ဧ​ဖက် 3:2 - ခေတ်သစ်​မြန်မာ သမ္မာကျမ်း

² သင်တို့​အတွက် ကျွန်ုပ်​ကို ဘုရားသခင်​ပေးသနားတော်မူသည့် ကျေးဇူးတော်​နှင့်ဆိုင်သော အထူး​တာဝန်​အကြောင်း​ကို သင်တို့ အမှန်​ပင် ကြားသိရပြီ ဖြစ်၏။

Common Language Bible

² ဘု​ရား​သ​ခင်​သည်​မိ​မိ​၏​ကျေး​ဇူး​တော် ကြောင့်​သင်​တို့​အ​ကျိုး​ငှာ​ဤ​အ​မှု​ကို​ဆောင် ရွက်​ရန် ငါ့​အား​ပေး​အပ်​တော်​မူ​ကြောင်း​သင် တို့​အ​မှန်​ပင်​ကြား​သိ​ကြ​ပြီး​ဖြစ်​သည်။-

Judson Bible

² သင်​တို့​အ​ကျိုး​ကို ထောက်၍ ငါ့​အား​အပ်​ပေး​တော်​မူ​သော ဘု​ရား​သ​ခင်၏ ကျေး​ဇူး​တော်​သာ​သ​နာ​ကို သင်​တို့ ကြား​သိ​ရ​သည်​နှင့်​အ​ညီ၊ တစ်​ပါး​အ​မျိုး​ဖြစ်​သော သင်​တို့​အ​တွက်​ကြောင့် ငါ​ခံ​ရ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² သင်​တို့​အတွက် ငါ့​အား​ပေးအပ်​တော်မူ​သော ဘုရားသခင်​၏​ကျေးဇူး​တော်​နှင့်ဆိုင်သည့် စီမံ​ခန့်ခွဲ​မှု​ကို သင်​တို့​ကြားသိ​ကြ​သည်​ဟု ငါ​ယူဆ​၏။

ဧ​ဖက် 3:2 ပူးပေါင်းရင်းမြစ်များ

တမန်တော်ဝတ္ထု 13:2

ထို​သူတို့​သည် သခင်ဘုရား​ကို​ဝတ်ပြု​၍ အစာရှောင်နေကြ​စဉ် သန့်ရှင်းသော​ဝိညာဉ်တော်​က “ငါ​ခန့်အပ်သော​အမှု​ကို ဆောင်ရွက်​ရန် ဗာနဗ​နှင့် ရှောလု​တို့​ကို သီးသန့်​ရွေးချယ်ကြလော့” ဟု ဆို၏။

တမန်တော်ဝတ္ထု 13:46

ထိုအခါ ပေါလု​နှင့် ဗာနဗ​တို့​သည် ရဲရင့်​စွာ ဟောပြောကြသည်​မှာ “ဘုရားသခင်​၏​နှုတ်ကပတ်​တရားတော်​ကို သင်တို့​ထံ​ဦးစွာ ဟောပြောရ၏။ သို့သော် ထို​အရာ​ကို​သင်တို့​သည် ငြင်းပယ်​၍ ထာဝရ​အသက်​သည် သင်တို့​နှင့်​မထိုက်တန်ကြောင်း မှတ်ယူ​ဆုံးဖြတ်​သောကြောင့် ယခု​ကျွန်ုပ်တို့​သည် လူမျိုးခြားများ​ဆီသို့ ဦးတည်ကြ၏။

တမန်တော်ဝတ္ထု 22:21

ထိုအခါ သခင်ဘုရား​က ‘သွားလော့။ ငါ​သည် သင့်​ကို ရပ်ဝေးရှိ​လူမျိုးခြားတို့​ထံသို့ စေလွှတ်မည်’ ဟူ၍ မိန့်တော်မူသည်” ဟု ပြောလေ၏။

တမန်တော်ဝတ္ထု 9:15

သို့သော် သခင်ဘုရား​က “သွားလော့။ ထို​သူ​သည် လူမျိုးခြားများ၊ ဘုရင်များ​နှင့် အစ္စရေးလူမျိုးတို့​ရှေ့​တွင် ငါ့​အကြောင်း​ကို ပြောကြား​ရန် ငါ​ရွေးကောက်ထားသော တန်ဆာပလာ​ဖြစ်၏။

ရော​မ 1:5

ကျွန်ုပ်တို့​သည် ထို​သားတော်​အားဖြင့် တမန်တော်​ဖြစ်ခြင်း အခွင့်ထူး​ကို ရရှိကြ၏။ ဤသည်​မှာ ထို​သခင်​၏ နာမတော်​အတွက် ယုံကြည်ခြင်း​ကြောင့် ဖြစ်လာသော နာခံခြင်း​အကြောင်း​ကို လူမျိုးခြား​အပေါင်းတို့​ထဲတွင် ဟောပြော​ရန် ဖြစ်၏။

ရော​မ 11:13

လူမျိုးခြား​ဖြစ်သော သင်တို့​ကို ကျွန်ုပ်​ပြောမည်။ ကျွန်ုပ်​သည် လူမျိုးခြားတို့​၏ တမန်တော်​ဖြစ်သည့်​အလျောက် ထို​ရာထူး​ကို ဂုဏ်ယူ​လျက်

ရော​မ 12:3

ကျွန်ုပ်​အား ဘုရားသခင်​ပေးအပ်တော်မူသော တမန်တော်​ဖြစ်ခြင်း အခွင့်ထူး​ဖြင့် သင်တို့​တစ်ဦးချင်း​ကို ကျွန်ုပ်​ပြော​လိုသည်​မှာ သင်တို့​သည် ကိုယ့်ကိုယ်ကိုယ် ထင်သင့်သည်​ထက် ပို၍ အထင်​မကြီးကြနှင့်။ မိမိတို့​အတွက် ဘုရားသခင်​ခွဲဝေ​ပေးသနားတော်မူသော ယုံကြည်ခြင်း​ပမာဏ​အတိုင်း ကိုယ့်ကိုယ်ကိုယ် မှန်ကန်​ရိုးသား​စွာ သုံးသပ်ကြလော့။

၁ ကော 4:1

ထို့ကြောင့် သင်တို့​သည် ကျွန်ုပ်​နှင့် အာပေါလု​ကို ခရစ်တော်​၏ အစေခံများ​အဖြစ်​လည်းကောင်း၊ ဘုရားသခင်​၏ လျှို့ဝှက်​နက်နဲသော​အရာများ​ကို စီမံခန့်ခွဲသူများ​အဖြစ်​လည်းကောင်း မှတ်ယူကြလော့။

ဂ​လာ​တိ 1:13

ယခင်​က ကျွန်ုပ်​သည် ဂျူးဘာသာဝင်​အဖြစ် နေထိုင်​အသက်ရှင်ခဲ့​စဉ်က ဘုရားသခင်​၏ အသင်းတော်​ကို ပြင်းထန်​စွာ ညှဉ်းဆဲ​ပြီး ဖျက်ဆီး​ရန် ကြိုးစားခဲ့သည်​ကို သင်တို့​ကြားသိကြ၏။

ဧ​ဖက် 1:10

ထို​အကြံအစည်တော်​သည် အချိန်ကျ​သောအခါ ကောင်းကင်​နှင့် မြေကြီး​၌ ရှိသမျှသော​အရာ​အားလုံး​ကို ခရစ်တော်​၏ အာဏာစက်​အောက်​၌ ပေါင်းစည်း​စေရန် ဖြစ်၏။

ဧ​ဖက် 3:7

တန်ခိုးတော် သက်ဝင်လှုပ်ရှားမှု​ကြောင့် ကျွန်ုပ်​အား ဘုရားသခင် ပေးသနားတော်မူသည့် ကျေးဇူးတော်​နှင့်ဆိုင်သော အထူး​တာဝန်​ကို ခံစားရသည်​နှင့်အညီ ကျွန်ုပ်​သည် ထို​သတင်းကောင်း​ကို ဟောပြောသူ ဖြစ်လာ၏။

ဧ​ဖက် 3:8

ကျွန်ုပ်​သည် ယုံကြည်သူများ​ထဲတွင် အသေးနုပ်ဆုံးသောသူ ဖြစ်​သော်လည်း ဘုရားသခင် ပေးသနားတော်မူသော ကျေးဇူးတော်​ကို ခံစားရ၏။ ဤသို့ ခံစားရခြင်း​သည် လူမျိုးခြားတို့​ကို ခရစ်တော်​၏ အကန့်အသတ်မဲ့ ကြွယ်ဝခြင်း​အကြောင်း ဟောပြော​ရန်​နှင့်

ဧ​ဖက် 3:9

အရာ​အားလုံး​ကို ဖန်ဆင်းတော်မူသော​ဘုရားသခင်​ထံ၌ ရှေးယခင်​မှစ၍ ဝှက်ထားသည့် ဤ​လျှို့ဝှက်​နက်နဲသော အကြံအစည်တော်​သည် မည်သည့်​အရာ​ဖြစ်ကြောင်း လူအပေါင်းတို့​ကို ဖော်ပြ​နိုင်ရန် ဖြစ်၏။

ဧ​ဖက် 4:21

ယေရှု​၌ သမ္မာတရား ရှိသည့်​အတိုင်း သင်တို့​သည် ခရစ်တော်​အကြောင်း​ကို အမှန်​ပင် ကြားသိရပြီး ကိုယ်တော်​၏ အကြောင်း​ကို သင်ယူခဲ့ပြီ ဖြစ်၏။

ဧ​ဖက် 4:7

သို့သော် ကျွန်ုပ်တို့​တစ်ဦးစီ​သည် ခရစ်တော် ခွဲဝေ​ပေးတော်မူသည့်​အတိုင်း အထူး​စွမ်းရည်​ကို အသီးသီး ရရှိကြ၏။

ကော​လော​သဲ 1:4

အဘယ်ကြောင့်ဆိုသော် သင်တို့​သည် ယေရှု​ခရစ်တော်​ကို ယုံကြည်ကြကြောင်း​နှင့် ယုံကြည်သူ​အပေါင်းတို့​ကို ချစ်ကြကြောင်း ကျွန်ုပ်တို့​ကြားသိရ​သောကြောင့် ဖြစ်၏။

ကော​လော​သဲ 1:6

သင်တို့​သည် ထို​သတင်းကောင်း​ကို ကြားနာ​ပြီး ဘုရားသခင်​၏ ကျေးဇူးတော်​ကို အမှန်တကယ် နားလည်သည့်​နေ့​မှစ၍ သင်တို့​ထဲ၌ အသီးအပွင့်များ​သီးပွင့်​ကာ တိုးပွား​သကဲ့သို့ ထို​သတင်းကောင်း​သည် ကမ္ဘာတစ်ဝန်းလုံး​သို့ ပျံ့နှံ့​၍ တိုးပွား​လျက်​ရှိ၏။

၁ တိ 1:11

ထို​မှန်ကန်သော​အယူဝါဒ​သည် မင်္ဂလာ​ရှိတော်မူသော ဘုရားသခင်​၏ ဘုန်းကြီးသော သတင်းကောင်း​နှင့် ညီ၏။ ထို​သတင်းကောင်း​ကို ဟောပြော​ရန် ဘုရားသခင်​သည် ကျွန်ုပ်​ကို တာဝန်ပေးတော်မူ၏။

၁ တိ 1:4

ဒဏ္ဍာရီများ၊ မဆုံးနိုင်သော​ဆွေစဉ်မျိုးဆက်​စာရင်းများ​ကို ဆွေးနွေးရာ​တွင် အချိန်​မပေးကြ​ရန် ညွှန်ကြားလော့။ ထို​အရာများ​သည် အငြင်းအခုံများ​ကိုသာ ဖြစ်စေ၏။ ယုံကြည်ခြင်း​ဖြင့် လုပ်ဆောင်သော ဘုရားသခင်​၏ အမှုတော်​ကို အထောက်အကူ​မဖြစ်စေပါ။

၁ တိ 2:7

ထို့ကြောင့် လူမျိုးခြားတို့​ကို ယုံကြည်ခြင်း​နှင့် သမ္မာတရား​အကြောင်း သင်ကြား​ရန် ကျွန်ုပ်​သည် တရားဟောဆရာ​အဖြစ်​လည်းကောင်း၊ တမန်တော်​အဖြစ်​လည်းကောင်း ခန့်အပ်ခံရ၏။ ထိုသို့ ဆိုသော် ကျွန်ုပ်​သည် မလိမ်ညာဘဲ အမှန်​အတိုင်း​သာ ပြောဆိုခြင်း​ဖြစ်၏။

၂ တိ 1:11

ဤ​သတင်းကောင်း​အတွက် တရားဟောဆရာ၊ တမန်တော်​နှင့် ဆရာ​အဖြစ် ကျွန်ုပ်​ကို ခန့်ထားတော်မူပြီ။