၁ တိ 4:6 - ခေတ်သစ်​မြန်မာ သမ္မာကျမ်း

⁶ ဤ​အရာများ​ကို ညီအစ်ကို​မောင်နှမတို့​အား ညွှန်ကြား​လျှင် သင်​သည် သင်​ခံယူခဲ့သော ယုံကြည်ခြင်း​တရား​နှင့် မှန်ကန်သော​အယူဝါဒ​တို့​ဖြင့် ပြုစု​ပျိုးထောင်ခံရ​ပြီး ယေရှု​ခရစ်တော်​၏ အစေခံကောင်း​တစ်ဦး ဖြစ်​လိမ့်မည်။

Common Language Bible

⁶ ဤ​ညွှန်​ကြား​ချက်​များ​ကို​ညီ​အစ်​ကို​တို့​အား ပေး​အပ်​မည်​ဆို​ပါ​မူ သင်​သည်​မိ​မိ​လိုက်​နာ သည့်​ယုံ​ကြည်​ချက်​နှင့်​မှန်​ကန်​သည့်​အ​ယူ ဝါ​ဒ​ကို​မှီ​ဝဲ​ကျင့်​သုံး​လျက် ခ​ရစ်​တော် ယေ​ရှု​၏​အ​စေ​ခံ​ကောင်း​ဖြစ်​လိမ့်​မည်။-

Garrad Bible

⁶ ထို အ တိုင်း ညီ အစ် ကို တို့ အား ဆင့် ဆို လျှင် သင် သည် လိုက် နာ ခဲ့ ပြီး သော ဒေ သ နာ မြတ် နှင့် ယုံ ကြည် ခြင်း တ ရား စ ကား များ ကြောင့် ကျွေး မွေး ခြင်း ခံ ရ သည့် အ လျောက် ခ ရစ် တော် ယေ ရှု၏ ကောင်း သော အ မှု တော် ဆောင် ဖြစ် လိမ့် မည်။

Judson Bible

⁶ ဤ​စ​ကား​များ​ကို သင်​သည် ညီ​အစ်​ကို​တို့​အား ကြား​ပြော​လျှင်၊ ယုံ​ကြည်​ချက်​စ​ကား၊ ကိုယ်​တိုင် ရှာ​ဖွေ​လေ့​ကျက်​သော သ​မ္မာ​ဩ​ဝါ​ဒ​စ​ကား​နှင့် မွေး​မြူ​ခြင်း​ကို ခံ​သော ယေ​ရှု​ခ​ရစ်၏ ဓ​မ္မ​ဆ​ရာ​ကောင်း​ဖြစ်​လိမ့်​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ဤ​အကြောင်းအရာ​များ​ကို ညီအစ်ကို​တို့​အား​ညွှန်ပြ​လျှင် သင်​သည် ယုံကြည်​ခြင်း​နှင့်ဆိုင်သော​တရား​စကား​နှင့် သင်​လိုက်လျှောက်​သည့် ကောင်း​သော​သွန်သင်​ချက်​၏​တရား​စကား​တို့​ဖြင့် ပြုစု​ပျိုးထောင်​ခြင်း​ကို​ခံရ​လျက် ခရစ်တော်​ယေရှု​၏​ကောင်း​သော​အစေခံ​ဖြစ်​လိမ့်မည်။

၁ တိ 4:6 ပူးပေါင်းရင်းမြစ်များ

မဿဲ 13:52

ထိုအခါ ယေရှု​က “ကောင်းကင်​နိုင်ငံတော်​တွင် တပည့်​ဖြစ်လာသော ကျမ်းတတ်ဆရာ​သည် မိမိ​၏ ဘဏ္ဍာတိုက်​ထဲမှ ဥစ္စာသစ်​နှင့် ဥစ္စာဟောင်းတို့​ကို ထုတ်ယူလာသော အိမ်ရှင်​နှင့်​တူ၏” ဟု မိန့်တော်မူ၏။

လုကာ 1:3

ကျွန်ုပ်​သည် ထို​အကြောင်းအရာ​အားလုံး​ကို အစ​မှ သေချာ​စွာ စစ်ဆေးပြီးသည်​နှင့် သင့်​အတွက် စီစဉ်​တကျ​ရေးသား​လျှင် ကောင်းမည်​ဟု ယူဆမိပါ၏။

တမန်တော်ဝတ္ထု 1:15

အရေအတွက်​အားဖြင့် တစ်ရာ့နှစ်ဆယ်​ခန့်​ရှိသော ယုံကြည်သူများ​အလယ်​၌ ပေတရု​သည် ထ​၍

တမန်တော်ဝတ္ထု 20:31

ထို့ကြောင့် သတိ​နှင့်​နေကြလော့။ ကျွန်ုပ်​သည် သုံးနှစ်တာ​ပတ်လုံး နေထိုင်ခဲ့သည်​တွင် နေ့ည​မပြတ် မျက်ရည်ကျ​လျက် သင်တို့​အား တိုက်တွန်း​နိုးဆော်ခဲ့သည်​ကို သတိရကြလော့။

တမန်တော်ဝတ္ထု 20:35

ဤ​အရာ​အားလုံးတို့​တွင် အလုပ်​ကို ကြိုးစား​လုပ်ဆောင်ခြင်း​အားဖြင့် ဆင်းရဲသားများ​အား မစထောက်ပံ့​ရမည်​ကို ကျွန်ုပ်​ပြသခဲ့၏။ ထို့ကြောင့် သခင်​ယေရှု​ကိုယ်တိုင် မိန့်တော်မူခဲ့သည့် ‘ပေးကမ်းခြင်း​သည် ရယူခြင်း​ထက် ပို၍​မင်္ဂလာရှိ၏’ ဟူသော စကားတော်​ကို သတိရကြလော့” ဟု ဆိုလေ၏။

ရော​မ 15:15

မည်သို့ပင်​ဖြစ်စေ အကြောင်းအရာ​တချို့​နှင့်​ပတ်သက်၍ သင်တို့​ကို သတိပေးရာ​တွင် ကျွန်ုပ်​သည် ဘုရားသခင်​ပေးသနားတော်မူသော အခွင့်ထူး​ကို ထောက်​၍ ရဲရင့်​စွာ ရေးလိုက်ပါ၏။

၁ ကော 4:17

ထို​အကြောင်း​ကြောင့် သခင်ဘုရား​အပေါ် သစ္စာရှိသော ကျွန်ုပ်​၏​ချစ်သား တိမောသေ​ကို သင်တို့​ထံ စေလွှတ်ရခြင်း​ဖြစ်၏။ သူ​သည် ကျွန်ုပ် ရောက်ခဲ့သော​အသင်းတော်​တိုင်း​တွင် သွန်သင်ခဲ့သည့်​အတိုင်း ကျွန်ုပ်​မည်သို့ ယေရှု​ခရစ်တော်​နောက် လိုက်နေကြောင်း​ကို သင်တို့​အား သတိရစေ​လိမ့်မည်။

၂ ကော 11:23

သူတို့​သည် ခရစ်တော်​၏ အစေခံများ​ဖြစ်ကြသလော။ ကျွန်ုပ်​သည် ပို၍​ပင် ဖြစ်သည်​ဟူ၍ အရူး​ကဲ့သို့ ပြောလို၏။ ကျွန်ုပ်​သည် ပို၍​အလုပ်​ကြိုးစားခဲ့၏။ ခရစ်တော်​အကြောင်း ဟောပြော​သောကြောင့် အကြိမ်ပေါင်း​များစွာ ထောင်ချခံခဲ့ရ၏။ အကြိမ်ပေါင်း​များစွာ ကြိမ်ဒဏ်​ခံခဲ့ရ၏။ မကြာခဏ သေဘေး​နှင့် ရင်ဆိုင်ခဲ့ရ၏။

၂ ကော 3:6

ဘုရားသခင်​သည် ကျွန်ုပ်တို့​အား ပဋိညာဉ်သစ်​၏ အမှု​ကို​ဆောင်ရွက်​နိုင်သော စွမ်းရည်​ကို ပေးတော်မူ၏။ ထို​ပဋိညာဉ်​သည် စာ​ဖြင့် ရေးသားထားသော​ပညတ်တရား​မဟုတ်၊ ဝိညာဉ်တော်​နှင့်​ဆိုင်သော​တရား​ဖြစ်၏။ စာ​ဖြင့် ရေးသားထားသော​ပညတ်တရား​သည် အသက်​ကို သေစေ၏။ ဝိညာဉ်တော်​ကမူ အသက်​ကို ရှင်စေတော်မူ၏။

၂ ကော 6:4

ထိုသို့​ဖြစ်စေမည့်​အစား ကျွန်ုပ်တို့​သည် ဆင်းရဲ​ဒုက္ခများ၊ အကျပ်အတည်းများ၊ အခက်အခဲများ​ကို အလွန်​သည်းခံ​လျက် ဘုရားသခင်​၏ အစေခံများ​ဖြစ်ကြောင်း​ကိုသာ ပေါ်လွင်စေကြ၏။

ဧ​ဖက် 6:21

သခင်ဘုရား​အတွက် သစ္စာရှိ​စွာ အမှုဆောင်သော အစေခံ ဖြစ်သူ၊ ကျွန်ုပ်​၏ ချစ်ခင်ရသော​ညီ တုခိတ်​က ကျွန်ုပ် မည်သို့ ဖြစ်ပြီး မည်သည့်​အရာများ လုပ်ဆောင်နေသည်​ကို သင်တို့ သိ​နိုင်ရန် သင်တို့​ကို အရာ​အားလုံး ပြောပြ​လိမ့်မည်။

ဖိ​လိပ္ပိ 2:20

သင်တို့​အကျိုး​အတွက် အမှန်တကယ်​အလေးထားမည့် တိမောသေ​ကဲ့သို့သော​သူ အခြား​တစ်စုံတစ်ယောက်​မျှ ကျွန်ုပ်​၌ မရှိပါ။

ဖိ​လိပ္ပိ 2:22

သို့သော် တိမောသေ​ကမူ သတင်းကောင်း​ကို ဟောပြောရာ​တွင် ကျွန်ုပ်​နှင့်အတူ သားအဖ​ကဲ့သို့ သစ္စာရှိ​စွာ အစေခံ​ပြီး ခရစ်တော်​၏ အကျိုး​ကိုသာ ရှာကြောင်း သက်သေ​ပြခဲ့သည်​ကို သင်တို့​သိကြ၏။

ဖိ​လိပ္ပိ 3:16

မည်သို့ပင်​ဖြစ်စေ ကျွန်ုပ်တို့​သည် မိမိတို့ ရောက်ရှိ​နေသည့်​အခြေအနေ​နှင့်​အညီ သင့်လျော်​စွာ နေထိုင်ကြပါစို့။

ကော​လော​သဲ 2:19

သူတို့​သည် ဦးခေါင်း​ဖြစ်သည့် ခရစ်တော်​၌ မှီခိုအားထားခြင်း မရှိ။ ထို​ဦးခေါင်း​ဖြစ်သည့် ခရစ်တော်​မှတစ်ဆင့် ကိုယ်ခန္ဓာ​တစ်ခုလုံး​သည် အကြော အရွတ်များ​ဖြင့် ဆက်စပ်​၍ အားဖြည့်​လျက် ဘုရားသခင် ကြီးထွား​စေလိုတော်မူသည့်​အတိုင်း ကြီးထွားကြ၏။

ကော​လော​သဲ 3:16

ခရစ်တော်​၏ တရားတော်​ကို သင်တို့​အထဲ​၌ ပြည့်ပြည့်ဝဝ​တည်စေကြလော့။ တစ်ဦး​ကို​တစ်ဦး ဉာဏ်ပညာ​အမျိုးမျိုး​ဖြင့် သွန်သင်​၍ သတိပေး​ဆုံးမကြလော့။ ကျေးဇူးတင်သော​စိတ်​နှင့် ဆာလံ​သီချင်းများ၊ ဓမ္မ​သီချင်းများ၊ ဝိညာဉ်​ရေးရာ​သီချင်းများ​ကို ဘုရားသခင်​ထံ လှိုက်လှိုက်လှဲလှဲ​သီဆိုကြလော့။

ကော​လော​သဲ 4:7

ကျွန်ုပ်​နှင့် အစေခံချင်း ဖြစ်သူ၊ သခင်ဘုရား​အတွက် သစ္စာရှိ​စွာ အမှုဆောင်သည့် ချစ်ခင်ရသော​ညီ တုခိတ်​က သင်တို့​ကို ကျွန်ုပ်​၏ အကြောင်းအရာ​အားလုံး ပြောပြပါ​လိမ့်မည်။

၁ သက် 3:2

တိမောသေ​ကို သင်တို့​ထံသို့ စေလွှတ်လိုက်၏။ သူ​သည် ခရစ်တော်​၏ သတင်းကောင်း​ကို ဟောပြော​လျက် ဘုရားသခင်​၏ အမှုတော်​ကို ကျွန်ုပ်တို့​နှင့် အတူ​ဆောင်ရွက်သည့် လုပ်ဖော်ကိုင်ဖက် ညီအစ်ကို​ဖြစ်၏။ သူ့​ကို​စေလွှတ်ရခြင်း​အကြောင်းအရင်း​သည် သင်တို့​၏​ယုံကြည်ခြင်း​ကို ခိုင်မြဲစေ​၍ သင်တို့​ကို တိုက်တွန်း​နှိုးဆော်​ရန် ဖြစ်၏။

၁ တိ 1:10

တရား​နှင့်​မညီသော မေထုန်​ကို ပြုသူများ၊ လိင်တူချင်း​ဆက်ဆံသူများ၊ လူကုန်ကူးသူများ၊ လိမ်လည်သူများ၊ မမှန်သော​သက်သေခံသူများ​နှင့် မှန်ကန်သော​အယူဝါဒ​ကို ဆန့်ကျင်​သမျှသော​အရာများ​တို့​အတွက် ချမှတ်ထားကြောင်း ကျွန်ုပ်တို့ သိကြ​သောကြောင့် ဖြစ်၏။

၁ တိ 4:16

သင်​သည် မိမိကိုယ်ကိုယ်​လည်းကောင်း၊ မိမိ​သွန်သင်ချက်​တို့ကို​လည်းကောင်း သတိပြု​၍ ထို​အပေါ်​ရပ်တည်လော့။ ထိုသို့​ပြု​လျှင် မိမိကိုယ်ကိုယ် ကယ်တင်သည်​သာမက သင်​၏​သွန်သင်ချက်​ကို နားထောင်သော​သူတို့​ကိုလည်း ကယ်တင်​လိမ့်မည်။

၁ တိ 6:3

ကျွန်ုပ်တို့​သခင်​ယေရှု​ခရစ်တော်​၏ မှန်ကန်သော​စကား​ကိုလည်းကောင်း၊ မှန်ကန်သော​အယူဝါဒ​တို့ကို​လည်းကောင်း ဆန့်ကျင်သည့် အခြား​အယူဝါဒများ​ကို သွန်သင်သောသူ​သည် ဘဝင်မြင့်​၍

၂ တိ 1:6

ထို့ကြောင့် သင့်​အပေါ် ကျွန်ုပ်​လက်တင်​စဉ်က ဘုရားသခင် သင့်​အား ပေးတော်မူသော ဆုကျေးဇူး​ကို ပြန်လည်​တောက်လောင်​စေရန် လှုံ့ဆော်လော့​ဟု ကျွန်ုပ်​သတိပေး၏။

၂ တိ 3:10

သို့သော် သင်​သည် ကျွန်ုပ်​၏​သွန်သင်ခြင်း၊ ကျင့်ကြံ​နေထိုင်ခြင်း၊ ကြံစည်ခြင်း၊ ယုံကြည်ခြင်း၊ စိတ်ရှည်ခြင်း၊ ချစ်ခြင်း၊ သည်းခံခြင်း​တို့ကို သိ၏။

၂ တိ 4:3

အနာဂတ်​တွင် လူတို့​သည် မှန်ကန်သော​အယူဝါဒ​ကို သည်းမခံနိုင်တော့ဘဲ မိမိတို့​အလို​ကို လိုက်​၍ မိမိတို့​၏​ယားသော​နား​က ကြားလိုသော​အရာများ​ကို ဟောပြောသည့်​ဆရာများ​နောက်သို့ လိုက်ကြ​လိမ့်မည်။

တိ​တု 2:1

သင်​သည် မှန်ကန်သော​အယူဝါဒ​နှင့် ကိုက်ညီသည့်​အရာများ​ကို သွန်သင်​ရမည်။

၁ ပေ 2:2

သခင်ဘုရား​၏​ကျေးဇူးတော် မည်မျှ​ချိုမြိန်သည်​ကို ယခု သင်တို့​မြည်းစမ်းခဲ့ပြီ​ဖြစ်၏။ ထို့ကြောင့် မွေးကင်းစ​ကလေးများ​ကဲ့သို့ ဝိညာဉ်ရေး​ဆိုင်ရာ​နို့ရည်​အစစ်​ကို တောင့်တကြလော့။ သို့မှသာ သင်တို့​သည် ကယ်တင်ခြင်း​ကို အပြည့်အဝ​ခံစားရမည့်​အချိန်​တိုင်အောင် ကြီးထွား​လိမ့်မည်။

၂ ယော 1:9

ခရစ်တော်​၏ သွန်သင်ချက်​အတိုင်း မရပ်တည်ဘဲ ၎င်း​ကို ကျော်လွန်သော​သူတိုင်း​သည် ဘုရားသခင်​နှင့် တပေါင်းတစည်းတည်း​မဟုတ်ပေ။ သွန်သင်ချက်​အတိုင်း ရပ်တည်သောသူ​သည် ခမည်းတော်​နှင့် သားတော်​နှစ်ပါးလုံး​နှင့် တပေါင်းတစည်းတည်း​ဖြစ်၏။

ယု​ဒ 1:5

ဤ​အရာ​အားလုံး​ကို သင်တို့​သိပြီး​သော်လည်း သင်တို့​အား ကျွန်ုပ်​သတိပေး​လို၏။ တစ်ချိန်​က သခင်ဘုရား​သည် အစ္စရေးလူမျိုးတို့​ကို အီဂျစ်ပြည်​မှ ကယ်နုတ်ခဲ့​ပြီးနောက် မယုံကြည်သောသူများ​ကို ဖျက်ဆီးတော်မူခဲ့၏။