ဧ​ဖက် 6:6 - ခေတ်သစ်​မြန်မာ သမ္မာကျမ်း

⁶ မျက်နှာသာ​ရ​ရန်​အတွက် သူတို့​ရှေ့​၌သာ နာခံသည် မဟုတ်ဘဲ ခရစ်တော်​၏ ကျွန်များ​ကဲ့သို့ ဘုရားသခင်​၏ အလိုတော်​အတိုင်း စိတ်ရောကိုယ်ပါ နာခံကြလော့။

Common Language Bible

⁶ သ​ခင်​များ​နှစ်​သက်​စေ​ရန်​သူ​တို့​၏​ရှေ့​မှောက် ၌​သာ​နား​ထောင်​ကြ​သည်​မ​ဟုတ်​ဘဲ ခ​ရစ်​တော် ၏​ကျွန်​များ​အ​နေ​ဖြင့် ဘု​ရား​သ​ခင်​၏​အ​လို တော်​ရှိ​သည့်​အ​တိုင်း​စိတ်​ရော​ကိုယ်​ပါ​အ​စေ​ခံ ကြ​လော့။-

Judson Bible

⁶ လူ​တို့၏​စိတ်​ကို နူး​ညွတ်​စေ​သော​သူ​ကဲ့​သို့ မျက်​မှောက်၌​သာ နား​ထောင်​သည်​မ​ဟုတ်၊ ခ​ရစ်​တော်၏ ကျွန်​ကဲ့​သို့ စေ​တ​နာ​စိတ်​နှင့် ဘု​ရား​သ​ခင်၏ အ​လို​တော်​ကို စောင့်၍၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ မျက်နှာလို​မျက်နှာရ​လုပ်​သူ​များ​ကဲ့သို့ မျက်မှောက်​၌​သာ လုပ်ဆောင်​ခြင်း​မျိုး​မ​ဟုတ်​ဘဲ ခရစ်တော်​၏​ကျွန်​များ​ကဲ့သို့ စိတ်နှလုံး​ပါ​လျက် ဘုရားသခင်​၏​အလို​တော်​ကို​ဆောင်ရွက်​ကာ

ဧ​ဖက် 6:6 ပူးပေါင်းရင်းမြစ်များ

မဿဲ 12:50

ကောင်းကင်ဘုံ​၌​ရှိတော်မူသော​ငါ့​ခမည်းတော်​၏ အလိုတော်​အတိုင်း ဆောင်ရွက်သော​သူ​သည် ငါ့​ညီ၊ ငါ့​နှမ၊ ငါ့​မိခင် ဖြစ်သည်” ဟု မိန့်တော်မူ၏။

မဿဲ 7:21

ငါ့​ကို ‘သခင်… သခင်…’ ဟု ခေါ်သော​သူတိုင်း ကောင်းကင်​နိုင်ငံတော်​သို့ ဝင်ကြရမည်​မဟုတ်။ ကောင်းကင်ဘုံ​၌​ရှိတော်မူသော ငါ့​ခမည်းတော်​၏​အလိုတော်​ကို လိုက်နာသောသူ​သာ ဝင်ရ​လိမ့်မည်။

ရှင်မာကု 3:35

ဘုရားသခင်​၏ အလိုတော်​အတိုင်း ဆောင်ရွက်သော​သူ​သည် ငါ့​ညီ၊ ငါ့​နှမ၊ ငါ့​မိခင် ဖြစ်သည်” ဟု မိန့်တော်မူ၏။

ရော​မ 6:17

သင်တို့​သည် တစ်ချိန်က အပြစ်တရား​၏​ကျွန် ဖြစ်ခဲ့ဖူး​သော်လည်း ယခု​တွင် သင်တို့​သင်ယူခဲ့သော တရားတော်​ကို စိတ်နှလုံး​အပြည့်အဝ နာခံလာကြ၏။ ထို့ကြောင့် ဘုရားသခင်​ကို ကျေးဇူးတင်ပါ၏။

၁ ကော 7:22

ကျွန်​ဖြစ်​စဉ်က ဘုရားသခင် ရွေးကောက်တော်မူ​လျှင် ယခု​သင်​သည် သခင်ဘုရား​၏ လွတ်လပ်သူ​ဖြစ်၏။ လွတ်လပ်​စဉ်က ဘုရားသခင် ရွေးကောက်တော်မူ​လျှင် ယခု သင်​သည် ခရစ်တော်​၏ ကျွန်​ဖြစ်၏။

ဂ​လာ​တိ 1:10

ကျွန်ုပ်​သည် လူတို့​၏ မျက်နှာသာ​ပေးခြင်း​ကို ရ​ရန် ကြိုးစားနေသလော။ ဘုရားသခင်​၏ မျက်နှာသာ​ပေးခြင်း​ကို ရ​ရန် ကြိုးစားနေသလော။ လူတို့ နှစ်သက်​သဘောကျ​စေရန် ကြိုးစားနေသလော။ လူတို့ နှစ်သက်​သဘောကျ​စေရန် ကြိုးစား​နေသေး​လျှင် ကျွန်ုပ်​သည် ခရစ်တော်​၏ အစေအပါး​တစ်ယောက် မဟုတ်ပေ။

ဧ​ဖက် 5:17

ထို့ကြောင့် ဆင်ခြင်ဉာဏ်မဲ့ မနေဘဲ သခင်ဘုရား​၏ အလိုတော်​က မည်သည့်အရာ ဖြစ်သည်​ကို ပိုင်းခြား နားလည်ကြလော့။

ဖိ​လိပ္ပိ 2:12

ထို့ကြောင့် ချစ်ရသော​သူတို့… သင်တို့​သည် ကျွန်ုပ်​သင်တို့​နှင့်အတူ ရှိသော​အချိန်​၌​သာမက အထူး​သဖြင့် ယခု​ကျွန်ုပ်​မရှိသော​အချိန်​၌လည်း ဘုရားသခင်​ကို အမြဲတစေ နာခံခဲ့ကြ၏။ ထို​နည်းတူ ကြောက်ရွံ့​ရိုသေသော​စိတ်​ဖြင့် မိမိတို့​သည် ကယ်တင်​ခံရပြီးသော​သူများ​ဖြစ်ကြောင်း ပေါ်လွင်​စေရန် ကြိုးစား​အားထုတ်ကြလော့။

ကော​လော​သဲ 1:9

ထို့ကြောင့် သင်တို့​အကြောင်း​ကို ကြားသည့်​နေ့​မှစ၍ ကျွန်ုပ်တို့​သည် သင်တို့​အတွက် အစဉ်မပြတ် ဆုတောင်းပေးနေ၏။ သင်တို့​သည် ဝိညာဉ်ရေးရာ​အသိပညာ​နှင့် နားလည်နိုင်စွမ်း​အပေါင်းတို့​ဖြင့် ဘုရားသခင်​၏ အလိုတော်​ကို အပြည့်အဝ​သိနိုင်​ရန် ဘုရားသခင်​ထံ ကျွန်ုပ်တို့​ဆုတောင်းပေးကြ၏။

ကော​လော​သဲ 4:12

ယေရှု​ခရစ်တော်​၏ အစေအပါး​ဖြစ်၍ သင်တို့​ထဲက တစ်ဦး​ဖြစ်သည့် ဧပဖြ​သည်လည်း သင်တို့​ကို နှုတ်ဆက်လိုက်ပါ၏။ သင်တို့​သည် ရင့်ကျက်သောသူများ​အဖြစ် ရပ်တည်​ပြီး ဘုရားသခင်​၏ အလိုတော်​အားလုံး​ကို လိုက်နာကြောင်း စိတ်ချမှု​အပြည့် ရှိ​နိုင်ရန် သူသည်​သင်တို့​အတွက် အစဉ် စိတ်အားထက်သန်​စွာ ဆုတောင်းပေးနေ၏။

၁ သက် 2:4

ထိုသို့​ပြုမည့်​အစား ဘုရားသခင်​သည် ကျွန်ုပ်တို့​အား ယုံကြည်ထိုက်သူများ​အဖြစ် လက်ခံတော်မူသည်​နှင့်အညီ သတင်းကောင်း ဟောပြော​ရန်အတွက် တာဝန်ပေးတော်မူ၏။ သို့ဖြစ်၍ ကျွန်ုပ်တို့​သည် လူ​ကို ကျေနပ်​စေရန် မဟုတ်ဘဲ ကျွန်ုပ်တို့​၏ စိတ်နှလုံးသား​ကို စစ်ဆေး​တော်မူသော ဘုရားသခင်​ကို ကျေနပ်​စေရန် ဟောပြောကြ၏။

၁ သက် 4:3

ဘုရားသခင်​သည် သင်တို့​ကို သန့်ရှင်း​စင်ကြယ်​စေရန်​နှင့် တရား​နှင့်​မညီသော မေထုန်​ပြုခြင်း​ကို ရှောင်ကြဉ်​စေရန် အလိုတော်​ရှိ၏။

ဟေ​ဗြဲ 10:36

ဘုရားသခင်​၏​အလိုတော်​ကို ဆောင်ရွက်​နိုင်ရန်​နှင့် ကတိထားသော​အရာ​ကို ရရှိ​နိုင်ရန် သင်တို့​သည် သည်းခံစိတ်​မွေး​ရမည်။

ဟေ​ဗြဲ 13:21

မိမိ​နှစ်သက်တော်မူသော အရာ​ကို ယေရှု​ခရစ်တော်​အားဖြင့် ကျွန်ုပ်တို့​တွင် ပြုတော်မူပါစေသော။ ကိုယ်တော်​၏ အလိုတော်​ကို သင်တို့​ဆောင်ရွက်​နိုင်ရန် ကောင်းမှု​အမျိုးမျိုးတို့​ဖြင့် သင်တို့​ကို ပြီးပြည့်စုံ​စေတော်မူပါ​စေသော။ ထို​သခင် ယေရှု​သည် အစဉ်​ထာဝရ ဘုန်းကြီးတော်မူပါစေသော။ အာမင်။

၁ ပေ 2:15

အဘယ်ကြောင့်ဆိုသော် သင်တို့​၏​ကောင်းမှု​ပြုခြင်း​ဖြင့် မိုက်မဲသော​သူတို့​၏ အသိဉာဏ်​မဲ့သော​စကား​ကို တိတ်ဆိတ်​စေရန် ဘုရားသခင်​အလိုရှိတော်မူ​သောကြောင့်​ဖြစ်၏။

၁ ပေ 4:2

ဤသည်​မှာ လောက​တွင် အသက်ရှင်​နေထိုင်ရမည့်​ကျန်ရှိသော​အချိန်​၌ လူ့​တပ်မက်မှု​အတိုင်း မဟုတ်ဘဲ ဘုရားသခင်​၏ အလိုတော်​အတိုင်း အသက်ရှင်​နေထိုင်သွား​နိုင်ရန်​ဖြစ်၏။

၁ ယော 2:17

လောက​နှင့် ထို​လောကီ​တပ်မက်ခြင်းများ​သည် ကွယ်ပျောက်သွား​လိမ့်မည်။ သို့သော် ဘုရားသခင်​၏ အလိုတော်​အတိုင်း ဆောင်ရွက်သောသူ​မှာမူ ထာဝရ​ရှင်သန်​လိမ့်မည်။