ဧ​ဖက် 2:14 - ခေတ်သစ်​မြန်မာ သမ္မာကျမ်း

¹⁴ အဘယ်ကြောင့်ဆိုသော် ခရစ်တော်​ကိုယ်တိုင်​သည် ကျွန်ုပ်တို့​အတွက် ငြိမ်းချမ်းခြင်း​ကို ယူဆောင်လာတော်မူ​သောကြောင့် ဖြစ်၏။ ကိုယ်တော်​သည် ဂျူးလူမျိုး​နှင့် လူမျိုးခြားတို့​ကို တစ်မျိုးတည်း ဖြစ်စေ​ပြီး ပိုင်းခြားထားသော ရန်ငြိုး​တံတိုင်း​ကို ဖြိုဖျက်​၍

Common Language Bible

¹⁴ ခ​ရစ်​တော်​သည်​ယု​ဒ​အ​မျိုး​သား​များ​နှင့်​လူ မျိုး​ခြား​တို့​ကို လူ​မျိုး​တစ်​မျိုး​တည်း​ဖြစ်​စေ တော်​မူ​လျက် ငါ​တို့​အား​ရန်​ငြိမ်း​မှု​ကို​ပေး​တော် မူ​၏။ ကိုယ်​တော်​သည်​မိ​မိ​၏​ကိုယ်​ခန္ဓာ​တော်​အား ဖြင့် ငါ​တို့​အား​ရန်​သူ​များ​အ​ဖြစ်​ပိုင်း​ခြား ထား​သည့်​တံ​တိုင်း​ကို​ဖြို​ဖျက်​တော်​မူ​၏။-

Garrad Bible

^14-16 နှစ် မျိုး ကြား တွင် ရန် တံ တိုင်း ကို ကိုယ် ခ န္ဓာ တော် အား ဖြင့် ဖြို ဖျက် ပြီး လျှင် ကိုယ် တော်၌ နှစ် မျိုး လုံး ကို လူ သတ္တ ဝါ သစ် တစ် ဝ တည်း ဖြစ် စေ လျက် ရန် ငြိမ်း စေ ခြင်း ငှါ လည်း ကောင်း၊ ကား တိုင် တော် အား ဖြင့် ရန် ကို ကွပ် မျက် လျက် တစ် ကိုယ် တည်း ဖြစ် သော ထို နှစ် မျိုး လုံး ကို ဘု ရား သ ခင် နှင့် မိတ် သ ဟာ ယ ဖွဲ့ စေ ခြင်း ငှါ လည်း ကောင်း၊ ဓ မ္မ သတ် နှင့် ပြည့် သော ပ ညတ် တ ရား တော် ကို ပယ် ဖျက် သော ကိုယ် တော် သည် ငါ တို့ ရန် ငြိမ်း ရာ ရန် ငြိမ်း ကြောင်း ဖြစ် တော် မူ သည့် အ တိုင်း၊

Judson Bible

¹⁴ အ​ဘယ်​သို့​နည်း​ဟူ​မူ​ကား၊ ထို​သ​ခင်​သည် ငါ​တို့ ရန်​ငြိမ်း​ခြင်း​အ​ကြောင်း ဖြစ်​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ အကြောင်းမူကား ကိုယ်တော်​သည် ငါ​တို့​၏​သင့်မြတ်​ငြိမ်းချမ်း​ခြင်း​အကြောင်း​ဖြစ်​တော်မူ​၍ ငါ​တို့​နှစ်မျိုးစလုံး​ကို တစ်မျိုးတည်း​ဖြစ်​စေ​ပြီး ပိုင်းခြား​သော​ရန်ငြိုး​တံတိုင်း​ကို ဖြိုဖျက်​ကာ

ဧ​ဖက် 2:14 ပူးပေါင်းရင်းမြစ်များ

လုကာ 1:79

ထို​အလင်း​သည် အမှောင်ထု​နှင့် သေခြင်းတရား​၏ အရိပ်​အောက်​တွင် နေထိုင်သော​သူများ​အပေါ် ထွန်းလင်း​၍ အကျွန်ုပ်တို့​၏​ခြေ​ကို ငြိမ်းချမ်းခြင်း​လမ်းထဲ​သို့ လမ်းညွှန်တော်မူ​လိမ့်မည်” ဟူ၍ ဖြစ်၏။

လုကာ 2:14

“အမြင့်ဆုံးသော​ကောင်းကင်ဘုံ​၌ ရှိတော်မူသော​ဘုရားသခင်​သည် ဘုန်းကြီးတော်မူပါစေ။ မြေကြီး​ပေါ်​၌ ဘုရားသခင်​နှစ်သက်တော်မူသော သူတို့​အပေါ်​တွင် ငြိမ်းချမ်းခြင်း​ရှိပါစေ” ဟု ဆိုကြ၏။

ရှင်ယောဟန် 10:16

ဤ​သိုးခြံ​မှ မဟုတ်သော အခြား​သိုးတို့​ကိုလည်း ငါ​ပိုင်သေး၏။ ထို​သိုးတို့​ကိုလည်း ငါ​ခေါ်ဆောင်လာ​ရမည်။ ထို​သိုးတို့​သည် ငါ့​စကားသံ​ကို နားထောင်ကြ​လိမ့်မည်။ သို့ဖြစ်၍ သိုး​တစ်အုပ်တည်း​နှင့် သိုးထိန်း​တစ်ပါးတည်း ဖြစ်လာ​လိမ့်မည်။

ရှင်ယောဟန် 11:52

ထို​ဂျူး​တစ်မျိုးသားလုံး​အတွက်​သာမက ကမ္ဘာ​အရပ်ရပ်​တွင် ပျံ့နှံ့​နေထိုင်ကြသော ဘုရားသခင်​၏​သားသမီးများ အားလုံး​ကိုလည်း ပေါင်းစည်း​စေရန်​အတွက်​ပါ အသေခံတော်မူမည့်​အကြောင်း​ကို ပရောဖက်ပြု​ဟောပြောခြင်း​ဖြစ်၏။

ရှင်ယောဟန် 16:33

ငါ့​ကြောင့် သင်တို့​ငြိမ်းချမ်းခြင်း​ရှိ​စေရန် ဤ​အကြောင်းအရာများ​ကို ငါ​ပြောပြီ။ ဤ​ကမ္ဘာလောက​၌ သင်တို့​သည် ဆင်းရဲဒုက္ခ​နှင့် ကြုံတွေ့ကြရ​လိမ့်မည်။ သို့သော် အားမငယ်ကြနှင့်။ ငါ​သည် ဤ​လောက​ကို အောင်ပြီ” ဟု မိန့်တော်မူ၏။

တမန်တော်ဝတ္ထု 10:28

ပေတရု​က “ဂျူးလူမျိုး​တစ်ဦး​သည် လူမျိုးခြားများ​ထံ သွားရောက်​လည်ပတ်ခြင်း သို့မဟုတ် သူတို့​နှင့် ပြောဆို​ဆက်ဆံခြင်း မပြုသင့်ကြောင်း သင်တို့​သိကြ၏။ သို့သော် မည်သူ့​ကိုမျှ ညစ်ညမ်းသော​သူ မစင်ကြယ်သော​သူ​ဟု မခေါ်သင့်ကြောင်း ကျွန်ုပ်​အား​ဘုရားသခင်​ဖော်ပြထားခဲ့ပြီ။

တမန်တော်ဝတ္ထု 10:36

ဘုရားသခင်​သည် အရာခပ်သိမ်းတို့​၏​အရှင်သခင်​ဖြစ်သော ယေရှု​ခရစ်တော်​အားဖြင့် ငြိမ်းချမ်းခြင်း​တရား​ကို​ဟောပြော​၍ အစ္စရေးလူမျိုးတို့​အား ပေးပို့သည့်​နှုတ်တော်ထွက်စကား​ကို သင်တို့​သိကြ၏။

ရော​မ 5:1

သို့ဖြစ်၍ ကျွန်ုပ်တို့​သည် ယုံကြည်​၍ ဘုရားသခင်​ရှေ့တော်​၌ ဖြောင့်မတ်သည်​ဟု သတ်မှတ်ခံရ​သောကြောင့် ကျွန်ုပ်တို့​၏​သခင် ယေရှု​ခရစ်တော်​လုပ်ဆောင်​ပေးခဲ့သော​အမှု​အားဖြင့် ဘုရားသခင်​နှင့် ငြိမ်းချမ်းမှု​ကို ရရှိကြပြီ။

ဂ​လာ​တိ 3:28

ထိုသို့ ယေရှု​ခရစ်တော်​နှင့် တပေါင်းတစည်းတည်း​ဖြစ်ကြ​သောကြောင့် ဂျူးလူမျိုး​နှင့် ဂရိလူမျိုး၊ ကျွန်​နှင့် လွတ်လပ်သူ၊ ယောက်ျား​နှင့် မိန်းမ​ဟူ၍ ခွဲခြားခြင်း မရှိတော့ပေ။

ဧ​ဖက် 2:15

စည်းမျဉ်း​ဥပဒေများ ပါဝင်သည့် ဂျူးလူမျိုးတို့​၏ ပညတ်တရား​စနစ်​တစ်ခုလုံး​ကို မိမိ​အသွေးအသား​ဖြင့် ပယ်ဖျက်တော်မူ၏။ ဤသို့​ပြုခြင်း​မှာ ထို​လူမျိုး​နှစ်မျိုးစလုံး​ကို မိမိ​နှင့် တပေါင်းတစည်းတည်း​ဖြစ်စေ​လျက် လူမျိုးသစ် ဖန်ဆင်း​၍ ငြိမ်းချမ်း​စေရန် ဖြစ်၏။

ဧ​ဖက် 2:17

ကိုယ်တော်​သည် ကြွလာ​၍ ဘုရားသခင်​နှင့် ဝေးကွာသော လူမျိုးခြား သင်တို့​ကို​လည်းကောင်း၊ နီးသော ဂျူးလူမျိုးတို့​ကို​လည်းကောင်း ငြိမ်းချမ်းခြင်း​နှင့်ဆိုင်သော သတင်းကောင်း​ကို ဟောပြောတော်မူ၏။

ဧ​ဖက် 4:16

ဦးခေါင်း ဖြစ်သော ကိုယ်တော်​သည် ကိုယ်ခန္ဓာ​တစ်ခုလုံး​ကို အပိုအလို​မရှိ ဆက်စပ်စေတော်မူ၏။ ခန္ဓာ​အစိတ်အပိုင်း​တစ်ခုစီတို့​သည် ကိုယ်ပိုင် တာဝန်​အသီးသီး​ကို လုပ်ဆောင်သည်​နှင့်အမျှ ကိုယ်ခန္ဓာ​သည် ချစ်ခြင်းမေတ္တာ​ဖြင့် တည်ဆောက်​၍ ကြီးပွားတတ်၏။

ကော​လော​သဲ 1:20

လက်ဝါးကပ်တိုင်​၌ သွန်းသော သားတော်​၏​သွေးတော်​ဖြင့် ရန်​ကို ငြိမ်းစေ​၍ ကောင်းကင်ဘုံ​၌​ရှိသော အရာ​ဖြစ်စေ၊ မြေကြီး​ပေါ်​၌​ရှိသော အရာ​ဖြစ်စေ အရာ​အားလုံး​ကို မိမိ​နှင့် ပြန်လည်​သင့်မြတ်​စေရန် အလိုရှိတော်မူ၏။

ကော​လော​သဲ 2:20

သင်တို့​သည် ခရစ်တော်​နှင့်အတူ သေ​၍ လောကီ​အခြေခံ​မူ​နှင့် အဆက်ပြတ်ကြသည်​မှန်လျှင် ဤ​လောက​၏ လက်အောက်ခံ​ကဲ့သို့

ကော​လော​သဲ 3:11

သို့ဖြစ်၍ ဂျူးလူမျိုး​နှင့် ဂရိလူမျိုး၊ အရေပြားလှီးခြင်း​မင်္ဂလာ​ကို ခံယူသူ​နှင့် မခံယူသူ၊ လူမျိုးကွဲ၊ လူရိုင်း၊ ကျွန်​နှင့် လွတ်လပ်သူ​ဟူ၍ ခြားနားမှု​မရှိပေ။ ခရစ်တော်​သည်သာ အရေးပါ​၍ ကျွန်ုပ်တို့​အားလုံး​အထဲတွင် ကိန်းအောင်းတော်မူ၏။

ကော​လော​သဲ 3:15

သင်တို့​သည် ကိုယ်ခန္ဓာ​တစ်ခုတည်း​၏ အစိတ်အပိုင်းများ ဖြစ်​၍ ငြိမ်းချမ်း​စွာ နေထိုင်​ရန် ရွေးချယ်ခြင်း​ခံကြရ၏။ ထို့ကြောင့် ခရစ်တော် ပေးသနားတော်မူသော ငြိမ်းချမ်းခြင်း​သည် သင်တို့​၏ နှလုံးသား​၌ စိုးမိုးပါစေသော။ ဘုရားသခင်​ကိုလည်း ကျေးဇူးတင်ကြလော့။

ဟေ​ဗြဲ 13:20

ထာဝရ​ပဋိညာဉ်တရား​၏ သွေးတော်​အားဖြင့် သိုးတို့​၏ သိုးထိန်းကြီး​ဖြစ်တော်မူသည့် ကျွန်ုပ်တို့​သခင်​ယေရှု​ကို သေခြင်း​မှ ထမြောက်စေတော်မူသော ငြိမ်းချမ်းခြင်း​၏​အရှင် ဘုရားသခင်​သည်

ဟေ​ဗြဲ 7:2

အာဗြဟံ​သည်လည်း ထို​မင်းကြီး​အား ရရှိသော​ပစ္စည်းများ​မှ ဆယ်ပုံတစ်ပုံ​ကို ပေးလှူ၏။ မေလခိဇေဒက်​ဟူသော အမည်​၏ အဓိပ္ပာယ်​မှာ “ဖြောင့်မတ်ခြင်း​၏​ဘုရင်” ဖြစ်ပြီး နောက်ပိုင်း​တွင် သူ့​ကို ရှာလင်​ဘုရင်​ဟု ခေါ်တွင်​ကာ “ငြိမ်းချမ်းရေး​ဘုရင်” ဟု အဓိပ္ပာယ်​ရ၏။