၁ ကော 1:5 - ခေတ်သစ်​မြန်မာ သမ္မာကျမ်း

⁵ အဘယ်ကြောင့်ဆိုသော် သင်တို့​သည် ခရစ်တော်​အားဖြင့် အပြောအဆို​၌​ဖြစ်စေ၊ အသိပညာ​၌​ဖြစ်စေ၊ အဘက်ဘက်​၌ ကြွယ်ဝ​ပြည့်စုံလာကြ​သောကြောင့်​ဖြစ်၏။

Common Language Bible

⁵ သင်​တို့​သည်​ခ​ရစ်​တော်​နှင့်​တစ်​လုံး​တစ်​ဝ​တည်း ရှိ​သ​ဖြင့်​နှုတ်​သတ္တိ၊ ဉာဏ်​သတ္တိ​နှင့်​တ​ကွ​အ​စ​စ အ​ရာ​ရာ​တွင်​ကြွယ်​ဝ​ပြည့်​စုံ​လျက်​ရှိ​ကြ​၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ အကြောင်းမူကား သင်​တို့​သည် နှုတ်​သတ္တိ​ရှိသမျှ​၌​ဖြစ်စေ၊ ဉာဏ်​သတ္တိ​ရှိသမျှ​၌​ဖြစ်စေ၊ အရာရာ​တို့​၌ ခရစ်တော်​အားဖြင့် ကြွယ်ဝ​ပြည့်စုံ​၍

၁ ကော 1:5 ပူးပေါင်းရင်းမြစ်များ

တမန်တော်ဝတ္ထု 2:4

ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

ရော​မ 11:12

အစ္စရေးလူမျိုးတို့​၏ မနာခံခြင်း​သည် လောကီသားတို့​၏ ကြွယ်ဝခြင်း​ကို​လည်းကောင်း၊ အစ္စရေးလူမျိုးတို့​၏ ဆုံးရှုံးခြင်း​သည် လူမျိုးခြားတို့​၏ ကြွယ်ဝခြင်း​ကို​လည်းကောင်း ဖြစ်​စေလျှင် ဘုရားသခင်​၏ ကယ်တင်ခြင်း​ကို သူတို့​လက်ခံ​သောအခါ မည်မျှ​ကြီးသော ကြွယ်ဝမှု​ကို ဖြစ်စေမည်နည်း။

ရော​မ 15:14

ညီအစ်ကို​မောင်နှမတို့… သင်တို့​သည် ကောင်းခြင်း​နှင့် ပြည့်စုံ​၍ အသိပညာ​ကြွယ်​သဖြင့် အချင်းချင်း ပဲ့ပြင်​သွန်သင်​နိုင်စွမ်း​ရှိသည်​ကို ကျွန်ုပ် အပြည့်အဝ​ယုံကြည်၏။

ရော​မ 15:4

ထိုသို့ ကျမ်းစာ​၌ ယခင်က ရေးသားခဲ့သော​အရာများ​သည် ကျွန်ုပ်တို့​ကို သွန်သင်​ရန် ရေးသားထားခြင်း​ဖြစ်ပြီး ထို​ကျမ်းစာ​မှ ရရှိသော သည်းခံခြင်း​နှင့် နှစ်သိမ့်ခြင်း​အားဖြင့် ကျွန်ုပ်တို့​တွင် မျှော်လင့်ချက်​ရှိစေရန် ဖြစ်၏။

၁ ကော 12:10

ဝိညာဉ်တော်​သည် လူတစ်ယောက်​အား အံ့ဖွယ်တန်ခိုး​ပြနိုင်စွမ်း​ကို​လည်းကောင်း၊ အခြား​တစ်ယောက်​အား ပရောဖက်ပြု​ဟောပြောနိုင်စွမ်း​ကို​လည်းကောင်း၊ အခြား​တစ်ယောက်​အား သန့်ရှင်းသော​ဝိညာဉ်တော်​ထံမှ​လာသော​အရာ​နှင့် အခြား​ဝိညာဉ်​ထံမှ လာသော​အရာ​တို့ကို ပိုင်းခြားနိုင်စွမ်း​ကို​လည်းကောင်း၊ အခြား​တစ်ယောက်​အား ဘာသာစကား​အမျိုးမျိုး ပြောနိုင်စွမ်း​ကို​လည်းကောင်း၊ အခြား​တစ်ယောက်​အား ထို​ဘာသာစကားများ​၏ အနက်​ကို ပြန်နိုင်စွမ်း​ကို​လည်းကောင်း ပေးတော်မူ၏။

၁ ကော 12:8

ဝိညာဉ်တော်​သည် လူတစ်ယောက်​အား ဉာဏ်ပညာ​စကား​ကို ပေးတော်မူ၏။ ထို​ဝိညာဉ်တော်​တစ်ပါးတည်း​ကပင် အခြားသူ​တစ်ယောက်​အား အသိပညာ​စကား​ကို ပေးတော်မူ၏။

၁ ကော 13:2

ကျွန်ုပ်​သည် ပရောဖက်ပြု​ဟောပြော​နိုင်စွမ်း​ရှိသည်​ဖြစ်စေ၊ လျှို့ဝှက်​နက်နဲသော​အရာ​ရှိသမျှ​နှင့် အသိပညာ​ရှိသမျှ​ကို နားလည်သည်​ဖြစ်စေ၊ တောင်များ​ကို ရွှေ့နိုင်သော​ယုံကြည်ခြင်း​ရှိသည်​ဖြစ်စေ မေတ္တာ​မရှိ​လျှင် အချည်းနှီး​ဖြစ်၏။

၁ ကော 13:8

မေတ္တာ​သည် ခန်းခြောက်သွားခြင်း​မရှိ။ ပရောဖက်ပြု​ဟောပြောခြင်း​မှာမူ ပပျောက်သွား​လိမ့်မည်။ အခြား​ဘာသာစကား​ကို ပြောခြင်း​သည်လည်း ရပ်တန့်သွား​လိမ့်မည်။ အသိပညာ​သည်လည်း ကွယ်ပျောက်သွား​လိမ့်မည်။

၁ ကော 14:26

သို့ဖြစ်လျှင် ညီအစ်ကို​မောင်နှမတို့… ကျွန်ုပ်​ဆိုလိုသည်​မှာ ဤသို့​ဖြစ်၏။ သင်တို့​စုဝေးကြ​သောအခါ တစ်ဦး က ဓမ္မသီချင်း​ဆိုခြင်း၊ တစ်ဦး​က သင်ကြားခြင်း၊ တစ်ဦး​က ဗျာဒိတ်တော်​ကို ဖွင့်ပြခြင်း၊ တစ်ဦး​က အခြား​ဘာသာစကား​ကို ပြောခြင်း​နှင့် တစ်ဦး​က ထို​ဘာသာစကား​ကို အနက်​ပြန်ခြင်း​ဟူ၍ အသီးသီး​ဆောင်ရွက်ကြ၏။ ထို​အခြင်းအရာ​အားလုံး​ကို သင်တို့​လုပ်ဆောင်ရာ​တွင် အသင်းတော် တည်ဆောက်စရာ​အတွက် ဖြစ်စေကြလော့။

၁ ကော 8:11

ထို့ကြောင့် ခရစ်တော် အသေခံပေးခဲ့သော ယုံကြည်သူ​ဖြစ်သည့် ထို​အားနည်းသူ​သည် သင်​၏ အသိပညာ​ကြောင့် ပျက်စီးသွားရ၏။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

၂ ကော 6:10

ဝမ်းနည်းသောသူများ​ကဲ့သို့​ဖြစ်သော်လည်း အစဉ်အမြဲ​ဝမ်းမြောက်ကြ၏။ ဆင်းရဲသောသူ​ကဲ့သို့​ဖြစ်​သော်လည်း လူအမြောက်အမြား​ကို ချမ်းသာ​စေကြ၏။ မည်သည့်​အရာ​မျှ မရှိသောသူ​ကဲ့သို့ ဖြစ်သော်လည်း အရာ​အားလုံး​ကို ပိုင်ဆိုင်ကြ၏။

၂ ကော 8:7

သင်တို့​သည် ယုံကြည်ခြင်း၊ ဟောပြောခြင်း၊ အသိပညာ​ရှိခြင်း၊ စိတ်အားထက်သန်မှု​အပြည့်​ရှိခြင်း နှင့် သင်တို့​အထဲ​၌ ကျွန်ုပ်တို့​လှုံ့ဆော်ပေးခဲ့သော ချစ်ခြင်း စသည့် အချက်တို့​၌ ကြွယ်ဝကြ​သကဲ့သို့ ဤ​လှူဒါန်းခြင်း​၌လည်း ကြွယ်ဝကြပါစေ။

၂ ကော 9:11

သင်တို့​သည် စေတနာစိတ်​ဖြင့် အစဉ်​လှူဒါန်း​နိုင်ရန် ကိုယ်တော်​သည် သင်တို့​အား နည်း​အမျိုးမျိုး​ဖြင့် ကြွယ်ဝစေတော်မူ​လိမ့်မည်။ ကျွန်ုပ်တို့​သည် သင်တို့​၏ အလှူ​ကို လိုအပ်သော​သူတို့​ထံ ယူဆောင်သွား​သောအခါ သူတို့​သည် ဘုရားသခင်​ကို ကျေးဇူးတင်ကြ​လိမ့်မည်။

ဧ​ဖက် 1:17

ကျွန်ုပ်​ဆုတောင်းသည်​က ကျွန်ုပ်တို့​သခင်​ယေရှု​ခရစ်တော်​၏ ဘုရားသခင် ဖြစ်တော်မူသည့် ဘုန်းကြီးသော အဖ​ခမည်းတော်​သည် ဝိညာဉ်ရေးရာ​ဉာဏ်ပညာ​နှင့် ဗျာဒိတ်တော်​ကို သင်တို့​အား ပေးသနားတော်မူ​ရန် ဖြစ်၏။ သို့မှသာ သင်တို့​သည် ခမည်းတော်​အကြောင်း​ကို ပို​၍ သိကြမည် ဖြစ်၏။

ဧ​ဖက် 2:7

ဤသည်​မှာ ယေရှု​ခရစ်တော်​အားဖြင့် ကျွန်ုပ်တို့​အပေါ် ကျေးဇူးပြု​၍ သာလွန်ထူးကဲသော ကျေးဇူးတော်​၏​ကြွယ်ဝခြင်း​ကို အနာဂတ်​အစဉ်အဆက်​တွင် ဖော်ပြ​ရန် ဖြစ်၏။

ဧ​ဖက် 3:8

ကျွန်ုပ်​သည် ယုံကြည်သူများ​ထဲတွင် အသေးနုပ်ဆုံးသောသူ ဖြစ်​သော်လည်း ဘုရားသခင် ပေးသနားတော်မူသော ကျေးဇူးတော်​ကို ခံစားရ၏။ ဤသို့ ခံစားရခြင်း​သည် လူမျိုးခြားတို့​ကို ခရစ်တော်​၏ အကန့်အသတ်မဲ့ ကြွယ်ဝခြင်း​အကြောင်း ဟောပြော​ရန်​နှင့်

ဧ​ဖက် 6:19

ဘုရားသခင်​သည် ကျွန်ုပ် ပြောဆိုသည့်​အခါတိုင်း ပြောရမည့်​စကား​ကို ကျွန်ုပ်​အား ပေးတော်မူ​၍ ကျွန်ုပ်​က သတင်းကောင်း​၏ နက်နဲသော​အရာ​ကို ရဲဝံ့​စွာ ပြောပြ​နိုင်ရန် ကျွန်ုပ်​အတွက်​လည်း ဆုတောင်းပေးကြလော့။

ဖိ​လိပ္ပိ 1:9

သင်တို့​၏ ချစ်ခြင်းမေတ္တာ​သည် အသိပညာ၊ ထိုးထွင်းဉာဏ်​တို့​နှင့်တကွ တိုးသည်​ထက် တိုးလာ​ရန် ကျွန်ုပ် အစဉ်​ဆုတောင်းပါ၏။

ကော​လော​သဲ 2:3

ထို​ခရစ်တော်​ထံ၌ ဉာဏ်ပညာ​နှင့် အသိပညာတို့​သည် ရတနာသိုက်​သဖွယ် ဖုံးကွယ်​လျက် ရှိကြ၏။

ကော​လော​သဲ 3:10

လူသစ်​ကို ဝတ်ဆင်ကြပြီ။ ဘုရားသခင်​ကို မှန်ကန်​စွာ သိနိုင်​ရန် ထို​လူသစ်​သည် ဖန်ဆင်းရှင်​၏ ပုံသဏ္ဌာန်တော်​နှင့်​အညီ အစဉ် အသစ်​ပြုပြင်​မွမ်းမံခံရ၏။

ယာ​ကုပ် 3:13

သင်တို့​တွင် မည်သူ​သည် ပညာရှိ​ဖြစ်ပြီး တတ်သိ​လိမ္မာသူ​ဖြစ်သနည်း။ ထို​သူ​သည် ပညာ​မှ​လာသော နူးညံ့သိမ်မွေ့မှု​ဖြင့် လုပ်ဆောင်သည့် အကျင့်​အားဖြင့် ကောင်းသော​ပြုမူနေထိုင်ပုံ​ဖြင့် သက်သေပြစေ။

၂ ပေ 3:18

ကျွန်ုပ်တို့​၏ သခင်​နှင့် ကယ်တင်ရှင် ယေရှု​ခရစ်တော်​ကို သိကျွမ်းခြင်း​၌​လည်းကောင်း၊ ကျေးဇူးတော်​၌​လည်းကောင်း ကြီးထွားကြလော့။ ကိုယ်တော်​သည် ယခု​မှစ၍ ထာဝရ​ကာလ​ပတ်လုံး ဘုန်းကြီးတော်မူပါစေသော။ အာမင်။ ရှင်ပေတရု​ဩဝါဒစာ​ဒုတိယစောင် ပြီးပါပြီ။