၁ ကော 2:5 - ခေတ်သစ်​မြန်မာ သမ္မာကျမ်း

⁵ ဤသည်​မှာ သင်တို့​၏ ယုံကြည်ခြင်း​ကို လူ့​ဉာဏ်ပညာ​အပေါ် အခြေမခံဘဲ ဘုရားသခင်​၏​တန်ခိုးတော်​အပေါ် အခြေခံ​စေလို​သောကြောင့် ဖြစ်၏။

Common Language Bible

⁵ သို့​ဖြစ်​၍​သင်​တို့​၏​ယုံ​ကြည်​မှု​သည်​လူ​တို့​၏ အ​သိ​ဉာဏ်​အ​ပေါ်​တွင်​အ​မှီ​မ​ပြု​ဘဲ ဘု​ရား သ​ခင်​၏​တန်​ခိုး​တော်​အ​ပေါ်​တွင်​အ​မှီ​ပြု ပေ​သည်။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ဤသည်ကား သင်​တို့​၏​ယုံကြည်​ခြင်း​သည် လူ​တို့​၏​ဉာဏ်ပညာ​၌​မ​တည်​ဘဲ ဘုရားသခင်​၏​တန်ခိုး​တော်​၌​တည်​မည့်​အကြောင်း​တည်း။

၁ ကော 2:5 ပူးပေါင်းရင်းမြစ်များ

တမန်တော်ဝတ္ထု 16:14

သွာတိရမြို့​မှ ဘုရားသခင်​ကို ကိုးကွယ်သော လုဒိ​အမည်ရှိ အမျိုးသမီး​တစ်ဦး​သည် ကျွန်ုပ်တို့​ပြောသော​အရာများ​ကို နားထောင်​လျက်​နေ၏။ သူ​သည် ခရမ်းရောင်​အထည်များ​ကို ရောင်းသောသူ​ဖြစ်၏။ ပေါလု​ဟောပြောသော စကားများ​ကို အာရုံစိုက်​နားထောင်​ရန်​အတွက် သူ​၏​စိတ်နှလုံး​ကို ဘုရားသခင်​သည် ဖွင့်ပေးတော်မူ၏။

၁ ကော 1:17

ခရစ်တော်​သည် ကျွန်ုပ်​ကို စေလွှတ်တော်မူသည်​မှာ နှစ်ခြင်းမင်္ဂလာပေး​ရန်အတွက် မဟုတ်ပါ။ သတင်းကောင်း​ကို ဟောပြော​ရန်အတွက်​ဖြစ်၏။ ဟောပြောရာ​တွင်လည်း နှုတ်အတတ်​ပညာ​ဖြင့် ဟောပြော​ရန်​မဟုတ်ပါ။ ဤ​သည်​မှာ ခရစ်တော်​၏ လက်ဝါးကပ်တိုင်​တန်ခိုး​ကို အချည်းနှီး​မဖြစ်​စေရန်​ဖြစ်၏။

၁ ကော 3:6

ကျွန်ုပ်​သည် မျိုးစေ့​စိုက်၏။ အာပေါလု​သည် ရေလောင်း၏။ သို့သော် ထို​အပင်​ကို ကြီးထွားစေတော်မူသော အရှင်​မှာ ဘုရားသခင်​ပင် ဖြစ်ပေ၏။

၂ ကော 12:9

သို့သော် ကိုယ်တော်​က “ငါ​ပြုသော​ကျေးဇူး​သည် သင့်​အတွက် လုံလောက်၏။ အဘယ်ကြောင့်ဆိုသော် ငါ့​တန်ခိုး​သည် သင်​အားနည်း​သောအခါ အပြည့်အဝ​ထင်ရှား​သောကြောင့်​ဖြစ်၏” ဟု မိန့်တော်မူ၏။ ထို့ကြောင့် ကျွန်ုပ်​အပေါ် ခရစ်တော်​၏​တန်ခိုး တည်နေ​ရန် ကျွန်ုပ်​သည် ကျွန်ုပ်​၏ အားနည်းချက်​ကို ပို၍ ဝမ်းမြောက်​စွာ ကြွားဝါမည်။

၂ ကော 4:7

ထွန်းလင်းနေသည့် ထို​ရတနာ​သည် မြေအိုး​သဖွယ်​ဖြစ်သော ကျွန်ုပ်တို့​ထဲ၌ ရှိ၏။ ဤသည်​မှာ သတင်းကောင်း​၏​ကြီးမြတ်သော​တန်ခိုး​သည် ကျွန်ုပ်တို့​ထံမှ မဟုတ်ဘဲ ဘုရားသခင်​ထံမှ ဖြစ်ကြောင်း ပေါ်လွင်​စေရန်​ဖြစ်၏။

၂ ကော 6:7

သမ္မာတရား​ကို ဟောပြောခြင်း၊ ဘုရားသခင်​၏ တန်ခိုးတော်​ကို ပြခြင်းတို့​ဖြင့်​လည်းကောင်း၊ လက်ဝဲ လက်ယာ​၌ ကိုင်ဆောင်ထားသော ဖြောင့်မတ်ခြင်း​လက်နက်များ​အားဖြင့်​လည်းကောင်း၊