ဧ​ဖက် 1:18 - ခေတ်သစ်​မြန်မာ သမ္မာကျမ်း

^18-19 ဘုရားသခင် ရွေးချယ်တော်မူ​သဖြင့် သင်တို့ မျှော်လင့်ရသော​အရာ​သည် မည်သည့်​အရာ​ဖြစ်သည်​ကိုလည်းကောင်း၊ ယုံကြည်သူတို့ ရရှိသော အမွေတော်​၏ ဘုန်းအသရေ​သည် မည်မျှ​ကြွယ်ဝသည်​ကို​လည်းကောင်း၊ ယုံကြည်သော ကျွန်ုပ်တို့​အတွက် လုပ်ဆောင်သော သာလွန်ထူးကဲသည့်​တန်ခိုးတော်​သည် မည်မျှ​ကြီးမားသည်​ကို​လည်းကောင်း သင်တို့​သိ​စေရန် သင်တို့​၏ ဉာဏ်​မျက်စိ​ကို ပွင့်စေတော်မူပါ​ဟု ကျွန်ုပ်​ဆုတောင်း၏။

Common Language Bible

^18-19 ကိုယ်​တော်​သည်​သင်​တို့​အား​အ​ဘယ်​သို့​သော အ​ရာ​ကို​မျှော်​လင့်​ကြ​စေ​ရန်​ခေါ်​ယူ​တော် မူ​သည်​ကို​လည်း​ကောင်း၊ ကိုယ်​တော်​၏​လူ​စု တော်​အား​က​တိ​ထား​တော်​မူ​သော​အံ့​သြ ဖွယ်​ရာ​ကောင်း​ချီး​မင်္ဂ​လာ​များ​မှာ အ​ဘယ် မျှ​များ​ပြား​သည်​ကို​လည်း​ကောင်း၊ ယုံ​ကြည် သူ​ငါ​တို့​အ​တွင်း​၌​လုပ်​ဆောင်​လျက်​ရှိ သော​တန်​ခိုး​တော်​သည်​အ​ဘယ်​မျှ​ကြီး မား​သည်​ကို​လည်း​ကောင်း သင်​တို့​သိ​မြင် ကြ​စေ​ရန်​သင်​တို့​၏​ဉာဏ်​မျက်​စိ​ကို​ပွင့် လင်း​စေ​တော်​မူ​ပါ​မည့်​အ​ကြောင်း ငါ​သည် ဆု​တောင်း​ပတ္ထ​နာ​ပြု​၏။ ငါ​တို့​အ​တွင်း ၌​လုပ်​ဆောင်​လျက်​ရှိ​သည့်​တန်​ခိုး​တော် ကား၊-

Judson Bible

¹⁸ ခေါ်​တော်​မူ​သော​ကြောင့် မျှော်​လ​င့်​ရ​သော​အ​ရာ​ကား အ​ဘယ်​အ​ရာ​ဖြစ်​သည်​ကို​လည်း​ကောင်း၊ သန့်​ရှင်း​သူ​တို့​သည် ခံ​ရ​သော​အ​မွေ​တော်၏ ဘုန်း​စည်း​စိမ်​ကား အ​ဘယ်​မျှ​လောက် ကြီး​သည်​ကို​လည်း​ကောင်း၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ဘုရားသခင်​သည် သင်​တို့​၏​စိတ်နှလုံး​မျက်စိ​ကို ပွင့်လင်း​စေ​၍ ခေါ်ယူ​တော်မူ​ခြင်း​နှင့်ဆိုင်သော မျှော်လင့်​ခြင်း​သည် မည်သည့်​အရာ​ဖြစ်​သည်​ကို​လည်းကောင်း၊ သန့်ရှင်း​သူ​တို့​ခံရ​မည့်​အမွေ​တော်​သည် ဘုန်း​အသရေ​နှင့် မည်မျှ​ကြွယ်ဝ​သည်​ကို​လည်းကောင်း၊

ဧ​ဖက် 1:18 ပူးပေါင်းရင်းမြစ်များ

မဿဲ 13:15

ဤ​လူတို့​၏ စိတ်နှလုံး​သည် ထုံထိုင်း၏။ သူတို့​၏ နား​သည်​ထိုင်းကြ၏။ မျက်စိ​ကိုလည်း ပိတ်ထားကြ၏။ ထို့ကြောင့် သူတို့​၏ မျက်စိ​သည် မမြင်နိုင်ကြ။ နား​သည် မကြားနိုင်ကြ။ နားမလည်နိုင်​သောကြောင့် စိတ်နှလုံး​သည်လည်း ငါ့​ထံသို့​မပြောင်းလဲနိုင်ကြ။ ငါ့​ကုသမှု​ကိုလည်း မခံယူနိုင်ကြ’ ဟူ၍ ဖြစ်၏။

ရှင်မာကု 10:17

ကိုယ်တော်​သည် ဂျေရုဆလင်မြို့​သို့ ခရီးပြု​ရန် ထွက်ခွာတော်မူ​သောအခါ လူတစ်ဦး​သည် ကိုယ်တော်​ထံသို့ ပြေးလာ​၍ ဒူးထောက်​ပြီးလျှင် “ကောင်းမြတ်သော​ဆရာတော်… ထာဝရ​အသက်​ကို ရရှိ​ရန် အကျွန်ုပ်​သည် မည်သို့​ပြုရပါမည်နည်း” ဟု မေးလျှောက်လေ၏။

လုကာ 24:45

ထို့နောက် ကျမ်းစာတော်​ကို နားလည်​စေရန် သူတို့​၏​ဉာဏ်​ကိုလည်း ဖွင့်ပေးတော်မူ၏။

တမန်တော်ဝတ္ထု 16:14

သွာတိရမြို့​မှ ဘုရားသခင်​ကို ကိုးကွယ်သော လုဒိ​အမည်ရှိ အမျိုးသမီး​တစ်ဦး​သည် ကျွန်ုပ်တို့​ပြောသော​အရာများ​ကို နားထောင်​လျက်​နေ၏။ သူ​သည် ခရမ်းရောင်​အထည်များ​ကို ရောင်းသောသူ​ဖြစ်၏။ ပေါလု​ဟောပြောသော စကားများ​ကို အာရုံစိုက်​နားထောင်​ရန်​အတွက် သူ​၏​စိတ်နှလုံး​ကို ဘုရားသခင်​သည် ဖွင့်ပေးတော်မူ၏။

တမန်တော်ဝတ္ထု 26:18

သူတို့​အား​အမှောင်​မှ အလင်း​သို့​လည်းကောင်း၊ စာတန်မာရ်နတ်​၏​လက်အောက်​မှ ဘုရားသခင်​ထံသို့​လည်းကောင်း ပြောင်းလဲလာ​စေရန် သင်​သည် ထို​သူတို့​၏​မျက်စိများ​ကို ဖွင့်ပေး​ရမည်။ သို့မှသာ သူတို့​သည် အပြစ်များ​အတွက်​ခွင့်လွှတ်ခြင်း​ကို ခံစားရမည်။ ထို့ပြင် ငါ့​ကို​ယုံကြည်ကြ​သဖြင့် ဘုရားသခင်​သန့်ရှင်းစေတော်မူသော​လူစု​ထဲတွင် ပါဝင်ရ​လိမ့်မည်’ ဟု မိန့်တော်မူ၏။

ရော​မ 11:29

အဘယ်ကြောင့်ဆိုသော် ဘုရားသခင်​သည် မိမိ​ပေးသနားတော်မူသော ဆုကျေးဇူးများ​နှင့် ခေါ်ယူခြင်းတို့​ကို ပြန်၍​ရုပ်သိမ်း​တော်မမူတတ်​သောကြောင့် ဖြစ်၏။

ရော​မ 2:4

သို့မဟုတ် ဘုရားသခင်​၏ ကြင်နာခြင်း​သည် သင့်​ကို နောင်တရ​စေရန်​ဖြစ်သည်​ကို နားမလည်ဘဲ ကိုယ်တော်​၏ ကြွယ်ဝသော​ကျေးဇူးပြုခြင်း၊ စိတ်ရှည်ခြင်း​နှင့် သည်းခံခြင်းတို့​ကို သင်​သည် မထီမဲ့မြင်​ပြုသလော။

၂ ကော 4:4

ဤ​လောက​၏ ဘုရား​ဖြစ်သော စာတန်​သည် မယုံကြည်သောသူတို့​၏ စိတ်နှလုံး​ကို ကွယ်စေခဲ့၏။ ထို့ကြောင့် သူတို့​သည် ဘုရားသခင်​၏ ပုံသဏ္ဌာန်တော်​ဖြစ်သည့် ခရစ်တော်​၏ ဘုန်းအသရေ​နှင့်​ပြည့်စုံသော သတင်းကောင်း​၏​အလင်း​ကို မမြင်နိုင်ခြင်း​ဖြစ်၏။

၂ ကော 4:6

“အမှောင်​ထဲမှ အလင်း​ထွန်းလင်းစေ” ဟု မိန့်တော်မူသော ဘုရားသခင်​သည် ယေရှု​ခရစ်တော်​၏ မျက်နှာတော်​၌ ထွန်းလင်းသည့် မိမိ​ဘုန်းတော်​ကို သိနိုင်သော​ဉာဏ်​အလင်း​ကို ကျွန်ုပ်တို့​၏​နှလုံးသား​ထဲ၌ ထွန်းလင်း​စေတော်မူ၏။

ဂ​လာ​တိ 5:5

ကျွန်ုပ်တို့​မှာမူ ယုံကြည်ခြင်း​အားဖြင့် ဘုရားသခင်​ကတိပြုတော်မူသော ဖြောင့်မတ်ခြင်း​ကို လက်ခံရရှိမည်​ဟု မျှော်လင့်​၍ ဝိညာဉ်တော်​ကို အမှီပြု​လျက် စောင့်မျှော်​နေကြ၏။

ဧ​ဖက် 1:11

အရာ​အားလုံး​ကို မိမိ​အလိုတော်​နှင့်​ညီသော အကြံအစည်တော်​အတိုင်း လုပ်ဆောင်တော်မူသည့်​ဘုရားသခင်​သည် ကျွန်ုပ်တို့​ကို ခရစ်တော်​နှင့် တပေါင်းတစည်းတည်း ဖြစ်စေခြင်း​အားဖြင့် ရှေးယခင်​ကပင် ကြိုတင်​သတ်မှတ်တော်မူသည့်​အတိုင်း မိမိ​၏​အမွေခံများ​အဖြစ် ရွေးချယ်တော်မူ၏။

ဧ​ဖက် 1:7

ဘုရားသခင်​၏ ကျေးဇူးတော် ကြွယ်ဝလှ​သဖြင့် ကျွန်ုပ်တို့​သည် သားတော်​နှင့် သားတော်​၏ အသွေးတော်​အားဖြင့် ရွေးနုတ်ခံကြရ၏။ ထို​ရွေးနုတ်ခြင်း​သည် အပြစ်​ခွင့်လွှတ်ခြင်း​ပင် ဖြစ်၏။

ဧ​ဖက် 2:12

တစ်ချိန်က သင်တို့​သည် ခရစ်တော်​နှင့် ကင်းကွာခဲ့ကြ​၍ အစ္စရေး​လူမျိုး​တွင် ပါဝင်ခွင့် မရ၊ ကတိတော်​နှင့်​ဆိုင်သော ပဋိညာဉ်များ​နှင့် သက်ဆိုင်ခွင့် မရှိ၊ မျှော်လင့်ချက် မရှိ၊ ဤ​လောက​တွင် ဘုရားသခင်​ကို မသိဘဲ နေခဲ့ကြသည်​ကို သတိရကြလော့။

ဧ​ဖက် 3:16

ဘုရားသခင်​၏ ဘုန်းတော် ကြွယ်ဝသည်​နှင့်အညီ သင်တို့​၏ အတွင်း​စိတ်​ကို ဝိညာဉ်တော်​မှတစ်ဆင့် တန်ခိုးတော်​ဖြင့် ကြံ့ခိုင်​သန်မာ​စေတော်မူ​ရန် ဆုတောင်း၏။

ဧ​ဖက် 3:8

ကျွန်ုပ်​သည် ယုံကြည်သူများ​ထဲတွင် အသေးနုပ်ဆုံးသောသူ ဖြစ်​သော်လည်း ဘုရားသခင် ပေးသနားတော်မူသော ကျေးဇူးတော်​ကို ခံစားရ၏။ ဤသို့ ခံစားရခြင်း​သည် လူမျိုးခြားတို့​ကို ခရစ်တော်​၏ အကန့်အသတ်မဲ့ ကြွယ်ဝခြင်း​အကြောင်း ဟောပြော​ရန်​နှင့်

ဧ​ဖက် 4:1

သခင်ဘုရား​၏ အမှုတော်​ကို ထမ်းရွက်​သောကြောင့် အကျဉ်းချခံရသော ကျွန်ုပ်​သည် သင်တို့​ကို တိုက်တွန်း​နှိုးဆော်လိုသည်​မှာ ရွေးချယ်တော်မူခြင်း​ခံရသည်​နှင့်အညီ ထို​ရွေးချယ်တော်မူခြင်း​နှင့် သင့်လျော်​စွာ ပြုမူနေထိုင်ကြ​ရန် ဖြစ်၏။

ဧ​ဖက် 4:4

သင်တို့​ကို ဘုရားသခင် ရွေးချယ်တော်မူ​သောအခါ တစ်ပါးတည်းသော မျှော်လင့်ချက်​အတွက် ရွေးချယ်တော်မူ​သကဲ့သို့ ကိုယ်ခန္ဓာ​တစ်ပါးတည်း၊ ဝိညာဉ်တော်​တစ်ပါးတည်း ရှိ၏။

ဧ​ဖက် 5:8

သင်တို့​သည် ယခင်​က အမှောင် ဖြစ်ခဲ့​သော်လည်း ယခု​တွင်မူ သခင်ဘုရား​၏ လူများ ဖြစ်လာကြ​သောကြောင့် အလင်း ဖြစ်ကြ၏။ သို့ဖြစ်၍ အလင်း​၏ သားသမီးများ​ကဲ့သို့ ပြုမူနေထိုင်ကြလော့။

ဖိ​လိပ္ပိ 3:14

ဆု​ကို ရရှိ​ရန် ပန်းတိုင်​သို့ ကြိုးပမ်း​၍ ပြေး၏။ ထို​ဆု​သည် ယေရှု​ခရစ်တော်​ပြုခဲ့သော​အမှု​အားဖြင့် ကျွန်ုပ်​ကို အထက်​အရပ်​သို့ ဘုရားသခင်​ခေါ်ဖိတ်တော်မူခြင်း​ဆု ဖြစ်၏။

ကော​လော​သဲ 1:12

အလင်း​နိုင်ငံတော်​၌​နေသော ယုံကြည်သူ​လူစု​ထဲတွင် ဝင်ရောက်ခွင့်​ထိုက်သူ ဖြစ်စေတော်မူသော အဖ​ဘုရားသခင်​ကို ကျေးဇူးတင်ကြ​ရန် ကျွန်ုပ်တို့​ဆုတောင်းပေးကြ၏။

ကော​လော​သဲ 1:23

သို့ရာတွင် သင်တို့​သည် သတင်းကောင်း​ကို ကြားနာ​စဉ်က ရရှိသော မျှော်လင့်ခြင်း​မှ မရွေ့လျားဘဲ ကြံ့ကြံ့ခိုင် ရပ်တည်​လျက် ဆက်​၍ ယုံကြည်ရမည်။ ထို​သတင်းကောင်း​ကို မိုးကောင်းကင်​အောက်​၌ ရှိသော သတ္တဝါ​အားလုံး​ကို ဟောပြောနေသည်​ဖြစ်၍ ကျွန်ုပ်​ပေါလု​သည် ထို​သတင်းကောင်း​ကို ဟောပြောသော အမှုဆောင်​ဖြစ်လာ၏။

ကော​လော​သဲ 1:27

ဤ​လျှို့ဝှက်နက်နဲသော​အရာ​၏ ဘုန်းစည်းစိမ်​သည် လူမျိုးခြားတို့​အတွက် မည်မျှ ကြီးမားကြောင်း ယုံကြည်သူတို့ သိ​စေရန် ဘုရားသခင် အလိုရှိတော်မူ၏။ ဤ​လျှို့ဝှက်နက်နဲသော​အရာ​သည် သင်တို့​ထဲ၌ ကိန်းအောင်းတော်မူသည့်​ခရစ်တော်​ပင် ဖြစ်၏။ ခရစ်တော်​ကြောင့် သင်တို့​သည် ဘုရားသခင်​၏ ဘုန်းအသရေ​ကို ရရှိ​ရန် မျှော်လင့်ရ၏။

ကော​လော​သဲ 1:5

ထို​ယုံကြည်ခြင်း​နှင့်​ချစ်ခြင်း​သည် ကောင်းကင်ဘုံ​၌ သင်တို့​အတွက် သိမ်းဆည်းထားသော မျှော်လင့်ရာ​အကြောင်း​ကြောင့် ဖြစ်ပေါ်လာကြ၏။ သမ္မာတရား​ဟူသော သတင်းကောင်း​ကို သင်တို့ ပထမဆုံး​အကြိမ် ကြားနာရ​သောအခါ ထို​မျှော်လင့်ရာ​အကြောင်း​ကို သင်တို့ ကြားသိခဲ့ရ၏။

ကော​လော​သဲ 2:2

ဤသို့​ကြိုးပမ်းရခြင်း​သည် သူတို့​စိတ်ခွန်အား ရရှိ​၍ အချင်းချင်း ချစ်ခင်​စည်းလုံးလာကြ​ရန် ဖြစ်၏။ သို့မှသာ သူတို့​သည် ဘုရားသခင်​၏ လျှို့ဝှက်​နက်နဲသော​အရာ​ဖြစ်သည့် ခရစ်တော်​ကို သိရှိ​နားလည်ကြောင်း စိတ်ချမှု​အပြည့် ရှိ​နိုင်မည် ဖြစ်၏။

ကော​လော​သဲ 3:15

သင်တို့​သည် ကိုယ်ခန္ဓာ​တစ်ခုတည်း​၏ အစိတ်အပိုင်းများ ဖြစ်​၍ ငြိမ်းချမ်း​စွာ နေထိုင်​ရန် ရွေးချယ်ခြင်း​ခံကြရ၏။ ထို့ကြောင့် ခရစ်တော် ပေးသနားတော်မူသော ငြိမ်းချမ်းခြင်း​သည် သင်တို့​၏ နှလုံးသား​၌ စိုးမိုးပါစေသော။ ဘုရားသခင်​ကိုလည်း ကျေးဇူးတင်ကြလော့။

၁ သက် 2:12

မိမိ​နိုင်ငံတော်​နှင့် ဘုန်းတော်​အတွက် သင်တို့​ကို ခေါ်တော်မူသော ဘုရားသခင်​၏​လူ​ဖြစ်သည့်​အလျောက် ဘုရားသခင်​၏​လူ​ပီသ​စွာ ပြုမူနေထိုင်​ရန် အားပေး​နှစ်သိမ့်​၍ တိုက်တွန်း​နှိုးဆော်ကြ၏။

၁ သက် 5:8

သို့သော် ကျွန်ုပ်​တို့​သည် နေ့​၏​သားသမီးများ​ဖြစ်သောကြောင့် တည်ကြည်​လျက် သတိ​ရှိကြစို့။ ယုံကြည်ခြင်း​နှင့် ချစ်ခြင်း​ကို ရင်အုပ်ကာ​ချပ်ဝတ်​အဖြစ် ဝတ်ဆင်​လျက် ကယ်တင်ခံရမည်​ဟူသော မျှော်လင့်ခြင်း​ကို သံခမောက်​အဖြစ် ဆောင်းကြစို့။

၂ သက် 1:11

ထို့ကြောင့် ကျွန်ုပ်တို့​ဘုရားသခင်​သည် သင်တို့​ကို ခေါ်တော်မူခြင်း​နှင့် ထိုက်တန်သူများ​ဖြစ်စေတော်မူ​ရန် သင်တို့​အတွက် ကျွန်ုပ်တို့​အစဉ် ဆုတောင်းကြ၏။ သင်တို့​သည် ကိုယ်တော်​၏ တန်ခိုးတော်​ကြောင့် ကောင်းမှု​ပြုလိုသော​ဆန္ဒ​နှင့် ယုံကြည်ခြင်း​က လှုံ့ဆော်သော​အမှု​ကို ပြီးမြောက်​စေတော်မူ​ရန် ကျွန်ုပ်တို့​ဆုတောင်း၏။

၂ သက် 2:16

ကျွန်ုပ်တို့​ကို ချစ်​၍ ကျေးဇူးတော်​ဖြင့် ထာဝရ​နှစ်သိမ့်ခြင်း​နှင့် ခိုင်မြဲသော​မျှော်လင့်ခြင်းတို့​ကို ပေးသနားတော်မူသော ကျွန်ုပ်တို့ အဖ​ဘုရားသခင်​နှင့် ကျွန်ုပ်တို့ သခင်​ယေရှု​ခရစ်တော်​ကိုယ်တိုင်​သည်

၁ တိ 6:12

ယုံကြည်ခြင်း​ဆိုင်ရာ တိုက်ပွဲကောင်း​ကို တိုက်​၍ ထာဝရ​အသက်​ကို အရ​ယူလော့။ ထာဝရ​အသက် ရ​ရန် ဘုရားသခင်​သည် သင့်​ကို ခေါ်တော်မူပြီး သင်​သည်လည်း ခရစ်တော်​ကို ယုံကြည်ကြောင်း သက်သေ​များစွာ​ရှေ့တွင် ကောင်းစွာ ဝန်ခံခဲ့၏။

တိ​တု 2:13

တစ်ချိန်တည်း​မှာပင် ကျွန်ုပ်တို့​သည် ကြီးမြတ်သည့်​ဘုရားသခင်​ဖြစ်တော်မူသော ကယ်တင်ရှင် ယေရှု​ခရစ်တော် ဘုန်းအသရေ​နှင့် ကြွလာမည့် မင်္ဂလာ​ရက်မြတ်​ကို စောင့်မျှော်နေကြ၏။

တိ​တု 3:7

ဤသည်​မှာ ကျွန်ုပ်တို့​သည် ကျေးဇူးတော်​ကြောင့် ဖြောင့်မတ်သည်​ဟု သတ်မှတ်ခံရ​သဖြင့် ကျွန်ုပ်တို့ မျှော်လင့်သည့် ထာဝရ​အသက်​ကို အမွေခံ​နိုင်ရန်​ဖြစ်၏။

ဟေ​ဗြဲ 10:32

သင်တို့​သည် အလင်း​သို့ ရောက်​ပြီးနောက် ပြင်းထန်သော​ဆင်းရဲဒုက္ခများ​ကို ခံစားခဲ့ကြရ​သော်လည်း ကြံကြံ့ခံခဲ့သည့် ယခင်​နေ့ရက်များ​ကို သတိရကြလော့။

ဟေ​ဗြဲ 6:4

ဘုရားသခင်​ကို စွန့်သွားသော​သူတို့​အား တစ်ဖန် နောင်တရ​စေရန် မည်သို့​ဖြစ်နိုင်တော့​မည်နည်း။ တစ်ချိန်​က ထို​သူတို့​သည် ဘုရားသခင်​၏ ဉာဏ်အလင်း​ကို ရ​၍ ကောင်းကင်ဘုံ​မှ ကျေးဇူးတော်​ကို မြည်းစမ်း​ကာ သန့်ရှင်းသော​ဝိညာဉ်တော်​၏​ကောင်းချီး​ကို ခံစားရသည့်​သူများ​ဖြစ်ခဲ့ကြ၏။

၁ ပေ 1:3

ကျွန်ုပ်တို့ သခင်​ယေရှု​ခရစ်တော်​၏​ခမည်းတော်​ဘုရားသခင်​ကို ချီးမွမ်းကြလော့။ ဘုရားသခင်​သည် မိမိ​၏​ကြီးမြတ်သော​ကရုဏာတော်​ကြောင့် သခင်​ယေရှု​ခရစ်တော်​ကို သေခြင်း​မှ ရှင်ပြန်​ထမြောက်စေတော်မူခြင်း​အားဖြင့် ကျွန်ုပ်တို့​ကို အသစ်​တစ်ဖန်​မွေးဖွား​စေပြီး ခိုင်မြဲသော​မျှော်လင့်ချက်​ရှိစေတော်မူ၏။

၁ ပေ 3:9

အဆိုး​ကို အဆိုး​ဖြင့်​လည်းကောင်း၊ ကဲ့ရဲ့ခြင်း​ကို ကဲ့ရဲ့ခြင်း​ဖြင့်​လည်းကောင်း မတုံ့ပြန်ကြနှင့်။ ကောင်းချီး​ကို​သာ ပေးကြလော့။ သင်တို့​သည် ဤသို့​ပြု​ရန် ရွေးကောက်တော်မူခြင်း​ခံရ၏။ သို့ပြုလျှင် သင်တို့​သည် ကောင်းချီး​မင်္ဂလာ​ကို ခံစားရ​လိမ့်မည်။

၁ ပေ 5:10

သို့သော် ဘုရားသခင်​သည် သင်တို့​ကို ခရစ်တော်​နှင့် တပေါင်းတစည်းတည်း​ဖြစ်​စေလျက် မိမိ​၏​ထာဝရ​တည်သော​ဘုန်းအသရေတော်​ကို မျှဝေ​ခံစား​စေရန် ရွေးကောက်တော်မူ၏။ ထို​ကျေးဇူးတော်​အပေါင်း​၏​အရှင် ဘုရားသခင်​ကိုယ်တော်တိုင်​သည် ခဏတာ ဆင်းရဲဒုက္ခ​ခံပြီးသော သင်တို့​အား ပြီးပြည့်စုံစေ​၍ ကြံ့ကြံ့ခိုင် ရပ်တည်​မြဲမြံစေတော်မူ​လိမ့်မည်။