၁ တိ 3:2 - ခေတ်သစ်​မြန်မာ သမ္မာကျမ်း

² သင်းအုပ်​သည် အပြစ်ဆိုဖွယ်​မရှိသူ၊ မယား​တစ်ယောက်တည်း​ရှိသူ၊ ကိုယ်ကျင့်တရား​စောင့်ထိန်းသူ၊ မိမိကိုယ်ကိုယ် ချုပ်တည်းသူ၊ လေးစားထိုက်သူ၊ ဧည့်ဝတ်ကျေသူ၊ သင်ပြတတ်သူ ဖြစ်ရမည်။

Common Language Bible

² အ​သင်း​တော်​ကို​ခေါင်း​ဆောင်​သူ​သည်​အ​ပြစ် ဆို​ဖွယ်​မ​ရှိ​သူ​ဖြစ်​ရ​မည်။ ထို​သူ​၌​ဇ​နီး တစ်​ယောက်​သာ​ရှိ​ရ​မည်။ သူ​သည်​သမ္မာ​သ​တိ ရှိ​သူ၊ ဣန္ဒြေ​စောင့်​စည်း​သူ၊ လျောက်​ပတ်​စွာ​နေ​ထိုင် ကျင့်​ကြံ​သူ​ဖြစ်​ရ​မည်။ ဧည့်​ဝတ်​ကျေ​ပွန်​သူ ဖြစ်​ရ​မည်။ သင်​ကြား​တတ်​သူ​ဖြစ်​ရ​မည်။-

Garrad Bible

² သို့ ဖြစ်၍ သင်း အုပ် သည် အ ပြစ် တင် ခွင့် မဲ့ သူ၊ မ ယား တစ် ယောက် နှင့် သာ အိမ် ထောင် ပြု သူ၊ သ တိ ရှိ သူ၊ ဣ န္ဒြေ စောင့် သူ၊ သင့် လျော် စွာ ပြု သူ၊ ဧည့် ဝတ် ကြေ သူ၊ သင် ကြား တတ် သူ၊

Judson Bible

² ထို​ကြောင့်၊ သင်း​အုပ်​သည် အ​ပြစ်​တင်​ခွင့်​နှင့် ကင်း​လွတ်​သော​သူ၊ မ​ယား​တစ်​ယောက်​တည်း​ရှိ​သော​သူ၊ သ​မ္မာ​သ​တိ​ရှိ​သော​သူ၊ ဣ​န္ဒြေ​စောင့်​သော​သူ၊ လျောက်​ပတ်​စွာ ကျင့်​သော​သူ၊ ဧည့်​သည်​ဝတ်​ကို ပြု​တတ်​သော​သူ၊ ဆုံး​မ​ဩ​ဝါ​ဒ​ပေး​တတ်​သော​သူ ဖြစ်​ရ​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို့ကြောင့် ကြီးကြပ်​သူ​သည် အပြစ်တင်​စရာ​မ​ရှိ​သော​သူ၊ မယား​တစ်ဦးတည်း​ရှိ​သော​သူ၊ သမ္မာသတိ​ရှိ​သော​သူ၊ ဣန္ဒြေ​စောင့်​သော​သူ၊ လျောက်ပတ်​စွာ​ပြုမူ​သော​သူ၊ ဧည့်ဝတ်​ကျေပွန်​သော​သူ၊ သင်ကြား​ပေး​နိုင်စွမ်း​ရှိ​သော​သူ​ဖြစ်​ရ​မည်။

၁ တိ 3:2 ပူးပေါင်းရင်းမြစ်များ

လုကာ 1:6

ဇာခရိ​နှင့် ဧလိရှဗက်​တို့​သည် ထာဝရဘုရား​၏​ပညတ်တော်​အပေါင်း​နှင့် ပြဋ္ဌာန်းထားသော​စည်းမျဉ်းများ​ကို အပြစ်ဆိုဖွယ်​မရှိအောင် လိုက်နာကြ၏။ သူတို့​သည် ဘုရားသခင်​က မှန်ကန်​ဖြောင့်မတ်သည်​ဟု သတ်မှတ်တော်မူခြင်း​ကို​ခံရသူများ ဖြစ်ကြ၏။

လုကာ 2:36

ထို​နေရာ​၌ အာရှာ​အနွယ်၊ ဖနွေလ​၏​သမီး အန္န​ဟု ခေါ်သော အသက်အရွယ်​ကြီးရင့်​သည့် ပရောဖက်​အမျိုးသမီး​တစ်ဦး​ရှိ၏။ ထို​အမျိုးသမီး​သည် ငယ်ရွယ်စဉ်​တွင် အိမ်ထောင်ကျ၏။ ခင်ပွန်း​နှင့် ခုနစ်နှစ်​ခန့်သာ ပေါင်းသင်း​နေထိုင်ပြီး​လျှင်

ရော​မ 12:13

ယုံကြည်သူများ အကူအညီ လိုအပ်​သောအခါ ကူညီ​ရန် အသင့်ရှိကြလော့။ ဧည့်ဝတ်​ကို ကျေပွန်​စွာ ပြုကြလော့။

ဖိ​လိပ္ပိ 2:15

ထိုသို့​ပြု​လျှင် ဖောက်ပြန်​ကောက်ကျစ်သည့်​သူများ​၏ အလယ်​တွင် သင်တို့​သည် ဖြူစင်​ရိုးသား​ပြီး အပြစ်ဆိုဖွယ်​မရှိသောသူများ၊ အပြစ်အနာအဆာ​ကင်းသော ဘုရားသားသမီးများ ဖြစ်ကြ​လိမ့်မည်။ ဤ​လောက​၌ ထို​သူတို့​၏ အလယ်​တွင် ကြယ်များ​ကဲ့သို့ ထွန်းလင်း​တောက်ပကြ​လိမ့်မည်။

၁ တိ 3:12

သင်းထောက်​သည် မယား​တစ်ယောက်တည်း​ရှိသူ၊ သားသမီးများ​နှင့် အိမ်သူအိမ်သားများ​ကို ကောင်းစွာ ဦးဆောင်​စီမံနိုင်သူ ဖြစ်ရမည်။

၁ တိ 3:8

ထိုနည်းတူ သင်းထောက်တို့​သည် ကိုယ်ကျင့်တရား​ကောင်းသူ ဖြစ်ရမည်။ လျှာ​နှစ်ခွ​ဖြင့် ပြောဆိုတတ်သူ၊ သေရည်သေရက်​သောက်ကြူးသူ၊ မသမာနည်း​ဖြင့် ငွေရှာသူ​မဖြစ်ရ။

၁ တိ 4:3

သူတို့​သည် အိမ်ထောင်​မပြုရ ဟူ၍​လည်းကောင်း၊ အချို့သော​အစားအစာများ​ကို မစားရ ဟူ၍​လည်းကောင်း တားမြစ်ကြ၏။ အမှန်​တွင် ယုံကြည်​၍ သမ္မာတရား​ကို သိသော​သူတို့​သည် ကျေးဇူးတော်​ချီးမွမ်း​လျက် စားနိုင်ကြ​စေရန် ထို​အစားအစာများ​ကို ဘုရားသခင် ဖန်ဆင်းတော်မူ၏။

၁ တိ 5:10

သူ​သည် မိမိ​သားသမီးများ​ကို ပြုစု​ပျိုးထောင်ခြင်း၊ ဧည့်ဝတ်​ကို ကျေပွန်​စွာ ပြုခြင်း၊ ယုံကြည်သူများ​၏​ခြေ​ကို ဆေးခြင်း၊ ဆင်းရဲဒုက္ခ​ကြုံတွေ့နေသူများ​ကို ကူညီခြင်း၊ အမျိုးမျိုးသော​ကောင်းမှုများ​ကို အားထုတ်​လုပ်ဆောင်ခြင်း စသည့် ကောင်းမှု​ကုသိုလ်များ​ကြောင့် နာမည်ကောင်းရသူ​ဖြစ်ရမည်။

၁ တိ 5:22

အသင်းတော်​ခေါင်းဆောင်​တစ်ဦး​ကို လက်တင်​မင်္ဂလာပေး​၍ ခန့်အပ်​ရာတွင် မည်သည့်​အခါမျှ အလျင်စလို​မလုပ်နှင့်။ အခြား​သူတို့ အပြစ်ကျူးလွန်ရာ​တွင် မပါဝင်နှင့်။ မိမိ​ကိုယ်ကိုယ် ဖြူစင်သန့်ရှင်း​စေလော့။

၁ တိ 5:9

မုဆိုးမ​အဖြစ် စာရင်း​သွင်းခံရမည့်သူ​သည် အနည်းဆုံး​အသက်​ခြောက်ဆယ် ရှိရမည်။ သူ​သည် ခင်ပွန်း​တစ်ယောက်တည်း​သာ ရှိဖူးသူ ဖြစ်ရမည်။

၂ တိ 2:24

သခင်ဘုရား​၏ အစေအပါး​သည် ခိုက်ရန်​မဖြစ်ဘဲ လူအပေါင်းတို့​အပေါ် နူးညံ့သိမ်မွေ့​စွာ ဆက်ဆံ​တတ်ပြီး သင်ကြားပေးတတ်သူ၊ သည်းခံ​နိုင်စွမ်း​ရှိသူ ဖြစ်ရမည်။

တိ​တု 2:2

အသက်ကြီးသော​အမျိုးသားတို့​အား ကိုယ်ကျင့်တရား​စောင့်ထိန်းသူ၊ သိက္ခာ​ရှိသူ၊ မိမိကိုယ်ကိုယ်​ချုပ်တည်းသူ၊ စစ်မှန်သော​ယုံကြည်မှု ချစ်ခြင်းမေတ္တာ သည်းခံမှုတို့​နှင့်​ပြည့်ဝသူ ဖြစ်​ရန် အကြံပေးလော့။

ဟေ​ဗြဲ 13:2

သူစိမ်းတို့​အား ဧည့်ဝတ်​ပြု​ရန် မမေ့လျော့နှင့်။ ထိုသို့​ပြုသော​သူ တချို့​သည် မသိမှတ်ဘဲ ကောင်းကင်တမန်များ​ကိုပင် ဧည့်ခံခဲ့ကြပြီ။

ဟေ​ဗြဲ 3:14

ကျွန်ုပ်တို့​၏ မူလ​ခံယူချက်​ကို အဆုံး​တိုင်အောင် ခိုင်မြဲစွာ​စွဲကိုင်ထား​လျှင် ကျွန်ုပ်တို့​သည် ခရစ်တော်​နှင့် သက်ဆိုင်​သူများ​ဖြစ်ကြ၏။

၁ ပေ 4:7

အရာ​အားလုံး​၏ နောက်ဆုံးချိန်​သည် နီးကပ်လာ​သောကြောင့် ဆုတောင်း​နိုင်ရန်​အတွက် မိမိတို့​စိတ်​ကို ချုပ်တည်း​လျက် သတိ​ရှိကြလော့။

၁ ပေ 4:9

မညည်းညူဘဲ အချင်းချင်း​ဧည့်ဝတ်​ပြုကြလော့။

၁ ပေ 5:8

မိမိတို့​စိတ်​ကို ချုပ်တည်း​လျက် သတိ​နှင့် စောင့်ကြလော့။ သင်တို့​၏ ရန်သူ​ဖြစ်သော မာရ်နတ်​သည် ဟိန်းဟောက်သော​ခြင်္သေ့​ကဲ့သို့ ဝါးမျိုရမည့်​သူ​ကို လှည့်လည်​ရှာဖွေ​လျက်​ရှိ၏။