၁ ကော 16:13 - ခေတ်သစ်​မြန်မာ သမ္မာကျမ်း

¹³ သတိ​ဝီရိယ​ရှိကြလော့။ ယုံကြည်ခြင်း​၌ ခိုင်မြဲ​စွာ ရပ်တည်ကြလော့။ သတ္တိ​ရှိကြလော့။ အားတင်းထားကြလော့။

Common Language Bible

¹³ နိုး​နိုး​ကြား​ကြား​ရှိ​ကြ​လော့။ သင်​တို့​၏​ယုံ​ကြည် ခြင်း​တွင်​ခိုင်​မာ​စွာ​ရပ်​တည်​ကြ​လော့။ ရဲ​စွမ်း​သတ္တိ ရှိ​ကြ​လော့။-

Garrad Bible

¹³ စောင့် နေ လျက်၊ ယုံ ကြည် ခြင်း တ ရား တော်၌ ရပ် တံ့ လျက် ယောက်ျား ဘာ ဝ အား ထုတ် လျက်၊ ရဲ ရင့် လျက် နေ ကြ လော့။

Judson Bible

¹³ သင်​တို့​သည် သ​တိ​နှင့် စောင့်​နေ​ကြ​လော့။ ယုံ​ကြည်​ခြင်း၌ တည်​ကြ​လော့။ ယောက်ျား အ​စွမ်း​သ​တ္တိ​နှင့်​တ​ကွ ခွန်​အား​စုံ​လင်​လျက် နေ​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သတိ​ဝီရိယ​ရှိ​ကြ​လော့။ ယုံကြည်​ခြင်း​၌ ခိုင်မြဲ​စွာ​ရပ်တည်​ကြ​လော့။ ရဲစွမ်းသတ္တိ​ရှိ​ကြ​လော့။ ကြံ့ခိုင်​သန်စွမ်း​ကြ​လော့။

၁ ကော 16:13 ပူးပေါင်းရင်းမြစ်များ

မဿဲ 25:13

သို့ဖြစ်၍ သင်တို့​သည်လည်း သတိ​နှင့် စောင့်နေကြလော့။ အဘယ်ကြောင့်ဆိုသော် ငါ​ပြန်လာမည့် နေ့ရက်​နှင့် အချိန်​နာရီ​ကို သင်တို့​မသိ​သောကြောင့်​ဖြစ်၏။

မဿဲ 26:41

ဖြားယောင်း​သွေးဆောင်ခြင်း​ထဲသို့ လိုက်ပါမသွား​စေရန် သတိ​နှင့် စောင့်နေ​လျက် ဆုတောင်းကြလော့။ စိတ်ဝိညာဉ်​သည် ဆန္ဒရှိ​သော်လည်း ကိုယ်ခန္ဓာ​မှာမူ အားနည်း၏” ဟု မိန့်တော်မူ၏။

လုကာ 21:36

ထို့ကြောင့် ကျရောက်လာမည့် ဘေးတို့​မှ လွတ်မြောက်ရေး​အတွက် အားအင်​ရရှိ​ရန်​နှင့် လူသား​ရှေ့တော်မှောက်​တွင် ရပ်​နိုင်ရန် အချိန်​တိုင်း ဆုတောင်း​၍ သတိ​နှင့်​နေကြလော့” ဟု မိန့်တော်မူ၏။

၁ ကော 14:20

ချစ်သော ညီအစ်ကို​မောင်နှမတို့… ကလေးဆန်​စွာ မတွေးခေါ်ကြနှင့်။ မကောင်းမှု​နှင့်​ပတ်သက်​လျှင် ကလေးငယ်​ကဲ့သို့ ဖြစ်၍ စဉ်းစား​တွေးခေါ်မှု​နှင့်​ပတ်သက်​လျှင် ရင့်ကျက်သော​သူများ​ကဲ့သို့ ဖြစ်ကြလော့။

၁ ကော 15:58

ထို့ကြောင့် ချစ်သော ညီအစ်ကို​မောင်နှမတို့… မြဲမြံ​စွာ ရပ်တည်​၍ မရွေ့လျား​မပြောင်းလဲကြနှင့်။ ဘုရားသခင်​အတွက် သင်တို့ လုပ်ဆောင်​သမျှ​သည် အချည်းနှီး​မဖြစ်ကြောင်း သင်တို့​သိကြသည့်​အတိုင်း ဘုရားသခင်​အတွက် အစဉ်အမြဲ စိတ်အားထက်သန်​စွာ လုပ်ဆောင်ကြလော့။

၂ ကော 1:24

သို့သော် ကျွန်ုပ်တို့​သည် သင်တို့​၏ ယုံကြည်ခြင်း​ကို ချုပ်ကိုင်ထားသည်​ဟူ၍ မဆိုလိုပါ။ ကျွန်ုပ်တို့​သည် သင်တို့ ဝမ်းမြောက်​နိုင်ရန် သင်တို့​နှင့်အတူ လက်တွဲ​လုပ်ဆောင်နေခြင်း​သာ ဖြစ်၏။ သင်တို့​သည်လည်း ယုံကြည်ခြင်း​ဖြင့် ခိုင်မြဲ​စွာ ရပ်တည်နေပြီ​ဖြစ်၏။

ဂ​လာ​တိ 5:1

ပညတ်တရား​မှ လွတ်လပ်ခွင့်​ရ​စေရန် ခရစ်တော်​သည် ကျွန်ုပ်တို့​ကို လွတ်မြောက်စေတော်မူ၏။ ထို့ကြောင့် လွတ်လပ်သူများ​အဖြစ် ခိုင်မြဲ​စွာ ရပ်တည်ကြလော့။ ကျွန်​ထမ်းပိုး​ကို နောက်တစ်ဖန် မထမ်းကြနှင့်။

ဧ​ဖက် 3:16

ဘုရားသခင်​၏ ဘုန်းတော် ကြွယ်ဝသည်​နှင့်အညီ သင်တို့​၏ အတွင်း​စိတ်​ကို ဝိညာဉ်တော်​မှတစ်ဆင့် တန်ခိုးတော်​ဖြင့် ကြံ့ခိုင်​သန်မာ​စေတော်မူ​ရန် ဆုတောင်း၏။

ဧ​ဖက် 6:10

နိဂုံးချုပ်​အားဖြင့် ဆိုရ​လျှင် သင်တို့​သည် သခင်ဘုရား​အားဖြင့်​လည်းကောင်း၊ ကိုယ်တော်​၏ သာလွန်​ထူးကဲသော​တန်ခိုးတော်​အားဖြင့်​လည်းကောင်း ကြံ့ခိုင်ကြလော့။

ဖိ​လိပ္ပိ 1:27

မည်သို့ပင်​ဖြစ်စေ ခရစ်တော်​၏ သတင်းကောင်း​နှင့် ထိုက်တန်​စွာ ပြုမူ​နေထိုင်ကြလော့။ ထိုသို့​ပြုမူ​နေထိုင်​လျှင် သင်တို့​ထံသို့ ကျွန်ုပ်​လာသည်​ဖြစ်စေ၊ မလာသည်​ဖြစ်စေ သင်တို့​သည် တစ်စိတ်တစ်ဝမ်းတည်း အခိုင်အမာ ရပ်တည်ကြောင်း​နှင့် သတင်းကောင်း​နှင့်ဆိုင်သော​ယုံကြည်ချက်​အတွက် တညီတညွတ်တည်း ဆောင်ရွက်ကြောင်း ကျွန်ုပ်​သိရ​လိမ့်မည်။

ဖိ​လိပ္ပိ 4:1

ညီအစ်ကို​မောင်နှမတို့… သင်တို့​ကို ကျွန်ုပ် အလွန်​ချစ်​၍ လွမ်းဆွတ်​သတိရပါ၏။ သင်တို့​ကြောင့် ကျွန်ုပ်​ဝမ်းမြောက်ရ​ပြီး သင်တို့​သည် ကျွန်ုပ်​ရရှိသော ဆုသရဖူ ဖြစ်ပါ၏။ ချစ်ရသော​သူတို့… ကျွန်ုပ်​ပြောဆိုခဲ့သည့်​အတိုင်း သခင်ဘုရား​အား သစ္စာရှိ​လျက် ခိုင်မြဲ​စွာ ရပ်တည်ကြလော့။

ဖိ​လိပ္ပိ 4:13

ကျွန်ုပ်​ကို ခွန်အား​ပေးတော်မူသော ခရစ်တော်​အားဖြင့် ထို​အခြေအနေ​အားလုံး​ကို ကျွန်ုပ်​ရင်ဆိုင်​နိုင်၏။

ကော​လော​သဲ 1:23

သို့ရာတွင် သင်တို့​သည် သတင်းကောင်း​ကို ကြားနာ​စဉ်က ရရှိသော မျှော်လင့်ခြင်း​မှ မရွေ့လျားဘဲ ကြံ့ကြံ့ခိုင် ရပ်တည်​လျက် ဆက်​၍ ယုံကြည်ရမည်။ ထို​သတင်းကောင်း​ကို မိုးကောင်းကင်​အောက်​၌ ရှိသော သတ္တဝါ​အားလုံး​ကို ဟောပြောနေသည်​ဖြစ်၍ ကျွန်ုပ်​ပေါလု​သည် ထို​သတင်းကောင်း​ကို ဟောပြောသော အမှုဆောင်​ဖြစ်လာ၏။

ကော​လော​သဲ 4:12

ယေရှု​ခရစ်တော်​၏ အစေအပါး​ဖြစ်၍ သင်တို့​ထဲက တစ်ဦး​ဖြစ်သည့် ဧပဖြ​သည်လည်း သင်တို့​ကို နှုတ်ဆက်လိုက်ပါ၏။ သင်တို့​သည် ရင့်ကျက်သောသူများ​အဖြစ် ရပ်တည်​ပြီး ဘုရားသခင်​၏ အလိုတော်​အားလုံး​ကို လိုက်နာကြောင်း စိတ်ချမှု​အပြည့် ရှိ​နိုင်ရန် သူသည်​သင်တို့​အတွက် အစဉ် စိတ်အားထက်သန်​စွာ ဆုတောင်းပေးနေ၏။

ကော​လော​သဲ 4:2

ဘုရားသခင်​ကို ကျေးဇူးတင်​လျက် နိုးကြား​စွာ မပျက်မကွက် ဆုတောင်းကြလော့။

၁ သက် 3:8

သင်တို့​သည် ဆက်လက်​၍ သခင်ဘုရား​ကို ခိုင်မာ​စွာ ယုံကြည်နေ​သောကြောင့် ယခု ကျွန်ုပ်တို့​စိတ်အေးကြရ၏။

၁ သက် 5:6

ထို့ကြောင့် မယုံကြည်သူ​များ အိပ်ပျော်​သကဲ့သို့ အိပ်ပျော်​မနေဘဲ နိုးကြား​၍ တည်ကြည်​လျက် သတိ​နှင့် စောင့်ကြစို့။

၂ သက် 2:15

ထို့ကြောင့် ညီအစ်ကို​မောင်နှမတို့… ခိုင်မြဲ​စွာ ရပ်တည်ကြလော့။ စကား​ဖြင့်​ဖြစ်စေ၊ စာ​ဖြင့် ဖြစ်စေ သင်တို့​ကို ကျွန်ုပ်တို့ သွန်သင်ခဲ့သည့်​အရာများ​ကို ဆက်လက်​ယုံကြည်ကြလော့။

၁ တိ 6:12

ယုံကြည်ခြင်း​ဆိုင်ရာ တိုက်ပွဲကောင်း​ကို တိုက်​၍ ထာဝရ​အသက်​ကို အရ​ယူလော့။ ထာဝရ​အသက် ရ​ရန် ဘုရားသခင်​သည် သင့်​ကို ခေါ်တော်မူပြီး သင်​သည်လည်း ခရစ်တော်​ကို ယုံကြည်ကြောင်း သက်သေ​များစွာ​ရှေ့တွင် ကောင်းစွာ ဝန်ခံခဲ့၏။

၂ တိ 2:1

ကျွန်ုပ်​၏​သား တိမောသေ… ယေရှု​ခရစ်တော်​ပေးတော်မူသော ကျေးဇူးတော်​ဖြင့် ကြံ့ခိုင်လော့။

၂ တိ 4:5

သို့သော်လည်း သင်​သည် အရာရာ​၌ သတိရှိလော့။ ဆင်းရဲဒုက္ခ​ကို သည်းခံ​၍ သတင်းကောင်း​ဟောပြောသူ​တစ်ဦး ဆောင်ရွက်ရမည့် အမှု​ကို ပြု​လျက် အမှုတော်​ကို အပြည့်အဝ​ဆောင်ရွက်လော့။

၂ တိ 4:7

တိုက်ပွဲကောင်း​ကို ကျွန်ုပ်​တိုက်ခဲ့ပြီ။ တာ​အဆုံး​တိုင်အောင် ပြေးခဲ့ပြီ။ ယုံကြည်ခြင်း​တရား​ကို စောင့်ထိန်းခဲ့ပြီ။

၁ ပေ 4:7

အရာ​အားလုံး​၏ နောက်ဆုံးချိန်​သည် နီးကပ်လာ​သောကြောင့် ဆုတောင်း​နိုင်ရန်​အတွက် မိမိတို့​စိတ်​ကို ချုပ်တည်း​လျက် သတိ​ရှိကြလော့။

၁ ပေ 5:8

မိမိတို့​စိတ်​ကို ချုပ်တည်း​လျက် သတိ​နှင့် စောင့်ကြလော့။ သင်တို့​၏ ရန်သူ​ဖြစ်သော မာရ်နတ်​သည် ဟိန်းဟောက်သော​ခြင်္သေ့​ကဲ့သို့ ဝါးမျိုရမည့်​သူ​ကို လှည့်လည်​ရှာဖွေ​လျက်​ရှိ၏။

ဗျာ​ဒိတ် 16:15

“ကြည့်လော့။ သူခိုး​ကဲ့သို့ ငါ​လာမည်။ သို့ဖြစ်၍ အဝတ်​မပါဘဲ သွားလာ​သဖြင့် အရှက်ကွဲခြင်း​မျိုး မဖြစ်​စေရန် မိမိ​၏ အဝတ်​ကို အသင့်​ဝတ်ဆင်​လျက် နိုးကြားနေသောသူ​သည် မင်္ဂလာရှိ၏။”