စု​တော်​ထံ​သို့​စာ​ရေး​လိုက်​ပါ​သည်။ သ​ခင် ယေ​ရှု​၏​စ​ကား​တော်​ကို​နား​ထောင်​၍​ကိုယ် တော်​၏​သွေး​တော်​အား​ဖြင့်​အ​ပြစ်​များ​မှ ပြေ​လွတ်​ကြ​စေ​ရန်​ခ​မည်း​တော်​ဘု​ရား သ​ခင်​သည်​အ​ကြံ​အ​စည်​တော်​အ​ရ​သင် တို့​ကို​ရွေး​ချယ်​တော်​မူ​၏။ ဝိ​ညာဉ်​တော် အား​ဖြင့်​လည်း​သင်​တို့​ကို​သန့်​ရှင်း​မြင့် မြတ်​စေ​တော်​မူ​၏။ သင်​တို့​သည်​ကိုယ်​တော်​၏​ထံ​တော်​မှ ကျေး​ဇူး တော်​နှင့်​ငြိမ်​သက်​ခြင်း​ကို​ကြွယ်​ဝ​စွာ​ခံ​စား ရ​ကြ​ပါ​စေ​သ​တည်း။

Garrad Bible

^1-2 ယေ ရှု ခ ရစ်၏ တ မန် တော် ဖြစ် သော ပေ တ ရု က ခ မည်း တော် ဘု ရား သ ခင်၏ အ နာ ဂ တံ သ ဉာဏ် တော် အ လျောက် နား ထောင် ခွင့် ယေ ရှု ခ ရစ်၏ အ သွေး တော် ဖျန်း ပက် ခံ ခွင့် ရ စေ ရန် ဝိ ညာဉ် တော် သီး သန့် ထား ခြင်း အား ဖြင့် ရွေး ချယ် တော် မူ သူ ပု န္တု ဂ လ တိ က ပ္ပ ဒေါ ကိ အာ ရှိ ဗိ သု နိ ပြည် များ တွင် ကွဲ လွင့် တည်း ခို သူ တို့ ထံ ရေး လိုက် သည် မှာ သင် တို့၌ ကျေး ဇူး တော် နှင့် ငြိမ် သက် ခြင်း များ ပြား ပါ စေ သော။

Judson Bible

^1-2 ယေ​ရှု​ခ​ရစ်၏​တ​မန်​တော် ငါ​ပေ​တ​ရု​သည်၊ နား​ထောင်​ခြင်း​ကျေး​ဇူး၊ ယေ​ရှု​ခ​ရစ်၏ အ​သွေး​တော်​နှင့် ဖျန်း​ခြင်း​ကျေး​ဇူး​ကို ခံ​ရ​မည်​အ​ကြောင်း၊ ဝိ​ညာဉ်​တော်​အား​ဖြင့် သန့်​ရှင်း​ခြင်း​သို့​ရောက်၍၊ ခ​မည်း​တော် ဘု​ရား​သ​ခင်၏ အ​နာ​ဂ​တံ​သ​ဉာဏ်​တော်​အ​တိုင်း ရွေး​ကောက်​တော်​မူ​သော သူ​တည်း​ဟူ​သော၊ ပု​န္တု​ပြည်၊ ဂ​လာ​တိ​ပြည်၊ က​ပ္ပ​ဒေါ​ကိ​ပြည်၊ အာ​ရှိ​ပြည်၊ ဗိ​သု​နိ​ပြည်၊ အ​ရပ်​ရပ်​တို့၌ ကွဲ​ပြား​သော ဧည့်​သည်​အာ​ဂ​န္တု​တို့​ကို ကြား​လိုက်​ပါ၏။ ကျေး​ဇူး​တော်​နှင့် ငြိမ်​သက်​ခြင်း​သည် သင်​တို့၌​များ​ပြား​ပါ​စေ​သော။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ယေရှု​ခရစ်တော်​၏​တမန်တော်​ငါ​ပေတရု​သည် ပုန္တု​ပြည်၊ ဂလာတိ​ပြည်၊ ကပ္ပဒေါကိ​ပြည်၊ အာရှ​ပြည်​နှင့် ဗိသုနိ​ပြည်​အရပ်ရပ်​တို့​၌ ကွဲလွင့်​ပျံ့နှံ့​နေ​သည့်​အာဂန္တု​များ​တည်းဟူသော

၁ ပေ 1:1 ပူးပေါင်းရင်းမြစ်များ

မဿဲ 10:2

ထို​တမန်တော်​ဆယ့်နှစ်ပါးတို့​၏​အမည်များ​မှာ ရှေးဦးစွာ ပေတရု​ဟူ၍​လည်း ခေါ်ဝေါ်သော​ရှိမုန်၊ ထို့နောက် သူ​၏​ညီ အန္ဒြေ၊ ဇေဗေဒဲ​၏​သား ယာကုပ်၊ ယာကုပ်​၏​ညီ ယောဟန်၊

မဿဲ 24:22

အကယ်၍ သခင်ဘုရား​သည် ထို​နေ့ရက်ကာလများ​ကို တိုတောင်းစေတော်မမူ​လျှင် မည်သူ​မျှ အသက်ဘေး​မှ လွတ်နိုင်မည်​မဟုတ်။ သို့ရာတွင် ကိုယ်တော်​သည် မိမိ​ရွေးချယ်ထားတော်မူသော​သူများ​အတွက် ထို​နေ့ရက်များ​ကို တိုတောင်းစေတော်မူမည်။

မဿဲ 4:18

တစ်နေ့​၌ ယေရှု​သည် ဂါလိလဲအိုင်​နံဘေး​တစ်လျှောက် ကြွတော်မူ​စဉ် အိုင်​ထဲတွင် ကွန်ပစ်နေကြသည့် ပေတရု​ဟု ခေါ်သော ရှိမုန်​နှင့် ညီဖြစ်သူ​အန္ဒြေ​တို့​ကို တွေ့မြင်တော်မူ၏။ ထို​သူတို့​သည် တံငါသည်များ​ဖြစ်ကြ၏။

လုကာ 18:7

မိမိ​ရွေးချယ်တော်မူသော​သူတို့​က နေ့ည​မပြတ် တောင်းလျှောက်​လျှင် ဘုရားသခင်​သည် တရားမျှတ​စွာ မစီရင်ဘဲ နှောင့်နှေးစေတော်မူ​မည်လော။

ရှင်ယောဟန် 11:52

ထို​ဂျူး​တစ်မျိုးသားလုံး​အတွက်​သာမက ကမ္ဘာ​အရပ်ရပ်​တွင် ပျံ့နှံ့​နေထိုင်ကြသော ဘုရားသခင်​၏​သားသမီးများ အားလုံး​ကိုလည်း ပေါင်းစည်း​စေရန်​အတွက်​ပါ အသေခံတော်မူမည့်​အကြောင်း​ကို ပရောဖက်ပြု​ဟောပြောခြင်း​ဖြစ်၏။

ရှင်ယောဟန် 7:35

ဂျူးခေါင်းဆောင်များ​က “ငါတို့ မတွေ့​နိုင်အောင် သူ​သည် မည်သည့်​အရပ်​သို့ သွား​ရန် ကြံစည်​နေပါသနည်း။ ဂရိလူမျိုးများ​ကြားတွင် ပျံ့နှံ့​နေထိုင်​လျက်​ရှိသော ငါတို့​ဂျူးလူမျိုးများ​ထံသို့ သွား​၍ ဂရိလူမျိုးတို့​ကိုပင် သွန်သင်​ရန် ကြံစည်နေသလော။

တမန်တော်ဝတ္ထု 18:2

ထို​မြို့​၌ ပုန္တုပြည်သား၊ အာကုလ​ဟု​ခေါ်သော ဂျူး​တစ်ဦး​ကို တွေ့၏။ ကလောဒိမင်း​သည် ဂျူးလူမျိုး​အားလုံး​ကို ရောမ​မြို့​မှ ထွက်ခွာသွား​ရန် အမိန့်​ထုတ်ပြန်​သောကြောင့် ထို​သူ​သည် မကြာမီ​ကပင် အီတလီပြည်​မှ ဇနီး​ဖြစ်သူ ပြစ်ကိလ​နှင့် ရောက်လာခြင်း​ဖြစ်၏။ ပေါလု​သည် ထို​သူတို့​ကို တွေ့​ရန် သွား​၍

တမန်တော်ဝတ္ထု 18:23

ထို​မြို့​တွင် အချိန်ကြာ​နေထိုင်ပြီး​မှ ထွက်ခွာ​၍ ဂလာတိပြည်၊ ဖြူဂိပြည်​တစ်လျှောက် လှည့်လည်​သွားလာ​လျက် ယုံကြည်သူများ​ကို အားပေး​ကာ ကြံ့ခိုင်စေ၏။

တမန်တော်ဝတ္ထု 19:10

ထိုသို့ နှစ်နှစ်​တိုင်တိုင် ဆွေးနွေး​ပြောဆို​ရာ အာရှပြည်​တွင် နေထိုင်ကြသော ဂျူးလူမျိုး​နှင့် ဂရိလူမျိုးများ​အားလုံးတို့​သည် သခင်ဘုရား​၏​နှုတ်ကပတ်​တရားတော်​ကို ကြားနာကြရ၏။

တမန်တော်ဝတ္ထု 6:9

ထို့နောက် “လိဗေရတိန်” ဟု ခေါ်သော ဂျူးဝတ်ပြုဆောင်​မှ လူ​တချို့​သည် သတေဖန်​နှင့်​ငြင်းခုံပြောဆိုကြ၏။ ထို​သူတို့​မှာ ကုရေနေမြို့သားများ၊ အလက်ဇန်းဒါးမြို့သားများ​မှစ၍ ဆီလီဆီးယားပြည်​နှင့် အာရှပြည်​တို့​မှ လာသော​သူများ​ဖြစ်ကြ၏။

တမန်တော်ဝတ္ထု 8:4

ထိုသို့ဖြင့် ကွဲလွင့်​ပျံ့နှံ့သွားသော​သူတို့​သည် ရောက်ရှိရာ​အရပ်​သို့​လှည့်လည်​၍ နှုတ်ကပတ်​တရားတော်​ကို ဟောပြောကြ၏။

၁ ကော 16:19

အာရှပြည်​ရှိ အသင်းတော်များ​သည် သင်တို့​ကို နှုတ်ဆက်လိုက်ပါ၏။ အာကုလ​နှင့် ပြစ်ကိလ​တို့​မှစ၍ သူတို့​အိမ်​၌ စုဝေးကြသော​အသင်းတော်​သည် သခင်ဘုရား​ကို ထောက်​၍ သင်တို့​ကို လှိုက်လှဲစွာ နှုတ်ဆက်လိုက်ပါ၏။

၂ ကော 1:8

ညီအစ်ကို​မောင်နှမတို့… အာရှပြည်​၌ ကျွန်ုပ်တို့ ခံခဲ့ရသော ဆင်းရဲဒုက္ခ​ကို သင်တို့ မသိဘဲ​မနေစေလိုပါ။ ကျွန်ုပ်တို့​သည် မိမိတို့​ခံနိုင်ရည်စွမ်း​ထက် ကျော်လွန်သော ဆင်းရဲဒုက္ခ​ကို ခံခဲ့ရ​သဖြင့် အသက်ရှင်​ရန်ပင် မျှော်လင့်ချက်​ကင်းမဲ့ခဲ့၏။

ဂ​လာ​တိ 1:2

ဤ​စာ​သည် ကျွန်ုပ်​အပါအဝင် ကျွန်ုပ်​နှင့်အတူ​ရှိသော ညီအစ်ကို​မောင်နှမတို့​က ဂလာတိပြည်​၌ ရှိသော အသင်းတော်များ​ထံသို့ ပို့လိုက်သော​စာ ဖြစ်၏။

ဧ​ဖက် 2:12

တစ်ချိန်က သင်တို့​သည် ခရစ်တော်​နှင့် ကင်းကွာခဲ့ကြ​၍ အစ္စရေး​လူမျိုး​တွင် ပါဝင်ခွင့် မရ၊ ကတိတော်​နှင့်​ဆိုင်သော ပဋိညာဉ်များ​နှင့် သက်ဆိုင်ခွင့် မရှိ၊ မျှော်လင့်ချက် မရှိ၊ ဤ​လောက​တွင် ဘုရားသခင်​ကို မသိဘဲ နေခဲ့ကြသည်​ကို သတိရကြလော့။

ဧ​ဖက် 2:19

သို့ဖြစ်၍ သင်တို့​သည် တိုင်းတစ်ပါးသား​နှင့် ဧည့်သည်များ မဟုတ်တော့ဘဲ ယုံကြည်သူများ​နှင့် တစ်ပြည်တည်းသား ဖြစ်​၍ ဘုရားသခင်​၏ မိသားစုဝင်များ ဖြစ်ကြ၏။

၂ တိ 1:15

ဖုဂေလု​နှင့် ဟေရမောဂင်​တို့​အပါအဝင် အာရှပြည်​၌ နေထိုင်သော​လူအပေါင်း​သည် ကျွန်ုပ်​ကို စွန့်ခွာသွားကြောင်း သင်​သိ၏။

ဟေ​ဗြဲ 11:13

ဤ​လူအပေါင်းတို့​သည် ယုံကြည်​လျက် သေလွန်ကြ၏။ သူတို့​သည် ဘုရားသခင်​ကတိပြုတော်မူသည့်​အရာများ​ကို မရရှိခဲ့​သော်လည်း အဝေး​ကပင် မြင်​၍ ကြိုဆိုခဲ့ကြ၏။ သူတို့​သည် ဤ​လောက​တွင် ခေတ္တ​တည်းခိုသူများ၊ ဧည့်သည်များ​သာ​ဖြစ်ကြောင်း ဝန်ခံခဲ့ကြ၏။

ယာ​ကုပ် 1:1

ဘုရားသခင်​နှင့် သခင်​ယေရှု​ခရစ်တော်​တို့​၏​ကျွန် ကျွန်ုပ်​ယာကုပ် စာရေးလိုက်၏။ ဤ​စာ​သည် အနယ်နယ်​အရပ်ရပ်တို့​တွင် ကွဲလွင့်​ပျံ့နှံ့​နေသည့်​ဂျူးလူမျိုး​ဆယ့်နှစ်မျိုး​ထံသို့ ပို့လိုက်သော​စာ​ဖြစ်၏။

၁ ပေ 2:11

ချစ်ရသော​သူတို့… သင်တို့​သည် ခေတ္တ​တည်းခိုသူ​ဧည့်သည်များ​ဖြစ်သည့်​အားလျော်​စွာ သင်တို့​၏​စိတ်ဝိညာဉ်​အား ဆန့်ကျင်​တိုက်ခိုက်နေသော လူ့​ဗီဇစိတ်​အလို​ကို မလိုက်​ရန် ကျွန်ုပ်​တိုက်တွန်း၏။

၂ ပေ 1:1

ကျွန်ုပ်​သည် ယေရှု​ခရစ်တော်​၏ အစေခံ​နှင့် တမန်တော် ရှိမုန်​ပေတရု​ဖြစ်၏။ ကျွန်ုပ်တို့​၏ ဘုရားသခင်​နှင့် ကယ်တင်ရှင်​ဖြစ်တော်မူသော ယေရှု​ခရစ်တော်​၏ ဖြောင့်မတ်ခြင်း​အားဖြင့် ကျွန်ုပ်တို့​၏​ယုံကြည်ခြင်း​ကဲ့သို့ တန်ဖိုး​ရှိသည့် ယုံကြည်ခြင်း​ကို လက်ခံရရှိသော​သူတို့​ထံသို့ ကျွန်ုပ်​စာရေးလိုက်၏။

ဗျာ​ဒိတ် 1:11

ထို​အသံ​က “သင်​မြင်သော​အရာ​ကို စာစောင်​တွင် ရေး​၍ ဧဖက်မြို့၊ စမုရနမြို့၊ ပေရဂံမြို့၊ သွာတိရမြို့၊ သာဒိမြို့၊ ဖိလဒေလဖိမြို့၊ လောဒိကိမြို့များ​ရှိ အသင်းတော်​ခုနစ်ပါး​ထံသို့ ပေးပို့လော့” ဟု ဆို၏။