ဧ​ဖက် 3:5 - ခေတ်သစ်​မြန်မာ သမ္မာကျမ်း

⁵ ဘုရားသခင်​သည် ထို​လျှို့ဝှက်​နက်နဲသော​အရာ​ကို ဝိညာဉ်တော်​မှတစ်ဆင့် မိမိ​၏ သန့်ရှင်းသော​တမန်တော်များ​နှင့် ပရောဖက်များ​ကို ယခု​အခါ​၌ ရှင်းလင်း​စွာ ဖွင့်ပြတော်မူ​သကဲ့သို့ ယခင်​ခေတ်ကာလ​၌ ဖော်ပြတော်မမူခဲ့ပေ။

Common Language Bible

⁵ ဘု​ရား​သ​ခင်​သည်​ထို​နက်​နဲ​သော​အ​ရာ​ကို ယ​ခင်​ခေတ်​အ​ခါ​များ​က​လူ​သား​တို့​အား ဖွင့်​ပြ​တော်​မ​မူ​ခဲ့​သော်​လည်း ယ​ခု​အ​ခါ ၌​ကိုယ်​တော်​၏​သန့်​ရှင်း​မြင့်​မြတ်​သူ​တ​မန် တော်​များ​နှင့်​ပ​ရော​ဖက်​များ​အား​ဝိ​ညာဉ် တော်​အား​ဖြင့်​ဖွင့်​ပြ​တော်​မူ​လေ​ပြီ။-

Garrad Bible

⁵ သီး သန့် သော တ မန် တော် တို့ နှင့် ပ ရော ဖက် တို့ အား ဝိ ညာဉ် တော် အား ဖြင့် ယ ခု ကာ လ ထင် ရှား သည် နှင့် အ မျှ အ ထက် လူ မျိုး အ ဆက် ဆက် တို့ အား ဖော် ပြ တော် မ မူ သော ထို နက် နဲ ရာ မှာ၊

Judson Bible

⁵ ထို​နက်​နဲ​သော​အ​ရာ​ကို သန့်​ရှင်း​သော တ​မန်​တော်​တို့​နှင့် ပ​ရော​ဖက်​တို့​အား၊ ယ​ခု​ကာ​လ၌ ဝိ​ညာဉ်​တော်​အား​ဖြင့် ဖွင့်​လှစ်​တော်​မူ​သည်​နည်း​တူ၊ အ​ခြား​သော​ကာ​လ​တို့၌ လူ​မျိုး​တို့​အား ပြ​တော်​မ​မူ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ဘုရားသခင်​သည် ထို​လျှို့ဝှက်​နက်နဲ​သော​အရာ​ကို မိမိ​၏​သန့်ရှင်း​သော​တမန်တော်​များ​နှင့်​ပရောဖက်​များ​အား ဝိညာဉ်​တော်​အားဖြင့် ယခု​ဖွင့်ပြ​တော်မူ​သကဲ့သို့ အခြား​သော​ခေတ်​ကာလ​များ​၌ လူသား​တို့​အား သိ​စေ​တော်​မ​မူ​ခဲ့​ပေ။

ဧ​ဖက် 3:5 ပူးပေါင်းရင်းမြစ်များ

မဿဲ 13:17

သင်တို့​အား ငါ​အမှန်​ဆို၏။ သင်တို့​မြင်ရသော​အရာတို့​ကို ရှေးခေတ်​က ပရောဖက်များ​နှင့် ဖြောင့်မတ်သောသူတို့​သည် မြင်လိုခဲ့ကြ၏။ သို့သော်လည်း မမြင်ခဲ့ကြရ။ သင်တို့​ကြားရသော​အကြောင်းအရာတို့​ကိုလည်း ကြားလိုခဲ့ကြ၏။ သို့သော်လည်း မကြားခဲ့ကြရ။

မဿဲ 20:7

ထို​သူတို့​က ‘ကျွန်ုပ်တို့​အား ငှားမည့်သူ​မရှိသောကြောင့် ဖြစ်ပါသည်’ ဟု ဖြေကြ၏။ မြေရှင်​က ထို​သူတို့​အား ‘သင်တို့​သည်လည်း ငါ့​စပျစ်ခြံ​သို့​သွား​၍ အလုပ်လုပ်ကြ’ ဟု ဆို၏။

မဿဲ 23:34

ထို့ကြောင့် ငါ​သည် ပရောဖက်များ၊ ပညာရှင်များ​နှင့် ကျမ်းတတ်ဆရာများ​ကို သင်တို့​ထံ စေလွှတ်မည်။ သို့သော် သင်တို့​သည် တချို့​ကို လက်ဝါးကပ်တိုင်​တွင် သတ်ကြ​လိမ့်မည်။ တချို့​ကို ဝတ်ပြုဆောင်များ​တွင် ရိုက်​၍ တစ်မြို့​ပြီး​တစ်မြို့ လိုက်လံ​ဖမ်းဆီးကြ​လိမ့်မည်။

လုကာ 10:24

ငါ​ပြောဆိုသည်​မှာ သင်တို့ မြင်ရသော​အရာတို့​ကို ရှေးခေတ်​က ပရောဖက်များ​နှင့် ဘုရင်တို့​သည် မြင်လိုခဲ့ကြ၏၊ သို့သော်လည်း မမြင်ခဲ့ကြရ။ သင်တို့​ကြားရသော​အကြောင်းအရာတို့​ကိုလည်း ကြားလိုခဲ့ကြ၏။ သို့သော်လည်း မကြားခဲ့ကြရ” ဟူ၍ ဖြစ်၏။

လုကာ 11:49

သို့ဖြစ်၍ ဉာဏ်ပညာတော်​နှင့် ပြည့်စုံသော​ဘုရားသခင် ဟောတော်မူသည်​မှာ ‘ငါ​သည် ပရောဖက်များ​နှင့် တမန်တော်များ​ကို သူတို့​ထံသို့ စေလွှတ်မည်။ သို့သော် သူတို့​သည် တချို့​ကို သတ်​၍ တချို့​ကို ညှဉ်းဆဲကြ​လိမ့်မည်’ ဟူ၍ ဖြစ်၏။

ရှင်ယောဟန် 14:26

သို့ရာတွင် ခမည်းတော်​သည် ငါ့​ကိုယ်စား ကူညီမစတော်မူသော​အရှင်​ဖြစ်သည့် သန့်ရှင်းသော​ဝိညာဉ်တော်​ကို စေလွှတ်တော်မူ​သောအခါ ထို​အရှင်​သည် သင်တို့​အား အရာ​အားလုံး သွန်သင်​၍ ငါ​ပြောခဲ့သမျှ​ကို ပြန်လည်​သတိရစေတော်မူ​လိမ့်မည်။

ရှင်ယောဟန် 16:13

သမ္မာတရား​ကို ဖော်ပြသည့်​ဝိညာဉ်တော် ကြွလာတော်မူ​သောအခါ သင်တို့​အား သမ္မာတရား​အလုံးစုံ​ကို သွန်သင်​ပြသတော်မူ​လိမ့်မည်။ ထို​ဝိညာဉ်တော်​သည် မိမိ​အလိုအလျောက် ဟောပြောတော်မူမည်​မဟုတ်။ မိမိ​ကြားသိ​ရသည့် အကြောင်းအရာတို့​ကို သင်တို့​အား ဟောပြောတော်မူ​လိမ့်မည်။ အနာဂတ်​တွင် ဖြစ်ပျက်မည့်​အရာများ​ကိုလည်း ဖော်ပြတော်မူ​လိမ့်မည်။

တမန်တော်ဝတ္ထု 10:28

ပေတရု​က “ဂျူးလူမျိုး​တစ်ဦး​သည် လူမျိုးခြားများ​ထံ သွားရောက်​လည်ပတ်ခြင်း သို့မဟုတ် သူတို့​နှင့် ပြောဆို​ဆက်ဆံခြင်း မပြုသင့်ကြောင်း သင်တို့​သိကြ၏။ သို့သော် မည်သူ့​ကိုမျှ ညစ်ညမ်းသော​သူ မစင်ကြယ်သော​သူ​ဟု မခေါ်သင့်ကြောင်း ကျွန်ုပ်​အား​ဘုရားသခင်​ဖော်ပြထားခဲ့ပြီ။

ရော​မ 16:25

ကျွန်ုပ်​ဟောသော သတင်းကောင်း​၌​ဆိုထားသည့်​အတိုင်း သင်တို့​အား ခိုင်ခံ့မြဲမြံ​စေနိုင်တော်မူသော ဘုရားသခင်​သည်သာ ဘုန်းကြီးတော်မူ၏။ ယေရှု​ခရစ်တော်​အကြောင်း​ဖြစ်သော ဤ​သတင်းကောင်း​က ကာလ​ကြာမြင့်စွာ ကွယ်ဝှက်ထားသည့် ကိုယ်တော်​၏ လျှို့ဝှက်​နက်နဲသော​အကြံအစည်တော်​ကို လူမျိုးခြား​ဖြစ်သော သင်တို့​အား ဖော်ပြပေး၏။

၁ ကော 2:10

သို့သော် ဘုရားသခင်​သည် ဤ​အရာများ​ကို ဝိညာဉ်တော်​အားဖြင့် ကျွန်ုပ်တို့​အား ဖော်ပြတော်မူ၏။ ဝိညာဉ်တော်​သည် အရာ​အားလုံး​ကို ဆန်းစစ်​၍ ဘုရားသခင်​၏ နက်နဲသော​လျှို့ဝှက်ချက်များ​ကိုပင် ကျွန်ုပ်တို့​အား ဖော်ပြပေးတော်မူ၏။

ဧ​ဖက် 2:20

သင်တို့​သည် တမန်တော်များ​နှင့် ပရောဖက်များ​၏ အုတ်မြစ်​ပေါ်တွင် တည်ဆောက်သော အဆောက်အအုံ​ကဲ့သို့ ဖြစ်ကြပြီး ယေရှု​ခရစ်တော်​ကိုယ်တိုင်​သည် ထောင့်ချုပ်ကျောက် ဖြစ်တော်မူ၏။

ဧ​ဖက် 3:9

အရာ​အားလုံး​ကို ဖန်ဆင်းတော်မူသော​ဘုရားသခင်​ထံ၌ ရှေးယခင်​မှစ၍ ဝှက်ထားသည့် ဤ​လျှို့ဝှက်​နက်နဲသော အကြံအစည်တော်​သည် မည်သည့်​အရာ​ဖြစ်ကြောင်း လူအပေါင်းတို့​ကို ဖော်ပြ​နိုင်ရန် ဖြစ်၏။

၂ ပေ 3:2

သန့်ရှင်းသော​ပရောဖက်များ ယခင်​က ဟောပြောခဲ့သော​စကားများ​နှင့် သင်တို့​၏ တမန်တော်များ​အားဖြင့် ကျွန်ုပ်တို့​၏​သခင်​နှင့် ကယ်တင်ရှင် ဖြစ်တော်မူသော​အရှင်​၏ ပညတ်တော်တို့​ကို သင်တို့​အား သတိရ​စေလို၏။

ယု​ဒ 1:17

ချစ်ရသော​သူတို့… ကျွန်ုပ်တို့​၏​သခင် ယေရှု​ခရစ်တော်​၏ တမန်တော်များ ကြိုတင်​ဟောပြောခဲ့သော​စကားများ​ကို သတိရကြလော့။