၁ ကော 13:8 - ခေတ်သစ်​မြန်မာ သမ္မာကျမ်း

⁸ မေတ္တာ​သည် ခန်းခြောက်သွားခြင်း​မရှိ။ ပရောဖက်ပြု​ဟောပြောခြင်း​မှာမူ ပပျောက်သွား​လိမ့်မည်။ အခြား​ဘာသာစကား​ကို ပြောခြင်း​သည်လည်း ရပ်တန့်သွား​လိမ့်မည်။ အသိပညာ​သည်လည်း ကွယ်ပျောက်သွား​လိမ့်မည်။

Common Language Bible

⁸ မေတ္တာ​သည်​ထာ​ဝ​စဉ်​တည်​၏။ ဗျာ​ဒိတ်​တော် အား​ဖြင့်​ဟော​ပြော​နိုင်​သော​စွမ်း​ရည်​သည် လည်း​ကောင်း၊ ထူး​ဆန်း​သော​ဘာ​သာ​စ​ကား အ​မျိုး​မျိုး​ကို​ပြော​နိုင်​သော​အ​ခွင့်​သည် လည်း​ကောင်း၊ အ​သိ​ပ​ညာ​သည်​လည်း​ကောင်း အ​မြဲ​မ​တည်​ဘဲ​ကွယ်​ပျောက်​လိမ့်​မည်။-

Garrad Bible

⁸ မေ တ္တာ သည် ကြွေ ကျ တော့ မည် မ ဟုတ်။ ဟော ပြော ဉာဏ် ဖြစ် လျင် ပ ပျောက် ခြင်း၊ ဘာ သာ စ ကား ထူး ဖြစ် လျင် ရပ် စဲ ခြင်း၊ အ သိ ပ ညာ ဖြစ် လျှင် ကွယ် ပျောက် ခြင်း ကို ခံ ရ တော့ မည်။

Judson Bible

⁸ မေ​တ္တာ​သည် ဖောက်​ပြန်​ခြင်း​သ​ဘော​နှင့် အ​စဉ်​ကင်း​လွတ်၏။ ပ​ရော​ဖက်​ဉာဏ်​သော်​လည်း​ကောင်း၊ အ​မျိုး​မျိုး​သော ဘာ​သာ​စ​ကား​ကို ပြော​နိုင်​သော​အ​ခွင့်​သော်​လည်း​ကောင်း၊ သိ​ပ္ပံ​အ​တတ်​သော်​လည်း​ကောင်း၊ ကွယ်​ပျောက်​လိမ့်​မည်။

မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ မေတ္တာ​သည် မည်သည့်အခါမျှ ကုန်ခန်း​ခြင်း​မ​ရှိ။ ပရောဖက်ပြု​ဟောပြော​ခြင်း​တို့​မူကား ပယ်ဖျက်​ခြင်း​ခံရ​ကြ​လိမ့်မည်။ အခြား​သော​ဘာသာ​စကား​ပြောဆို​ခြင်း​တို့​သည်​လည်း ရပ်တန့်​သွား​ကြ​လိမ့်မည်။ အသိပညာ​သည်​လည်း ပယ်ဖျက်​ခြင်း​ခံရ​လိမ့်မည်။

၁ ကော 13:8 ပူးပေါင်းရင်းမြစ်များ

လုကာ 22:32

သို့သော် သင်​၏​ယုံကြည်ခြင်း​မပျက်သုဉ်း​စေရန် သင့်​အတွက် ငါ​ဆုတောင်းပြီ။ သင်​သည် အသိတရား​ပြန်​ဝင်​သောအခါ သင်​၏​ညီအစ်ကိုများ​အား ကြံ့ခိုင်စေလော့” ဟု မိန့်တော်မူ၏။

တမန်တော်ဝတ္ထု 13:1

ဆီးရီးယားပြည် အန္တိအုတ်မြို့​ရှိ အသင်းတော်​တွင် ပရောဖက်များ​နှင့် ဆရာများ ရှိကြ၏။ ထို​သူတို့​မှာ ဗာနဗ၊ လူမည်း​ဟု ခေါ်သော​ရှိမောင်၊ ကုရေနေမြို့သား လုကိ၊ နယ်စား​ဟေရုဒ်​၏​ငယ်ပေါင်း မာနင်​နှင့် ရှောလု​တို့​ဖြစ်ကြ၏။

တမန်တော်ဝတ္ထု 19:6

ပေါလု​သည် သူတို့​အပေါ် လက်​ကို​တင်​သောအခါ သန့်ရှင်းသော​ဝိညာဉ်တော် သက်ရောက်​သဖြင့် သူတို့​သည် အမျိုးမျိုးသော​ဘာသာစကားများ​ကို ပြော​လျက် ပရောဖက်ပြုကြ၏။

တမန်တော်ဝတ္ထု 2:4

ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

၁ ကော 12:10

ဝိညာဉ်တော်​သည် လူတစ်ယောက်​အား အံ့ဖွယ်တန်ခိုး​ပြနိုင်စွမ်း​ကို​လည်းကောင်း၊ အခြား​တစ်ယောက်​အား ပရောဖက်ပြု​ဟောပြောနိုင်စွမ်း​ကို​လည်းကောင်း၊ အခြား​တစ်ယောက်​အား သန့်ရှင်းသော​ဝိညာဉ်တော်​ထံမှ​လာသော​အရာ​နှင့် အခြား​ဝိညာဉ်​ထံမှ လာသော​အရာ​တို့ကို ပိုင်းခြားနိုင်စွမ်း​ကို​လည်းကောင်း၊ အခြား​တစ်ယောက်​အား ဘာသာစကား​အမျိုးမျိုး ပြောနိုင်စွမ်း​ကို​လည်းကောင်း၊ အခြား​တစ်ယောက်​အား ထို​ဘာသာစကားများ​၏ အနက်​ကို ပြန်နိုင်စွမ်း​ကို​လည်းကောင်း ပေးတော်မူ၏။

၁ ကော 13:10

သို့သော် ပြည့်စုံခြင်း​ရောက်လာ​သောအခါ ထို​တစ်စိတ်တစ်ပိုင်း​မျှသာ ရှိသော​အရာတို့​သည် ကွယ်ပျောက်သွား​လိမ့်မည်။

၁ ကော 13:13

ယခု​တွင် ယုံကြည်ခြင်း၊ မျှော်လင့်ခြင်း၊ ချစ်ခြင်း​မေတ္တာ ဤ​သုံးပါးတို့​သည် တည်​လျက်​ရှိ၏။ ဤ​သုံးပါး​တို့​အနက် ချစ်ခြင်း​မေတ္တာ​သည် အမြတ်ဆုံး​ဖြစ်၏။

၁ ကော 14:39

ထို့ကြောင့် ချစ်သော ညီအစ်ကို​မောင်နှမတို့… ပရောဖက်ပြု​ဟောပြောနိုင်စွမ်း​ကို အလွန်​လိုချင်သော​စိတ် ရှိကြလော့။ အခြား​ဘာသာစကား​ပြောခြင်း​ကိုလည်း မတားမြစ်ကြနှင့်။

၁ ကော 8:2

တစ်စုံတစ်ခု​ကို သိသည်​ဟု ထင်မှတ်သောသူ​သည် သိသင့်သည့်​အတိုင်း မသိသေးပေ။

ဂ​လာ​တိ 5:6

အဘယ်ကြောင့်ဆိုသော် ယေရှု​ခရစ်တော်​ကို ယုံကြည်​လျှင် အရေပြားလှီးခြင်း​မင်္ဂလာ​ကို ခံယူပြီးသည်​ဖြစ်စေ၊ မခံယူဘဲနေသည်​ဖြစ်စေ အရေးမကြီး​သောကြောင့်​ဖြစ်၏။ အရေးကြီးသည့်​အချက်​မှာ ကျွန်ုပ်တို့​သည် ခရစ်တော်​ကို ယုံကြည်ခြင်း​ဖြစ်ပြီး သူတစ်ပါး​အပေါ် မေတ္တာထားခြင်း​ဖြင့် ထိုသို့​ယုံကြည်ကြောင်း ပေါ်လွင်​ရန် ဖြစ်၏။

ဟေ​ဗြဲ 8:13

ဘုရားသခင်​သည် ပဋိညာဉ်​သစ် ရှိမည်​ဟု မိန့်တော်မူ​သောကြောင့် ပထမ​ပဋိညာဉ်​ကို အသုံးမပြုတော့ပေ။ အသုံးပြုခြင်း​မခံရတော့သည့်​အရာ​သည် မကြာမီ ပျောက်ကွယ်သွား​လိမ့်မည်။