၁ ကော 11:19 - ခေတ်သစ်​မြန်မာ သမ္မာကျမ်း

¹⁹ သင်တို့​ထဲ၌ ဂိုဏ်းကွဲမှုမျိုး ရှိရသည်​မှာ ကျိုးကြောင်း​ဆီလျော်၏။ သို့မှသာလျှင် စစ်မှန်သောသူများ​သည် ပေါ်လွင်​ထင်ရှားမည်​ဖြစ်၏။

Common Language Bible

¹⁹ (သင်​တို့​တွင်​စိတ်​ဝမ်း​ကွဲ​ပြား​မှု​ကား​ရှိ​ရ သည်​မှန်​၏။ သို့​ရှိ​မှ​သာ​လျှင်​အ​မှန်​ဘက်​တွင် ရှိ​သော​သူ​များ​ကို​ပေါ်​လွင်​ထင်​ရှား​စေ​မည်။-)

Garrad Bible

¹⁹ စံ မှီ သူ တို့ ထင် ရှား စေ ရန် သင် တို့ အ နက် အ ယူ ကွဲ ပြား ခြင်း ရှိ ရ သည် မှန်၏။

Judson Bible

¹⁹ ကြား​ရ​သည်​အ​တိုင်း မှန်​ကောင်း​မှန်​လိမ့်​မည်။ အ​ကြောင်း​မူ​ကား၊ သင်​တို့​တွင် ကောင်း​မွန်​သော သူ​တို့​ကို ထင်​ရှား​စိမ့်​သော​ငှာ သင်း​ခွဲ​ခြင်း​ရှိ​ရ​မည်။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ အမှန်စင်စစ် သင်​တို့​ထဲ၌ ယုံကြည်​စိတ်ချ​ရ​သူ​များ သိသာ​ထင်ရှား​လာ​မည့်​အကြောင်း သင်​တို့​တွင် ဂိုဏ်းကွဲ​ခြင်း​ရှိ​ရန်​လိုအပ်​ပေ​၏။

၁ ကော 11:19 ပူးပေါင်းရင်းမြစ်များ

မဿဲ 18:7

ဤ​လောက​၌ အပြစ်​ကျူးလွန်​စေရန် ဖြားယောင်း​သွေးဆောင်သော​အရာများ​ရှိ၏။ လောကီသားတို့​သည်လည်း ထို​ဖြားယောင်း​သွေးဆောင်ရာ​သို့ လိုက်ပါ​သောကြောင့် အမင်္ဂလာ​ရှိကြ၏။ ဖြားယောင်း​သွေးဆောင်ခြင်းတို့​သည် ရှောင်လွှဲမရသော​အရာများ​ဖြစ်၏။ သို့ရာတွင် အပြစ်​ကျူးလွန်စရာ​အကြောင်း​ကို ဖြစ်စေသော​သူ​သည် အမင်္ဂလာ​ရှိ၏။

လုကာ 17:1

တစ်နေ့​တွင် ယေရှု​က တပည့်တော်တို့​အား “အပြစ်​ကျူးလွန်​စေရန် ဖြားယောင်း​သွေးဆောင်သော​အရာများ​သည် ဧကန်အမှန်​ရှိမည်။ သို့ရာတွင် အပြစ်​ကျူးလွန်စရာ​အကြောင်း​ကို ဖြစ်စေသော​သူ​သည် အမင်္ဂလာ​ရှိ၏။

လုကာ 2:35

သို့ဖြစ်၍ သူ​သည် လူ​များစွာတို့​၏​စိတ်နှလုံး​တွေးတော​ကြံစည်မှုများ​ကို ပေါ်လွင်စေမည်။ သင့်​စိတ်နှလုံး​သည်လည်း ဓား​ဖြင့် ထိုး​ခံရ​သကဲ့သို့ ဖြစ်​လိမ့်မည်” ဟု ဆိုလေ၏။

တမန်တော်ဝတ္ထု 15:5

သို့သော် ဖာရိရှဲ​ဂိုဏ်းဝင်​ဖြစ်သော ယုံကြည်သူ​တချို့​သည် ထ​၍ “ထို​လူမျိုးခြားတို့​အား အရေပြားလှီးခြင်း​ပြုပေး​ရမည်။ မောရှေ​၏​ပညတ်တရား​ကို လိုက်နာ​ရန် ညွှန်ကြားရမည်” ဟု ပြောဆိုကြ၏။

တမန်တော်ဝတ္ထု 20:30

လွဲမှားစေသော​အရာများ​ကို ပြောဆို​၍ တပည့်တော်များ​အား သူတို့​နောက်သို့ လိုက်​စေရန် ဆွဲခေါ်သွားမည့်​လူတို့​သည် သင်တို့​အထဲမှ​လည်း ပေါ်ပေါက်လာ​လိမ့်မည်။

တမန်တော်ဝတ္ထု 24:14

သို့ရာတွင် မှားယွင်းသော ဂိုဏ်းခွဲ​ဟု သူတို့​ခေါ်တတ်သော ခရစ်တော်​၏​တရားလမ်း​အတိုင်း အကျွန်ုပ်​သည် ဘိုးဘေးတို့​၏​ဘုရားသခင်​အား ကိုးကွယ်ကြောင်း​ကို အရှင့်​ထံ​၌ ဝန်ခံပါ၏။ အကျွန်ုပ်​သည် ပညတ်တရား​၌ ဖော်ပြထားသော​အကြောင်းအရာများ​နှင့် ပရောဖက်ကျမ်းများ​၌ ပါရှိ​သမျှတို့​ကို ယုံကြည်ပါ၏။

တမန်တော်ဝတ္ထု 24:5

ဤ​လူ​သည် ပြဿနာ​ကို​ဖန်းတီးသော​သူ၊ ဆူပူအုံကြွမူ​ဖြစ်​ရန် ကမ္ဘာ​အရပ်ရပ်​ရှိ​ဂျူးတို့​ကို လှုံ့ဆော်နေသူ​ဖြစ်သည့်​အပြင် နာဇရက်​ဂိုဏ်း​၏​ခေါင်းဆောင်​တစ်ဦး​လည်း​ဖြစ်သည်​ကို တွေ့ရှိရပါ၏။

တမန်တော်ဝတ္ထု 26:5

အကျွန်ုပ်​သည် အကျွန်ုပ်တို့​၏​ဘာသာ​တွင် စည်းကမ်း​အတင်းကျပ်ဆုံးသော​ဂိုဏ်းဖြစ်​သည့် ဖာရိရှဲဂိုဏ်းဝင်​တစ်ဦး​အဖြစ် နေထိုင်ခဲ့ကြောင်း ထို​သူတို့​သိထားကြသည်​မှာ ကြာပြီဖြစ်၏။ သူတို့​သည် ဆန္ဒရှိ​လျှင် ထို​အကြောင်း​ကို သက်သေခံနိုင်ပါ၏။

တမန်တော်ဝတ္ထု 28:22

သို့ရာတွင် ဤ​ဂိုဏ်း​အကြောင်း​နှင့်​ပတ်သက်​၍ နေရာ​အနှံ့​တွင် ဆန့်ကျင်​ပြောဆိုနေကြသည်​ကို ကျွန်ုပ်တို့​သိထား​သောကြောင့် သင်​၏​ထင်မြင်ယူဆချက်​ကို ကြားလိုပါသည်” ဟု ဆိုကြ၏။

တမန်တော်ဝတ္ထု 5:17

ထိုအခါ ယဇ်ပုရောဟိတ်မင်း​နှင့် သူ​၏​အပေါင်းအဖော်​ဖြစ်သော ဇဒ္ဒုကဲများ​၏​ဂိုဏ်းဝင်တို့​သည် မနာလိုစိတ်​ရှိကြ၏။

၁ ကော 11:20

သင်တို့​သည် စုဝေးကြ​သောအခါ သခင်ဘုရား​၏ ပွဲတော်​ကို စားကြသည်​ဟု ထင်မှတ်​သော်လည်း အမှန်​တွင် ထိုသို့​မဟုတ်။

၂ ကော 12:20

ကျွန်ုပ်​ရောက်လာ​သောအခါ သင်တို့​ကို ကျွန်ုပ်​မြင်တွေ့​လိုသည့်​အတိုင်း မဖြစ်​သကဲ့သို့ ကျွန်ုပ်​ကိုလည်း သင်တို့​မြင်တွေ့​လိုသည့်​အတိုင်း မဖြစ်မည်​ကို ကျွန်ုပ်​စိုးရိမ်၏။ ခိုက်ရန်ဖြစ်ခြင်း၊ မနာလိုခြင်း၊ ဒေါသကြီးခြင်း၊ တစ်ကိုယ်ကောင်းဆန်ခြင်း၊ အသရေဖျက်ခြင်း၊ ကောလာဟလပြောခြင်း၊ ဘဝင်မြင့်ခြင်း၊ ရုန်းရင်းဆန်ခတ်ဖြစ်ခြင်း​စသည်တို့​ရှိမည်​ကို စိုးရိမ်၏။

ဂ​လာ​တိ 5:20

ရုပ်တုကိုးကွယ်ခြင်း၊ ပြုစားခြင်း၊ မုန်းတီးခြင်း၊ ခိုက်ရန်ဖြစ်ခြင်း၊ မနာလိုခြင်း၊ ဒေါသကြီးခြင်း၊ တစ်ကိုယ်ကောင်းဆန်ခြင်း၊ စိတ်ဝမ်းကွဲခြင်း၊ ဂိုဏ်းကွဲခြင်း၊

တိ​တု 3:10

စိတ်ဝမ်း​ကွဲစေတတ်သောသူ​ကို နှစ်ကြိမ်​ထိတိုင် သတိပေး​ပြီးနောက် မနာခံ​လျှင် ထို​သူ​နှင့် အဆက်အသွယ်​ဖြတ်လော့။

၁ ယော 2:19

ထို​သူတို့​သည် ကျွန်ုပ်တို့​ထံမှ ထွက်သွား​သော်လည်း ကျွန်ုပ်တို့​နှင့် အမှန်တကယ် မသက်ဆိုင်ကြ။ ကျွန်ုပ်တို့​နှင့်​သက်ဆိုင်​လျှင် ကျွန်ုပ်တို့​နှင့်အတူ နေရစ်​လိမ့်မည်။ သို့သော် ထိုသို့​ထွက်သွားခြင်း​ဖြင့် သူတို့​အားလုံး​သည် ကျွန်ုပ်တို့​နှင့် မသက်ဆိုင်ကြောင်း ပေါ်လွင်ထင်ရှား​လျက်​ရှိ၏။