၁ တိ 4:2 - ခေတ်သစ်​မြန်မာ သမ္မာကျမ်း

² ထို​အယူဝါဒ​ကို သွန်သင်သူများ​၏ အမှားအမှန်​ခွဲခြားသော အသိစိတ်​သည် သံပူ​နှင့်​ခတ်ခံရ​သကဲ့သို့ ထုံထိုင်းနေ၏။ သူတို့​သည် သူတော်ကောင်း​ယောင်ဆောင်သော လူလိမ်များ​ဖြစ်၏။

Common Language Bible

² မိ​မိ​တို့​၏​သြတ္တပ္ပ​စိတ်​တွင်​သံ​ပူ​ခတ်​ခြင်း​ခံ​ရ သ​ကဲ့​သို့ သြတ္တပ္ပ​စိတ်​ကင်း​မဲ့​သော​လိမ်​လည် လှည့်​ဖြား​တတ်​သူ​တို့​သည်​ထို​သြ​ဝါ​ဒ များ​ကို​ပေး​ကြ​၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို​သွန်သင်ချက်​များ​သည် မိမိ​တို့​အသိစိတ်​ကို သံပူ​တံဆိပ်​ခတ်​ထား​ခြင်း​ခံရ​သည့် လိမ်လည်​သော​သူ​တို့​၏​သူတော်ကောင်း​ယောင်ဆောင်​မှု​အားဖြင့်​ဖြစ်​၏။

၁ တိ 4:2 ပူးပေါင်းရင်းမြစ်များ

မဿဲ 24:24

အဘယ်ကြောင့်ဆိုသော် ခရစ်တော်​အတုအယောင်များ​နှင့် ပရောဖက် အတုအယောင်များ ပေါ်လာ​လိမ့်မည်​ဖြစ်​သောကြောင့်ပင်။ ထို​သူတို့​သည် ဖြစ်နိုင်​လျှင် ဘုရားသခင်​ရွေးချယ်ထားသော​သူများ​ကိုပင် လှည့်ဖြား​ရန် နိမိတ်​လက္ခဏာကြီးများ​နှင့် အံ့ဖွယ်​ဖြစ်ရပ်များ​ကို ပြကြ​လိမ့်မည်။

မဿဲ 7:15

ပရောဖက်​အတုအယောင်များ​ကို သတိပြုကြလော့။ သူတို့​သည် သိုးရေ​ခြုံ​လျက် သင်တို့​ထံ လာ​သော်လည်း အတွင်း​၌​မူ ကြမ်းကြုတ်သော​ဝံပုလွေများ​ကဲ့သို့ ဖြစ်ကြ၏။

တမန်တော်ဝတ္ထု 20:30

လွဲမှားစေသော​အရာများ​ကို ပြောဆို​၍ တပည့်တော်များ​အား သူတို့​နောက်သို့ လိုက်​စေရန် ဆွဲခေါ်သွားမည့်​လူတို့​သည် သင်တို့​အထဲမှ​လည်း ပေါ်ပေါက်လာ​လိမ့်မည်။

ရော​မ 1:28

ထို့ပြင် ဘုရားသခင်​ကို အသိအမှတ်​ပြုခြင်း​သည် မိုက်မဲသည်​ဟု သူတို့​ထင်မှတ်​သောကြောင့် ဘုရားသခင်​သည် သူတို့​ကို ပညာမဲ့​စွာ​တွေးခေါ်ခြင်း​လက်သို့ အပ်လိုက်တော်မူ၏။ ထို့ကြောင့် သူတို့​သည် မပြုအပ်သော​အမှုတို့​ကို ပြုကြ၏။

ရော​မ 16:18

ထို​သူတို့​သည် ကျွန်ုပ်တို့​သခင်​ခရစ်တော်​၏ အမှု​ကို မဆောင်ရွက်ဘဲ ကိုယ်ကျိုး​ကိုသာ ဆောင်ရွက်သော​သူများ ဖြစ်ကြ၏။ ထို​သူတို့​သည် ချိုသာသောစကား​နှင့် မြှောက်ပင့်သော​စကား​ဖြင့် ရိုးသားသော​သူတို့​၏ စိတ်​ကို လှည့်ဖြားတတ်ကြ၏။

ဧ​ဖက် 4:14

ထိုအခါ ကျွန်ုပ်တို့​သည် မရင့်ကျက်သေးသော ကလေးသူငယ်များ​ကဲ့သို့ ဖြစ်တော့မည် မဟုတ်ပေ။ လှေ​သည် လှိုင်းလေတို့​၌ လွန့်လူးနေ​သကဲ့သို့ ကျွန်ုပ်တို့​သည် ပရိယာယ်​ဖြင့် လမ်းလွဲ​စေရန် လှည့်ဖြားတတ်သော သူတို့​၏ အမျိုးမျိုးသော သွန်သင်မှု​နောက်သို့ ပါသွားမည် မဟုတ်ပေ။

ဧ​ဖက် 4:19

သူတို့​သည် အရှက်တရား ကင်းမဲ့လာကြ​သဖြင့် ကာမဂုဏ် လိုက်စား​လျက် စက်ဆုပ်​ညစ်ညမ်းဖွယ်ရာ အကျင့်​အမျိုးမျိုးတို့​ကို အလွန် တပ်မက်​စွာ ပြုမူကြ၏။

၂ တိ 3:5

ဘုရားတရား ကိုင်းရှိုင်း​ယောင်ဆောင်​၍ ကိုင်းရှိုင်းခြင်း​၏​တန်ခိုးတော်​ကို ငြင်းပယ်သူများ​ဖြစ်လာ​ကြလိမ့်မည်။ ထို​သူတို့​ကို ရှောင်လော့။

ဗျာ​ဒိတ် 16:14

သူတို့​သည် နိမိတ်​လက္ခဏာများ​ကို ပြနိုင်သော နတ်ဆိုးတို့​၏​ဝိညာဉ်များ​ဖြစ်ကြ၏။ ၎င်းတို့​သည် အနန္တ​တန်ခိုးရှင် ဘုရားသခင်​၏ တရားစီရင်ရာ​နေ့ရက်ကြီး​တွင် ဆင်နွှဲမည့်​စစ်ပွဲ​အတွက် ကမ္ဘာတစ်ဝန်းလုံး​ရှိ ရှင်ဘုရင်များ​ကို စုဝေး​ရန် ထွက်ခွာသွားကြ၏။