ဧ​ဖက် 5:4 - ခေတ်သစ်​မြန်မာ သမ္မာကျမ်း

⁴ မဖွယ်မရာ​စကား၊ အနှစ်သာရ​မရှိသော​စကား၊ ညစ်ညမ်းသော​ပြက်လုံးတို့​သည်လည်း မသင့်လျော်​သဖြင့် မပြောဆိုကြနှင့်။ ဘုရားသခင်​အား ကျေးဇူးတင်သော​စကားများ​ကိုသာ ပြောဆိုကြလော့။

Common Language Bible

⁴ ညစ်​ညမ်း​သော​စ​ကား၊ ယုတ်​မာ​သော​စ​ကား၊ ရိုင်း​စိုင်း​သော​စ​ကား​များ​ကို​လည်း​မ​ပြော မ​ဆို​အပ်။ ကျေး​ဇူး​တော်​ကို​ချီး​မွမ်း​သည့် စ​ကား​များ​ကို​သာ​လျှင်​ပြော​ဆို​အပ်​၏။-

Garrad Bible

⁴ မ တော် မ လျော် သော ရှက် ဖွယ် စ ကား၊ အ ယုတ် အ မာ စ ကား၊ ပျက် ပြယ် စ ကား များ ကို လည်း မ ပြော ဘဲ ထော မ နာ စ ကား များ ကို သာ ပြော ဆို ကြ လော့။

Judson Bible

⁴ မ​တော်​မ​လျော်​သော ညစ်​ညူး​ပြက်​ပြယ် ပြက်​ရယ်​သော စ​ကား​များ​ကို​လည်း​ပယ်၍ ကျေး​ဇူး​တော် ချီး​မွမ်း​ခြင်း​စ​ကား​ကို သုံး​ကြ​လော့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ မဖွယ်မရာ​ပြုမူ​ခြင်း၊ မိုက်မဲ​စွာ​ပြောဆို​ခြင်း​နှင့် ညစ်ညမ်း​သော​ပြက်လုံး​ထုတ်​ခြင်း​တို့​သည်​လည်း မ​သင့်လျော်​သဖြင့် ရှောင်ရှား​၍ ကျေးဇူး​တော်​ချီးမွမ်း​ခြင်း​ကို​သာ ပြု​ကြ​လော့။

ဧ​ဖက် 5:4 ပူးပေါင်းရင်းမြစ်များ

ရှင်မာကု 7:22

သူတစ်ပါး​သားမယား​ကို​ပြစ်မှားခြင်း၊ လောဘ​လွန်ကြူးခြင်း၊ ဆိုးယုတ်ခြင်း၊ လှည့်စားခြင်း၊ ကာမဂုဏ်​လိုက်စားခြင်း၊ မနာလိုခြင်း၊ စော်ကား​ပြောဆိုခြင်း၊ မာန​ထောင်လွှားခြင်း​နှင့် ပညာမဲ့ခြင်း၊

ရှင်ယောဟန် 6:23

ထိုစဉ် သခင်ဘုရား​က ကျေးဇူးတော်ချီးမွမ်း​၍ လူတို့​မုန့်​ကို စားခဲ့ကြသည့် နေရာ​အနီး​သို့ တိဗေရိမြို့​မှ​လာသော လှေများ​သည် ဆိုက်ကပ်လာကြ၏။

ရော​မ 1:28

ထို့ပြင် ဘုရားသခင်​ကို အသိအမှတ်​ပြုခြင်း​သည် မိုက်မဲသည်​ဟု သူတို့​ထင်မှတ်​သောကြောင့် ဘုရားသခင်​သည် သူတို့​ကို ပညာမဲ့​စွာ​တွေးခေါ်ခြင်း​လက်သို့ အပ်လိုက်တော်မူ၏။ ထို့ကြောင့် သူတို့​သည် မပြုအပ်သော​အမှုတို့​ကို ပြုကြ၏။

၂ ကော 1:11

သင်တို့​သည်လည်း ကျွန်ုပ်တို့​ကို ဆုတောင်းခြင်း​ဖြင့် ကူညီနေကြသည် ဖြစ်​၍ လူများစွာတို့​၏ ဆုတောင်းခြင်း​ကို ဘုရားသခင် အဖြေ​ပေးတော်မူ​လိမ့်မည်။ ထို့ကြောင့် လူများစွာတို့​သည် ကျွန်ုပ်တို့ ခံစားရသော​ဆုကျေးဇူးများ​ကို ထောက်​၍ ကျွန်ုပ်တို့​အတွက် ဘုရားသခင်​ကို ကျေးဇူးတင်ကြ​လိမ့်မည်။

၂ ကော 9:15

ပြော​၍ မကုန်​နိုင်အောင်​ဖြစ်သော ဘုရားသခင်​၏ ဆုကျေးဇူးတော်​အတွက် ချီးမွမ်းကြပါစို့။

ဧ​ဖက် 1:16

ကျွန်ုပ်​သည် သင်တို့​အတွက် ဘုရားသခင်​ကို အစဉ်မပြတ် ကျေးဇူးတင်​၍ သတိတရ ဆုတောင်းပေးနေ၏။

ဧ​ဖက် 4:29

သင်တို့​၏ နှုတ်​မှ ဆိုးညစ်သော​စကား တစ်ခွန်း​ကိုမျှ မထွက်စေနှင့်။ နားထောင်သူတို့​အတွက် အကျိုးရှိ​စေရန် အချိန်အခါ​ကို ကြည့်​၍ ကောင်းသော​စကား​ကို အပြုသဘော​နှင့် ပြောကြလော့။

ဖိ​လိပ္ပိ 4:6

မည်သည့်​အမှု​ကိုမျှ မစိုးရိမ်ဘဲ အခြေအနေ​တိုင်း​၌ ကျေးဇူးတော်​ကို ချီးမွမ်း​၍ ဆုတောင်းခြင်း၊ အသနားခံခြင်းတို့​ဖြင့် သင်တို့ လိုအပ်သော​အရာများ​ကို ဘုရားသခင်​ထံ တောင်းလျှောက်ကြလော့။

ကော​လော​သဲ 3:8

သို့သော် ယခု​အခါ သင်တို့​သည် အမျက်ထွက်ခြင်း၊ ဒေါသ​ထွက်ခြင်း၊ မလိုမုန်းထား​ဖြစ်ခြင်း၊ စော်ကားပြောဆိုခြင်း၊ ညစ်ညမ်းသော စကား​ကို ပြောဆိုခြင်း စသည့်​အရာများ​ကို ဖယ်ရှားကြလော့။

၁ သက် 3:9

ဘုရားသခင်​ရှေ့တော်​တွင် သင်တို့​ကြောင့် ကျွန်ုပ်တို့​ဝမ်းမြောက်ရ၏။ သင်တို့​အတွက် ဘုရားသခင်​ကို ကျွန်ုပ်တို့ မည်သို့ ကျေးဇူးဆပ်​နိုင်မည်နည်း။

၁ သက် 5:18

မည်သည့်​အခြေအနေ​၌ပင် ဖြစ်စေ ဘုရားသခင်​ကို ကျေးဇူးတင်ကြလော့။ ယေရှု​ခရစ်တော်​နှင့် တပေါင်းတစည်းတည်း​ဖြစ်သော သင်တို့​သည် ဤသို့​ပြုရန် ဘုရားသခင်​အလိုတော်​ရှိ၏။

ဖိ​လေ​မုန် 1:8

ထို့ကြောင့် ကျွန်ုပ်​သည် သင့်​အား သင့်လျော်သော​အရာ​ကို လုပ်ဆောင်​ရန် ခရစ်တော်​အားဖြင့် ရဲဝံ့​စွာ အမိန့်ပေးနိုင်​သော်လည်း

ဟေ​ဗြဲ 13:15

ထို့ကြောင့် ကျွန်ုပ်တို့​သည် ယေရှု​ပြုခဲ့သော​အမှုတော်​အားဖြင့် ဘုရားသခင်​၏ နာမတော်​ကို ဝန်ခံ​လျက် ဘုရားသခင်​အား ချီးမွမ်းခြင်း​ယဇ်​ကို အစဉ်​ပူဇော်ကြပါစို့။

၂ ပေ 2:18

အဘယ်ကြောင့်ဆိုသော် သူတို့​သည် အကျိုးမဲ့ ချဲ့ကား​ကြွားဝါ​ပြောဆို​လျက် မှားယွင်း​စွာ ပြုမူ​နေထိုင်ကြ​သူတို့​ထဲမှ လွတ်မြောက်​ခါစ​ဖြစ်သော သူများ​ကို လူ့​ဗီဇစိတ်​၏​တပ်မက်မှုများ​နှင် ကိလေသာ​လွန်ကြူးခြင်း​တို့​ဖြင့် ဆွဲဆောင်ကြ​သောကြောင့်​ဖြစ်၏။

၂ ပေ 2:7

သို့ရာတွင် ဘုရားသခင်​သည် တရားမဲ့သော​သူတို့​၏ ကာမဂုဏ်​လိုက်စားသော ပြုမူ​နေထိုင်ပုံတို့​ကြောင့် စိတ်ဆင်းရဲနေရသည့် ဖြောင့်မတ်သူ လောတ​ကို ကယ်တင်တော်မူ၏။

ယု​ဒ 1:10

သို့သော် ဤ​သူတို့​သည် မိမိတို့​နားမလည်သည့်​အရာ​မှန်သမျှ​ကို စော်ကား​ပြောဆိုကြပြီး ဆင်ခြင်တုံ​တရားမဲ့သော တိရစ္ဆာန်များ​နည်းတူ ပင်ကို​ဗီဇ​အရ မိမိတို့​နားလည်သည့်​အတိုင်း ပြု​သဖြင့် ပျက်စီး​ဆုံးရှုံးတတ်ကြ၏။

ယု​ဒ 1:13

သူတို့​သည် မိမိတို့​၏ အရှက်​ကို အမြှုပ်​ကဲ့သို့ ထစေသော အထိန်းအကွပ်မဲ့​ပင်လယ်​လှိုင်းလုံးများ​နှင့်​တူကြ၏။ လှည့်လည်နေသော​ကြယ်များ​နှင့် တူကြ၏။ ထို​ကြယ်များ​အတွက် အမှောင်မိုက်ဆုံးသော ထာဝရ​အမှောင်​ကို ပြင်ဆင်ထား၏။